مشاكل الزواج الثاني

زوجتي تطلب الطلاق بسب زواجي الثاني

متزوج منذو  12سنة واحب زوجتي وبناتي الثلاث وابني الصغير . مستاجر واسافر الى احدى الدول وكل سنة انزل بأجازة مرتين مرة انزل شهرا ومرة انزل 15 يوم حاولت تأمين بيت لنا فأخذت قرضا من صاحب الشركة لايكفي لشراء البيت وبدأت اسددهذا القرض .تعرفت الى فتاة صالحة وتزوجتها لسبين انها خلوقة واهلها اصحاب دين وثانيا أنها تعمل معي وقد بادرت بمساعدتي على شراء البيت وتكوين مستقبل جديد لنا مع عدم إهمال عائلتي لإي سبب كان ولكن زوجتي السابقة رفضت الموضوع بكل اشكاله وخيرتني إما هي أو الزوجة الثانية وطلبت الطلاق دون أي إعتبار للاولاد ولاتريدهم طلبت أن تكون حرة وكلما ذكرتها بدينها وأحاديث رسول الله صلى الله عليه وسلم بأن طلبها للطلاق حرام كانت ترفض الكلام ولاتسمعه أبعث إليها شهريا مبلغ يمكن ان تعيش فيه أحسن العائلات..قلت لها أنني عند شراءالبيت سوف أسجل نصف البيت بأسمها وأن أبقي لها على راتبها الشهري وان انزل كل ثلاثة أشهر إليها اسبوع مع انه قد يضر بعملي وإدخاري أنا وزوجتي الثانية من اجل تحسين أحوالنا وشراء البيت ….رفضت كل هذه العروض وبقيت على طلبها بالطلاق. ارجع وأقول اني احبها جدا ولاأنوي طلاقها رغم الرسئل التي توجهها إلي عبر الهاتف فيها إهانة وعدم إحترام .مأخرا طلبت مني النزول نهائيا الى بلدي وترجيع القرض الى صاحبه .وكيف ذلك وانا منذو 4سنوات اتعب بالغربة لاجل تأمين بيت لعائلتي .تريد مني ان ارجع الى الصفر.رغم عدم وجود عمل مناسب لي ببلدي .عمري 41 سنة هل أرتكبت خطأ في زواجي .مع أنني اعتبر ماقمت به هو شرع الله وسنة نبيه صلى الله عليه وسلم مع عدم تقصيري بحق عائلتي أبد

مشاكل وحلول ذات صلة

اضيف بتاريخ: Saturday, April 30th, 2011 في 00:12

كلمات مشاكل وحلول: , , , , ,

41 رد to “زوجتي تطلب الطلاق بسب زواجي الثاني”

  1. ابوالبتول
    13/10/2018 at 23:29

    لوانت راجل وعندك ذرة من الرجولة والكرامة طلقها طالما انها رافضة العيش معك ولاتريد البقاء معك والاولاد دول اولادك مسوولين منك اعطهم حقهم من النفقة والمصاريف فان كانوا صغار فيبقوا مع امهم فهي احق بالحضانة منك وان كانوا كبار فيذهبوا للعيش معك ومثلما عشت حياتك دعها تعيش حياتها وانت ظلمتها كثيرا وجرحت كرامتها ومشاعرها

  2. نور
    30/11/2017 at 08:17

    في النهاية ماذا حدث معك هلء طلقت زوجتك الأولى أن الثانية ؟

  3. ناصحة
    26/06/2016 at 05:21

    رغم ان الحادثة ليها مايقاربة5سنين بس حسيت اني لازم االك الكلمتين دول …اذا مازالت مرتك على دمتك فقلبي معاها وربي يصبرها ويقدرها واذا طلقتها فاتمنى من قلبي انها تكون لقات واحد يستهلها احسن منك …ثانيا واظن انه المهم انا ست واقولك كل مايشرعه الله ليس فيه الا خير حتى في ولما شرع التعدد اقرنه بالعدل واقرنه بحاجة ثانية الناس دايمة تتجالها رغم انهم محططين قدام بعضهم في السورة اذا لم تعدل فواحدة تكفي ..وانت لما عم تحكي ظروفك لينا ينفع اقلك انك ياخي ظالم..موانا الي قلت بل انت بنفسك اقلتها وانا اعطيتك من الشرع مايدل على ذلك ..فين العدل وحدة تبقى عندها شهر والاخرى احدى عشر شهر ….يعني مفكرتس انك بتظلمها…ولو تفول الظروف كذا انا اقلك الاية واضحة …تحت اي ظرفالراجل لازم يعدل بين زوجاته وان لم يفعل فليكتفي بواحدة اتحداك لو سالت جميع الائمة على وجه الارض لقالوا لك ذلك…ثالث حاجة ..رغم انها بعيدة شوي بس كنت حسه اني لازم اقلها انا لو في الغربة وعرض علي واحد اتجوزو وعارفة اني عندو زوجته واولاده بييتنوه في بلدهم ..حتى لوكنت احببته…انشاالله حتى مطلقة او معنسة …والله الذي روحي بيده مش ممكن اتجوزوا ابدا اولا عشان ما اظلمهمش هم ومااظلمش نفسي ثانيا لااستطيع تخيل ان انجب اطفاله يتربون بجانبه وانا عارفه انه له اطفال اخرين محرومين منه ذا ذنب مقدرش اتحمله والله كبير اوي حتى بمجرد التفكير بيهم…..واخيرا ايها الرجال اتقوا الله في زوجاتكم فوالله الشئ الذي لاترضونه لبناتكم واخواتكم ..لايرضيه الله ان تفعله في زوجتك….انا محسبتكش ولاعتبتك بس حقلك انو في الله وهو يمهل ولايهمل

