مشاكل الخيانة الزوجية

سامحت زوجتي على الخيانة لكنها ترفض العكس

متزوج منذ عشر سنوات ولى طفلين زوجتى كانت تحبنى حب مالوش مثيل وأنا أبادلها نفس المشاعر ارتبطنا ببعض ثلاث سنوات قبل الزواج كنا حديث الناس ومعنى حقيقى للحب لكن انا كنت ضعيف امام النساء وكانت زوجتى تعلم ذلك وكان هذا الموضوع يضايقها وكلما وقفت او تحدثت مع اى انسانه كانت زوجتى تتعذب الى ان تعرفت على امرأه مطلقة وإرتبط بها دون علم زوجتى الى ان كشفتنى زوجتى فأعطتنى فرصه لكن انا تماديت ولكن زوجتى لم تحتمل فتركت المنزل وذهبت الى منزل اهلها لمده أربعه أشهر ولاتريد العوده وكلما حاولت ان اكلمها ترفض توسط الكثيرون كى تعود ولما تحدثت معى قالت لى اسوأ الكلام وأنها لاتطيق العيش معى وتكرهنى وانها تتمنى الإنفصال لانها الآن لاتحبنى وكلما اذكرهها بحبها لى وكم كانت تحبنى وأن سعادتى كانت عندها هدف تسعى للحصول عليه لكنها كانت تصرعلى رفضها لى حتى اننى بكيت لها فاستهزأت بدموعى توسلت اليها أن تعود لكن دون جدوى قلت لها انها غلطه ولن تتكرر لكنها كانت مصممه وساعدها على ذلك والدها لأنه بطبعه قاسى جدا وعملى جدا …..وفى النهايه رفضت زوجتى ان تسامحنى
اريد ان اوضح لكم انه قبل ان تعلم زوجتى بكامل قصتى مع المرأه المطلقة إننى كشفتها وهى تكلم احد الاشخاص على الموبايل
فى البدايه شكيت انها تتكلم مع شخص على الموبايل فراقبتها وراقبت سجل الموبايل فلاحظت ان هناك رقم متكرر باستمرار كما انه هناك مكالمات فيديو متعدده الى ان تاكدت واخذت الرقم واتصلت به من الشارع فوجدته رجل وكانت مسجله هذا الرقم على انه لصديقتها فلما عدت الى المنزل فواجهتها لكنها نفت فاتصلت امامها بالرقم فتحدث الشخص وقال ايوه ياحبيبى صعقت من هذا الرد فقالت لى انه شخص تعرفت عليه من ع النت ولا يوجد اى علاقه بينى وبينه وكلمه ايوه ياحبيبى هى كلمه على لسانه ومايقصد بيها حاجه وسالتها عن مكالمات الفيديو فقالت لى انه كان يفرجهها على المكتبه التى يعمل بها واقسمت انه لم يراها فلم استطع التحمل فضربتها وبعدها سافرت لمده يومين فى عمل الى ان اتصلت بى وهى تبكى بكاء حار وتعترف انها نادمه وانها لم تخوننى ولم تتجاوز حدودها وانها غلطه لن تتكرر فركبت سيارتى وعدت من عملى مسرعا اليها فاخذتها فى احضانى وقلت لها انى مسامحها وانى نسيت كل حاجه لانى عارف انها مش ممكن تغلط وبقى هذا الموضوع سرا ولا اذكره ولم يعلم به اى أحد.
وبعد ذلك هى اكتشفت علاقتى بالمرأه الأخرى ولم تسامحنى اطلاقا واثارت الموضوع اما اهلها وعلم به كل الناس تقريبا فذكرت كل تفاصيله وكم انا كنت خائن وانى شخص غير مسئول وغير امين ……الخ
فاضطريت ان اذكرها بموقفى معها عندما اكتشفت خيانتها لى وكم كنت كريما معها وانى سامحتها من اول دمعه نزلت من عيونها وانى لم افضحها ففوجئت بأن الموضوع لايهمها واننى ذى ما اكون بنيت الهرم ولو عاوز تقول لاهلى قول ووجدتها غير مدركه بأن تسامحى معها قمه الكرم وهو تصرف نادرا ما يحدث من اى رجل
فى النهايه اود ان اعرض لماذا انا سامحتها فى شىء لن يسامح فيه الكثيرون من الرجال وتنهار فيه البيوت ويكون الطلاق هو الحل الأمثل لانه لايجوز للمرأه أن تخون فالمجتمع يرفض هذا الأمر وهى لم تسامحنى على خطئى بل تحولت الى انسانه كارهه لى
ارجو الاهتمام والرد سريعا لاننى منها

