مشاكل الخيانة الزوجية

زوجي يخونني مع اختي ماذا افعل

اولا السلام عليكم ورحمة الله

سار لى وقت طويل متابعه موقع مشاكل وحلول وبقراء كل مشكله جديده لعل وعسي اجد مشكله شبه مشكلتى كى استفيد من ردودكم ولكنى للاسف لم اجد اى مشكله او محنه تشبه محنتى_انا سيده عمرى 28 عام متزوجه من رجل مرموق عن قصة حب وهميه جدا بس للاسف لم اعى انها وهميه الا بعد فوات الاوان بكتير_عندى ولد وبنت ربنا يخليهم_مش عاوزه اطول عليكم لكنى والله ما عارفه ابداء منين_زوجى بعد الجواز اتغير جدا جدا بقه حد تانى خالص مع انى عاديت الدنيا عشانو لان اهلى مكانوش موافقين عليه خالص وانا صممت اتجوزو اصلو كان سبق له الزواج من اخرى وكان مطلق_المهم بعد جوازى منه فى ولادتى الاولى كانت اختى قعده معايا عشان تشوف طلباتى_وفيوم قومت من النوم متاخر وكنت داخله الحمام لقيت اختى وجوزى قاعدين سهرانين مع بعض على الكمبيوتر بحجه انه بيوريها حاجات _ولما شافونى صحيت اتغير وشهم جدا وارتبكو_بس انا وقتها استعذت بالله من الشيطان الرجيم_وحتى دخلت كملت نومى وسلمت امرى لله_بعد الحادثه دى بفتره اختى اطلقت من جوزها واخدت شقه لوحدها وعاشت فيها هى وولادها_واللى ربنا قدرنى عليه عملتو معاها وربنا يعلم اد ايه ساعدتها حتى على حساب نفسي_وكانت بتيجى تقعد معايا بحجة ان ولادها زهقانين وعاوزين ونس وكنت فتحه ليها بيتى على مصرعيه_لحد ما فيوم خرجت من البيت اشترى طلبات وكان جوزى فالشغل رجعت جيت افتح الباب بالمفتاح لقيت الباب مقفول بالترباس من جوه رنيت الجرس لقيت جوزى ال بيفتحلى بيقول انه نسي ورق ورجع ياخدو_سئلتو كنت قافل الباب ليه فضل يرغى بكلام غير مفهوم طبعا ولا حجه منهم دخلت دماغى_وهنا بس قررت اراقبهم_فنفس اليوم دخلت نمت انا وولادى بدرى شويه وسبتهم قاعدين سهرانين ومعاهم ولادها_قومت بس ساعه على صوتها بتضرب ولادها عشان ينامو مع ان دى مش عوايدها ابدا_دخلت اختى تطمن انى نايمه وخرجت من اوضتى_سبتها وقت قصير وخرجت بعدها عشان اشوف المنظر اللى يرعب قلب اى زوجه فالعالم_اختى وجوزى بيمارسو الرزيله مع بعض_معرفش جرالى ايه من المفاجئه_مقدرتش حتى اواجههم_تعبت جدا بعدها اهلى داخو بيا عالدكاتره كلهم اجمعو ان نفسيتى تعبانه وبس_ومقدرتش اقولهم ولا اقول لاى حد على ال شوفتو_وعدت الايام وكل ال قدرت اعملو حفاظا على بيتى عشان ولادى وبس والله_انى قطعت رجل اختى من البيت باى حجه كانت_وقا طعتها شخصيا_لقيت البيه زعلان انى قاطعتها لدرجة انه كان هيمد ايدو عليا ملقتش ادامى غير انى اواجهو بال شوفتو طبعا نكر جدا وضربنى وكان عاوز يطردنى من البيت مع العلم بانى ماليش بيت ممكن اروحو اهلى ناس على ادهم ووالدتى متوفيه_وعدت الايام من تانى لحد ما لقيت البيه اتغير معايا بشكل ملفت جدا حتى مبئاش يعاشرنى خالص_ولا يتغدا فالبيت ولا ياكل اصلا فالبيت_عقلى قالى اروح اشوفو عندها وارقبها وطاوعت نفسي وروحت ومن اول مره روحت لقيت عربيه البيه تحت بيتها ومنزلش من عندها الا بعد ست ساعات_المره دى تعبت جدا لدرجة انى جاتلى جلطه فالمخ وظليت اتعالج منها فتره طويله ولما بدات اقوم من رقضتى واجهتو تانى وكان ردو_اه بيحصل وال عندك اعمليه_طب اعمل ايه وانا ماليش مكان اروحو ولا بعرف اشتغل_ولا بعرف اصلا اخرج من البيت_وعاوزه اعرف ليه هو وهى عملو كده_انا معنلتش لحد فيهم حاجه وحشه وربنا يعلم_هو اكبر منى بكتير وانا اجمل من اختى بكتير واصغر كمان_طب لقا عندها ايه انا معملتوش_طب اطلق؟؟ ولادى دول اروح بيهم فين؟؟ صونتو ومصانيش_سترتها وفضحتنى_انا خايفه فيوم يتفقو عليا هما الاتنين زى ما بسمع فالاخبار ويقتلونى عشان يعرفو يتجوزو_انا تعبانه اوى ومخنوقه الى ابعد الحدود دلونى من فضلكم اعمل ايه؟؟مع العلم بان اختى عرفت بكل ال حصل بينى وبينو ولا كانها سمعت حاجه خالص زى ماتكون بتنتقم منى_والله ماعملت ليها حاجه ولا هو كمان_مقصرتش والله ما قصرت_اعمل ايه بالله عليكم

