السلام عليكم ورحمة الله وبركاته
انا متزوجة من سنة ونص – عمرى 26 سنة – انا اسفة انى هحكى بالتفصيل و هطول شوية لكن حابة انكوا تعرفوا التفاصيل عشان المشكلة توضح
المشكلة بدأت من اول يوم فى الزواج بانى حسيت انه معندوش الرغبة القوية ولما طلبت التاجيل لتانى يوم وافق بسهولة كأنه ما صدق .. وتانى يوم تم الموضوع بصعوبة بعد محاولات ومكانش فى الموضوع اى مشاعر او احاسيس كأنها مجرد مهمة .. وفضلنا بعدها حوالى شهر والعلاقة مش بتنفع وهو دايما يحملنى السبب وان المشكلة عندى وان عندى ان المهبل ضيق هو اللى بيمنع .. و مع الوقت موضوع الضيق دا اتحل شوية لكن العلاقة كانت بتبقى كل اسبوعين او تلاتة ومكانتش اكتر من كده ابدا ..ووصلت حاليا لمرة فى الشهر وممكن ما تكونش ناجحة .. الموضوع دا تعبنى نفسيا جدا وحسسنى انى غير مرغوب فيا ومكانش بيعمله الا لما اوصل لمرحلة انفجار نفسى .. اتكلمت معاه كتير وكان بيقولى ان انا السبب لانى بنكد عليه.. رغم انى والله سبب زعلى هو انه بيهملنى ومش بيحسسنى بحبه وبفضل اجى على نفسى لحد لما مش بقدر استحمل واكيد الزعل دا مش هيبقى طول السنة ونص متواصل .. وحجته التانية انه بيبقى تعبان و بيتهمنى انى انانية ومش بقدر تعبه و انشغاله رغم انى بعمل مجهود فى ايام كتير اكتر منه ..
هى مرة فى الشهر كتير ؟؟؟ عشان يتهمنى بكده !!!! اومال اللى بيتجوزوا مرتين او عرفى او بيرتكبوا معاصى وجرايم ازاى؟؟؟
وافكاره عن العلاقة الزوجية مختلفة خالص عن افكارى وكلها افكار غلط من وجهة نظرى .. من افكاره ان الست لازم تكون مستعدة دايما فى اى وقت من غير اى مداعبات منه او اى حاجة يعملها .. وانها مش مفروض انها تطلب منه اى حاجة بتحبها يعملها وترضى باللى هو يعمله بمزاجه وبس مهما كان .. ومش بيحب المداعبات خالص و بعد ضغط لما لقى انى مش بكون سعيدة بقى بيعمل لكن مش بحب ولا احساس فمش بياثر فيا ولما ابصله والاقيه شكله مش مبسوط و مستموت فى احساسه وحركاته بتصعب عليا نفسى قوى .. هو مش الطبيعى ان الزوجين ربنا خلقهم لبعض عشان يستمتعوا مع بعض وكل واحد يدى للتانى حقه و يسعده ؟؟؟ انا ببقى نفسى اعمله اى حاجة تسعده او اى حاجة بيحبها لكنه مالوش اتجاهات ولا حاجات بيحبها .. بحس انه احساسه ضعيف جدا .. مش بيقول اى كلام تعبير عن المشاعر ممكن يقول كلمتين زى اللى بيقولهم واحد بيعاكس واحدة فى الشارع .. لما اكلمه مش بيرد عليا غير بالعافية وبيقولى معرفش اتكلم وانا مركز فى حاجة تانية .. طيب ممكن يكون معاه حق لكن فى بداية العلاقة الطبيعى كل التركيز على المشاعر .. مش بيحب انى المحله او اطلب منه العلاقة بأى طريقة مهما طالت المدة و بيقولى سيبينى حسب ظروفى لما الاقى نفسى قادر هعمل دا ما تحاوليش انتى عشان ما تتضايقيش لما الموضوع ما ينجحش ..
