انا مصريه ومتجوزه من 7 اشهر بعد خطوبه 3 سنوات زوج مسافر احد البلاد العربي بعد الزوج ب 45 يوم قبل الزوج مكنش يعدي يوم غير ما يكلمني ومكنش بيقدر علي زعالي لكن بعد الزوج بقا يعدي اليوم من غير ما يكلمني بقا يزعل مني لما اقوله وحشني ارجع بقا والله بقا يزعل مني لما اقوله كده في زوج يزعل من زوجته لما تقوله ارجع انت وحشني ويتخنق معاها ويسبها تنام زعلانه !!! يااااااااه لدرجه كده الرجل بيتغير بعد الزوج معن وهو مسافر كان هموت عليا لكن اما سافر بقا متغير معايا !!! اقوله حبيبي انا عمتلك حاجه يقول لا بس ضغط الشغول بس والله انا تعبت تعبت تعبت اووووووووووووي منه تعبت لدرجه اني مبقتش حسه بوجده معايا لدرجه انه خالص مبقاش يوحشني وغير كده انا بقيت احن لحبي الاولين معن كان حب من طرف واحد دلوقتي انا حسه اني عايزه اطلق منه لاني مش حسه بي اعمل ايه انصحوني
مشاكل الازواج
زوجي مسافر و اتغير معايا بعد الغربة
اضيف بتاريخ: Saturday, January 21st, 2012 في 13:30
كلمات مشاكل وحلول: الحياة الزوجية, الخطوبة, الزواج, متزوجة, مشاكل الازواج, مصرية
والله انا كمان لما بقول لجوزى كدة بيقولى انتى انانية عايزانى لوحدك بس احنا الى بنتصرف غلط من البداية الله المستعان
قَـيّـم هذا الحل:
1 
0
والله انا حاسه بيكي كتير لاني فنفس المشكله زوجي مسافر من سنه ونص ومعايا بنتين منه ووخدين بعض علي حب وماكنش يقدر يعدي يوم من غير مانكون مع بعض ودلوقتي بكلمو زي الغريبه واوقات كتير بنسا اني انثي وربي وحده يعلم اني اتعرضت لاشياء كتير ظلم اهلو نزولي لشغل وتعرضي لناس كانت عاوزه تفترسني وحاجات كتير لو ايام مش هتخلص فالكتابه ومع ذلك مافكرتش فاي حد غيرو واهلو بيظلموني ودايما يكلمهم بالتليفون وانا قليل جدا وكنت بعرف اخبارو منهم واخر من يعلم شئ واخر شئ اني كل ماكلم معاه يبقا مش عارف يكلمني بس لو بيكلم حد من اهلو الكلام مش بيخلص والحب بينهم مش بينتهي اطلب منو الكلام وكاني بشحت وفهمتوا اني محتاجه احس اني لسه موجوده بقلبو ولكن للاسف مازلت اعاني من تجاهلي ليا ولمشاعري ولظروف المعيشه ومع ذلك انا بردو وراه وهعمل اللي فجهدي لغايه ما اعرف ولو اني مش عارفه حاجه ابدا والله فحياتي ما حبيت غيره ولا هحب حد تاني وخايفه يكون اتعرف علي واحده تانيه شغلته عني وعن بناته ومع ذلك بدعي ربي يرجعهولي بالف سلامه ويزود حبي فقلبه يارب العالمين ومش عارفه انصحك بايه غير انك تتقي ربنا فنفسك لو مش لزوجك لربك ربنا يسترها معانا يارب
قَـيّـم هذا الحل:
1 
0