  4. سامي
    23/09/2014 at 09:00

    بسمِ اللهِ الرَّحمنِ الرَّحيم

    قال تعالى: (وَعَسَى أَنْ تَكْرَهُوا شَيْئَاً وَهُوَ خَيْرٌ لَكُمْ وَعَسَى أَنْ تُحِبُّوا شَيْئَاً وَهُوَ شَرٌّ لَكُمْ وَاللهُ يَعْلَمُ وَأَنْتُمْ لَا تَعْلَمُونَ)
    ما أجملَ أنْ تضع هذه الآية نصب عينيك عندما تواجه أمراً تكرهه، فأنتَ لا تدري أين الخير هل هو فيما تحب أو فيما تكره، فلا تنظر إلى ظاهر الأمور وتغفل عمَّا تنطوي عليه من الحِكَم والفوائد.

  5. سامي
    23/09/2014 at 08:48

    مع احترامي للجميع انتم تحرمون وتحللون الا تعلمون الحلال والحرام لله عز وجل وهو يعلم وانتم لا تعلمون

  6. ابواميرة
    15/12/2013 at 16:07

    يااخي الله تعالى ماشرع الزواج اعتباطااولاشباع الشهوات والغرايز انمالمافيه من المودةوالتراحم والتالف اتقي الله في نفسك وفي زوجتك الاولى واولادك هل هذاجزاوهامنك طوال هالمدةوالاغتراب تخبرهاانك تزوجت عليها لكي تسددالقروض المالية التي عليك ماذنب الزوجةوالاولاد تربي لك اولادك وتراعيهم وتحفظ بيتك وشرفك واسمك وتاتي لتكافيها بهذالخبر وتريدمنهاان ترضى اتقي الله واسمح لي اقولك انك رجل اناني ماتحب الانفسك واشباع شهواتك الجنسية ولاهمك من زوجتك وام اولادك وربك منتقم جبار لايخفى عليه شئيا لافي الارض ولافي السماءقادر ان يقتص منك ان عاجلا اواجلا واترك شرع الله عنك بعيدا فانت جاهل ولاتعرف شي في الدين ابدا خلي الدين لاهله الذين يعرفونه حق المعرفة ويعملون به ولاكثرالله من امثالك من الرجال ولابارك فيك ولافي زوجتك الثانية اللي اشترتك باموالهاوسعت لتفريق بينك وبين زوجتك واولادك وهي مثل الشيطان وعمله معك معك ثم توردك الى جهنم وبئس المصير خليهاتنفعك بجاههاواموالها اللي الله اعلم من اين جاءت بها وهالزوجةالمكلوبة هي واولادهالهم رب كريم رحيم ارحم بهم من اشكالك النتنة ولابيضعهم ابدا من توكل الله كفاه والله بيفرج عنهم وبيعوضهم خيرامنك وانت حسابك عندالله يوم لاينفع فيه مال ولابنون الامن اتى الله بقلب سليم

  7. ليت حزني مجرد دمعة وابكيه
    01/02/2013 at 21:47

    شوف اخي لو انت تحب زوجتم من صدك مجان تزوج عليها ابدا لان الله واحد وقلب واحد وزوجة وحدة انت شلون تحب زوجتك الاولى وتحب زوجتك الثانية هذا كَلب لو كراج سيارات اعذرني يعني على هل حجي

  8. استغفرك ربي
    23/06/2012 at 10:53

    أخي اتقي الله من حقك الزواج الثاني ومن حقها الاختيار هذا هو شرعنا وللزواج الثاني شروط اولهما العدل يعني الزوجة الاولى شهر ونصف والثانية باقي السنه واخد قرض والثانية هتشاركك في تسديده والاولي هى اللي بتاخد الفلوس عالجاهز هذا هو ردك اتقي الله هي بالنسبة لك خادمة ترعى اولادك كان من الاولى ان تاخذها هي واولادك معك هي صانتك وعفت نفسهامين قالك انها لم ترى اغراءات من الرجال هي الاخرى لكنها اتقت وخافت الله واللي بيقولوا حقه الزواج اتقوا الله ربنا قالفيما معناه ان خفتم الا تعدلوا فواحدة وقال فلن تعدلوا ولو حرصتم فلا تذروها كالمعلقة واظن ده ينطبق عليك

  9. رومي
    09/05/2012 at 06:31

    خذ مراتك الاولي معاك في السفر اشمعني الثانية عايشة سعيدة معاك لانها عرفة انها لوحدها معاك في الخارج و العدل بقي و الاولي ام عيالك معاك يا ناسي العشرة هي كده لوحدها مش محصنة ابدا ضد النزوات و الاغراءات خصوصا بعد ما عرفت انك اتجوزت و هي هتحس بالوحدة و انت في حضن الثانية المفروض كل واحدة يوم مش تقولها هنزل ليكي كل 3 شهور ده حرام عليك

