مشاكل الازواج

زوجي تزوج عليا باخرى

السلام عليكم ورحمة الله وبركاتة انا ياجماعة باختصار عندى 19 سنة متزوجة من 3 سنين وعندى طفل ولكن انا اتجوزت جوزى وانا وهو كنا بنحب بعض جدا ولكن بعد متجوزتة المشكلة كانت فى اهلة واخواتة انهم صعبين جدا لدرجة انهم بيغيروا علية منى ودايما بيعملواا بينة وبينى مشاكل كتير فانا دايما مكنتش بستحمل انهم يدخلوا فى حياتنا فكنت بغضب وبروح عند اهلى وكنت اقل مدة ممكن اقعدها عند اهلى هية شهر وكانت اكتر من كدة بالعادة هو قلبة جامد عليا بعد متجوزنا مكنشى يجى ليا يخدنى الا لما اهلة يقولة هو من الاخر ماشى ورا اهلة فى كل شىء ولكن من كتر مهواا ماشى وراهم انا طلبت منة انننا نستاجر بيت ونعيش فية برة عشان نعيش ونربى ابننا وهو رفضت وغضبت واهلى رفضوا انى ارجعلواا الا لما يجيب لى بيت برة وهو جاب لى بيت برة على اساس انة يخدنى بس وبعد مروح يضحك عليا ويرجعنى البيت تانى قعدنا مع بعض شهر كان كلة مشاكل وبعد الشهر دة ورانا الزل فجيت ورفعت علية قضية طلاق وتبديد للعفش وفضلنا سنة بس كان بيكلمنى فى التليفون وكنا بردة بنحب بعض وبعد السنة رجعت بدون موافقة اهلى عشان بحبة واتنازلت عن القضية لانى اكتشفت انة هيتجوز رجعت البيت تانى وحاولت اعيش ولكن اهلة الله ينتقم منهم مدونش الفرصة وطفشونى تانى وجيت واتقطعت اخبارة عنى لانى مبقتشى اتصل بية الا فى اخر وقت بس بعدها بشوية غير رقمة وراح اتجوز وحدة مطلقة انا اجمل منها بكتير وعندها بنت وبيربى لها بنتها ورامى ابنى ولما جبت نمرتة الجديدة عشان اعتبة كلمنى الاول بعنف ولكن رجع حن ليا تانى بس انا شتمتة وقلتلة انة لازم يطلقها ويرجعلى عشان ابننا وبعدها عرفت من والحد صاحبة انة تلفونة اتسرق ولسة مرجعشى الشريحة بنفس الرقم بس انة ناوى يعنى يرجعها بس المشكلة انى بحبة اوى ومش عارفة انساة وهو اتجوز عليا اعمل اية بس دلونى انا بحبة خالص ولكن المشكلة فى اهلة ودالوقتى فى الزوجة التانية اعمل اية ؟

مشاكل وحلول ذات صلة

اضيف بتاريخ: Saturday, February 16th, 2013 في 11:40

كلمات مشاكل وحلول: , , ,

6 رد to “زوجي تزوج عليا باخرى”

  1. ابواميرة
    22/12/2013 at 17:13

    يااختي الفاضلة تاكدي انو اغلب مشاكل الازواج هوتدخلات الاهل سوا اهله اواهلك وعمر الحياةماتستمر دايم فيه تدخل من الاهل حاولي تفهمي زوجك وتطلبي منه عدم تدخل اهله في مشاكلكم اوحياتكم الزوجية ومن حقك شرعا ان يكون لك بيت مستقل عن اهله ولااحديجبرك على العيش مع اهله ومسالة انو تزوج عليك فاعتقدانك امراة مسلمةوتعرف شرع الله جيدا ولاحاجة لتذكيرك بهذا فمن حق الرجل الزواج والجمع بين 2-3-4 مع اشتراط وجوب العدل بينهما ومخافة الله عزوجل وان زوجك اخل بهذة الشروط من توفير سكن لك والعدل بينك والزوجةالثانية عندها من حقك طلب الطلاق منه ولاحرج عليك في هذا لكي تحفظ نفسك وشرفك وكرامتك وعزةنفسك وتظمني حقوقك الشرعية كزوجة وام اولاده وربي يهدي الجميع ويصلح احوالكم

  2. ابواميرة
    13/10/2013 at 13:44

    شوفي يابنتي الزواج رباط مقدس بين الاثنين لابدان بكون مبنى عالحب والتفاهم والاحترام لاجل الاستمرارفي الحياةوالعيش بدون مشاكل ومسالة زوجك تزوج عليك ويهملك انت وولدك فدا حرام شرعا لايجوزالسكوت عليه من حقك رفع قضيةعليه لابدمن العدل بينكمافي كل شي والنفقةوالمصاريف لك ولولده واذا رفض من حقك طلب الطلاق فورا لاجل كرامتك وعزةنفسك امساك بمعروف اوتسريح باحسان والولد يبقى في حضانتك حتى يكبر وتاكدي ان التفريط في حقك انت وولدك ينتج عنه عواقب وخيمةلك ولابنك تعانوامنها في حياتكم وربي يكرمك بالراجل اللي يستاهلك ويقدرك

  3. بكار
    20/02/2013 at 03:43

    حاولي تستعيدي زوجك وتتفادي الصدام مع اهله بقدر الامكان وتصلحي نفسك من أي شيء قد يبعدك عن زوجك مادمتي بتحبيه واصبري على اهله وتكيفي معهم بقدر الامكان ولعل الفرج قريب

  4. farah
    17/02/2013 at 14:25

    نصايحتي ليكي انك تتزوجي عليها هو لوكان يحبك ماراح وتزواج عليك فكري بعقلك مو قلبك وكرسي حياتك لابنك بس

  5. munaliza
    16/02/2013 at 23:31

    سلمي امرك لله وهو ياخذلك حقك اذا عندك حق عندهم

  6. احمد
    16/02/2013 at 21:15

    انت تسمعى كلام اهلك وهو يسمع كلام اهلة انت الى غلطى لما سبتى بيتك كان لازم تحببى اهلة فيكى المهم الى حصل حصل انت استنى شوية هو لو ارتاح معاها مش هيرجع ولو متحش هيرجع حولى تحسنى العلاقة مع اهلة وربنا معاكى

اترك رداً أو حلاً لهذه المشكلة