مشاكل الحمل والولادة

زوجي يفكر بالزواج بسبب مشاكل الحمل

انا متزوجه من 4 سنوات حصل فيهم 3 اجهاضات بدون سبب وحصل حمل وكمل وولدت بنوته ولكن الحمد لله توفت بعد اسابيع من ولادتهاوكانت ولاده قيصريه وقالت الدكتوره لازم اخد حبوب منع حمل لمده سنه بسبب الولاده القيصريه وقد نفذت كلامها وبعد سنه ونصف حملت ولكن للاسف حصل اجهاض برده مع العلم بعمل عمليه اجهاض يعني مش بينزل لوحده ومن ساعتها لم يحدث حمل بقالي سنتين ونصف وفي الشهور الاخيره عملت عمليه منظار واكتشفت ان دكتوره الولاده سددت قناه فالوب وبقي هناك صعوبه في الحمل الطبيعي لكن الحقن المجهري ممكن فقرر جوزي الزواج وقال الزواج اضمن من ان ادفع فلوس في الحقن وفامي دفعت لي الفلوس وعملتها من شهر ولم تنجح ولكن لي اجنه مجمده وجوزي بيدور علي عروسه تانيه واتقدم لوحده ورفضت عشان انا معاه واهله مش عاوزني افضل معاه وانا احبه كثيرا وهو ايضا قال لي افضلي معايا في شقتك لوحدك ومحدش له عندك حاجه بس انا زعلت منه انه مش ساعدني واستخسر فيا حق الحقن وقرر الجواز افضل لانه يقول انه سنه كبر وهو عنده34س ونفسه يخلف عشان يلحق يربيه طب انا فين من ده كله انا اتبهدلت كتير ومفرحتش خالص وانا عشان بحبه مش قادره اتخيل انه يكون مع واحده تانيه وجوزي بيقولي لو كان ربنا كرمنا مكنتش هفكر في الزواج التاني وانا محتاره ومش قادره اقرر استني ولا انسحب افضل ع فكره انا مش وحشه وهو بيحبني وانا بحبه بس زعلت منه كل ما اقرر امشي احس بحزن جواه استني وكمان هو ولد وحيد وله اخوات كتيره قالوا اني معنديش دم عشان موافقه افضل معاه وهو يتجوز وكمان بلاء لهم طول العمر وانا متضايقه جدا من كلامهم وانا تعبانه حاسه ان محدش حاسس بيا وببهدلتي ا نا واهله مش بنتكلم طب لما تيجي واحده تانيه هنتعامل ازاي بقيت حاسه اني وحيده وكمان مش عاوزه اعيش طب لما يتجوز هحس بايه انا عارفه ان الكتوره دمرتني بس املي في ربنا اكبر انه هيرضيني في ناس بتصبر مع زوجتها وكل ما اقوله كده بيقولي اني انانيه ومش بحس بيه مش عارفه اعمل ايه مش عارفه اتحمل الوضع ده ولا لا لانه بيقولي قرري وياريت تفضلي معايا هو بيصلي وبيراعي ربنا فيا بس انا زعلانه منه وهو صعبان علياواهله عيروني بس الحمل وقالوا كل ده بسبب نيتي الوحشه وبلاخص لما بنتي توفت والله انا حزينه جدا لما احس انه هيبقي مع واحده تانيه مش عارفه الاستمرار معاه راحه ولا الانفصال افضل وهنساه وربنا يوفقه في حياته ولا حول ولا قوه الا بالله ياريت تساعدوني اعمل ايه

مشاكل وحلول ذات صلة

اضيف بتاريخ: Monday, January 23rd, 2012 في 18:15

كلمات مشاكل وحلول: , , , ,

14 رد to “زوجي يفكر بالزواج بسبب مشاكل الحمل”

  1. ابواميرة
    02/10/2013 at 08:08

    اختي مسالةالحمل دي بارادةالله عزوجل متى ماارادلشي يكن فيكون ولااعتراض على قدرةالله ومن حق زوجك يشوف ولاده ويتزوج عشان يحقق امنيته ودي سنةالحياة لكن عليه بالعدل بينكمافي العيشةوالماكل والنفقة ونحوه واذاانت رافضة الشي دا من حقك طلب الطلاق منه واسال الله ان يرزقك بالخلفةالصالحة التي تقربهاعينك وتفرحي بهاقريبا باذن الله بس عليك بذكرالله والتضرع اليه بالدعاءعندكل صلاة وكثرةالاستغفاراليه وهوالسميع العليم الرزاق الكريم سبحانه وتعالى