  10. سوما
    28/01/2012 at 01:23

    حسبي الله الذي لا اله لا هو
    الله اني اعوذ بك من قهر الرجال

  11. مش مهم
    18/12/2011 at 05:03

    ليه الراجل اما بيتجوز تانى بياخد الدين حجه ماكل حاجه فى حياتنا ماشيه بشرع الله
    اشمعنى دى يعنى اللى بتمسكو فيها
    فين شرع الله ان واحده تبقى بعيد عن جوزها بينزلها فى السنه شهر ونص واكيد بتبقى مش ليها لوحدها
    بين اهلك واصحابك ومشاوريك ومخططاتك
    الست بتستحمل سفر جوزها وتصبر لعل وعسى يجى اليوم اللى يتجمعو فيه مع بعض
    يعنى بتصبر لوقت معين وبتقول اهو اللى ماشى عليا ماشى عليه
    انما تيجى فى الاخر تتجوز عليها ومراتك التانيه معاك ودى هنا؟
    طيب ليه مااخدتهاش عشان خاطر الاولاد اللى انت زعلان انها مش عامله حسابهم وهو انت كنت عملت حسابهم وانت عارف رد فعل مراتك كويس اوى؟
    اهى رفضت كل العروض الماديه على الرغم من اى واحده مكانها كانت قالت هقعد واخد حقى ماديا طالما معاه فلوس بقى وبيعرف يتجوز تانى
    ازيك عليك قرض عشان تعمل بيت العيله بتاعتك وتروح تتجوز هو الجواز دا مش محتاج مصاريف برده ولا ايه
    ليه بتيجو على حقوق الست وتدسه السم فى العسل وتقولو شرع الله
    شرع الله له ضوابط وضمان لحقوق كل من الزوجين
    وانا واثقه ان لو هديت ورضيت بعروضك الروعه انت شخصيا هتتغير بعد فتره
    واغلب الزوجات الثانيات بيتجوزو وهما عارفين ان الزوجه الاولى هتطلب الطلاق
    بس فى الاخير حرام عليك تطلق التانيه بدون ذنب
    وحرام واحده منهم تطلب طلاق التانيه
    مش انت الحكيم بقى والقوام؟ حل مشاكلك ولازم تتعب فيها زى ماتعبت جميع الاطراف
    ونصيحه منى لانى حسيت ان بيت العيله دا هيضم الزوجه التانيه كمان
    اياااااااااااااااااك تجمع بينهم فى بيت واحد والا هتكون فتحت على نفسك نار مش هتتقفل
    واتقى دعوه المظلوم اللى مافيش بينها وبينا حجاب

  12. الحسناء المغربية
    08/12/2011 at 01:17

    سلام عليكم انا شفت اغلبية الاراء ضد هدا الرجل هوا ماسوا حاجة حرام طبق شرع الله والحمد لله انو فكر في الزواج مو الفساد واللهو لو كان الفساد كانت العاقبة اكبر اخي الكريم صاحب المشكلة ماالومك ان تزوجت تاني بس انت قصرت في حق زوجتك لازم تكون عادل بينهم لازم زوجتك تراضيها علي الاقل خد اجازة واجلس معاها وحاول تقنعها بزواجك التاني شوي شوي راح تنحل المشكلة بس خلي العصبية في جنب تراها ماتحل الامور تعقدها اكتر والله يوفقك يارب

  13. صدمتني
    11/11/2011 at 20:43

    الصراااااحة انا مصدومة جدا من حضرتك طب انت فكرت بنفسك مفكرتش بمراتك اللي مستنياك تيجي ومعاك الخير ليها ولولادها لااااا تفكر بكده ليه فكر بنفسك وحتستفيد ازاي ايه البشر دي طيب مافكرتش بعيالك ليه والحلوين اللي بيقولو مالووووو هووو ماغضبش ربنا امبلى غضب ربنا لان اتجوز وحده تانيه وماعدلش واللي تقول مالو وزنب مراتو الجديدة ايه زنبها انها جوزت واحد واهي عارفه انو متجوز انا وحده بابا تجوز على ماما ومريييييييييت بحاله مايعلمش فيها الا ربنا انتو بتفكرو بنفسكو وخلاص يتحرق البيت على اللي فيه انا بنصحك رجع مراتك باي شكل واحمد ربك اذا رضت بيك انا شخصيا ماتكلمتش مع بابا الا لما طلق التانية خطاااافة الرجاااااله اهي كانت عارفة انو مجوز فزنبها على جنبها بئه واللي تقووول ليه يعني اهو كان عمل ايه يارب يتجوز عليك جوزك وتشوفي بعينك عمل ايه صحيح اللي قال اللي ايدو بنار مش نفس اللي ايدو بالميه

  14. مقهورة من انانية ارجال
    06/10/2011 at 01:10

    ايش الانانية اللي فيك هاذي يا اخي ايش حب الذات والشهوة دي
    انت مستغرب انها تعصب ؟؟؟
    معقولة تسال هي ليه موقفها زي كدة وتبغى الناس توقف في صفك بحجة انك بترسلها فلوس
    يا اخي ارسال الفلوس هذا واجبك تجاهها سواءا بزوجة ثانية او بدون
    هاذي فلوس لبيتك ولتربية اولادك انت ايش تقول وعن اي ماديات تتكلم
    مغقول في احد يقول انا بجيها في ثلاث شهور اسبوع ومستخصرها في مصاريفك وتوفيرك مع زوجتك الثانية كمان
    والله ماقوى قلبك يا شيخ
    انت تنام في العسل مع وحدة طول السنة (بسلامتها الزوجة الثانية ما اعيب فيها بل العيب منك )
    وزوجتك تنحرق وتولع عادي
    انت بس تروح الشغل وتيجي تاكل وعايش حياتك العملية والاجتماعية والجنسية ومبسوط وهي تربي تشيل تتعب وبعد كل هذا تقول بكرة تنطفي نار الغيرة وتتعود على الوضع انت من جدك مستني انها تتعود
    لا وكمان بتذكرها باحاديث الرسول وبكلام ربنا هل انت مطبق شرع الله وحديث الرسول هل انت عادل هل انت منصف عشان تذكرها بكلام الله
    انت عذرك اقبح من الذنب
    خاف الله ترا انت ظالم وزوجتك ما تستاهل منك اللي انت قاعد تسويه فيها
    دي بنت ناس وربي لو وحدة ما تخاف الله ما كان استنت حضرتك لين تطلقها كان رفعت عليك قضية وخلعتك غصب عنك
    انا راح ادعي للست دي ان ربنا يعوضها باحسن منك وك الله يقرأ تعليقي يقول امين
    يا رب عوضها عن صبرها وتحملها وعن ظلم هذا الظالم بأحسن منه يا رب امين