مشاكل وحلول ذات صلة

اضيف بتاريخ: Monday, January 23rd, 2012 في 17:12

كلمات مشاكل وحلول: , , , ,

117 رد to “زوجي يخونني مع اختي ماذا افعل”

  1. عزت
    27/07/2020 at 04:26

    كل انسان مسؤول عن نفسه ولا يخلو من الاخطاء
    اتركي زوجك على راحته سوف يختلف مع الخائنه و يعود اليك عاجلا او اجلا
    الشجار ومواجهة زوجك قد يخلق مشكله اكبر
    لو طردك من البيت وذهبتي تعملين هل تعتقدين ان الرجال اصحاب العمل سيتركونك وشانك
    اذا لم تطاوعيهم سيغتصبونك بالقوه بعدة طرق تصل الى حد التخدير وسيتعاون معهم بعض العاملات بحجة اكل العيش
    حكمه عربيه تقول ( ليس الغبي بسيد قومه.. إنما سيد قومه المتغابي )

  2. فوف
    27/03/2020 at 19:18

    انا زوجي ببعت لاختي وبتحركش فيها بس كلام عادي ومزح علما اني نبهتو اني بدايق من هالموضوع وما بدي هالمسجات وما بدي يحكي معها وقاطعت اختي مشان يبعد وبس لسه بيهتم فيها ما بيحضر الا حالتها ع الواتس وبتابعها من وراي بس الله اعلم اذا كان برسلها

  3. صدفه
    26/04/2015 at 23:33

    اختك دي حيوانه منها لله ربنا ينتقم منها ذي ماهتخرب بيت.رجعي جوزك ليكي تاني واصبري عشان عيالك لو كويس هيرجعلك وهيندم علي الي عملوا

  4. رهف علي
    16/02/2015 at 18:44

    والله انا صار ويايه نفس الشي زوجي واختي على علاقه واجهتهم وحجيت الأهلي بس اهلي غلسو ع الموضوع ونفسيتي تعبت وهيه مطلقه وكاعده وي اهلي واذا اني طلبت الطلاق وين اروح مع العلم عندي ابنيه..ساعدوني بأرائكم

  5. اقرأ على الدنيا السلام
    11/01/2015 at 16:44

    لا حول و لا قوة إلا بالله
    هذا انسان لا يستحق البقاء معه
    اطلبي الطلاق و رزقك على الله

  6. مؤمنة صابرة
    11/10/2014 at 11:03

    سلام يا ىخوات
    انا ايضا عشت نفس القصة فبعد مرور اسبوع على زواجي وعودتنا من شهر العسل في احدى الليتلي بدازوجي يرسل رسايل خليعة لاختي حتى انه طلب منها ان يطيها مبلغ 100هورو مقابل صمتها و الله وحدء عليم ان حصل بينهم شىء ام لا المهم انو انا عرفت بعد 7شهور ما ادري ليه ما قالت حينه او بعد ما واجهت بالحقيقة قال انو اختي للي ما تسوى و هي اللي بدت في الاول ما صدقت بس الحين ما اصدقهم الثنين انا لسا معاه سنة او زيادة او لسا معاه اهلي مو داريين بالقصة او حتى لو دروا ما راح تفوت من دون قتل
    انا حايرة حابة طلق او مو حابة ارجع لاهلي ما احب شوف اختي واتزكر القصة ما اقدر نثيق فيه من ببعدها ولا اختي كمان
    اللهم اعبي و اخواني على الهموم امين