الاخت المهوسة واسف علي اللفظ ولاكن سوالي لسة اول سنة وبتفكري توخنية طب بعد سنتين ثلاثة هاتعملي ايه انا مثل زوجك متغرب عن بلدي وولادي واهلي ولو تعلمي عناءالغربة وحرمان الانسان من كل متاع الدنيا والله ماهتشتري بفلوس زوجك الكادح صوباع روج ولو كان بجنية واحد لوجواكي صوت بيناديكي للحب الاول طب زنبة اية الانسان المفحوم في الغربة علشان واحدة بتفكرفي هواجس شياطين وانتي فاكره ان ربنا هايسيبك ومش هاينتقم لزوجك منكي هيهات ايتها الغافلة عن عقاب ربك وهانروح بعيدليه امامك علي نفس الموقع اقرائ مواعزوعبرتقشعرلهاالابدان وشوفي كل من سلك هزا الطريق نهايته ايه وبعدين قرري ارجعي الي ربك توبي قبل ان ياتي يوم لاينفع الندم واستحملي زوجك وشدي من ازره وقوية علي الي هو فية وان شاء الله مجردمايرجعلك بسلامة وتكونو في حضن بعض سينسي كلا منكم كل هزه المهاطرات الفارغه واعلمي جيدا ازاكنتي بتعاني من غيابه 50ف100 هوبعاني 1000ف 100 يمكن انتي بتخروجي من احزانك شويه مع امك ابوكي اخوكي اختك صاحبتك جارتك لاكن بحن هنافي الغربه ليس لنا الا رب العباد تحزيراستغفري لزنبك وتوبي الي الله وحافظي علي زوجك وبتك علشان ربنا يبركلك في حياتك وصحتك واولادك لما ياتو بازن الله وخاليكي فاكره ان عملتي غير كده والله انتي اكثرواحده خسرانه وساعتهاتتدخلي قائمه اريدحلا
قيم هذا الحل سلباً او ايجاباً:
8 
0
اختى انا متغرب زى جوزك وزوجتى مرة باكتر من الظروف اللى انتى فيها خطبطا 3سنين وانا فى الغربه نزلت اجازه3شهوراتجوزت وسفرت تانى قعدت سنه ونصف ونزلت 3شهور تانى وسفرت سنه ولسه منزلتش ممكن مكلمهاش لمدة خمس ايام ومع العلم طاعه عمياء والحمدلله تدعو لى فى كل صلاه تحملت ظلم واسى من اهلى ولاكنها تحملت من اجلى ولم اسمع ما يغضبنى ولذالك انا اقدرها واعزها اكتر من اهلى ولها جميل على راسئ وانا اعترف بذالك امام الجميع كونى كا هؤلاء ولا تغضبلى الله وزوجك ربنا يهديك ويهدينا ويهدى ازوجنا اجمعين
قيم هذا الحل سلباً او ايجاباً:
6 
1
نصيحه لله
اكسبي زوجك والله انا مغترب في الكويت ومتزوج من فتره قريبه انا قبل الزواج كنت مركز اخر حاجه بس بعد ما اتجوزت انا ممكن اعمل الشاي واحطله ملح انا مره نسيت الغساله من الساعه 4 العصر يوم الخميس لغاية يوم البت الصبح فانتي احمدي ربنا ان هو بيكلمك وحاولي تهوني عليه الغربه لان الرسول صلي الله عليه وسلم قال فيما معناه الغربه قطعه من العذاب والله قطعه من العذاب وحاولي انتي تتغيري للاحسن وتشوفي جوزك بيحب ايه وتعمليه
قيم هذا الحل سلباً او ايجاباً:
5 
1
اخي الكريم ابو البنات الاخت صاحبه المشكله لسه عروسه جديده على الحياه الزوجيه ومشاكل الحياه وهيا بتفكر ويانا بصوت عالي علشان تخلينا نفهم نفسيتها والحمد لله انها ما غلطت هيا فكرت بس وربنا سبحانه وتعالى لما عبد من عباده يفكر يعمل حاجه غلط مش بيكتبها عليه انما لو عملها بتتكتب عليه وقبل ما تتكتب ربنا بيديه مهله 7 ساعات علشان العبد يستغفر ربه فيغفر له انا ,يمكن احنا اكبر منها في العمر واكتر خبره في الحياه فنحاول نساعدها وناخد بايدها علشان تعمر بيتها