  15. فلان
    11/09/2011 at 23:39

    شوف يا أخي العزيز، أنا مثلك رجل وزوج من 15 عاما، وكان لي 4 أطفال وزوجتي غير مصرية سافرنا لبلدها مع أولادنا وكانت سفرية صيف لقضاء وقت مع أهلها وهناك حدثت مشكلة بيننا ورجعت على أن تعود هي والأولاد في موعدها فلم تعد.. اترجيتها كلمتها كلمت طوب الأرض هناك لم تعد وحجزت الأولاد معها 6 أشهر وضيعت عليهم الدراسة الفصل الدراسي الأول في بلدهم ورسبوا ومنهم من كان في شهادة.. المهم ذهبت للحج وكانت هي حامل في منتصف الحمل.. أرسلت لها أخي الكبير ولم تحضر معه أو ترسل الأبناء على الأقل الكبار لدراستهم، رفضت وركبت راسها وألف سيف لازم تجلس هناك ما تشاء وترجع أو لا ترجع بكيفها.. ذكرتها بكل غال ورخيص أبدا.. عاد أخي بدون أي أحد من بلدها العربي.. وبعدها بشهر ذهبت إليها وصالحت الجميع ونبدأ صفحة جديدة ولكن لم ترض أن تأتي رغم أن الخلاف كان مجرد احتداد في الرأي وأخطأت في حقي فتعنفت عليها وضربتها لكن مش ضرب مبرح فقط لإشعارها بجرمها معي، المهم أحضرت معي أولادي الكبار وتركت الصغيرة على أمل أن تفوق لنفسها بعد رجوعنا وتشتاق للأولاد فلم تتنازل أبدا وأصرت على استكمال عام قضيت نصفه وحيدا بدون زوجة وأولاد ونصفه الآخر بأولاد وبدون زوجة أيضا وقمت خلاله بكل مسئولياتي تجاهها وتجاه أولادي واستطاعوا بحمد الله أن يجتازوا العام الدراسي ووضعت زوجتي طفل خامس في بلدها.. لكن حدث شرخ كبير بيني وبينها فلقد صدمت فيها جدا وأثر في جدا إهانتها لي أمام اهلها ودعائها علي أمام أبنائي ورغبتها في فرض رأيها بالبقاء عند أهلها وعودتها بدون إذني. عندها اتخذت القرار بأن أتزوج عليها وبحثت فعليا عن زوجة ثانية ووجدت زوجة أحسبها على خير وتزوجتها.. بعد مضي عام كامل على سفر زوجتي وبعد أيام قليلة من زواجي قررت زوجتي الأولى أن تعود ولم تكن تعرف أنني تزوجت فإبلاغها وهي في بلدها كان كفيلا بعدم عودتها وأيضا حرماني من طفلين. لم أمانع رجوعها وساعدتها على الرجوع وقمت بواجبي نحوها كأن لم يحدث شيئا ولكن صارحتها منذ اليوم الأول بأني تزوجت عليها نظرا لتقصيرها في حقي وحق أولادنا وغيابها عنا هذه الفترة الطويلة بدون سبب يستحق كل ذلك إلا رغبتها في البقاء هناك مدة طويلة وكسر إرادتي وهز صورتي أمام أقاربي وإخوتي. ومن يومها والمركب تكاد تغرق من شدة الهيجان والعصبية والنرفزة من زوجتي الأولى، اتبعت كل السبل وذكرتها بأنني لم ولن أفرط فيها برغم ما حدث وأنها عندي كذا وكذا ولم أفكر مطلقا بالزواج من غيرها إلا لحاجتي لزوجة وأم لأولادي وهي مقصرة. قالت بأنه كان ينبغي أن أتحمل وأتذكر العشرة والمعروف والأولاد، قلت كل دا فوق راسي ولكن أن بشر وأرفض التنكيل بي وبكرامتي من زوجتي وعليه سأسامح فيما هو لي من حق لديها ولكن لن أستطيع أن أطلف الزوجة الثانية فلقد أصبحت أما لطفل هي الأخرى. مرت الشهور وزوجتي الأولى حملت سادسا وهو أمر غير متوقع لكن حدث بإرادة الله وجاء طفل جميل والحمد لله. راعيت زوجتي وأولادي حق الرعاية ولم أقصر مطلقا في حقوقهم وما تزال زوجتي أم الستة أولاد لا تريد أن تستهدي بالله وتعيش وتربي الأولاد وتسعد معهم ومعي فما زلت وأحبها وهي تحبني ولكن فكرة الزواج بثانية مطيرة النوم من عينها، والغيرة قاتلة. لعل مشكلتي تكون لك مفتاحا أو مغلاقا الله أعلم لكن وددت أن أشاركك الهم فاستبشر هناك من هو مبتلى أكثر منك. والحمد لله من قبل ومن بعد.

  16. صابر مع الايام
    04/09/2011 at 00:14

    انت لم تفعل شيء حرمه الله وهذا هو المهم وزوجتك الاولى آثمة على هجرك لأنك أولا في بلاد غربة وتخاف على نفسك من الوقوع في الحرام ثانيا وهو الاهم ان الرسول صلى الله عليه وسلم هو قدوتنا في كل شيء وهذه سنته ومن رغب عن سنته فليس منه والذي يريد ان يتكلم يجب هعليه ان يتقي الله ويصلح ذات البين بين الرجل وبين زوجته الاولى لأنه يحبها ويحب اولاده … والله يقول الحق وهو يهدي السبيل

  17. دندن
    01/09/2011 at 11:32

    صاحبة الرد ما اتعس الانانية

    ربنا يسعدك على هذا الرد الرائع عجبتيني والله

    اختك دندنة من الرياض

  18. دندن
    01/09/2011 at 11:21

    أنت مخلوق أناني طماع وفوق ذلك مستهتر !

