عندى 24 سنه شغال محاسب فى مكان كويس ووسيم ومرتبط والناس كلها بتحبنى بس مشكلنى التهتهه فى الكلام ومش عارف اعمل ايه ومحرج من كل الناس وببعد عن الناس ومش عارف اعمل ايه ؟ فياريت نفسى اعرف حل؟
مشاكل اجتماعية
نفسى فى علاج التهته عند الكبار
اضيف بتاريخ: Thursday, October 20th, 2011 في 00:25
في واحد راجل كبير في السن كان يعالج هذة الحالات لاناس كانوا يعانون من التهتة ووقفت بنفسي على طريقة هذا الشيخ العجوز في علاجه لهذة الحالات كان يجيبب اعشاب طبعيية كالحبة السوداء والقرفة و العسل وزبيب وماء زمزم ويخلطهم مع بعض حتى تكون كالعصير الكوكتيل ثم يصب منها قي كاس كبيرة ويعطيها للمريض لاجل يشربها ويطلب من المريض ان يتناول كاس من هذا المشروب يوميا عند الصباح لمدة 2شهرين وسبحان الله يشفى المصاب وينطلق لسانة ويتخلص من التهته والله هو الشافي وهوعلى كل شي قدير
انا احمد 15 سنة من الشرقية وعندي تهتهة ضعيفا معا التعمل معا الناس وديمن صوتي وطيي جدا عندما اتحدث معا الاخرين لني محرج من التهتة
لو ممكن حل من غير طبيب وانا احول ان اثق بنفسي وانا عصبي
انا عندى 25 سنه مش عارف اعيش حياتى بالتهتهه بكون فى مواقف محرجة جدا وسيبت كذا وظيفة بسبب التهتهه وفسخت الخطوبة بسببها محتاج حل لانى تعبان اوى فى حياتى
انا عندي 21 سنة شاطر جدا في شغلي بس سبتة الناس بتتيريق وانا اعصابي تعبت ودلوقتي انا باخد مهدات للاعصاب ومش عارف اعمل اية يارب اشفي كل مريض
اناعمرى30سنةوبتهتهه اوووى فى الكلام ومتزوجةاوقات مش بحباتكلم مع جوزى عشان متهتش اوبخاف على ولادى لاحسن ينطقوا زى ولمابتكلم مع حد بحس انه مشفق عليه عشان بتهته وفى ناس تقولى على مهلك
اشعر بك , فانا ااعاني منها أيضا وكانت بمثابة كابوسي الابدي , انا اصغر منك في السن بكثير فانا 16 سنة ولكني قرأت عنها الكثير من كثر ما سببته لي من متاعب واحراج ولكن بينما انا اتعجب من مدي صعوبتها و مدي تعقيدها حتي انه ليس لها علاج معروف او موحد ولكني ادركت شيئا … الحل الوحيد هو ان تتقبل نفسك كما انت, تعرّف علي مشكلتك الحقيقية وهي الخوف حاول ان تتغلب عليه ولا تخفي مشكلتك تكلم بحرية وتهته كما تشاء .. الحل سهل جدا فقط تقبل نفسك ولا تستحي منها
انا بتكلم كويس بس لما باجى
اتكلم المفروض اقول حاجة القينى بقول كلمة تانية
او اتهتا فى الكلام وساعت كنت بفكر فى الكلمة قبل مقولها عشان الاحراج فبلقى نفسى بقول حاجة تانبة بردوا
انا احمد من مصر عندي 17 سنه وبعاني من مشكلة التهتهه مع العلم ان المشكلة دي لم تظهر الا منذ سنه ونصف تقريبا وقبلها كنت اتحدث بطريقة عاديه جدا ومفهومه ومع العلم ايضا ان هذه المشكله قد تكون وراثيه لان ابي يعاني منها ………….. ياريت الحل بسرعه لاني بتكسف جدا وانا بتكلم مع اي واحد
فكزه حلوه ادعولنااااا
§ خذ نفسا ً بكل نعومة واسترخاء وبطء .
§ مد في الحرف الأول بنعومة ووضوح .
§ لا تبذل أي مجهود يذكر في كلامك .
§ أبطء كلامك جدا ً جدا ً جدا ً .
§ استمر في كلامك واشعر به ، لا تكتفي بسماعه ، ولكن أيضا ً اشعر به ، واشعر باهتزاز أحبالك الصوتية .
§ حاول وصل الأصوات والكلمات ببعضها في تناغم وتناسق رائع ، كأنك تعزف سيمفونية موسيقية .
§ حاول أن يكون صوتك في المعدل الطبيعي وليس منخفضا ً .
إن كان بإمكانك تسجيل الجلسة فافعل ، ثم أعد سماعها لتقيم نفسك .
الهدف من هذه الجلسة :
كلما تكلمت مع نفسك باستخدام الطريقة فهذا بمثابة برمجة للعقل الباطن على أسلوب جديد للكلام ، وهو بداية استخدام الطريقة مع الناس ، فلن تستطيع استخدامها مع الناس إلا إذا أتقنتها مع نفسك تماما وأصبحت تستخدمها دون أن تشعر .
انا عندى 18 ستة و بتهتة فى الكلام حتى لو مش خاية و الحالة النفسية كويسة اعمل اية و معنديش قدرة مالية اروح اتعالج ممكن حل و شكرا
انا طاله عندي 15 سنه ومشكلتي في تهتهه ببقا محرجه او لما بكلم مع حد معرفوش او اروح اشتري حاجه مش بعرف اتكلم خالص وبتهته جاميد لدرجة اني سعات بامشي من الاحراج وسعات ببقا عيزه ادخل في موضوع مجموعه من ناس بيتكلمو فيه مثلا مش بعرف لساني بيقف وبجد ياريت حل بسرعه
هل يوجد حل غير الذهاب الى طبيب
كحلول بين الاهل او حلول يتبعها المريض نفسه ؟
السلام عليكم
ربما أنت تعاني من فقدان الثقة بالنفس والحل هو أن تحاول أن تسترجع هذه الثقة وكن واثق من نفسك وتشجع في الكلام وخصوصا الحوارات والمناقشات وان شاء الله سوف تتخلص من هذا المشكل ولا تخف فالخوف هو السبب الرئيسي لمثل هذه المشاكل
وفي الأخير اذا تعذرت عليك هذه الحلول المقترحة فيجب استشارة طبيب نفساني
وأطلب من الله أن تتخلص من هذا المشكل في القريب العاجل
آمــــيـــــــــــــــن
روح لدكتور تخاطب
هيساعدك باذن الله