  2. ايمان
    02/06/2013 at 17:43

    السلام عليكم اختى الكريمة لم تذكرى سبب الاجهاضات الكثيرة وهل لزوجك دخل فيها فبعض الحالات يكون الزوج هو السبب الاساسى فى عدم اكتمال الحمل واجهاضه اتمنى ان تتاكدى من هذه النقطه
    اختى لن اقول لك اطلبى الطلاق مع انه ابغض الحلال ولكن اقول لك افعلى ما يرتاح له قلبك ونفسك فالحياة نعيشها مرة واحده ويجب ان نسعى للعيش براحه وسعادة
    قيمى الوضع بنفسك فانتى صاحبة الحياة وانتى من سيتحمل عواقب الاختبار
    اتمنى من كل قلبى ان تجدى القرار الصائب …..

  3. ابواميرة
    03/01/2013 at 11:58

    شوفي يااختي من حق الزوج شرعاالزواج مثنى وثلاث ورباع حتى لوكنت سليمةوتخلف اطفال وماحدش يمنعه من هذالحق وبماانك ترفضي فكرة زواجه من اخرى فهذا حرام لايجوز ومن حقك طلب الطلاق والزواج من رجل غيره ودي سنةالحياة

  4. صاحبة المشكلة
    25/06/2012 at 21:50

    ميرسي يا مروه بس مش قادره اتحمل فكره زواجه وحاسه ان هيجيي الوقت وهطلب الطلاق عشان مش هتحمل وحاسه انه قريب جدا مش عارفه ليه انا راضيه بقضاء الله بس هش قادره اتحمل وجوده مع وحده تانيه وده هيبقي سبب انفصالي

  5. مروه
    21/06/2012 at 18:19

    خليكي معاه انت بتحبيه
    وهو بيحبك ولكن أسأل الله العظيم أن يربط علي قلبك ويصبرك علي زواجه وأرضي بما قسمه الله لك لعل الله يقضي أمرا وتحملي منه بولد يصبرك علي حالك فالله قادر علي كل شئ ويكون زواجه سبب لحل مشكلتك لا تدري لعله خير وحاولي ان تستريحي نفسيا وتبعدي عن مشاكل اهله وربنا يعوضك خيرودعواتنا لك

  6. صاحبه المشكله
    14/06/2012 at 10:05

    وبقيت حاسه اني وحيده في الدنيا انا بدء يحصلي تقل في الكلام من كتر الوحده وعدم الكلام مع حد بقيت حاسه اني مش قادره اتكلم طبيعي

  7. صاحبه المشكله
    14/06/2012 at 10:02

    الاجهاضات دي بسبب ان الحمل مش بيكمل ومش بينزل لوحده لازم عمليه تفريغ عشان ميحصلش تسمم يعني ده مش بايدي وبقول الحمد لله عشان المفروض احمد ربنا في السراء والضراء يعني في حد يفرح لما ابنه يموت انا حزينه علي فراقهاااا جدااااا ومش قادره انساهاوكمان خايفه ان ربنا يحرمني من الاطفال

  8. صاحبه المشكله
    14/06/2012 at 09:56

    واهلي عملولي حقن بس للاسف منجحش بس هو مدفعش حاجه خالص وبدل ما يواسيني لا حسسني اني مش حاسه بيه وانا وحشه وانا كنت محتاجه انه يحس بيا لان احساس عدم نجاحها بيبقي صعب اوي وبقي كل تركيزه في الجواز وخلاص بس والله وشهاده امام الله انه بيحترمني بل والعكس لما بدء يقرب للتانيه حس فعلا بفرق ومش عاوز يستغني عني بس جزئيه انه موقفش جمبي مدمراني ومعتش عارفه اتعامل معاه ازاي بعد مع خطب مش عارفه هو بيفكرفمين انا مش مرتاحه وخايفه ومش عارفه اقرر نفسي في حد يساعدني بجد واللي عاوز يساعدني يسالني هو وانا ارد عليه عشان يفهم مشكلتي اكتر عشان مش عارفه اعبر وشكرا لكل اللي حاول يساعدني

  9. صاحبه المشكله
    14/06/2012 at 09:48

    يعني ايه مش عاوزه اخلف لا طبعا انا حزينه عشان معرفش سبب الاجهاضات ايه وع فكره زوجي خطب وكتب كتابه وانا منهاره عشان حاسه ان حياتي ادمرت عشان حاسه اني معرفتش اعيش حياه طبيعيه والناس بتبصلي بصات معناها انت قعده معاه ليهوحاسه اني مش هتحمل الوضع ده