    لديك أولاد وزوجة تحبها تتزوج ثاني ليه ؟ عشان لقيت وحدة خلوقة قررت تتزوجها على زوجتك

    ؟ فعلا عذر أقبح ذنب !أنت تتتحجج بشراء بيت في الوقت الذي خربت فيه بيتك ودمرت عائلتك زوجتك أهون عليها تبيت جائعة في العراء من أن تتزوج عليها بدون ذنب أرتكبته هي !

    هذه هي مكافأتك لها على تحملها مسؤولية الأولاد لوحدها ؟ هذه هي مكافأتك لها لتركها وحيدة تواجه الحياة بلا سند ؟ بينما أنت تبحث عن ملذاتك وإرضاء مزاجك !على حساب الجميع !

    حرام عليك أعذارك واهية وغير مقنعة وأنت مجرد رجل ترك عقله رهينة شهواته ونزواته ومزاجه .

    حسبي الله ونعم الوكيل على كل مستهتر .

  19. نورا علي
    08/08/2011 at 07:45

    الزواج الثاني شرعا حلال وموجود بالقرآن والنبي متزوج من تسع نساء فهل هذا يعني ان احدى نسائه كان بيها عيب معين (وحاشى لله) بالتاكيد لا…هو حق منحه الله للرجل ولم يمنحه للمرأة حفاظا على نقاء النسب والذرية ..فلماذا لان اصبح الزواج الثاني مشكله وأهانه لاتتغتفر ودائما الزوجه الثانية هي المرأة الشريرة التي تخطف الرجل من عياله وتهدم بيته ودمر زواجه هذه الفكرة منتشرة في كل الافلام والمسلسلات والبرامج التلفزيونية وحتى مواقع النت لماذا نحرم حلال الله ونحارب النساء المتزوجات زواج ثاني بسبب ظروفهن اليس الزواج الثاني أفضل من الفساد والانحراف المنتشر حاليا بالشارع العربي…أتقوا الله يابنات حواء ممكن وحده منكن تكون أرملة او مطلقة وبعدها راح تحس بأنها بحاجه الى رجل يحافظ عليها حتى لو كان متزوج…….مع التقدير

  20. ام محمد
    31/07/2011 at 23:51

    اول شى انا زوجه اولى0 عندما قرأت رسالتك حسبتك زوجي ولكن الحمد لله انك لست هوعلى الرغم من تشابهكم في البشاعه والانانيه وعدم تحمل المسؤليه الله لاييريحك ولايسامحك انت واياه

  21. الحب الاهم
    13/07/2011 at 20:11

    انت مستغرب انها عايزه تطلق منك انت انسان انانى مش بتحب غير نفسك ومصلحتك انت متجوز واحده تانيه وبتكون معاها ليل نهار وبتقول لزوجتك هجيلك اسبوع مش عرفه كل ادايه واتجوزت عشان خاطر مصلحتك من التانيه لمجرد انها ساعدتك وميراتك الاولى ما عاشتش معاك اصعب واكحل ايام حياتك ياسبحان الله فين العدل الى هو اساس الزواج باكترمن واحده فان خفتم الا تعدلوا فواحده وانت مش عادل انت مش عادل منك لله وكفايه ان الى مش بيعدل بين زوجاته جاء يوم القيامه يجر احد شقيه ساقطامنك لله وحسبى الله ونعم الوكيل فى كل بنى ادم ميفكرش فى زوجته ويروح يتجوز من غير عذر قهرى هو انت مسافر عشان طامن مستقبل عيالك ولا عشان نفسك وكل الى بيقول انه من حقه انه يتجوز طب هى حقها فيه فين واعرفو ان كل كلمه بتتحسبوا عليها

  22. warda
    12/07/2011 at 08:21

    انا عاوزة اعرف البنات ال بتقول عادى يتجوز والكلام دة اة هو فى الدين بتاعنا ربنا محللو بس انسانيا صعب انتى او هيا ترضوها على نفسكو ان جوزك يتجوز عليكى بتكلمو عادى وسورى بكل برود اومال الرجالة تقول اية بئة انت يااستاذى الفاضل مش غلطت دة حقك ال ربنا داهولك بس متهيألى انو حقها انها تعرف من الاول ولما عرفت حقها برضو انها تقبل او مش تقبل الدين بيقول كدة بردو لو مش قابلة انها تعيش مع نص راجل وكمان هو عايش فى الغربة مع مراتو التانية علطول وبينزلها كل كام شهر اسبوع فين العدل فى كدة ولا هوالعدل فى الفلوس والبيت بس ربنا يصبرها يارب ويارب متحط اى زوجة فى الموقف دة

  23. احمد مرزوق من وردان ام البلاد
    08/06/2011 at 13:33

    يااخى انت عندك حق الزواج من واحده واثنين واربعه فيما ان تحكم بينهم بالعدل بس اعزر مراتك الاولى لانها عاشت محرومه منك وحافظت عليك علشان كده هيه مش عيزاك تتزوج عليها بس بعد كده هتتعود وخلاص بصراحه انت محظوظ انك لقيت واحده ترضى بيك وانت متزوج بس احكم بينهم بالعدل والله ولى التوفيق