مشاكل وحلول ذات صلة

اضيف بتاريخ: Sunday, December 26th, 2010 في 19:37

كلمات مشاكل وحلول: , , , , , , , , , ,

31 رد to “سامحت زوجتي على الخيانة لكنها ترفض العكس”

  1. ابوالبتول
    14/07/2016 at 12:41

    اخي كلاكما لم يقدر الحياة ولا العشرة الزوجية على الاطلاق انت خنتها وهي خانتك فمن الافضل انكما تتوبا الى الله وتستغفرا منه فهو الغفور الرحيم وتحرصا على جمع شمل اسرتكم اولادكم والمحافظة على استقرار الحياة الزوجية ونسيان الماضي بكل حذافيره وتغليب مصلحة الاولاد فوق كل شي والتسامح والتراضي بينكم مطلوب لاجل عودة الثقة بينكما في الحياة وعايزك تعرف ان المراة اذا جرحت وانكسر قلبها صعب تسامح بسهولة الا اذا كانت فعلا تحبك فانها تسامحك وتغفرلك اخطاءك لانو اللي يحب بصدق يسامح من يحبه مهما صدرمنه صالح مراتك وام اولادك وتقرب منها واهتم بها ونشاء الله ترجعوا لبعض ويهدي الله سركما ويبعدعنكم الشقاق والخلافات والشحناء ويصلح احوالكم ويسعدكما في حياتكم

  2. ابوبتول
    03/06/2014 at 11:50

    اخي الظاهرانك ماعندك خلفيةعن الستات نهاياوماتعرف ان المراةاذاانجرحت في كرامتهااوشرفهااستحالة تنسى اوتسامح من جرحهاعكس الرجل اللي يغفرويسامح وده هوبالضبط ماحصل معك عندمااكتشفت مراتك انك على علاقة بوحدةاخرى قامت قيامتها ولم تسامحك من قلبهايبقى الجرح موجودمهماحاولت تبرر لك وتظهرلك عواطفهاومشاعرهاالفياضة ولكن الوضع مختلف معهاعندماكشفتهاانهاتتكلم مع راجل اخر انكرت في البداية وساقت الاعذاروالحيل حتى تصدقها وسامحتهاانت بطيب نفس ولاجل تبقى على حبك لها لكن تذكر المراةاللي تخون زوجهامرة يسهل عليهاخيانته عشرات المرة

  3. ابواميرة
    03/02/2014 at 17:08

    اخي الفاضل اي امراةلاتحب الزوج الضعيف الشخصيةوالارادةوهذاماحصل لك مع زوجتك هي غلطانة مليون مرةوانت ايضاغلطان مليون مرةوكلاكمايدفعان ضريبة هالخيانةوعدم احترام الحياةالزوجيةوتقديرهاتماماوالخيانة شي خطيروكبير لايرضاه من به عقل اودين وليست سنوات العشرةلمنع حدوث الخيانة من كلا الطرفين ذاعدم الوزاع الديني والخلقي وتمكن الشيطان من النفس وتغلبت النفس الامارةبالسوء على صاحبهاجرته لمستنقع الخيانةوالرذيلة سواءبالفعل اوالكلام الله سبحانه وتعالى غفوررحيم يغفرويسامح عباده المذنبين الخاطيين فلماذانحن البشرالضعفاءالمساكين لانغفرولانسامح ونتجاوزعن هفوات بعضناوزلات بعضناكي نسموفوق الجميع باخلاقناوصفاءنفوسناونسعدفي حياتناوالحياةلاتكون الابالتضحيةوالاخلاص والتسامي والوفاء

  4. noor
    28/08/2013 at 16:12

    كأنكم مراهقين -_- هي تخون وانت تخون !! وين راحت 10 سنين اللي بينكم واولادكم شنو مصيرهم