وتعيش هيا وجوزها تحت سقف واحد طول العمر بالنسبه لتفكيرها ده ساعه شيطان بحاول يخرب عليها ربنا يهديها وانا والله مقدره الزوج المسافر ده حتى لو مات لا قدر الله هيموت شهيد والغربه صعبه لو كان لقي فرصه في بلده مكانش سافر لكن ربنا بيوزع الارزاق والحياه الزوجيه قائمه على التكامل كل واحد يكمل التاني الزواج مش جنس بس لا في بيوت هتتعمر وهتكبر وتزيد ولسه هيجو اولاد بعد كده ومشاكل الاطفال ومصاريفهم ولما يكبرو نخاف عليهم من شر الناس الخبيثه الاخت صاحبه المشكله لسه في اول درجه من سلم الحياه علشان كده دايما اول خطوه بتكون صعبه فاحنا ندعيلها بالهدايه وندعيلهم ربنا يلم شملهم ويسعدهم
قيم هذا الحل سلباً او ايجاباً:
5 
1
والله كان نفسى اؤيد كلام الاخت رايقة والاخت سارة وازيد علية ….. لكن
حضرتك ما تستاهلى حتى الكلام لانك غير مقدرة للمسؤلية يعنى اية بتحنى لحبك القديم وكمان من طرف واحد
دة لة معنى واحد انك عندك استعداد نفسى للخيانة
وبصراحة لو طلبتى الانفصال يكون زوجك هو الكسبان
اعلم انى اقسو بكلماتى لكن بجد انتى تنرفزى
احنا متغربين من 8 سنوات مسمعتش كلمة من اللى انتى قولتيها غير دعوات ومثايرة وتشجيع وتخفيف لما نعانية من الغربة
واحمد الله كل الحمد واشكرة كل الشكر فى كل سجودى انه رزقنى بزوجة صالحة الفرق بينكم شاسع جداااا
واسال الله الهداية لنا جميعا
واللهم استر اعراضنا واعراض جميع المسلمين قولو امين
قيم هذا الحل سلباً او ايجاباً:
7 
2
والله الأخت رائفة ردت عليكي رد جميل خالص
يا ريت تاخدي بالك من كل كلمة قالتها.
قَـيّـم هذا الحل:
2 
0
يا جماعه خليكم محضر خير طلاق ايه اللي بتتكلمو عنه,اخت moaaهيا تعرض عليه الفكره اه بس ايه تخيره يا تيجي يا اسافر يا اما نطلق ده مش اسلوب لحل المشكله ده اسمه خراب بيوت,ولو كل ست او راجل واجهتهم مشكله وخيرو بعض اما القبول او الطلاق كانت الناس كلها اتطلقت,جوزها سافر يدور على رزقه علشان ما يخليهاش تحتاج لحد ولا تحتاج حاجه ويمكن مديون بما انه عريس جديد هيا المفروض تقدر ظروفهوتقف جنبه مش تكون عقبه في طريقه مش كفايه انه في غربه بعيد عن وطنه وعن مراته واهله هيا على الاقل ممكن تلاقي اهلها جنبها انما هوا وحيد في غربته والنبي يا جماعه تدعوله ربنا يوفقه ويبعد عن شر الغربه بدل ما قاعدين تقولو خيريه او اطلقي ثم ان ده حال مؤقت هيتغير مع الوقت لما الراجل تتحسن ظروفهانا هسال سؤال للمتزوجين والمتزوجات مين فيكم حياته ما فيهاش مشاكل هل انتو هتطلقو عند كل مشكله واختلاف في الراي ولا انتو بتحاولو تصلحو من نفسكو ومن شريك الحياه عشان المركب تمشي والامور تستقر بعدين جوزك بقاله 6 شهور مسافر يا ريت تقدري تكاليف السفر وتكاليف معيشته لوحده غير انه بيصرف عليكي ,وانا متاكده انه جوزك عايش عيشه ما يعلم بيها غير ربنا يمكن عايش في اوضه وما فيش حد يطبخله ولا يغسله ولا ياخد باله منه خليكي ست واعيه ومقدره,لكن ازا انتي عينك مش متعلقه بجوزك وعاوزه تخونيه زي ما قلتي ابتديتي تحني لحب قديم فيا ريت تطلقي من جوزك حفاظا عليه لانه الراجل سافر وهوا مامنك على بيته وعلى شرفه ولو حسيتي في لحظه انك مش اد الامانه ولا اد تحمل مسؤوليه الزواج فابعدي عنه