  24. زهرة المصرية
    14/05/2011 at 21:58

    ياجماعة لية متحاملين على الراجل كدة هو باقى عليها وشاريهااتغرب علشانها وعلشان اولادة كفاية احساس الغربة احساس صعب مش عيب ابدا انة اتجوز طالما بيعدل بينهم وبعدين شغلة يمنعة ان يكون معاها اطول فترة علشان يوفر حياة كريمة ليها ولاولادة وبعدين كدة او كدة هو فى غربة متجوز تانى واو مش متجوز يعنى فى الحالتين هو بعيد عنها بلاش نتحامل علية كدة والزوجة التانية ملهاش اى ذنب هى انسانة وعاوزة تعيش اتحملت ظروفة كزوج وعندة اولاد وبتحاول تخفف عنة اعباءة وهاتساعدة فى بناء بيت الزوجية ماطلبتش منة انة يطلق الاولى زى هى ماعملت ربنا يعينة ماحدش بيحس بحد الا الى مر بنفس الظروف

  25. جامد
    14/05/2011 at 19:37

    ردا على رسالة مستغربة منكم يا سيدتي الفاضلة الموضوع مش اعتراض على الزواج ولا حقة اللي حضرتك بتتكلمه عنه الموضوع انه كدا خدع زوجته الاولى ومااعطاها حقها في القبول او الرفض انه يتزوج عليها تقدري حضرتك تقوليلي فين حق الزوجة الاولى اللي استحملت معاه ظروفه الماديه والغربه وتربيه الاولاد وعشرة السنين مش ده حقها بردوا ولا حضرتك مش واخده بالك ومن حقه اه يتزوج ويفكر في مزاجه وهي مش مهم تتحرق غيره وبعد عنه وعن حقها الشرعي وهو عايش ومتهني
    دا راي حضرتك اظاهر كدا ان حضرتك زوجة تانية لانك بدافعي جامد اوي لو حضرتك زوجة اولى اتمنى من الله ان زوجك يتجوز عليكي علشان تحسي احساس الزوجة الاولى وبعدين تبقي تدافعي عن زوجك وتقوليله حقك بس بعد مايتجوز ومايخدش رايك وتتفاجئي

  26. ميما
    12/05/2011 at 19:00

    اخى انت طبعا ليك مطلق مطلق الحرية انك تعمل اللى انت عايزة تتجوز ماتتجوزش انت حر بس عايزة اقولك انها كمان حقها ترف كده تعالى نقلب الاية وبليز تكون حيادى …… افترض معايا ان ديننا الاسلامى كان محلل للمراة انها تتجوز اكثر من شخص فى نفس الوقت لو يعنى ها
    كنت انت هتقبل على نفسك انها تتجوز عليك كنت هتقبل انك بدل ماتاخد 80% من قلبها تنزل نسبتك ل 40% مثلا اظنك فاهمنى ؟؟؟؟؟؟ انت متقدرش تتصور الجواز تانى صعب على الانثى ازاى كانك بالظبط بتقولها انتى مش مالية عينى وماتستحقيش انى ابقى ليك لوحدك يعنى ممكن تقتلها او تشتمها لكن ماتتجوزش عليها …… اسفة على الاطالة ده رايى وانت حر

  27. سندريلا
    10/05/2011 at 12:38

    السلام عليكم انت اتصرفت بمتهي انانيه طبعا اكيد انت عايش لوحدك فيالغربه فاتجوزت عشان حد يونسك بس انت فكرت ان الفلوس اللي بتبعتها لزوجتك الاولي هو ده التعويض وكمان انت بتبعت الفلوس دي عشان اولادك واشتريت بيت عشان اولادك دون التظر لمشاعر اللي تعبانه ومضحيه بكل حاجه عشان الولاد انت لو كنت شاريها اثبت باه سيب الغربه بالي فيها وارجعلها او خدها معاك او سيبها وطلقها وانت حندم اشد الندم وربنا يسامحك

  28. مستغربة منكم
    10/05/2011 at 01:41

    والله مستغربة من ردكم علية وهو عمل اية مخالف للشرع يعنى هو الراجل لو اتجوز تانى فى الزمن دة جريمة يعنى مع انة دة حقة الشرعى دا الرسول عملها ياجماعة وسيدنا عمر فى اية اتقوا الله

  29. سمية
    06/05/2011 at 23:10

    السلام عليكم
    اخي حكايتك ليست بحكاية غريبة او خاصة لكن احب اكون واضحة معكولا ضددك اعكس الحياة على زوجتك بوضوح ضع نفسك مكانها كيف بتحس وطالما انك تدري عن سيرة النبي صلى الله علية وسلم ما لاحضت ان سيرته العزيز فيها عدل بين النساء وبرايك زوجتك الاولى ما يخصها حاليا هو المال فقط اكيد غلطان مليون بالمائة الزوجة مشاعر ورغبتها انت دفنتها بالغربة ولا تقول منشان البيت والقرض لا ولا تقول احبها لان اللي يحب ما يجرح انت عزيزي تحب نفسك فقط الاولى للاولاد والثانية للحياة وهذه الصراحة ولكي تحس بالما ضع اختك مكانها واتصور ان اللي حصل لزوجتك حصل لاختك كنت بتسكت ولا بتثور لاختك يكفاك اخي واستغفر ربك اوافقك في الزواج فقط لو كانت زوجتك مقصرة في شيء ما اما لو لم تكن مقصرة فانت ظالم .