  5. ابواميرة
    06/12/2012 at 11:23

    اخي كل واحد منكم غلط في حق االثاني انت خنتها وهي خانتك والمفروض تتصالحو وتتصافى القلوب وترجعو تعيشو من تاني وتبدواصفحة جديدة في حياتكم مبنية ع الحب والمودةوالتفاهم والاخلاص من اجل اولادكم والله يهديكم ويصلح حالكم

  6. اخت في الله
    24/09/2012 at 22:50

    انا لااتكلم ع زوجتك الله اعلم بها بس فية حقيقة صحيحة والكل عارفها ان خيانة صعبة ع المراة حتى لو تحب زوجها لاتحتملها وانت تماديت بخطاءك الى ان اوقعك رب العباد بنفس الامتحان نسيت ليك رب وتماديت وتعرف كما تدين تدان لاحول ولا قوة الا بالله

  7. سمر
    19/04/2012 at 15:02

    راعى ربنا فيها عشان تراعى ربنا فيك ومتنساس ان الاولاد دائم الضحيه من غير زنب فى ناس مش طايله نظرة واحده لطفل من دمهم ولحمهم كلم حد كبير من اهلها ومن اهلك وتعهد قدامهم انك متكررش الخيانه ولو تقدر روح انت وهى اعملوا عمره تغسل كل زنوبكوا وكل همكوا وربنا يصلح حالنا وحالك بالله عليك خد بالك من اولادك ومتضيعهمش منك ولا منها

  8. ahmed cnc
    16/03/2012 at 19:58

    تقريبا هى كانت محتاجه تحس انك بتغير عليها لما شفت الموقف ولكن انت تعاملت معاها بطريقه انت بتتعامل بيها بره واكيد هى شايفه نفسها معاك مليهاش لازمه هتعيش معاك ازاى

  9. يا رب سترك
    03/03/2012 at 13:34

    قال رسول الله صلى الله عليه وسلم (…..كما تدين تدان….)اظن انك فهمت

  10. سعودي
    27/11/2011 at 02:42

    أخي الكريم..
    هل كنت نعتقد أنك إن سامحتها ستخرس لسانها وتكسر عينها عن مغامراتك الطائشة؟ “أعطيت ملكا فلم تحسن سياسيته”!
    المشكلة في الأساس فيك ومنك.. تريد أن تسامحها لكي تسكت عن تصرفاتك.. وهذا في رأيي يمثل انعدام الرجولة!
    أعد تقييم نفسك، واستغفر ربك، وتب إليه من انتهاك محارمه والتساهل في ذلك، وستجد الله توابا رحبما، وستصلح بيتك بشكل صحيح، ودون آن تريق ماء وجهك..

  11. زائر
    07/02/2011 at 02:32

    بص زوجتك ما كانتش فى علاقة جدية مع اى حد بس هى كانت بتحاول تستفزك وتحسسك ان ليها علاقة مع حد عشان تعرف انت بتمل فيها ايه وانا رايى انك تصالحها وتاخدها فى حضنك وتحسسها انها مالية عينك وياريت موضوع الخيانة ده ما يتكررش منك تانى

  12. همسه
    18/01/2011 at 03:30

    مع خيانتك المتكرره واحساسها انها مش ماليه عينك ممكن تكون فضفضت مع حد على النت واعتبرته صديق تفضفض معاه طبعا ده غلط بس انت المسؤل من الاول لانك جرحتها كتير وخليتها تدور على حد متعرفهوش تحكيله اللى تاعبها وانت سامحتها لانك عارف اخلاقها وعارف انها صبرت واتجرحت كتير واتفقتو ان خلاص مفيش حد يجرح تانى روحت حضرتك اتعرفت على غيرها ورجعت ريما لعادتها القديمه فى رايى كانت لازم تسيبك عشان هى مش عاوزة تغلط تانى وتكلم حد تانى وانت بتجبرها بتصرفاتك على كده مفيش حل غير انك تتكلم معاها بهدوء وتتعهد انها اخر مره وتصبر عليها لحد ما تهدى من صدمتها ولو رجعتلك تراعيها ومتخونش تانى وحكايه انها بتكرهك دى متصدقهاش اللى يحب مبيكرهش ابدا