قيم هذا الحل سلباً او ايجاباً:
6 
0
بصي أولا قوليلوه انك عاوزه تسفري وتكوني معاه ياهو يرجع من السفر وتعيشوا مع بعض لو موفقش أعرضي عليه فكرة الانفصال وشوفي هيقلك ايه هي مشكله تحير بس لازم تعرفي هو بيعملك ليه كده وفكري كويس لان اي انك تنفصلي منه لو كان وجدك عنده زي عدمه أحسن متجيبي منه أولاد وبعد كده تخونيه أنتي إبتديتي فعلا تخونيه بانك تفكري في واحد تاني الحل الي قدامك ياما يرجع او انتي تسفريله وتكونوا قريبين من بعض وتكوني اهم حاجه في حياته ياما متضيعيش وقت اكتر من كده معاه
قيم هذا الحل سلباً او ايجاباً:
0 
5
كل الاجبات مش عجبانى بصراحة بس عايز اقلك حاجة ممكن يكون فى حد فى حياتة ممكن او فى حاجة غلط التغير دة ممكن يكون بعد سنين لكن كدة مرة واحدة لاء اسف وخديها من راجل بيفهم يعنى اية راجل يعمل كدة ويقدر يفهم الست بتفكر ازاى قبل ما تفكر فية انا مش بشكر فى نفسى بس بقلك الواقع الى هنحتمة علينا ماشى
قيم هذا الحل سلباً او ايجاباً:
2 
6
حبيبتي بس وحدي الله طلاق ايه وحب ايه اللي بتفكري بيه وبعدين جوزك مش مسافر يلعب ده شغله وخليكي يا سشتي انتي الاولي في كل حاجا وقليله عن مشاعرك واحسيسك ووحدي ربنا ومتخليش الشيطان يلعب بعقلك واوعي تفكري غلط لانك هتندمي يا حبيبتي اكيد جوزك مشتقلك كتير بس يمكن مع تعب الشغل مش قادر يعبر ودلوقتي انتو متجوزين اكيد مش هيعبرلك بكلام وبس اكيد فاهمه واكيد نفسه يشوفك بس كمان هوه بيامن ليك وليه متقبل عشان باذن الله لما ربنا يبعتلكو اطفال يكون ليهم مستقبل كويس وادعيله وادعي لربنا انه يصبرك علي بعاده وربنا يخليكو لبعض
قيم هذا الحل سلباً او ايجاباً:
4 
1
الحل انك تسافريله
حاولي بكل الطرق انك تسافريله
لما هتبقي معاه هيرجع زي الاول
قيم هذا الحل سلباً او ايجاباً:
4 
1
1- شيلى فكرة الطلاق دى نهائيا من رأسك
2- بدون شك المشاعر بعد الزواج بتهدأ مش زى اول وكلنا ستات ورجالة مرينا بهذه المرحلة فمرحلة مابعد الزواج هى الواقع بل هو الحياة بمتناقضاتها ومشاكلها.
3- جربى اضعى اصابعك على النار مباشرة — هى دى الغربة نار بالنهار وهم بالليل وصدقينى هو مهموم اكتر منك – البعد عن الوطن والاهل والاقارب والزوجة واشياء كثيرة.
4- لاتزعجيه ولاتتبرمى بل عاونيه بالصبر والدعاء والكلام الطيب فهذا هو الزاد اللى محتاج ليه.
5- بكره تتغير الامور وتتغير نظرتك للحياة وستضحكين على نفسك ازاى كنتى بتفكرى فى الطلاق .
