مشاكل الخطوبة

فشل الخطوبة ام الزواج ايهما اختار

احترت كتير اكتب مشكلتي ولا لا وفي النهاية وصلت اين لازم اكتب لازم حد يشاركني الراي مشكلتي تتخلص في اني احببت قريب لي وارتبطت بية لمدة سنتين وبعد ذلك تقدم لخطبتي وبالفعل تمت مع العلم ان بعض من عائلتي ترفضة وتري انة غير مناسب ليا ولكن لاني احبة تمت الخطبة وبعد ذلك تحول الي شخص اخر منتهي العصبية منتهي الغباء في المعاملة مع تكرار المشاكل حسيت انة بيكرهة اهلي حتي امي هو اصلا بيكرهة كل الناس بدا يقرب مني جنسيا وانا مش اعترضت عشان بحبة وعشان الشيطان كمان وبدات اتكلم كلام مش كويس معاة في التليفون يعني علاقتي بية بقيت وحشة اوي هو بقي ابتدا يهين فيا ويعاملني وحش اوي يعني مبقاش فية حاجة حلوة كويسة اكمل عشانها تعبت منة اوي واعصابي باظت وجتلي حالة نفسية انا احسن منة في كل حاجة وهو عارف كدة فبيحاول يكرهني في نفسي ويدخل جوايا اني مش كويسة وانا تعبت منة انا عايزة اسيبة بس فية مشكلة انة سايب فلوسة كلها عندنا في البيت وامي اتصرفت فيهم لاخويا ودة اللي مخليني مش قادرة اتكلم بس هو مش عارف عارف ان الفلوس موجودة بس الفلوس حتبقي جاهزة كمان شهرين واول ما تكمل الفلوس كلها وترجعلة فلوسة حيجيب شقة ونتجوز انا مش عارفة اول ما الفلوس تكمل اسيبة وربنا يبعدني عنة ولا اكمل المشوار وبكرة يبقي كويس بالله عليكم ساعدوني انا مش عايزة افشل بس خايفة منة اوي وحبي لية قل جدا علي فكرة اكمل ولا اسيبة

مشاكل وحلول ذات صلة

اضيف بتاريخ: Tuesday, October 18th, 2011 في 14:30

كلمات مشاكل وحلول: , , ,

11 رد to “فشل الخطوبة ام الزواج ايهما اختار”

  1. الوردة الحرة
    01/03/2012 at 16:44

    صلى استخارة وسيبى امرك على الله وان شاء الله ربنا هينور بصرتك ويقدرك الخير انا كان عندى نفس المشكلة وبيقيت مش عارفة اعمل اية كل واحد بقى براى شكل اللى يقولى كملى معاها واللى يقولى سبية اخر ما زهقت من كتر الكلام سبت موضوعى على ربنا وبعد كدةلقيت نفسى بقول انا مش عاوزه وسبتة الموضوع كان صعب فى الاول عليا بس بعد كدة لقيتة خير والله وارتحت بس انتى قولى يا رب وارمى حمولك على ربنا .

  2. فاطمة
    30/10/2011 at 20:08

    بصى انا عندى مشكلة شبيهة لمشكلتك دية بالظبط ولسة فسخة خطوبتى بعد قصة حب يتحكى عنها كل الناس بس للاسف اتغير بعد الخطوبة وانا ندمانة جدا انى سيبتة رغم كل عيوبة بس هدوس على قلبى واخد اللى يحبنى متخديش اللى بتحبية لان اللى مش بنحبهم بيعززونا ااااوى فى نظرهم ربنا معاكى وصلى واستخيرى ربنا وربنا يوفقك انشاء اللة

  3. صاحبة المشكلة
    23/10/2011 at 14:28

    شكرا لردودكم جميعا بس انا لسة في حيرة والله حاسة ان القرار صعب عليا اوي مش عارفة لية جايز اكون لسة بحبة ولا دة خوف طب هو ممكن يعايرني ويذلني باللي كان بيحصل ولا اجيب موضوع الانفصال ازاي عشان متحصلش ليا اي مشكلة هو حاليا مبقاش طايقني خالص وبقي يشوك فيا وانا والله معملتش حاجة غلط ابادا غير ان هو كان سببها منة لله

  4. منه
    22/10/2011 at 04:27

    من الواضح من كلامك انك مش بتحبيه وده سبب كفايه انك تبعدي عنه

  5. فيض الأمل
    22/10/2011 at 00:49

    السلام عليكم
    في نظري من الأفضل ان تفسخي خطوبتك معه ولا تغامري بحياتك وسعادتك مع انسان لا يستحقك وكوني قوية ولا تخافي من اتخاد اي قرار في صالحك
    ولابد من صلاة الاستخارة

  6. الطيار الرايق
    19/10/2011 at 08:01

    متكمليش لان حياتك هتفشل مدام انه كده من اولها صدقينى حياتك هتفشل ومتتسرعيش ربنا عاين ليك نصيبك / المحامى

