تربية الاولاد

طرق تربية الاطفال عمر 3 سنين

ابنى عندة3 سنوات ومبيسمعش الكلام ولما بيغلط واعقبة بيعند اكثر وكل حاجة يشوفها بيشبط فيها ولما اقول لهو لا يعيط وميرداش يسكت الامايخدها ولما انا ارفض يعند وميسمعش الكلام لدرجة كنا مرة فى الشارع ومسك فى لعبه وانا ارفض فضل يصرخ وجرى منى فى الشارع ورفض يرجع وجريت وراه لغيط مجبته عايزة اعرف طرق تربية الاطفال بهذا العمر وكمان اتعامل معاه ازاي

مشاكل وحلول ذات صلة

اضيف بتاريخ: Sunday, October 7th, 2012 في 09:34

كلمات مشاكل وحلول: ,

4 رد to “طرق تربية الاطفال عمر 3 سنين”

  1. بلال
    30/09/2014 at 04:37

    انا بنتى عنيده ومبتسمعش الكلام وانا تعبت معها ضرب وصوت عالى وكمان مبتعرفش تاخد حقها اخوها الصغير بياخدلها حقها بكلم معها براحه مبتسمعش الكلام وبتقلد بنت عمها يعنى تضرب نفسها وتشد شعرها انا تعبت معاها

  2. ابواميرة
    17/11/2013 at 13:37

    اختي الظاهرانك لسه متزوجةحديثا وماعندك خبرةبتربيةالاطفال ومافي مشكلةاللي مايعرف يسال ويتعلم من الناس اصحاب الخبرةفي هالمجال اولا اسال الله ان يبارك لكي في ولدك ويحفظه لكي ويقربه عيينك ثانيالازم من الصبر في تعامل مع الطفل في السن 3سنوات بلاش تعصبي عليه اوتصرخي في وشه ابدا ابدي بالكلام الحلو والابتسامةالجميلةواخده في الحضن وضمه لصدرك ثالثا مش اذاطلب اي حاجةنلبيهاله خليه يبكي وبعدين يروق وينسى رابعا ابعديه عن المناظرالمخلةبالاداب كالنظرلك ولزوجك وانتمافي الجماع اوالنظر لك ولاابوه وانتم من غيرملابس لانوالاطفال عندهم تركيز ويتاثروابسرعةلكل مايشاهدونه ويبقى في ذاكرتهم وماينسوه ابدا

  3. شيماء
    24/06/2013 at 15:18

    التعامل مع الطفل فى هذه المرحله صعب يحتاج إلى صبر ولكن أحب أن أرشدك أن الطفل مثل الورقه البيضاء حاولى أن تجذبيه دائماً نحو الرياضة وتعلم القرأن فعل الخير وأشعريه دائماً بحبك وحنانك
    ودائماً أستعينى بالله وجعلى نيتك فى تربيته أخراج رجل ناجح ينفع بلده ودينه وبيته

  4. د محمد حسام الدين
    17/10/2012 at 08:58

    غيرى من تربيتك بشكل كامل بدون ضرب ويكون العقاب أقوى بالتدريج
    العنيد خليكى لينه معاه فى التعامل لينه يعنى ماتتعصبيش خليكى طويله البال قدر المستطاع تجاهلى ردود فعله فى الصراخ والبكاء لو جرى منك فى الشارع أجرى إنتى أستخبى مايشوفكيش
    بس أنتى تكونى شيفاه ويفضل الموقف كامل يكون مصطنع يعنى تتفقى أنتى ووالده مع محل فى نادى مثلاً المحل بيبيع لعب أطفال وتحطى لعبه فى المحل لو شافها يموت عليها ويعمل اللى بيعمله كل مره ومن هنا تجاهليه خالص لو جرى أختفى خالص من قدامه ورقبيه من غير مايحس أو يكون حد تانى مايعرفوش يتابعه ويكون معاكى على الموبايل وهو اللى هايبدء يدور عليكى ويخاف يسيبك مره تانيه ويجرى

    أمابخصوص الصراخ كل مايصرخ سيبيه ماتنفعليش ولا تتأثر نهائى حتى لو الناس حواليكى أتأثروا سيبيه يصرخ برحته هايخلص ويهدى ولما يخلص أتكلمى كأن ماحصلش صراخ ولا كان فى دوشه وفهميه بالموضوع بهدوء

    ولكى سيدى الكريمه غيرى من نفسك كونى أم رقيقه القلب وقاسيه فى أن واحد فإن فى القسوه أحياناً عطف حتى لا يضيع إبنك من بين يديكى حفظكى الله

    وأشركى الوالد فى تربية الطفل يكون أفضل ولا يتخدل سواكم فى تربيته لا خال ولا عم ولا جد أو جده فقط أنتم وإن كان منهم من يود أن يفعل شئ يستأذنكما أو يقول لكم بعيد عن مسامع الطفل حتى لا ينقاد الطفل لطرفين التربيه الأجداد بأسلوبهم وأنتم فى حزمكم وبالتالى قد يكرهكم

    حفظكم الله ودمتم بخير

اترك رداً أو حلاً لهذه المشكلة