قيم هذا الحل سلباً او ايجاباً:
6 
0
اولا مبروك يا عرسه,تاني حاجه اوعي تفتكري الجواز حلم لا ده واقع وبنعيشه,يعني ايه واقع يعني حجات حلوه وحجات وحشه وما فيش حاجه كامله في الحياهلانه الكمال لله,الراجل يا اختي غير الست الست ممكن تتكلم كلمه وتنساها لكن الراجل بياخد كل كلمه بجديه لما تقوليله وحشتني ارجع هوا بيفهمها انه انه انتي مش قادره تقدري ظروفه وغربته وعذابه في بعده عنك,اكيد سفره كان غصب عنه علشان يامنلك حياه كريمه شوفي بقى جوزك قعد اد ايه يجمع فلوسه علشان يرتبط بيكي ويتجوزك وانتي جايه تقولي عاوزه اطلق منه,لسه الحياه طويله قدامكو وياما هتشوفو حجات من الدنيا مش معقول هنقول يا طلاق عند كل مشكله,حاولي تكوني ذكيه في كلامك مع جوزك وقدري انه بيشتغل وبيتعب ومتغرب وانه وهوا لسه عريس,حاولي تروحي تعيشي عنده اهو تكونو قريبين من بعض,لكن لفت نظري جمله محبتهاش منك انك حنيتي لحابيبك الاولنين يعني مش حبيب دول حبايب والله الكلمه دي عيب وحرام تقوليها هوا الست ليها حبيب غير جوزها هوا كل اختلاف في الراي هنقول حنيت لفلان طيب يا اختي لما انتي ليكي حبايب اتجوزتي ليه المفروض جوزك يكون كل حياتك ما انا زيك كده اتجوزت وجوزي سابني وسافر بعد شهر لكني استحملته سنه وهوا مسافر رجع بعدها ليا وسافرت انا وجوزي وعشنا مع بعض,بالنسبه للخناقات والمشاكل دي سنه الحياه علشان نعرف ونقدر قيمه كل حاجه ولسه انتي شوفتي ايه يا ريت تدخلي على مشاكل الازواج وتقريها كلها وتقدري النعمه اللي انتي فيها
قيم هذا الحل سلباً او ايجاباً:
6 
0
اختي : انا مع الاخت رائفه في كلامها .. فلايوجد رجل لايود ان يكلم زوجته يوميا … حيث ان هناك سؤال مهم لابد ان تسأليه لنفسك اولا ؟؟ فلماذا تزوجك ان كان لايحبك ؟؟ فأكيد يااختي انه يعشقك ويموت فيكي كمان ولكن لضغوط الحياه ومشاكل العمل وايضا قد يكون لتفكيره في طريقه تكوني بها معه طول العمر فكل ذلك ضغوط عليه وعلي اعصابه .. فلاتقولي هذا الكلام مره ثانيه … ولا يتفكري بهذه الطريقه ايضا .. فأكيد زوجك يعشقك ويحبك ولكن غصب عنه مايحدث .. فكوني انتي له كل شئ .. كوني المهدأ الذي يعطيه دائما الامل في غدا … وكوني له الدافع لكي يبحث دائما عن طريقه كي تكوني بجواره وتعيشيين طول العمر معه سواء ان كان في غربته او في مصر … ولا تفكري بهذه الطريقه المراهقه في حب قديم او من هذا القبيل .. واعملي يااختي بأن الزواج هو مسئوليه للطرفين ليس له فقط .. فأنتي الان تحملين اسم زوجك .. وكل تصرفاتك سوف تحسب عليكي .. فأنسي الماضي وعيشي لزوجك فقط … وربنا يوفقك ان شاء الله
قَـيّـم هذا الحل:
2 
0
اختى طلاق أة اللى انتى بتتكلمى عنة وازاى تفكرى فى حب اخر هوة دا الفرق الطبيعى بين الخطوبة والزواج فى الخطوبة بتكونوا لسة جداد على بعض وما فيش غيرالكلام الحلو اللى شاغلكوا ومتعرفوش كل حاجةولا اى مشاكل عن بعض ولكن بعد الزواج اصبحت هناك مسئوليةعلى كل واحد فيكوا وزادت الاعباء المالية على زوجك وممكن يكون بعد الزواج اصبح مديون ومحتاج انك تساعدية نفسيا وممكن تكونى لما بتقوليلة وحشتنى ارجع بيضايق لانة عاوز يعيش معاكى ومفيش فى ايدة حاجة وهوة عايش لوحدة لكن انتى عايشة وسط اهلك واهلة ممكن بدل الكلام دة تقوليلة ربنا يعينك وانا بدعيلك وادعيلة ربنا يرزقة عشان يرجع ويعيش معاكى فى بلد واحدة صدقينى مفيش واحد بيحب الغربة واللة يعينة
حل مناسب حسب التصويت. وانت ما هو رأيك?
18 
0