  13. ابن الباجور
    17/01/2011 at 14:42

    ياخي كما تدين تدان وقصتك ذكرتني بقصة طريفة لاحد القضاة دخلت علية مرة امراة جميلة فانجذب لها ومد يدة للسلام عليها واطال في مسك يدة ولكنة استعاذ بالله من الشيطان وترك يدها وبدا يستمع لشكواها وحينما عاد لبيتة سال زوجتة عن اخبارها وماذا فعلت طوال اليوم فاحابت كان يوم كاي يوم الا انة شىء غريب حدث فعندما احضر السقا الماء للبيت مد يدة ليصافحها وهي بحسن نية صافحتة ولكنة اطال مسك يدها فتعجبت من تصرفة المريب ولكن زوجها تذكر السيدة التي حضرت الية وردد دقة بدقة ولو ذدنا لزاد السقا مخزي القصة انك عندما تخون زوجتك توقع خيانتها لك ولا تقل بانها تحبك والكلام دة وكما يقول رسولنا الكريم(ص) (عفوا تعف نسائكم)فياخي اتق الله وارجع عما تفعل وصارح زوجتك واعلن توبتك النصوحة انت وهي وان شاء الله ربنا يتقبل وتعود الامور لمجاريها

  14. رضا
    06/01/2011 at 01:44

    استمع الي الاراء العاقله مثل المرأه القط و شريف وتامر لكن عموما تكلم معهااومع اهلها ولا تظهر ضعفا ولا تبكي او حتي تدمع واعطيهم وقت محدد ليفكروا ..وكمان ما تذكر اتصالاتها التليفونيه بالرجل اياه وتوب بقي يا اخي

  15. بسبوسه
    02/01/2011 at 00:37

    اذا اردت شيء بشده فترك العنان له فاءن عاد اليك فهو ملك لك وان لم يعد فهو لم يكن لك من البدايه

  16. my love
    01/01/2011 at 03:58

    انا لو منك اطلقها عشان هتبقي حياتى فيها شك بعد كده الراجل لو غلط ممكن غلطه يتصلح اما الست فا دى مصيبه دى ممكن اصلا تحمل وتلبسك عيل مش من صلبك دول اصلا بير خيانه وجين الخيانه موجود في دمهم

  17. مع الله
    30/12/2010 at 17:13

    والله يااخى انا شايفه من البداية انه كل صاحب نعمة محسود عشان كده دايمًا اقول مش لازم الزوجين يبينوا حبهم لبعض اوى كده ادام الناس فى زمن كترت فيه العنوسه والبطالة ده اولاً
    ثانيًا بالنسبة لزوجتك احسن حل اخى ان تستخير ربك هل الرجوع لها خير ام لا وان تعزم على التوبه من شراهة حب النساء التى لديك فقد قال رسول الله من يستطع منكم الباءة فليتزوج ومن لم يستطع فعليه بالصيام انك كنت شره فى النساء فعندك الزواج او عليك بالاكتفاء بزوجتك والصيام انا ارى انه قسوتها عليك طبيعيه لان اللى بيجى بسهوله بيروح بسهولة وانت طول ماهى كانت معاك مكنتش مقدرها والفكرة مش انت سامحتها وهى لا لان الخيانة لاتبرر لمين ماكان انما الفكرة وماذا بعد ان خان كلا منكما الاخر اما ان تضعوا حل ام تنفصلوا حتى لاتتكرووا الخيانه مبررين لانفسكم انه خانى وهى خانتنى موفق