وحتى فى معاملاتنا العادية شخصية انانية جدا مش بيشوف غير نفسه وبس .. ما يعرفش يعنى ايه حب ورومانسية .. اى حاجة بيقولهالى او يعملها كأنه بيسجلها جواه رغم انها بتبقى حاجة عادية وصغيرة و لما اطلب منه شوية مشاعر يقولى ما انا قولتلك كذا من كام يوم او عملتلك كذا يوم كذا !!!! .. ما يعرفش يعنى ايه مشاركة او يعنى ايه يرجع اخر يومه وهو تعبان عشان يرتاح مع نصه التانى .. بيرجع للتليفزيون والنت و النوم كأنى ماليش وجود اللهم الا فى بعض الاحيان لو مزاجه رايق ممكن يكون فيه شوية مشاعر ولكن لا تكفينى .. انا شخصية رومانسية جدا محتاجة التفهم والاستيعاب والحب اكتر من اى حاجة فى الدنيا وهو حارمنى من كل دا حاسة انى عايشة حياة جافة.. حتى الاطفال محرومة منهم لحد دلوقتى بسبب بعده واهماله
ولما بكلمه بيرد بعصبية وضيق فمش بعرف اتكلم معاه واعمل حوار حقيقى وفى بعض الاوقات قدرت اكلمه فمرة يعترف ان فيه مشكلة ومرة تانية يقولى انتى اللى موهومةوبيتهيالك وتاعبة نفسك بنفسك .. عايزنى مايبقاش ليا اى طلبات نهائى وارضى باللى يقوله او يعمله وخلاص على كده .. ومش عايز ياخد اى خطوة ايجابية لحل المشكلة لانه مش شايف ان فيه مشكلة
هو فعلا فيه مشكلة ولا لا؟؟؟ والمشكلة عند مين ؟؟؟ وحلها ايه ؟؟
انا تعبت من الحياة كده
اسفة على الاطالة لكن كنت محتاجة احكى لحد والحمد لله انى لقيت موقع مشاكل وحلول دا .. واتمنى كل واحد يقرا المشكلة يقول رايه يمكن الاقى حل يريحنى
مشاكل جنسية
زوجي لا يحب مجامعتي هل العيب فيا
اضيف بتاريخ: Monday, July 23rd, 2012 في 08:02
كلمات مشاكل وحلول: الزواج, متزوجة
اختي العزيزة قرات مشكلتك كاملة مع هالزوج الاناني الخالي من المشاعروالعواطف مع زوجته وشريكة حياته وحاب اقولك انه شخص مريض نفسي وقد تطول فترة علاجه من هالمرض فان اردت الاستمرار معه على امل ان يتغير حاله ويشفى من هالمرض النفسي فده شي خاص بك ويرجع لك وان اردت الانفصال عنه فدا ايضا حقك الشرعي ولاجدال فيه انت امراة وانثى لك تحتاج لراجل يبادلك نفس المشاعروالعواطف والمعاملة الحسنة في العلاقة الزوجية ويلبي لك رغباتك وشهواتك الجنسية كاامراة وزوجة وده حق من حقوق كل زوجة على زوجها كي تصون نفسها وشرفها عن المحرمات والوقوع فيها واذا كان لايعاملك معاملة كل الازواج لزوجاتهم ويعطيك كل حقوقك من الجماع والكلمة الحلوة والتقديروالاحترام في حياتكم الزوجية ولايهتم اويبالي بك ولا بوجودك معه تحت سقف واحد فهو لايستاهل العشرة والبقاء معه خيرلك ان تطلبي منه الطلاق فورا قبل ان يباغتك هو ويقولها لك اشتري راحتك وسعادتك في هذي الدنيا والف من يتمناكي زوجة له واحمدي الله انو مافيش اولاد تربطك به والا كانت الظروف تعقدت للاسوء هتلاقي ابن الحلال الصالح اللي يستاهلك ويقدرك ويصونك ويسعدك في هذي الحياة وكوني متاكدة ان الله عزوجل لن يتخلى عنك ابدا سوف يرزقك بخيرمنه ولست بااول ولااخر من تتطلق في هالدنيا الطلاق لمثل حالتك هورحمة وبركة لك فلا تتردي في طلبه لاجل راحتك وسعادتك وعزة كرامتك في هذي الحياة