  30. ضربني وبكا سبقني واشتكا
    06/05/2011 at 11:13

    طلقها لأنو مالك حق تقعد معاها ولا ثانيه لأنك خنتها وهي حفظت بيتك وعيالك في سفرك لاكن الشر مو عليك الشر على الي ادتك ثقتها واحترامها وربت عيالك وكمان ماتبغا تطلقها وربي ماعندك نخوه والفتاه الصالحه الي انت بتقول عليها رضيت تتزوج وهيا عارفه انك متزوج وماقلت لزوجتك فين الصلاح ياخويا وحسبي الله ونعم الوكيل فيك وفي الفتاه الصالحه

  31. nana
    06/05/2011 at 01:10

    خافو الله اخوتي الر جال ماسوا شي يغضب الله مارس حقه الشرعي وماقصر بالاول
    انا زوجة اولى بس ماحبيت اشوف ردود تخالف شرع ربنا الي الان الرجال مو مقصر مع زوجته
    الاولى ليش الهجوم عليه اتقوا الله في اللي تقولوه

  32. hosam
    04/05/2011 at 02:13

    والله من حقها لانك تركتها وسافرت كان ممكن تتجاوب معاك وانتقاما منك كانت تخونك مع واحد تانى بس عشان هي انسانة شريفة وبتحبك بجد ده كان رد فعلها انها كرهتك بجد لانك فضلت انسانة تانية عليها بحجة انه زواج على سنة الله ورسوله و النسوان زى الفريك ماتحبش شريك

  33. Mno
    02/05/2011 at 21:25

    انت بتستغرب لزعلها؟
    واحده ست شايله البيت من كل حاجه طبيخ وتعليم وتربية اولاد ومحافظه على شرفك
    انت كل اللي بتعمله انك تروح الشغل و تروح تاكل (بتتعب اوي)
    للاسف انت محافظتش على مشاعرها زي ما هي حافظت عليك وعلى بيتك وولادك ومشاعرك
    انت مقدرتش الانسانه اللي معاك ولا في حبك ليها ولا مشاعرها
    يبقى تتركها وربنا يعوضها عن اللي عملته فيها بزوج يحافظ على مشاعرها وكرامتها

  34. ما اتعس الانانيه
    02/05/2011 at 15:54

    والله عجز الكلام على لسانى ولا اعرف بماذا ارد على حضرتك بقى بتنزل لها مرتين بالسنه والله كتر الف خيرك وكمان عاوز تضحى وتنزل مره كل ثلاث شهور اسببببببببببببوع بحاله ايه الرضا ده مفكرتش فين حقوق الانسانه دى هل هيه مش محتاجه زيك ولها رغبات منتهى الانانيه هيه تضحى وتربى اولادك وسيادتك تجوز عليها وتحسب كمان مصاريف نزولك ومصاريف زوجتك التانيه والله عال ما اتعس الانانيه اللى موجوده بداخلك صدقنى لو الشرع اعطى الزوجه الحق فى زواج تانى كان اولى لها انها هيه اللى تتركك لانك انسان طماع اهم حاجه مصلحتك مش عارفه اقولك ايه مهما عملت مش هتقدر تكفر عن غلطتك اللى مش حاسس بيها صحيح الشرع اعطاك رخصه فى الزواج بالثانيه وده حقك لكن تقدر تقولى ازاى هتعدل بينهم اذا كان واحده معاك طول السنه واللى متحمله سايبها لوحدها شايله الهم وبتحسب لها انك بتعطيها وبتكرمها واضح انك انسان بيحسبها بالقرش والمليم مش مهم عنده حاجه غير مصلحته انا معرفش لقيت اتنين يحبوك على ايه

  35. mero
    01/05/2011 at 02:10

    عارف ليه اتعصبت واترفزت ودمها اتحرق عشان هى بتحبك ومستحمله اكتر بكتييييييييير ما انت مستحمل… مستحمله تعب انك بعيد عنها ومستحمله مسئوليه ولادكم المسئوليه دى مش سهله خااااالص انت بعيد عن كل ده وهى شايله كل ده … مع احترامى لحضرتك بس دى اناينه جامده منك جداااا اللى انت عملته فكرت فى نفسك وبس انتى شايف انك فى غربه ومحتاج لزوجتك عشان كده اتجوزت …. يعنى هى مكنتش محتاجه لزوجها انه يكون جنبهااكيد وتعبت كتير ولازم تبقى صادمه عشان ولادكم رغم كده استحملت وصانت شرفك وعرضك …. مش بعد كللللللل ده تجزيها انك تتجوز عليها وكمان عايزها انها تقبل لا حرااام اووووووى بجد وعلى قد زعلها وعضبها منك على قد حبها ليك حضرتك لو مكنتش تهمها ولا كانت زعلت اصلا لكن عشان انت تهما وانت اصلا اللى كانت بتسمد منك قوتها عشان ولدكم وانت بعيد بصراحه حضرتك غلطت وفكرت فى نفس وبس ومفكرتش فى نص التانى اللى استحملت المر عشانك انت وحضرتك مستحملتش الغربه عشانها وعشان اولادك متتطلبش منها تتضحى اكتر من كده حرام دى انسانه وليها مشاعر . مشاعر حفظتها ليك وانت اديت مشاعرك لانسانه تانيه انا اسفه لو ضيقتك باى كلمه بس بصراحه موقف حضرتك فى ظلم لزوجتك وللولادك لانها مقصرتش معاك فى حاجه وكل ما تفكر انها اتعصبت جامد افتكر لو كان ينفع الست تتجوز اربعه ورجعت لقتها متجوزها وتقولك عادى ده حقى وانت بعيد عنى افتكر حضرتك ساعتها هتعمل ايه ؟؟؟؟؟؟ على قد حبك ليها على قد هيكون غضبك فبلاش تولمها خااااالص

