خطبت منذ فتره وجيزه بنت محترمة واهلها ناس كويسين….تحس انها عاقله ومتحمله للمسئوليه….هي سنها كبير شويه ( بس انا اكبر منها بسنه أنا سني 28 سنه) وكانت بترفض عرسان كتير…..المهم أنا خطبت قبل كده مرتين واحده منهم كانت قريبتي وكنت لا أحس تجاهها بأي شئ واتخطبنا خمس شهور وما حصلش نصيب ولم أزعل عليها بل ربما استريحت…الخطوبه الثانيه كانت بعد الاولي ب6شهور واستمرت ثلاثة شهور….المهم أنا حبيتها بجد وكانت في آخر سنه في الكليه مشكلتها انها بتسمع كلام أهلها لدرجة انه لما كنت باتصل بيها ماكانتش بترد لأن أبوها قال لها خلي المكالمات قليله علشان تركزي في المذاكره المهم أنا قلتلها حتى لو مش فاضيه ردي ديقيقه واحده وقولي انك مش فاضيه واقفلي بعدها….المهم لما اتكرر الموضوع ده أنا اللي سيبتها وطلبت فسخ الخطوبة وقد كان………ما علينا من كل هذا أنا دلوقتي البنت اللي خطبتها احساسي بها متعادل بس ابتديت استريح لها وأركز على الجوانب الاجابيه فيها……أنا مش عاوز أتسرع وأقولها كلام حلو بسرعه ( عارف البنات بتحب الكلام الحلو ) يعن من الآخر مش عاوز اتدلق…..بس في نفس الوقت أنا عاوز أعيش الحب وتكون فترة الخطوبة ونمر بفترة الخطوبة الناجحة و جميله
مشاكل الشباب قبل الزواج
كيف تجعل فترة الخطوبة ناجحة
اضيف بتاريخ: Monday, December 27th, 2010 في 20:28
كلمات مشاكل وحلول: البنات, البنت, الخطوبة, الزواج, بنات, عرسان, فترة الخطوبة, فسخ الخطوبة, مشاكل الشباب, مشاكل الشباب قبل الزواج
حاول بقدر الامكان ان لا تقصر فترة الخطوبه
اولا الخطوبه احلى مافيها ان يكون فى حب ودلع واحساس عالى بينكم واشتياق للزواج عيشو فتره الخطوبه بكل مافيها من معانى حلوه علشان يوجد اشتياق لليوم اللى تكون فى بيت الزوجيه وربنا يوفئك
يا اخى الفاضل حاول بقدر الامكان ان تقصر فترة الخطوبه وان تكون واثق بنفسك وتقنعها بيك دون واسطه وان تكون بالفعل تحبها حتى يصلها احساسك وربنا يوفقك يا اخى ,,,,,,,,,,,,,
اولا بالتوفيق ليك ان شاء الله ونصحتى ليك
كما قلت انت تركز على الجوانب الايجابيه كى تشعر تجاها بالعاطفه لكن
اين انت من الجوانب السلبيه واذا ما طبعتها على طبعك الحين وانت خاطب فمتى اذن ((وانسى مقولة الطبع يغلب التطبع ))لالالالادى مبرر لفشلنا
اما بخصوص الكلام الحلو كن عقلانى وصريح وقولها انا ممكن اقول كل دقيقه كلام حب لكن انتى هتكونى شريكة حياتى ومش عاوز احس انى منافق معاكى انتى بالذات فمش هقولها غير لما احسها بجد وبطلب منك نفس الطلب عاوزينها احساس مش مجرد كلمه ينطقها اللسان
اخيرا راعى ربنا فيها وانت فاهمنى طبعا وكن دايما شخصيه مبهرة لها فى تصرفاتك
وخد بالك من كلمة بسيطه لكنها تشمل كل المعانى الثقه المتبادلة
الثقه
الثقه
الثقه
مادامت فيه ثقه بينكم يبقى مفيش كذب مفيش خيانه مفيش خوف مفيش ما يغضب الله مفيش نفاق مفيش…………….
واثق الخطى يمشى ملكا وبالرخاء والبنين ان شاء الله
لو وصلت لمرحله اقتنام بشخصيتها بايجابيتها وسلبيتها ومرتاح لها بكل حاجة فيها
وحسيت منها اقتناع لشخصيتك ، خلاص مافي الضرر من الدخول بالمرحله العاطفيه
طالما اخدت القرار وقولها على اللي انت حاسس بيه تجاهها (انصحك طالما مقتنع اكتب الكتاب)
عشان تحس بالامان والاستقرار وتعيش الخطوبه بجد
كل البنات بتحب الكلام الحلو بس ليش تحرمها منو لكن من احسن ان الخطوبة ما تكون طويلة عشان ما يكون بينهم خصامات من احسن ان تتزوج بيا اد لقيت فيها المواصفات الي تعجبك
كل ما طالت فترة الخطوبة كل ما زاد الخلاف بينهم
الله يسعدك ويجعل ليك فيها خير