مشاكل الادمان

زوجي مدمن حبوب ترامادول

السلام عليكم : تزوجت من خمس سنوات من رجل اكتشفت بعد 3 سنوات أنه مدمن ترامادول و أصبحت الحياة معه صعبة للغاية و أشفقت عليه و صبرت و تحملت آلامى معه و عالجته منه مرتين فى مصحة لعلاج الإدمان و بعدها يرفض العلاج النفسى الذى سيساعده على عدم العودة إلى ما كان عليه و عاد إليه و لما تعبت من تصرفاته الغريبة من تعصب و سوء فى سلوكياته و نوم مستمر و مؤخرا بدأ يعانى من نوبات صرعية و حاولت معه ليعالج فرفض تماما و أهاننى و لجأت إلى أهله فلم يعيرونى اهتماما فتركت له المنزل و طلبت الطلاق و بعدها أدخله أهله المصحة بعد أن هاجمته نوبة صرعية مفادئة أمامهم جرح على أثرها جرحا عميقا و تركوه فيها لمدة شهرين و خرج منذ شهر و نصف تقريبا و هو يود الآن العودة إلى و أنا حائرة فهل هناك أمل فى انصلاح حاله و شفائه وهل يمكن السيطرة على تلك النوبات الصرعية أم لا؟ أرجوكم الإفادة سريعا لأن أهلى يرفضون عودتى إليه تماما و أنا لا أود الخراب لبيتى أو التخلى عنه فهل أنا محقة أم لا و هل هناك خطورة من التعامل معه بعد ذلك؟ أفيدونى أفادكم الله

مشاكل وحلول ذات صلة

اضيف بتاريخ: Wednesday, October 17th, 2012 في 10:09

كلمات مشاكل وحلول: ,

9 رد to “زوجي مدمن حبوب ترامادول”

  1. كوكى
    02/02/2015 at 09:47

    مريض الترامادول خاين وكداب دوما ولايمكن الرجوع عن الترامادول مهما اقنعك بذالك وسلاحه الوحيد مع اى ناصح ليه هو الكدب وحاولت كتير وفشلت معاه

  2. ابواميرة
    10/11/2013 at 22:38

    اختي حبوب ترامادول توصف للناس اللي عندهم الالم في الركبةوالمفاصل ولكن تحت اشراف الطبيب لان الادمان عليهاتخلي الانسان كمتعاطي المخدرات وتفقده العقل وتخليه يتصرف بلاشعور وانصحك بالتاكدمن شفاءزوجك من الادمان اللي كان فيه شفاءتاما وعن طريق الدكتور اللي كان بيتعالج عنده ولامانع من الرجوع له اذااردت العيشة معه بعدماتعافى وحالةالصرع دي نوبات تجي الانسان المصاب به ولكن مش باستمرار حسب الظروف المحيطةبالمريض وربي يشفي زوجك ويسعدكم مع بعضكم

  3. Eslam
    11/10/2013 at 16:56

    السلام عليكم , أولاً حالة مدام رشا مش مقياس لأن في حاجه تسمى الفروق الفرديه , والوفاء للشريكه والإعتراف بالجميل وكل الصفات الي إفتقدتها مع زوجها بتختلف من شخص لآخر وفي رجاله مش مدمنه وبتعمل الي زوجها عمله ويمكن أسوأ , أولاً أنتى محتاجه تقعدي مع نفسك تشوفي نفسك بتحبية وعايزاه ولا لا وعندك إستعداد تقفي بجانبه ولا لا , ولو لقيتي نفسك قادره تصبري وربنا يثبتك إن شاء الله تعرفي أن كثرة اللوم والخناق والمعايره بتخلى المشكلة تتضخم , حضرتك تشوفي مضحة محترمه ويدخلها وبعد ما يخرج يواظب على العلاج والأهم هو العلاج النفسى لأن بدون علاج نفسى لازم هيحصل إنتكاسه ولازم يفضل متابع مع الدكتور الي بيعالجه و مواظب على الدواء مهما طالت المده وطبعا عليه بحذف أرقام كل التجار وكل اصدقاء السوء وتساعديه على ممارسة الرياضه وممارسة حياتكم بشكل طبيعي وتمارسوا مع بعض أى نشاط بيحبه لأن ده هيمنعه من الوصول لحاله الإكتئاب الي هتخليه يفكر في الرجوع والأهم حاولوا تصلوا مع بعض جماعه تعملوا سباق في حفظ القرآن , تسافروا تعملوا عمره ولما ربنا يشفيه إن شاء الله حاولى توضحيلة الفوائد الي عمت عليكم من التبطيل وفي مرحلة العلاج حاولى تفكرية لما بطل قبل كده حالكم إتصلح ازاى والأهم إبعدي تماما عن الخناق بسبب الموضوع ده وبلاش تحسسيه أن مفيش فايده منه
    وربنا يقويكي بس أحب أقولك ثوابك عند ربنا كبير وربنا هيجازيكي خير , ومتسمعيش كلام حد أنتى الي عارفه إيه المناسب ليكي وأنتى الي عارفه زوجك إن كان شخص أصيل ولا ميستاهلش تقفي معاه وحطي في بالك إن لا قدر الله ممكن ربنا كان يبتليكي بمرض بعيد ألف شر عنك وعنك المسلمين وزوجك يوقف حياته علشانك ويقف جنبك , ربنا معاكى وان شاء الله

