اعاني من ضعف الثقه في نفسي حيث لا استطيع التعبير عن مايدور بداخلي بصوره واضحه ودائما احس اني اقل من الاخرين كما اعاني من الخوف من مواجهة الناس وعندما اكون في مكان عام احس ان كل من في المكان يقوم بمراقبتي مما يجعلني في حالة من الشد العصبي والتوتر الزائد وعندما اتحدث مع احد الاشخاص لا استطيع النظر في وجهه كما لا استطيع المطالبه حتي بحقوقي خوفا من اغضاب الغير الشيئ الاخر انه اذا قام احد الاشخاص باهانتي او القاء اللوم علي فاني لا استطيع الرد او الدفاع عن نفسي بل اكتفي بالسكوت والاتسحاب انا الان في عذاب شديد ارغب ان اكون انسانا اجتماعيا وان اشارك الناس مشكلتي الاخري عدم الثقه في حبيبتي حيث دائما تراودني فكرة انها تخونني ولا اثق فيها ابدا
مشاكل الشباب النفسية
اعاني من ضعف الثقة بنفسى وبحبيبتى
اضيف بتاريخ: Friday, April 12th, 2013 في 08:00
كلمات مشاكل وحلول: شاب, علاج, مشاكل الشباب, مشاكل الشباب مع البنات
اخي الفاضل لازم تغير طريقتك في التعامل مع الاخرين خلك راجل وقوي وصادق في تصرفاتك وكلامك مع الجميع ازرع الثقة في نفسك بمشاركةالاخرين لهمومهم وافراحهم واحزانهم واترك عنك الخجل والانطواءاوالعزلة مارس حياتك بحلاوتهاومرارتها لاتكن ضعيفااوجبانا اومترددا خذالصح واعمله وشف الغلط واتركه واحذر من الثرترةالزائدة اواحتقار الاخرين ولاتقاطع الاخرين اثناءالحديث معهم حتى ينتهوا ثم ابتدي في الكلام ومتى ماكنت صادقاوخلاقك رفيعة مع الناس زاد حبهم واعجابهم بك واترك عنك الوساوس اللي تدمرحياتك والشك اوالغيرة الزايدة مع خطيبتك وتقرب منهاوثق بهاوتاكدانهاسوف تعاملك نفس المشاعر وربي يوفقك ويسعدك
بص يل صاحبى وربنا انا نفس مشكلتك دى بالظبط حتى انا ضحكت لما قريتها قولت لنفسى :مكنش انا اللى كاتبها وانا مش حاسس….. المهم ياصاحبى حكاية ضعف الثقه دى اكيد اكيد جاتلك بعد ارتباطك بحبيبتك ودا نتيجة مثلا انك سمعت عليها كلام او انك فضلت تسأل عليها كتير كتير بسبب انك مثلا مكنش ليك علاقه قبل كده فحابب تسأل علها كويس … او الحاجه التانية وهيا انك محسس نفسك انك مش تستاهلها بأى سبب سواء كنت بتشعر فى اوقات كتيره انها ممكن تكون مش ليك وخايف تضيعها من ايدك ..المهم علشان مش اطول حل الموضوع دا زى ما قال الاستاذ احمد انك لازم تتقرب من ربنا ومتخفش من حد وواجه اى حد بس حاول متتكلمشى مع حد فى موضوع حبيبتك وادعى ربنا والله انا عملت كدا وبدأت اهدى شويه وبحاول ان شاء الله امحى الوسواس اللى جوايا واعرف انك لو بتعمل حاجه غلط هو هيسيبك فى الغلط لكن لو هوا بيحاربك اعرف انك ماشى صح … والوسواس دا ممكن يكون فيك او فى غيرك زى اصحابك مثلا انت شايف مثلاً انهم مبيحبوش الخير ليك او هما بيعملو حاجه غلط وعايزينك تعمل الغلط معاهم وانت رافض فيبدوا يغيرو فيك نفسيا وانت بقى تحس انك مش عندك ثقه بنفسك….
وارجوك لما تيجى تفكر فى خيانة حبيبتك احسبها على نفسك لو انت خنتها دايماً حتس بالشعور دا على طول وكل ماتيجى تفكر فى حاجه تضايقك غير الموضوع واعمل اى حاجه غير اللى انت بتعملها واقعد مع نفسك وحل الموضوع دا مع نفسك ودايماً وانت اقعد مع نفسك خد نفس من انفك طويل وادعى ربنا …………. وربنا يريحك
بص يابشا الموضوع انك محتاج يبقي عندك شجاعة ومتخفش غير من ربنا وبعدين اوقات مشكلة زي دي بتبقي نابعة من حاجة انتا مش راضي عليها في شكلك مثلا وعملالك عقدة زي مثلا قصر او رفع او تخن او حاجة في شكلي مش عجباني او ضعف جسماني .. الحل ؟ حارب الوساوس دي اول باول انزل الجيم او العب رياضة عشان الرياضة بتنشط وبتقوي الثقة بالنفس وبالذات الجيم مثلا لما تبتدي تبني عضلات هتحس بكلامي كويس .. انما لو عندك مشكلة في الشكل تانية صعب تغيرها يبقي تقرب لربنا وحول الخوف والمشكلة دي ناحيته وادعيله وخليك واثق فيه لأنه معاك ومش هيضيعك أبدا حتي لو انتا اهملت عبادته مثلا بس صدقني حل المشكلة دي انك تقرب لربنا وارفعك راسك لفوق كده وميهمكش حاجة وحتي لو حصل اي مشكلة انا مش يشغلني ولا تزعلني المشاكل ماهي الحياة كده .. ولو عندك حياء شوية فده مش عيب الغلط ان الحاجة تزيد عن حدها حاول توازن الحياء او الكسوف وانك انسان محترم ومش بتحب الأذي وبين انك تكون شجاع او تتحدي الموقف او الوضع اللي يحصلك ومش يهمك وحتي لو فشلت مرة واتنين وتلاتة معلش حاول تاني وخليك جامد وكل ماتحاول تواجه الخوف او الحالات النفسية دي كل ما هتبعد عنك خااالص بس اهم حاجة خليك مع ربنا اسمع مني لان كلنا زيك كده ومحتاجينه وربنا يوفقك انشاء الله.