حبيبتي انا مقدرة وضعك كتير انت اكيد ما عندك مشاكل هي المشكلة بزوجك ١- صاريحه ٢- روحي على دكتور مختص بدون زوجك واعرضي عليه حالته
٣- اقنعي زوجك للذهاب للدكتور
ويارب تنحل مشاكلك ومشاكل كل الناس
أرجو ان تفعلى له ما يحبه من طعام وتهاديه من مالك ببعض الهدايه من حين لاخر ,, وتتزينى له بأجمل الثياب ,, وتحاولى ان يصلى بك جماعه فى البيت بأستمرار ,, وأحرصى على ان يكون صوت القرأن فى البيت بأستمرار ,, وسورة البقره ,,, وأقرأى القران أمامه ,, وصلى أمامه ,, وأحرصى على اللصلاه فى ميعادها ,,, وذكريه بمعاملة سيد الخلق محمد صل الله عليه وسلم مع زوجاته وكيف كان يعاملهم ويتحدث معهم ,,, والله معك ان شاء الله
اختصارآلكلام يطول شرحه اعتقد جدآان المرض نفسى بكل تأكيدلأنه حتى لو مرض عضوى بردو معظم اسباب الامراض عمومآ؟الامراض النفسيه او عدم الراحه النفسيه واليكى الدواء الذى لا شك فيه ولا ريب بأذن الله ارجعى الى الله وادعيه بأخلاص واستغفريه على ما فاتك من ذنوب ومعاصى واعلمى ان الامر كله بيد الله فهواالذى يقول للشئ كن فيكون لو اراد حل مشاكلك كلها لحلها بحرفين فقط كن.لجئتى للمخلوقين ونسيتى الخالق الذى بيده كل شيئ بسم الله الرحمن الرحيم(ومن يتقى الله يجعل له مخرجا)(من يتقى الله يجعل له من امره يسرى) .بعد التقرب الى الله ادعى زوجك ايضآللتقرب الى الله وصلى صلاة خاشعه قدر المستطاع فى جوف الليل وادعي بما تريدين .(من يتوكل على الله فهوا حسبه).اسأل الله العظيم ان يفقق وزوجك والمسلمين جميعآالى ما يحبه ويرضاه
انا من وجهت نظري يا اختي حاولي غيري اسلوبك حسسيه انو هواا كل حاجة عندك زانك محتاجاه من البك ولو لزم لالمر انك تبكي وتحسسيه بضعفك مش غلط خليه يحس برجولته واصبري الصبر طيب واذا ما اتعدل الحال ابغظ الحلال عند الله الطلاق ولا تعيشي العمر مظلومة لان هذا حرام والله يختارلك الافضل
الى…sama meme ممكن سؤال.. الكلام الجميل ده والنصايح الغالية جدا دى من افكارك ولا نقلاها من كتاب…..بصراحة لو كل واحدة عملت اقل من ربع ما ذكرتيه هتخلى زوجها اسعد انسان فى الدنيا….بشرط يكون هو عنده استعداد لتقبل وتقدير ذلك….ما بالك لو عملت نصفها….ولكى ان تتخيلى لو فعلتها كما ذكرتيها بالضبط…بصراحة مش عارف زوجها ممكن يحصله ايه؟؟؟؟؟؟؟؟؟؟
بصى يا قمر انا هحاول اساعدك انا خريجه علم نفس وربنا يعنى على مساعدتك الى النهايه ايه رايك هنجرب يوم هنسميه يوم تهيئ اليوم هيمش كالاتى
1- هتغيرى شويه من شكلك يعنى تختارى لون لشعرك يكون لايق عليكى وتغيرى من طريقتك فى وضع المكياج
2- صحيه بدلع وبوسه رومانسيه على خده وقوليله صباح الخير يا حبيبى