  18. المراة القط
    29/12/2010 at 00:51

    يا اخى المسلم انت واخد الامور على محمل غريب قوى المسالة مش مسالة انك سامحتها على غلطة وهى مش مسامحاك ولكن المسالة مسالة انها غلطت فعلا بس من كتر ما انت حسستها انها ملهاش وجود ولا كرامة ولا انوثة لما رحت تعرف غيرها كذا واحدة وهى عدت وسامحت قبلك وادتك فرصة وانت اتماديت ومعملتلهاش اى حساب ولا شعور ولما غلطت كان بعد ما فاض بيها منك وحست انها مجروحة ومش مرغوبة من جوزها فحبت تحس بس بانها مرغوبة من اى شخص تانى ومش لانها بتحبه ولا انها عاوزة تغلط ولكن الكبت انك جرحتها فى انوثتها خلاها تعمل كدة وانت سامحتها وضربتها وعرفت اد ايه الخيانة ممكن تكون شىء بيجرح بس انت سامحتها عشان هى سامحت قبلك كتير ولانك بتغلط كتير فى حقها مش لانك اخلاقك عالية سورى فى الكلمة يعنى بس كان المفروض بقى انك تقف عند الموقف ده وتفكر انك انت اللى خليت مراتك توصل لكدة فلازم اعفها واعف نفسى وابطل غلط فى حق ربنا وحق نفسك وحق زوجتك لكن المشكلة انك محستش بصعوبة الموقف ده انك ازاى عاوز غيرك يسامحك وانت ما بتبطلش خيانة ولا بتنهى علاقاتك وتكتفى بما حلل الله لكن انت الوقتى عاوزها تسامحك وبس بمقابل انك سامحتها من غير اى حساب لكل مشاعرها اللى رخصتها وكرامتها اللى اهدرتها انت بجد انانى ولكن نصيحتى ليك فى اخر اكلامى – عفوا تعف نساؤكم- حاول مرة واتنين وعشرة وافتكر لزوجتك انها تحملتك كتير مش انها غلطت فى حقك مرة ولكن حاول انك تلتزم عشان اللى انت فيه حاجة بسيطة قوى قوى جمب عقاب الجبار اللى لا يغفل ولا ينام وربنا يهديكوا وترجعوا لبعض على خير

  19. نونه
    27/12/2010 at 23:18

    انا مجربه هي هلأ مجروجة منك جرح كبير وهي خانتك ردت فعل طبيعية على تصرفاتك امام النساء وهي هلأ ما بتحبك بس لفترة ورح تعدي انت اتركها وارجعلها بعد فترة وما تقلهاش انك سامحتها لانك مختلف انت اقدرت اتسامحها اما هي لا طبيعة البشر مختلفة بس اترمها لفترة وارجلها وان شاء الله يحصل كل خير ولما ترجعوا لبعض طمنا وبدنا الحلاوة

  20. amro
    27/12/2010 at 22:38

    السلام عليكم ورحمة اله وبركاته
    اخى العزيز بالنسبة لمشكلتك اولا زوجتك خلاص انت نزلت فى وجهة نظرها وكمان لو تم صلح هتفضل طول عمرها تحتقرك ومش هتأمن ليك تانى فأن من وجهة نظرى تجلس مع اباها وتعرفه بواقعتها السابقه وتخيره ان كان يريد رجاع بنته ام طلاقها وفى الحالتين لبى له رغباته ولا تندم على شىء

  21. ahmad
    27/12/2010 at 14:40

    اخي العزيز ان من يحب يغفر وان من يحب لا يرى عيوب حبيبه يقولون عن النساء انهم حناين و ذات قلوب رقيقه ولكن اصبح الرجل الان هو ضحيه المرأة وان المرأة الان لم تعد بحاجه الرجل فان طلع الرجل عنها وجدت بداله وفوراوكأنها تقول لنفسها ان الله عزوجل قد اعطى الرجل الحق باربعه نساء وما الذي ينقصني للذلك ان كنت مرتاح بالزواج من الثانيه ومبسوط اذهب انت وايها الى شهر عسل وعيش حياتك ويا في رجال قتلهم الحب وهم احياء

  22. شريفsh
    27/12/2010 at 04:40

    اخى العزيز \ معلش اللى هقوله ده وجهت نظرى \ تعرف هى مسمحتكش ليه عشان انت سمحتها وعديت اللى حصل بسهوله لو كنت قاسى معها كانت هتعرف انك مش ضعيف وكانت هتعدى اى موقف علشان عارفه انها هتخسرك لو زودت فيه ولكن ده ميمنعش انك غلطان دموع الرجل ضعف المهم ابعد عنهاوانظر لحياتك وهيا اللى هتجيلك لو مجتش يبقى كمل حياتك والدنيا مش هتقف عندها غير كده انت تهدركرامتك معها سامحنى