  7. bouzid walid
    17/08/2014 at 13:54

    يا أختي في الله السلام عليك و رحمة الله و بركلته :
    في الأول أقول لك أن هذا كله ابتلاء من المولى عز و جل و اعلمي أنه من ابتلاه الله في أمر فإن الله قد ذكرك و إنما هذا خير لك مصداقا لقول الصادق الأمين صلى الله عليه و سلم & عجبًا لأمر المؤمن إنَّ أمره كله خير، وليس ذلك لأحد إلا للمؤمن، إن أصابته سرَّاء شكر فكان خيرًا له، وإن أصابته ضرَّاء صبر فكان خيرًا له & أما زوجك والله لن يتركه الله إلا و انتقم منه في الدنيا قبل الآخرة لقول الرسول الكريم صلى الله عليه و سلم & بشر الزاني بالفقر ولو بعد حين & لأن الجزاء من جنس العمل و كما تدين تدان ، أنصحك بالصبر و الله فرجك قريب يا أختي و ننتظرك بأن تبشرينا بذلك و السلام عليكم و رحمة الله و بركاته

  8. العاقل الام
    02/06/2014 at 21:23

    اختي العزيزه اعلمي ان الذي خلقك لن يضيعك ولا انت ولا اطفالك وفرص العمل كثيره ولا احد يولد يعرف العمل لكن نتعلمه لكن لا تكبتي في نفسك لكي تبقي لاطفالك فهم ليس لهم اي ذنب ابحثي عن عمل كبائعه في محل ملابس او في كوافير او سكيرتيره في اي شركه المهم اذا بحثت ستجدين واطلبي الطلاق من الخائن لانه سيظل هكذا وانتبهي لنفسك جيدا يحفظك الله

  9. راي سليم
    22/04/2014 at 15:22

    بصي يااختي ان قدرتي تستحملي علشان ربنا واولادك. هو هيفضل طايش وللو واجهتيه ممكن تنتهي بالانفصال وغيره لكن لوصبرتي عليه ربنا هيكافئك عن صبرك عليه ولو كويس ربنا هيرجعهولك ويرجع هو لعقله وصوابه ويعرف ان الي بيعمله ده غلط. ولو ربنا شايف انه مش هيصلح معاكي كزوج ,فالموضوع هينتهي بالطلاق فاطلبي الطلاق وربنا الي مخليه بيهتم وياكل ويشرب ويلبس كام مليار بني ادم في العالم كله بفطرهم ويغديهم ويعشيهم . فمش هيحتار فيكي انتي واولادك

  10. انا اكثر منك
    16/01/2014 at 03:59

    بصى انا حصل معايا نفس الموضوع بس مع اغلى الناس امى وانا شوفت وسمعت تسجيلات مسجيلانها لبعض بس انا صبرت 5سنين وعلى امل ان زوجى يرجعلى تانى انا واولادى مع انى على علم انى عايشه معاه فى الحرام بس مش قادر اتكلم لانها امى وخايفه على بابا لو يعرف الموضوع وعلى فكره زوجى لحد الان بيخونى بس هعمل ايه خايفه اسيبه يجيب عليا الوم لانى مش قادره اتكلم بس انا مبقولش غير حسبنا الله ونعم الوكيل وربنا اللى عايزه هيكون

  11. سناء
    04/01/2014 at 23:01

    نفسي اسالك سؤال واحد ازاي قادرة تعيشي من غير كرامة دي حاجة لا دين ولا القيم ولا الاخلاق تسمح بها ادا انتي سكتي عن ماحرم ربنا تبقي انتي زيهم بضبط .خلي رزقك على ربنا و اعملي المفروض يتعمل.متصلحيش مصيبة باكثر منها.اصلا ازاي دا ممكن تأمنيه على ولادك ممكن يتحرش بهم.مش بعيد.عن شخص مثله والمفروض تخافي على ولادك منوا.