3- لو هو متعود يستحمى فى بدايه اليوم ياريت الحمام يكون جاهز على اكمل وجه زى ماقال الكتاب
4- الهدوم تكون جاهزه ومكويه من قبل كده يعنى متجيش ساعتها لسه هتكوى
5- تساعديه وهو بيلبس هدوهه ومفيش مانع من اتفضل يا قلبى او يا نور عينى يا روحى
6- الفطار يكون جاهز فطار خفيف ورومانسى وياريت يكون جنبه العصير اللى بيحبه وتفطرى معا وتاكليه بايدك
7- الجذمه تكون متلمعه وتجبيهاله وتلبسيه ومفيش مانع تبوسى رجليه
8- تودعيه بكلمه رقيقه مثلا (حبيبى هيوحشنى – متغيبش عليا – روحى هتروح منى وهترجع لما انت تيجى يا حبيبى – اوعى البنات تعاكس القمر بتاعى )وكتير من الكلام ده هتلاقى احسن منه جوا قلبك وطالما طالع من قلبك هيوصل قلبه
ملحوظه : كل ده ارضاء لغروره وانانيته
9- لما يرجع من الشغل تكونى عامله اكتر اكل هو بيحبه وتقدميه بطريقه رومانسيه يعنى يكون مرصوص على شكل قلوب او كلمه احبك او بموت فيك
10- بعد الغدا هيتفرج على التليفزيون او هينام شويه سيبيه وخلصى شغل البيت ولو صوتك حلو غنى عنك مثلا اغنيه شاديه (عمرى ما دقت الحب غير لما حبيتك ولا شوفت راحه قلبى الا وانا في بيتك )
11_حاولى تخرجه من البيت باى حجه ابعتيه يجيب حاجه للبيت ولو خرج لوحده ياريت
12- انفردى بالبيت وضبيه قلوب فى كل حته شموع واضائات من اول باب الشقه لحد غرفه النوم والحمام لوعنك بانيو امليه ميه دافيه وحطى فيه زيوت عطريه تجبيها من عند العطار وتجيبى ورد تقطعى ورقه وتحطيع فى الميه هيديها منظر جميل ومتنسيش الشمع فى الحمام كمان
13- الفوط طبيقيها على شكل قلوب او طاووس على فكره مش صعبه اتعلميها من اليوتيوب
14- نيجى بقى للمهم حضرتك ياريت لو تلبسى بيبى دول يكون هو مشفهوش قبل كده وتستخدمى عطر مثير اى نوع تفضليه ترشيه على الهدوم بس مش على جسمك لان العطور بتخلى الجسو مر وتجيبى بدى جيل بطعم الشيكولاته او الفراوله او الفانيليا شوفى ايه اكتر حاجه يحبها وادهنى بيها جسمك كله وهاتى معطر للاماكن الحساسه وهاتى مورد حلمات وسكر شفايف واتمكيجى ياقمر واستنى حبيبك لما يجى حتى لو اتاخر
15- شغلى موسيقى هاديه واغانى رومانسيه
16- العشا مهم جداااااااااااااااا ياريت ميكونش حاجه دسمه لان الدهون بتعطل عمل الاوعيه الدمويه ودى مهمه جدا لقوه الانتصاب يعنى يكون اسماك سبيط او سمك تعابين جمبرى استاكوزا كابرويا بس يكون مشوى
17- لما يجى نور عينك وقره قلبك استقبليه بابتسامه خجل ساعديه يقلع هدومه وتكونى محضراله بوكسر جديد والروب الستان بتاعه
18- قوليله الحمام جاهز ياروحى ومستنيك
19- وضبى انتى العشا برضه متنسيش بطريقه رومنسيه وشموع ياريت متقديش النور العالى خالص
20- لما يطلع من الحمام اتعشو اهتمى انك تاكليه بايدك اكتر ما تكلى
21- لما تخلصو عشا شيل الاطباق واغسلى سنانك وحطى معطى للفم وعيدى مكياج شفايفك لانه هيكون باظ مكان الاكل