  4. rasha
    24/08/2013 at 09:57

    ليس هناك مجال للتأكد من الشفاء و ستظلي في عذاب مدى الحياة معه و 99% منهم يرتدو انا زوجة واحد منهم مدمن للترامادول و غيره من سبع سنين و اعطيت بدل الفرصة عشرات و بعت اللى ورايا و اللي قدامي عشانه وحاربت اهلي عشانه و قلت ان ان شاء الله حيتعالج و اهله لم يقفو بجانبي و كل الناس نبذتني بسببه و رد جميله ليا انه طلع متزوج عليا و ضحى بيا انا وولدين 4 سنوات وسبع سنوات وببيته وبدد ثروته كلها لدرجة لا اعلم حل حيدفع مصاريف مدرسة ابنه وان شاء الله بعد كده نعيش على العيش الحاف مش مشكلة و طلقنى في اسبوع مرتين، ولا يصلى و لا يصوم فالله يخليكو متقعدوش تتعاطفو اوي كدا99% من المدمنين اندال خاصة من يتاح لهم فرص العلاج ولو تحدثت عن الالم و الله ان يبتر من الجسم عضو بس افوق لفعلتها وانا امرأة فما بالك بالرجل. التعاطف و الاحتضان و التسامح اذا استمر اكثر من سبع سنين زي ما انا عملت وكان جزائي في الاخر كده يبقى توصفه بإيه ، واوعى تفتكر اني قوية و لا وحشه انا زوجي ده في عز البهدله مكنتش اقول له الا يا بابا و الله يخليك لينا كنت اجيب له حقن دكتورة كتباها لا يستطيع التعاطي معاها كانت من 3 سنين بألف جنيه الحقنه و كان يتعاطى و يبقى حيموت و يرجع واقوله ولا يهمك واشيل ترجيعه بإيدي و انظفه واسنده على السرير ، ثورة وثرت ، تعاطف وتعاطفت و شكرا كانت طعنات منه ليا و لصغاري حسبي الله و نعم الوكيل

  5. mohamed
    17/04/2013 at 15:55

    السلام عليكم
    اكيد ان المدمن اول شخص يتمني الشفاء ولكن يحتاج مساعدة وممكن تكون فرصة لشفاءة بعد خروج من المستشفي
    ومن وقت لاخر يحتاج الي تنبية انة سيموت ان استمر في طريق الادمان

  6. حمادة الهلالى
    14/02/2013 at 17:36

    انا مدمن ترمادول وعندى 56 سنة وبغدة علاج للخشونة الركبة لحين عمل عملية تركيب مفصل كما قال لى الطبيب وكتب لى جواب بيأننى بتعلج بحبوب الترمادول لحين اجراء عملية تركيب مفصل علما بأن الطبيب لم يكتبة لى وملقتش علاج اقوة منة ليشفينى ولو بصفة مؤقتة من الخشونة حتى اث\صبحت مدمن ترمادول 225ملة جرام واليوم ماشى على يوم حباية225 ويومحبيتين 225 وصرت على هذا الحال منذ اكثر من شهرين علما بأننى تعاطيت الترمادول من خلال منستة الى سبع اشهر اولا اة العمل علما بأننى لن اقدر ان استغنى عنة كمان وكشفاء للخشونة اريد علاج اخر للخشونة وعلاج لادمان الترمادول وشكرا

  7. حمادة الهلالى
    14/02/2013 at 17:25

    اناعندى 56 سنة عندى خشونة بركبتىوذهبت لاطباء كثيرة فجربت حبوب الترمادول ربع ثم نصغ فلما وجتها بتزيل الام الركبة وصرت امشى وبقوة وزال الالم نهائى وكلما احث بقدوم الالم بتاع الركبة اخذت نصف حباية 225 والان صرت اخد يوم 24 ساعة حباية 225 واليوم الثانى اخد حبيتين 225 ومضيت على هذا الحال منحوالى ثهرين وللان علما بأننى منذ7 شهور وانا بتعاطا لهذا الترمادول وبصراحة ملقتش علاج اخر يشقنى من الخشونة الا ه

  8. الانسان ده دعيف
    07/11/2012 at 06:24

    بعد تجربه مريره مع الادمان الانسان لا يخرج من هذا النفق المظلم الا بعد مضي 12 شهر نستطيع انقول ان هذا الشخص تعافا تماما ولاكن بحكم انكي زوجته لابد الوقوف بجانبه

  9. الهادئه
    18/10/2012 at 07:24

    المدمن مريض لابد من علاجه لكن يكون هو عاوز يتعالج لكن مشكلتك انه بيرجع تاني غير تلف المخ والصرع ،اتأكدي اولا انه خف نهائي خديه للدكتور واتأكدي من سلامته وبعدها انتي وحدك تقرري ان كنتي تقدري تعيشي معاه ولا لا مع العلم بالمزاج المتقلب والعصبيه والانطواء

اترك رداً أو حلاً لهذه المشكلة