  23. اختك بالله
    27/12/2010 at 01:18

    المجتمع يرفض فقط خيانه المراه لا اخي الله ثم المجتمع يرفض ويحرم خيانه الرجل والمراه انت بدات الخيانه واكيد زوجتك كما ذكرت عرفت مرارا انت تخونها وهذا رد فعل منها على خيانتها لك رغم انو حرام لكن حصل انت نسيت في زحمه شهواتك ان لك امراه ترى وتسمع افعالك وهي بدورها ارادت الانتقام لنفسها ماذا عملت تكلمت بالموبايل ولم تتعدى ذلك هو غلط وحرام لكن انت تعديت المكالمات وعملت كل شي وهي خافت على نفسها منك ومن خيانتك خافت لتعمل فيك اكثر وان نتنتقم اكثر لذا هربت الى بيت اهلها لانها لا تستطيع الخيانه مثلك ماذا تنتظر منها ولماذا الخيانه من البدايه منك لا تلومها انت ظلمتها وظلمت نفسك لو كنت مكانها لما سامحتك الله يغفر لك

  24. النبيل شارل
    27/12/2010 at 00:31

    اخي هناك شيئ انكسر في نفس زوجتك هو الذي جعلها تكرهكك انت لم تعد ذالك الشخص الذي كانت تثق فيه اتركها لبعض الوقت اؤكد لك انها ستحن للعودة إليه لكن في النفس لوقت يجب عليك ان تحاول كسب ودها ببعض الرسائل الجميله او الهدايا البسيطه اسأل عنها وبالتأكيد سيلين قلبها وتحن للعودة اليك

  25. حبيبة الرحمن
    26/12/2010 at 23:29

    بص انتا غلطان ماشي بس ربك بيسامح البشر وبيغفر ليهم وهي المفروض تسامحك وتساعدك علي لم البيت مش تتمادي فيها قول ليها انا هاتركك فتره عند بيت اهلك وبعد اكده ترجعي البيت وحدد الفتره ولو مارجعت شوف اللي عاوزاه وماشيه ليها وصدقني هاتلاقيها رجعت بيتها لما تحس انه فيه خراب ومع لاشي كل البيوت اكدي بس سوري من المفروض انك تعمل لنفسك كرامه الست مابتحب الراجل الضعيف اخي الكريم بتحب الراجل اللي عنده شخصيه بس ارجوك بلاش محايله ودلع معاها ولا تترجاها وانتا استحلفك بربك لو رجعت ماتفكر في اي واحده غير مراتك وبيتك واولادك في ستات مطلقات بتبقه عاوزه خراب بيوت الناس علي شان تصددهم ربي يستر عليك ويهدي سرك بحق جاه الحبيب امين يارب

  26. ahmadelemam
    26/12/2010 at 22:16

    اسمح لى انت الغلطان لانك ضعيف امامها والمراة لاتحب الرجل الضعيف ابدا والحل من وجهة نظرى ان تحتفظ بالبقية الباقية من رجولتك وشهامتك وتطلقها فورا

  27. الله المستعان
    26/12/2010 at 22:08

    السلام عليكم اخى \ انا اسف ممكن يكون كلامى شدبد شويه
    لكن اخى انت غلطان كل الخطاء اولا فى اننك ازاى تسمح لزوجتك تدخل نت ثانيا ازاى تسمح لها تشيل تلفون انت متعرفش عنه حاجه الا بعد ايه واحد العلماء قال ان ثلاث شياطين الان النت والتلفون والتلفاز المهم ثانى اخطاءك انت اكيد متبعتش زوجتك لسه ببتكلم ولا لا لكن هو الظاهر انه اكيد اكيد بتكلم حد غيرك علشان كده كرهاك وانت غلطان فى امر اخر انت حبيت وحده روح اتجوزه انت ليك اربعه لكن متحطش نفسك فى موقف زى ده كلامنا الان بعيد عن المعصيه مع العلم ان السبب فى المواضيع دى كلها هى المعصيه …لان لا ينزل بلاء الا بذنب ولا يرفع الا بالتوبه … ولان احد الصالحين لما كان بيعمل معصيه كان بيجد اثرها فى زوجته وحماره يجدهم عاصين له المهم انت حاول معاها تانى على الاقل علشان اولادك ولو مفيش نتيجه طلاقها واتجوز تانى ولاخلاص لكن نصحتى ليك ابعد عن الست الاى انت كنت عرفها دى خالص …واخيرااا اخى … اتقى الله فيما بقى من عمرك يغفر الله لك ما مضى وما بقى من عمرك انشاء الله وارجع الى ربك واطلب المغفره منه والعفو والله عز وجل هو بيدهى قلوب العباد … اسف على الاطاله