22- نيجى للمرحله المهمه لو قربلك حسسيه انك مبسوطه قوى حتى لو مفيش مداعبه وقوليله انت جامد قوى بتنهيده متحرمنيش من اجمل حضن لاعظم راجل فى الدنيا وكلام كتيييييييييييير ممكن يحسس الراجل بقوته ولو مقربش ناحيتك اطلبى منه انك تعمليله مساج اعمليه بطريقه تثيره جنسيا وكلام غزل عن جمال جسمه وعشقك لجسمه لو ده محركش فيه حاجه قوليه ممكن حبيبى ينام فى حضنى انهارده وضميه لجسمك قوى وخليه يحس بحراره جسمك وانتى بتتنهدى اشتياقا ليه لو برده متحركش نامى وهو فى حضنك
23- لما تصحى تانى يوم ابتاسمه جميله وتقوليله صباحك نور يا حبيبى ولو كان قربلك غنيله اغنيه شاديه (فاديك قوه تهد جبال وعنيك حلوه ) وربنا يخليلنا الست شاديه تعبت معانا والله
وان شاء الله ايامك خير جربى وردى عليا عندى حلول تانيه كتير وانا معاكى للاخر
السلام عليكم
اولان انا اسف على الكلام الى هقوله لكن لازم اقولهولك اولان انتى زى مبتقولى انك رومانسيه جدا وهو شكلو معندهوش مشاعر اصلن فلو العلاقة هتفضل كدا على طول من الافضل ان تنفصلو لعدم محاولتح لاشباع رغباتك من احد اخر وانتى سعتها هتكونى معزورا فمن الافضل لو هيستمر على كدا يبقا بلاش
يا ستى العزيزه الله يعينك لكن بتحصل ليه فى حديث عن الرسول صلى الله عليه وسلم ما متزكر الحديث لكن فى معناه ان الرجل اذا كان مخنس فاهمه شنو مخنس يعنى انو لوطى بالخلف ربنا يشيل منو
الرجوله ويودع فيه الانوسه يعنى يكون مثل المراءه واحد وحلى ليك اذا دايره تختبريه شاغليه من الخلف اذا قدرتى تعرفى انو مخنس اطلقى منو بالقاضى والله يرزقك خيرا منه وقولى الهم اجرنى فى مصيبتى واخلف لى خيرا منها وقولى ايضا حسبى الله ونعم الوكيل متقنا بها قلبك قالها ابراهيم وهو فى النار وقالها يونس وهو فى بطن الحوت وقالها موسى وهو بين يدى فرعون ولكى الشكر والله المستعان
ربنا يقويكي بجد. مش لازم تكون المشكله فيكي ممكن يكون عنده سبب نفسي او عضوي هو اللي بيبعده عنك وطبعا هو مش هايعترف بده. مش هاقولك سيبيه واطلقي والكلام ده لكن هاقولك لو بتحبيه خليكي وراه بالكلام الطيب والمعامله الجميله وماتتطلبيش منه حاجه لان الشخص الاناني مش عايز حد يطلب منه حاجه ولكن خليكي مستعده طول الوقت مادام مفيش اطفال لسه وبعدين ماتعمليش ده مجرد تاديه واجب وخلاص لا دا زوجك اللي بتحبيه لازم تديله كل الحب وبعدين هو اكيد مش حجر للدرجه دي . معلش يعني كل راجل ليه حاجه بتثيره ولكن انتي لسه ماوصلتيش ليها جربي برفان جامد زي شانيل 5 مع بيبي دول جامد وهيأي الجو الرومانسي وسيبيه يجيلك. ولو ماجاش مش مشكله جربي تاني .اعملي كل جهدك عشان جوازك ينجح انتي فاكره ايه كل الناس عايشه مبسوطه ومرتاحه .كل بيت فيه مشكله والحل طبعا مش الطلاق وخلاص وكل راجل عنده مشكله وعيب ف شخصيته والست كمان طبعا احنا مش ملايكه. اسفه اني طولت ف الكلام ولكني باكره الاستسلام وباكره كلمه طلاق اللهم احفظنا.وربنا يهديلك زوجك ويرزقك الاولاد والبنات
