مشاكل الحب والزواج

سبت خطيبى وندمت وحاسة بالذنب

انا سبت خطيبى بقالى شهر و كونا مخطوبين بقالنا 10 شهور بس ده كان بسبب اخته و مامنه…اكتر من مرة حصلت مشكله مع اخته ان كان يحصل موقف يجمعنى بيها بتبقى غلطانة ومش بتعترف وبتحكى كمان عكس الكلام ألى يطلعنى انا ألى غلطانة وهى ألى صح و باباها و مامتها كانو بيصدقوها وعايزنى انا كمان ألى اعتذر ليها وهو كان بيصدقها لحد مااتخنقت معاه لانها كانت كمان بتوقع بينى و بينو وبتحكى كلام مش حقيقى عنى ليه ومامته دايما تقولى انت تحمدى ربنا على ابنى ده مع العلم انى اعلى منه فى التعليم و المستوى الاجتماعى لحد ماحصلت مشكلة كبيرة جدا لدرجة ان مامته اتصلت بيا و زعقتلى جامد جدا وكنا هنفسخ الخطوبة وكانت بسبب اخته بردو عشان حكت كلام مش حقيقى عنى وانا مسكتش وقلت ان ده كدب و بعدين الموضوع عدى خلاص بس بعدين لقيت معاملة وحشة جدا من اهله وهو على طول بقى يقولى هاديكى على دماغك من ابسط سبب…زيادة انه كمان كان بيتعالج نفسيا بسبب تربيه اهلة كان شايف نفسه ضعيف وانا مستحملتش و مبئتش بحبه خالص و سبته المشكلة هو بيموت فيه و بيحبنى وانا متأكدة وانا صعبان عليا اوى ومش عارفة اعمل اية بس استحالة انى ارجعلة وخايفة ربنا يردهالى
اسفة جدا انى طولت عليكم جزاكم الله خيرا

مشاكل وحلول ذات صلة

اضيف بتاريخ: Tuesday, September 18th, 2012 في 05:35

كلمات مشاكل وحلول: , ,

4 رد to “سبت خطيبى وندمت وحاسة بالذنب”

  1. wadboram
    20/09/2012 at 11:27

    الأخت العزيزة…..أقدر مشاعرك جيدا و لكن من خلال تجربتي في الحياة فإني اري ان اذا وجدت مشاكل من البداية بين العائلات و تفاقمت فالنصيحة ان لا تكملي هذا الزواج مع العلم أنكما تحبون بعض…. لماذا؟ لأن ذلك قد يحول حياتك لجحيم ….فما اكثر البيوت التي خربت بسبب عدم اتفاق العائلتين مهما كانت الأسباب تافهة…

  2. ميدو
    19/09/2012 at 19:17

    الموضوع دا صعب جدا هو شخص شخصيته ضعيفة ومش بعيد بعد الجواز تحصل حاجة اكبر من كدا بس حاولى تقربى من اهله لو عايزه وبتحبيه وندمانة عليه وتحاولى تعرفى ايه السبب اللى بيخلى اخته تعمل كدا واللى زاى اخته دى ربنا هينتقم منها لو ظالمة وكدابه بس فكرى تانى فى الموضوع بالتوفيق

  3. اخاف الله رب العالمين
    18/09/2012 at 15:02

    منين مش بتحبيه ؟ ومنين ندمانه انك سبتيه ؟
    يعنى ينفع ترجعيله وتكملى الجوازه وانتى مش بتحبيه ؟ وتقضى عمرك فى حياه مافيهاش طعم ؟
    لما تسيبيه دلوقتى احسن من لما تتجوزيه وتفضل نفس المشاكل بينك وبين اهله وتتطلقى منه
    حتى مافيش حب يخليكى تستحملى المشاكل دى وتصبرى عليها

    انتى صعبان عليكى انه بيحبك واتخليتى عنه وخايفه ظلمك ليه يزعل ربنا منك استخيرى الله
    واختبرى مشاعرك اكثر هل تحبيه ام لا ؟

    كان فيه واحده جات للرسول قالت له انا مش بحب فلان وارغب فى الطلاق منه لانه دميم الشكل فسألها الرسول عليه الصلاة والسلام هل من بد ان تحاولى العيش معه ؟ قالت لا يا رسول الله قال لها ماذا اعطاكى من مهر ؟ قالت حديقه فاستدعى الرسول زوجها وسأله ان يتركها وكانوا فى العمره بالصفا والمروه هى تهرول وزوجها خلفها يبكى حباً فيها وعادا الى الرسول فاخبرها ان زوجها قلبه ينفطر حباً لها الم يغير ذلك موقفها ؟ قالت لا واصر على الطلاق فجاء زوجها وقال لها الرسول عليه الصلاة والسلام ردى له حديقته وطلقت والله تعالى اعلى واعلم

  4. mohamed
    18/09/2012 at 11:04

    بينى وبينك الحب لوحده مش كفايا لازم يعرف يبدى الحب دا لو عيزة رئيى متزعليش عليه باذن الله ربنا يرزقك باللى احسن منه دى امه واخته بيعملو فيكى كدا من دلوقتى امال لما تتجوزى هيعملو ايه اوعى تخدى قرار تندمى عليه طول عمرك وتضيعى شبابك لو بيحبك بجد هيصدقك ومش هيسمح لحد يهينك ولكن بردو لازم تصلى استخارة فالموضوع دا لو فيه خير هتتجوزو لو مفيهوش ربنا هيبعده عنك وربنا يوفقك وشكرا …

اترك رداً أو حلاً لهذه المشكلة