  28. tamer
    26/12/2010 at 21:43

    مسامحتك لها علي علاقتها بهذا الشخص هو تعقل منك وحكمة بشرط تقديرها لذلك الامر وعدم تكراره ابدا مرة اخري وانا اقول علاقة ولاأقول خيانة لانها كلمة كبيرة جدا وقد يكون الامر مجرد مكالمات تليفونية فقط ولم يحدث بينهما ماهو أكبر وهو ماتؤكده انت نفسك في حديثك ومااطمئنت اليه نفسك مع تقريري بأن هذا أيضا نوع من الخيانة منها وان كنت لاأود ذكر هذا اللفظ الكبير . عدم مسامحتها لك قد يعطي انطباع أنها تعرف عن ميولك للنساء وعلاقاتك المتعددة الكثير وربما هي سامحت ايضا كثيرا وفاض بها الكيل وطفح ومن الواضح ان نوعيتك لاتكف عن مشاغلة النساء واقامة العلاقات وأنت نفسك تعترف بضعفك أمام الجنس الناعم وهو خطأ فادح لرجل متزوج ولديه أولاد ثم هي حذرتك أن تكف ولم تمتثل وأنا أعتقد أنها تعرفك جيدا وتعرف انها لو عادت اليك بسهولة ربما تقيم علاقات اخري في اليوم التالي !لذا : أولا / عليك بالتوبة النصوح الحقيقية والتقرب الي الله بحق ودعاؤه بأن يتوب عليك ويعيد اليك زوجتك. ثانيا / حاول توسيط أولو الرأي والحكمة والعقل والدين لديها ولدي أسرتها لكي تعود وتبدأ معها صفحة جديدة وياريت متجبش لها سيرة عن علاقتها القديمة حتي لاتعند أكثر. ربنا يوفقك للخير .

  29. المخدوع
    26/12/2010 at 21:03

    وارجو منك انت تخبرني بالنتائج علي هذا الموقع ولاكن افعل ذاللك وباسرع وقت واجعل شخصية قوية امامها واظهر لها انك قادر علي ان تستغني عنها في اي وقت
    وانا في انتظار ردك عــــــــلي

  30. المخدوع
    26/12/2010 at 20:59

    اخي الفاضل احب ان اعرفك انك من البداية تسامحت وتنازلت عن كرامتك وشرفك وهي بكت لك في البداية حتي لا ينفضح امرها وانتظرت الفرصة التي تتركك من اجل عشيقها فدموعها من البداية مكر وخدعة
    وهذا الحبيب او العشيق لن يتزوجها ولاكن سيأخذ منها ما يرد ويتركها وبهذا ستكون هي الخاسرة وليس انت واذا استمريت في الحاح عليها ستكون انت الخاسر ونصيحة مني لك اذا كنت تحبها قول لها هل تريدي الطلاق واذا قالت نعم قول لها ساطلقك ولاكن تنازلي عن كل حقوقك او اطلبي الخلع وعمل اشاعة انك ستتزوج من غيرها حتي تصل اليها الاشاعة واخبرها ان الرجل الذي ستتركك من اجله لن يتزوجها وانك ستتزوج واخبرها انك ستخبر الدنيا كلها بما فعلتة حتي يخجل اي رجل من التقدم اليها وبذاللك ستكون هي الخاسرة وستفكر جيدا في كلامك وان شاء الله ستعود نادمة اليك ولاكن اعمل هذة الاشاعة وبعد ذالك ادعيلي
    وهذا هو اللام الصحيح ولا تسمع لاحد تاني ونفذ ما اقولة للك وستري انها ستعود نادمة وتطلب الغفران من الله ومنك

  31. الفراشه
    26/12/2010 at 20:01

    انت مشكلتك يااخي لها شقين الشق الاول ان ممكن زوجتك تكون فعلا علي علاقه بغيرك عشان كده رفضه الصلح مطلقا واما انت زودتها قوي واكتشفت خيانه بشعه مش قادره تنسها عشان كده لازم تتركها شويه لما تهداء اعصابها وتقدر تنسي ولو مش قدرت يبقي عندها حق لان افظع شى هو الخيانه لان الواحده الي بتحب ماتقدر تنسي الخيانه اتركها شويه وارجع توسل لها وان لم تقبل يبقي مع السلامه وده مش اخر المشوار خيرها في غيرها

اترك رداً أو حلاً لهذه المشكلة