  12. مسلم
    23/12/2013 at 22:44

    اولا حكم الزاني المتزوج والزانيه المتزوجه (المحصنه) في الاسلام هي الرجم حتى الموت وزناالمحارم الاعادم امام الملاء فانت والله اذا تمكنت من الطلاق فزتي فوزا عضيما بخلاصك من هذه المزبله لان الله لايقبل مطلقا بهذا فاذا نضرت الى الله فهو يتكفل بعيشتك انت واطفالك والله ولي التوفيق

  13. متلها
    30/09/2013 at 18:43

    السلام عليكم ورحمه الله وبركاته انا متلك زوجي بيكلم اختي وتعبت. وانااوقفه عند حده واحبه. واموت فيه واغار عليه بس اختي. تزعل مني تقول ليش مو واثقه فيني مع انوه بيكلمون بعض عادي بسزوجي يمسح الرسايل والمكالمات وانا اكتشف عن طريق جوال اختي انوه اتصل عليها ويكلمها ولما اسالهم يقولو لا كل واحد ينكر انوه كلم الثاني تعبت وربي افيدوني انا غلطانه ولا معاي حق مع ان امي صار لها نفس الموقف زوجها خانها مع اختها وطلقها وتزوج خالتي عشان كدا معقده من الشي دا انهم يخبون. علي ولما اكتشف يقولون ماقلنا شي خطا

  14. الخيال البعيد
    28/09/2013 at 09:43

    اختي والله دمعت عيني من قصتك وهذي غلطتك انك يوم شفتيهم يعملو الرذيلة ماواجهتيهم كان ماتمادو الى هذا الحد أختي انتي خوفك من المسقبل المر اذا طلقك زوجك لكن صدقيني لعل ذلك سبب من الله انك تطلقي من هذا الانسان اللي مايخاف الله وعسى ان تكرهو شيئا وهو خيرا لكم لاتفكري باانك اذا طلقك سوف تموتي جوعا اذا تعلق قلبك بالله فلاتخافي من عبيد الله اسال الله ان يفك كربك يارب

  15. نادرة
    20/09/2013 at 12:24

    السلام عليك يا اختي انا من رايي خدي عليهم دلاءل يعني صوريهم و بعد طلقية وما تخفيش ورتحي حالك من الاثنين والا مش حيفكو عليك لين يخسروك بحياتك فكري بنفسك وباولادك واختك دي حيوانة مو بشر ابعدي عنهم خافي حتى على اولادك و ربي بيدبرها

  16. محمد
    18/09/2013 at 19:24

    صدقينى لو عايزه ترجعيه البيت
    ارسمى علي انك بتخونيه اشترى موبيل تانى بنمره تانيه وكل ما تلاقيه جاى اتصلى واعملى انك بتكلمى حد وبعدين غيرى فى الموضوع وبعدين كل يوم اساذنى منه انك هتخرجى وبرضو خلى النمره دى ترن عليكى كتير وخصوصا وهوه فى البيت هيتجنن وهتلاقيه بدا يلزق فى البيت وهيخاف على كرامته وصدقينى اكتر حاجه بيخاف منها الراجل انه يتخان او يحس انه بيتخان المهم عيشيه الدور وخلى موبيلك ديما فى مكان يقدر يشوف الرنات اللى من الرقم التانى المهم شعليليه بس من غير ما تخلى دليل على نفسك يعنى خلى رنات بس او رسايل يكون معناها عايم وربنا يوفقك واختك الكلبه دى ولو حتى بتموت اوعى تدخلى بيتها ولا حتى تشوفيها ولو هتتقابلو صدفه فى سفينه ومافيش غيرها نطى منها وسبيها لوحدها

  17. الله وكيلى
    30/07/2013 at 08:49

    حبيبتى فى الله هذا الرجل خائن ولا يتقى ربنا فيكى ومش خايف على عياله زى ما انتى خايفه هو لو كان خايف على عياله مكنش عمره عمل كدا واللى يخليه يعمل كدا مع اختك ممكن يعمل كدا مع اى حد بره ولو سعتها اتكشف من حد غريب الناس هتقول دا جوز فلانه حصل منه كذا ولو سعتها عيالك كبار وسمعوا حاجه زى دى هتأثر فى نفسيتهم اوى فمن دلوقتى اطلقى وخدى عيالك وروحى فى اى حته بسم الله الرحمن الرحيم (وما خلقت الجن والانس الا ليعبدون ما اريد منهم من رزق وما اريد ان يطعمون ان الله هو الرزاق ذو القوة المتين)صدق الله العظيم وقال رسول الله صل الله عليه وسلم (من ستر مؤمنا فى الدنيا ستره الله يوم القيامه )صدق رسول الله صلى الله عليه وسلم وهو فعلا لو بيحبك مش هيقدر يبعد عنك ولا على ولاده انصيك ان تسترى عليه علشان مصلحتك ومصلحت اولادك

اترك رداً أو حلاً لهذه المشكلة