  10. جيداء
    08/04/2012 at 20:00

    انا كمان رائى من راى سارة استنى متطلبيش الطلاق لما تشوفى حيعمل ايه بعد زواجه التانى شوفى حيكون عادل وحيعدل بينك وبينها ولا حيظلمك شوفى معاملته حتتغير معاكى ولا حيفضل يحبك زى الاول يعنى اصبرى وخليكى فى شقتك زى ما هو طلب منك طالما هى حتعيش فى شقة اخرى فاصبرى متعرفيش الخير فين ومتقعديش تاكلى فى نفسك وتهملى فى نفسك اهتمى بنفسك وخلى ايمانك بالله قوى وان شاء الله ربنا يجزيكى خير على صبرك وهو على فكرة مش مستخسر فيكى ده كلام اهله طبعا تاكدى من كدا هما شغلين زن عليه فانتى اصبرى طالما هو باقى عليكى

  11. moaa
    31/01/2012 at 21:25

    بصي مدام جوزك استخسر فيكي حاجه يبقى هو مبيحبش غير نفسه أحسلك تفكري في نفسك زي مهو بيفكر في نفسه كولي وافرحي واهتمي بنفسك ودلعي نفسك وسيبك من اهله متتعمليش معاهم اصلا وحولي تاني حقن ان شاالله الف مره متياسيش من رحمة ربنا وسبيه هو يتجوز ويعرف النعمه الي كان فيها المهم اهتمي بنفسك وبس

  12. Black skill
    31/01/2012 at 04:17

    معلش بس إنت عايذه تخلفي ولى مش عايذه أصل معنى كل كلامك إنك مش عايذه تخلفي أصلا ليه عملتي عملية إجهاض في كل المرات دي ليه قولتي الحمدلله يوم لما بنتك توفت
    إنت كلامك غريب ولازم توضحيه بس أقولك على حاجه لو إنت مش عايذه تخلفي فعلا وبتتحججي ب العمليات دي عشان مش عايذه خلفه وتخلي جوزك لنفسك وبس تبقي فعلا أنانيه وجوزك من حقه إن يجوز 2 3 4 شرعا ودينا حتى لو خلفتي لو مش عيجبك خلاص أطلبي منه الطلاق ده برده من حأك

  13. ام عمار
    25/01/2012 at 23:36

    معلش يا اختي لو في فرصة تانية لعملية تانية يا ريت تعمليها وتحافظي علي بيتكوايه اللي عرف جوزك ان اللي هيتجوزها هتخلف منه بالسرعة دي عامة يا اختي ربنا اكبر منه وميرضاش بالظلم بس متتطلبيش الطلاق وخليكي في بيتك واصبري شوية والامور باذن الله هتتحل وجوزك هيعرف انه استعجل كتير في قراره . انتي عارفة انا اعرف واحد طلق مراته عشان موضوع الخلفة دي واتجوز واحدة مطلقة وعاها ولد يعني واثق انها بتخلف لكن للاسف مخلفوش وبقالهم سنتين وبيفكر يطلقها ويتجوز تاني . عامة اطمئني ربنا مش هيسيبك لكن متطلبيش الطلاق

  14. ساره
    24/01/2012 at 01:36

    كان الله في عونك ويا ريت اهله يفهمو انه مش ابنهم بس عاوز يكونله اولاد ما انتي كمان نفسك في ولد وبقول لجوزك مراتك مريضه الاولى انك تعالجها مش تروح تتجوز عليها انا ليا وحده قريبتي مكنش بيحصلها حمل لاكتر من 5 سنوات وبعدها حملت بعمليه زراعه والحمل اللي بعده كان حمل طبيعي فالاطفال دول رزق وربنا بيقدره لكل واحد لكن للاسف في مجتماعتنا اللي مراته مش بتخلف يروح يتجوز عليها وليا قريب مراته كانت مش بتخلف اكتر من 15 سنه وقررت تدور لجوزها على عرسه وهوا رفض فجوزته غصب عنه وقعدت هيا ومرات جوزها في نفس الشقه وسبحان الله مراته الجديده حملت والقديمه اللي كانت مش بتخلف حملت كانو الاتنين حاملين في نفس اوقت علشان كده فهميه ان ده رزق وربنا وحده اللي بيعرف ميعاده بالنسبه انه عاوز يتجوز ده حقه انه يكون ليه ولد بس واجبه يعملك العمليه الاول ومين عارف يمكن انتي كمان تحملي بدون عمليه وواضح جدا انه جوزك مشريكي بدليل انه مش عاوز يسيبك وبقولك خليكي في بيتك وملكيش دعوه بحد يعني بقولك متخديش في بالك من كلام اهله

اترك رداً أو حلاً لهذه المشكلة