  36. aboyazed
    30/04/2011 at 22:51

    السلام عليكم
    اخي اول شي عليك بالدعاء والجو الي الله ان ييسر امرك ويرزق زوجتك الرضا
    ثم ان غلطتك انك لم تخبر زوجتك من اول الامر , وهو حق لك كما انت تعلم ذالك
    ثم ان عليك ان تتلتزم بكل شي وعدها به وان لاتلزم نفسك مالا تستطيعه في المستقبل, وعليك بالصبر عليها حتي تزول شده تاجج الغيره لديها . واوصيك ان تكون في تعامالك معها افضل من الاول . وافضل لك في هذي الفتره ان يكون تواصلك معها بالرسائل افضل من التحدث معها لانها الان تسمعك ولكن لن تستمع لك وتعاند وتكابر اما الرسائل فسوف تقرائها مره ومرتين وثلاث وسوف تقراء مابين السطور. ايضا عليك ان توسط من اهلها من تلتمس فيهم الخير ورجاحت العقل بان يبينو لها حكم طلب الطلاق من دون عذر شريع ثم اوصيك مره اخري بالدعاء والله يسهلك امرك

  37. الله يسامحك
    30/04/2011 at 22:35

    طبعا غريب اللي عملته يعني هي تستحمل غربتك وظروفك الماديه اللي اتغربت انت علشانها وانت تنسى ده كله وتفكر بنفسك وبس ايه الانانية دي ومطلوب منها انها تقبل
    على فكرة الرسول ص رفض ان علي يتزوج على فاطمة وقاله انا مقبلش ده على ابنتي
    وفي الاخر فهمتك مابين السطور انها مش عاوزة حاجة منك بس عاوزاك انت وترجعلها ومش عاوزة غربه وبرده بتلومها وازاي هي تقول كده بجد مع احترامي انت شخص اناني جدا وبجد مقدرتش عشرتك معها واولادك كمان فكرت بس في غريزتك وانانيتك طيب مانت بعيد عنها مطلوب منها انها تغط بصرها وتستحمل بعدك ليه انت كمان ماتتعملش بالمثل
    انا مش ضد الزواج التاني لكن انت وضعك مختلف تماما انت حاطط مصلحتك اهم من اي شخص اخر
    الحل بايدك انك تصلح اللي انت عملته ومش هيتفع تحتفظ بالاتنين لان مراتك الاولى مش هتعطيك الفرصة دي وانا بحييها لانك لازم تخسر علشان تحس اد ايه انت جرحتها وهانت عليك العشرة

  38. smsm
    30/04/2011 at 09:04

    اخى الكريم ان ما فعلته ليس حرام على الاطلاق فيحق لك مثنى وثلاث ورباع ولاكن اذا استطعت ان تعدل بينهم ولكنى امرأة واحس بزوجتك الاولى فهى تحبك وشديدة الغيرة عليك وأى امرأة اذا قالوا لها ان زوجك تزوج فسوف تجن وعن نفسى لو زوجى قال لى انى سوف اتزوج سوف اطلب الطلاق مثلما فعلت زوجتك ولاكن انا اعرف انهو ليس صحيحا واقول لك اجلس معها وابعث لها هدايا وقول لها انهاالوحيده التى تحبها ولاكن لكى لاتقع فالخطيئة مثلما يفعل الرجال الان وذكرها بأولادك فحاول التقرب منها فى الفترة الحالية والتحبب اليها كثيرا وأرجوا ان يكون زواجك الثانى اختيارا صحيحا وشكرا

  39. المستعين بالله/ابراهيم سعد
    30/04/2011 at 03:30

    اخي الفاضل توكل علي الله ثم استرضي زوجتك وزكرها بالله وانة لايعلم الخير الا الله ودعها للتفكير بتعقل وحكمة وبلغها هذة العبارة ان من هو افضل منك تزوج علي من هي افضل منها زكرها بالله وحاول جاهدا ارضاءها واقناعها بالاستمرار معك واياك وطلاق الثانية واذا اصرت الاولي حاول مرارا وتكرارا معها لاتياس لانها الان تفتقد التركيز ومنفعلة وبعد محاولات جادة منك لاسترضاءها فان لم ترضي وافقها ظاهرا بصمت (( قل لها خلاص براحتك ))ودعها وانت حزين واتركها ايام علي ذلك ثم عد لاسترضاءها ووضح لها الصورة وماذا ستفعل بعد الطلاق بصرها بما تئول الية الاشياء واكرر حاول استرضاءها فاذا لم تقتنع هي قل لها استخيري الله وبعدها ليكن مايكون والله الموفق

  40. مستغربة بجد
    30/04/2011 at 01:31

    السلام عليكم بصراحة معرفش لحد الان سبب وجية يخليك تتزوج عليها انت انسان معندكش اى ذرة رجولة بجد لية تتجوز عليها حرام عليك ومش عارف لية بتعمل معاك كدة يعنى متغرب وسايبها وبتربى لك اولادك حافظة بيتك وشرفك وعرضك وانت تقولى اتعرفت على فتاة صالحة عشان الفلوس والايجار يا اخى يخفى الفلوس والشغل بيتك واولادك اهم حاجة فى الدنيا بجد عصبتنى ونرفزتنى سبب يخليك تتجوز عليها وانا اقف جنبك وارد فصالحك انما مذكرتش اى سبب بصراحة اريح لها مش لك تطلقها لانها اكيد مش عاوزة تفضل معاك ولو ثانية بعد غدرك بيها وباولادك

  41. زائر
    30/04/2011 at 00:56

    والله حرام عليك اللي عملته اظن هي من حقها تعيش حياتها زيك هي بشر هي كمان واللي بتعمله ده رد فعل علي الظلم اللي وقع عليها

اترك رداً أو حلاً لهذه المشكلة