والله اللي اقدر اقولهولك كلميه بالراحه وانا شايف الموضوع صعب لكن حاولي معاه وحاولي تتزيني له بشكل مثير افعلي كل شئ لانه ممكن يكون عنده برود جنسي حاولي تزيدي من اثارته وربنا معاكي بصراحه ربنا يعينك عليه
حولي تعرضي الموضوع على دكتور وشوفي الدكتور هيؤلك ايه وبناء عليه حاولي تقنعيه بلي الدكتور
هايئولوه لحد ماتحلي المشكله وربنا يوفقك او في حل تاني لو زهقتي خالص اطلقي واتجوزي غيره
يا اختى العزيزة من راى المتواضع ان مشاكلك كلها تكمن فى ضعف قدرة الانتصاب عند زوجك….كيف تطلبى منه المداعبات والرومانسيات والاثارة…وهو اصلا غير قادر على الايلاج بكفاءة….كيف لكى ان تطلبى من المقاتل ان يدخل المعركة وسلاحه مكسور او معطل….من الطبيعى جدا انه سيخاف من الهزيمة ويختلق الاعزار ويحملكى انتى المسؤلية..هو غير شجاع لانه لو كان شجاع كان من البداية اعترف بان المشكلة لديه وذهب الى طبيب متخصص ليعالج ..وقد تقدم الطب جدا جدا فى هذه الناحية مهما كانت الحالة ..يا اختى الفاضلة يجب ان تركزى فى اتجاه واحد حتى تصيبى…ركزى فى اقناع زوجك بالذهاب الى طبيب متخصص ليعالج ..ويجب ان تطلبى منه ذلك بلطف وان تختارى الوقت التى تتحدثى معه فى ذلك الموضوع …..لكى ان تتخيلى كيف يعلم الزوج انه مصاب بضعف الانتصاب ويذهب الى العلاقة الجنسية بصدر مفتوح وحب واشتياق..كيف ..كيف..اعقليها…اكيد سيختلق الاعزار وسيحملكى المسؤلية فى حالة استسلامه للعلاقة …اذا يجب ان يعلاج اولا من ضعف الانتصاب….ومن المؤكد ان هذه المشكلة هى السبب الرئيسى فى اى مشاكل اخرى بينكم..
رأيي الشخصي أن طبيعة جوزك كده محافظة و لا يقدر علي التعبير عن مشاعره الرومانسية بشكل رقيق …رأيي ألا تضغطي عليه في موضوع العلاقة حتي لا يحس أنه مجبر عليها…كل ما عليك فعله هو أن تشعريه أنك تحبيه جداً, أنظري إليه قبلية أجعليه يشعر أنك تحبيه و دائماً مهتمه بي…فكري أيضا في قعدات رومانسية و سهرات غير إعتياديه و إن شاء الله بمرور الوقت ستيغير و يكون أكثر رومانسيه
اوووووووووووه هذا مش انسان اطلقي احسن مستحيل رح تتفقو واضح انك حساسة ورومانسية جدا وهو ولا يعرف شي عن المشاعر الله يعينك لا تضيعي شبابك ع الفاضي
شكرا لكل من شارك برأيه .. هو فى الحقيقة بياخد الحبوب اللى الاخ المجرب قال عليها وحتى فى الاوقات العادية لو حصل عنده استعداد فسيولوجى مش بيحاول يقوم بالعلاقة خالص .. مفيش مشاكل بين الاهل بالعكس العلاقة كويسة جدا وكلها احترام وحب .. وانا الحمد لله جميلة وهو وكل اللى يعرفونى بيقولوا كده وكتير بكون مهيئة الاوضة ومستعدة نفسيا و شكليا ومش بلاقى منه الاستجابة المطلوبة فنفسيتى بتتعب جدا و هو نفسه طلب منى انى ما احاولش اتقرب منه الا لو هو عمل دا لانه ادرى بظروفه عشان لو مكانش قادر انا مزعلش !!