  7. lovely rose
    19/10/2011 at 02:12

    حبيبتى انا شايفه انك لو مش هتقدرى تكملى معاه وان حياتكم هتبقى صعبه اوعى تكملى معاه وسيبيه دلوقتى احسن الله لا يقدر تتجوزيه وبعدين تسيبيه وتبقى فرصتك ف الجواز قلت لكن لو سيبتيه دلوقتى لسه هيبقى ادامك فرص احسن وطالما انتى شايفه انك احسن منه ف كل حاجه ليه متدوريش على حد تانى يكون احسن منه وتبقوا مناسبين لبعض والحياه تمشى وفكرى بعقلك لان غالبا القلب بيغرق الانسان وخدى بالك من نفسك مفيش حاجه تستاهل انك تهملى ف نفسك علشانها حياتك اهم من اى حاجه تانيه وابقى طمنينى عليكى

  8. ننوسة
    19/10/2011 at 01:05

    مشكلتك غريبة اوي بس حلها انك تسبية مش حقولك انة مخافش عليكي لا الشباب بيعملوا كدة بققي عادي واضح انها موضة والله اتقي ربنا وصلي صلاة استخارة وانتي لوحدك حتحسي لو فية خير ربنا حيقربة لو شر حتلاقي بيبعد عنك لوحدة ربنا يهدينا ويهديكي

  9. الجرح الصامت
    18/10/2011 at 22:08

    وكمان صدقينى الكلام الجنسى منتهى الحرمانية ربنا بينزع البركة فعلاقتكو ومن هنا انتظرى اى مشاكل تتعرضو ليها لانكم بتغضبو ربنا وبتعملو حاجة مش من حقكم واستسلمتى للشيطان توبى لربنا عشان ترجع السعادة لقلبك وصدية عن الكلام دة بانك عاتبتى نفسك كتير بس المرة دى هتقدرى تحطى حد لية ولنفسك وكلمية فالدين وحرمانية دة عشان يخزل من نفسة وتكبرى فنظر نفسك وتبقى فخورة بيها
    نقطة تانية انة ممكن بعد الجواز لانة بيكرة مامتك يجبرك انك تقطعى البر بيها وصلة رحمها ولو صممتى ممكن يحلف عليكى بالطلاق انا خايفة عليكى ان بعد الجواز تندمى ندم كبير على اختيارك لية بس اية بعد اية فوقت صعب الانفصال فية انا صدقينى حيرانة زيك بس انا كنت مخطوبة وفسخت الخطوبة لان نفسيتى تعبت من عيوب فية خنقتنى مش اصعب من عيوب خطيبك يمكن اقل كمان بس انا لية اتعب نفسيتنى وانا لسة صغيرة واكمل حياتى بالشكل دة
    صدقينى بعد الجواز بيكونو ابشع من كدة مش بينصلح حاهم
    ربنا يوفقنا جميعا ويسعد قلوبنا

  10. الجرح الصامت
    18/10/2011 at 21:58

    ان شايفة انة حاسس بعقدة نقص كبيرة لانك احسن منة فكل حاجة وصدقينى دى حاجة عمرها متحسسك السعادة طول حياتك لانة دايما هيكبت احساسك وطموحك وبعد الجواز بالزات هيعاملك زى الخدامة لسيادتة عشان يحس انك قليلة وانة احسن منك انا شايفة ان العلاقة فاشلة من كل النواحى يعنى ولا حب صادق ولا راجل محترم يحترم الى معاة وعصبى وغبى فمعاملتة وحبك لية قل وحاجات تانية تخليكى تترددى انك تكملى اكتر من كدة يبقى لية تكملى
    انا رايى ان راحة البال والنفسية الحلوة وسعادة القلب بالدنيا وانا مجربة وبقولك ان كل الى انتى فية دة يرجع كل حاجة فيكى لورا سواء نفسية او صحة او طموح او امل فالاستمرار
    انتى مش هتعيشى مرتين لية ترمى نفسك فالتهلكة متندميش نفسك على حاجة انت الى اختارتيها
    خليكى جريئة واشترى راحة بالك وربنا يوفقك فحياتك

  11. مرمر
    18/10/2011 at 17:35

    سيبيه طبعا و فورا حاولى تفهميه انه غلطان فى تصرفاته معاكى و انه كان غلطان فيها و انت اكيد بلا شك انا مش بلومك و لا حاجة لانه احساس عند اى شخص فى الدنيا دى كلها بس السؤال انت ما حسيتى بانه شخص مش كويس فى كل حاجةة بعد الخطبة ازاى كان فين كلامك معاه قبلها و عقلك و التحكم فى التصرفات دى حجات طبيعية فى الشخص بتظهر من المعاملات على العموم لو المشكلة فى الفلوس فهميه وانت و امك و اخوكى انها اول ما تكمل هتديهالوا تبعدى عنه و انت مخطوبة و لا انت متجوزة انهى الاهون و الاسهل بعد الفاس ما تقع فى الراس و ده مش عيب ابدا دى تجربة حاولى تستفيدىى منها و لو هو فعلا شريكى و شخص كويس صدقينى هيتغير و يحاول يرضيكى بالرضا و العقل و ربنا يوفقك

اترك رداً أو حلاً لهذه المشكلة