انا متاكدة انه بيحبنى واتجوزنى باختياره لكنه مكتفى انه بيحبنى وبس مش بيحاول يهتم باللى انا محتاجاه مش بيحاول يحس بيا ويفهمنى ويشاركنى .. هو الجواز مش مشاركة فى كل حاجة والوحش قبل الحلو ؟؟؟
كل اللى انا فهمته انه انانى جدا وعايز يكون على راحته ومش احمله اى مسئولية ولا اى متطلبات الا لو كان هو عايز .. بحجة ان الراجل لازم يكون كده والست تخضع
والله مش عارفة اعمل ايه والغلط فين واحله ازاى .. انا بحبه ونفسى اعيش حياة مستقرة طبيعية .. لكن الضغوط النفسية عليا كتير .. مفيش حب مفيش حنية ودا بيخللى احساسى يموت يوم بعد يوم .. هو طيب وفيه مميزات كتير لكن للاسف مفيهوش اهم حاجات انا محتاجالها وهى العطاء والمشاركة والعطف
انا فهماكى و عارفه حتى الى بين السطور الى محرجه تقوليه … بس انك تصعبي عليا مش كفايه و لا اننا نندب حظك … لازم في البدايه نعرف هو ليه كده ؟ .. يعنى هو عنده مشكله صحيه و لا نفسيه .. يعنى ممكن يكون مش بيحبك و جوازكو كان غصب عنه ..أو يكون ضعيف جنسيا … و الحاجه الاخيره منغير ما تزعلى … هل انتى جسمك فيه مشكله من أى نوع بتخليه ينفر من العلاقه …. أو تكونى بتوجهيه بعيوبه و دايما تنتقديه فبينفر من العلاقه … لازم تسألى نفسك و تسأل عن الحجات دى .. و وقتها هتعرفي السبب .. و يكون الحل مناسب ليه … أسألى و حاولى تعرفي مش عيب انك تدافعى عن حياتك .
الأخت العزيزة…. بصفتي رجل متزوج فالمشكلة مش فيكي…. بس هو ممكن يكون فيه حاجة مضايقاه في علاقتكم او عند عائلتك…. فالرجل حين يتحجج بهذه الحجج فلابد انه يكون مضايق من حاجة تانية و بيطلعوا في الموضوع ده… و ده يسمي الإزاحة في علم النفس…. حاولي تقربي منه اكتر و شوفيه ايه اللي بيضايقه… حاولي تدوري علي افكار جديدة في موضوع الجنس و يوجد افكار كثيرة حلال يمكن للمرأة اتباعها لزيادة اهتمام الزوج بها مثل تجهيز غرفة النوم بالروائح المثيرة و الورود و الشمع…. غيرها كثير
بصى يا اختى المشكله من عند جوزيك وفى مشكله طبعا بس انا انصحيك انيك تنفصلى عندو علشان انتى لو فضلتى معا اكتر من كده اكيد 100% هتغلطى وكمان هو حتى مش حاسس ان فى مشكله يبقا ازاى عاوزا يشوف حل
غيري من نفسك شوفي هوه بيحب ايه واعمليه وبعدين ضيق المهبل بيسعد الراجل اوي اكيد فيه حاجه مبعداه عندك انتي مش واخده بالك منها زي النظلفه العامه او ريحت البق فيه حل تاني اشتري حبوب الفيجرا وحطيها ودوبيها في العصير يمكن تجيب فايده