مشاكل البنات

فقدت عذريتى وانا عندى 15 سنة

انا عندى 21 سنه  من عائله محترمه جدا والدى بيشغل فى وظيفه محترمه جدا وامى سيدة اعمال معروفه واخواتى محترمين جدا كنت مدمنه مخدرات وخمره وبطلت من 4 سنين اهلى دخلونى مستشفى واتعالجت انا مش عذراء فقدت عذريتى وانا عندى 15 سنة وكان عندى كذا علاقه فى حياتى بس انا دلوقتى اتعرفت على واحد وبحبه جدا وانا حكتله على كل اللى فات فى حياتى وانى عملت علاقات قبل كده وانى كنت مدمنه بس انا خايفه ان يكون هو مش بيحبنى وانى اكون غلطت لما حكتله انا خايفه ومش عارفه اعمل ايه والمشكله انى متقدملى واحد كويس جدا وسنه مناسب ليا وميعرفش عنى اى حاجه انا مش عارفه اعمل ايه اوافق على اللى ميعرفش عنى حاجه واضحك عليه ولا اكمل مع اللى انا معاه وانا مش عارفه اذا كان هوبيحبنى فعلا زى مابيقول ولا لا.انامحتاجه رايكم لانى مش قادره اخد قرار

مشاكل وحلول ذات صلة

اضيف بتاريخ: Friday, September 10th, 2010 في 20:41

كلمات مشاكل وحلول: , , , ,

37 رد to “فقدت عذريتى وانا عندى 15 سنة”

  1. سوسو
    14/09/2010 at 13:58

    بصى من الاخر كده اعملى عمليه واتجوزى الانسان اللى متقدملك لو هو كويس وصلى صلاه الاستخاره وربنا يوفق وانا راىى تقوليله انك عملتى علاقات فبل كده بس مخوضتيش فيها اوى علاقات سطحيه يعنى عادى زى كل البنات وبعدين الشخص التانى اللى قولتيله ده مينفعش تخديه لان صدقينى اللى بيتبنى على اساس غلط بيفضل غلط طول عمره وهيفضل يعايرك ويدايقك وبعدين ممكن تخسريه وبكده تبقى خسرتى سنين من عمرك وومكن يبقى فى اطفال فانسى ومتتعبيش نفسك هو احنا هنعيش كام سنه يعنى سبيها لله والرسول كان بينسى وربنا غفور وعفو ****

  2. على
    14/09/2010 at 13:53

    السلام عليكم ورحمة الله وبركاته- الاسلام دين رحمه ومغفرة وان الله غفور رحيم -اعلمى ياختى ان كانت توبتك لله ورسوله توبه خالصة من القلب فتاكدى ان الله سوف يهدى لك من هو نصيبك فى الزواج اخلصى لله وتعاملى مع اى كان من كان بتعاليم القران والسنه التى هى خاليه من الخداع و الكذب وان شاء الله ربنا سوف ييسر لك جميع امورك وكونى صبورة لانه لن تضرى ولن ينفعك احد الى بما يكتبه الله لكى — واخيرا ادعوا لكى بالتوفيق والسداد باذن الله تعالى—

  3. اخوكم فى الله
    12/09/2010 at 03:40

    اولا السلام عليكم ورحمه الله وبركاته
    وبعدين الشخص اللى انتى حاكتيلوه ده لو حصل نصيب وتزوجتو صدقينى هيفضل شايفك طول عمره انك خاينه وممكن هو كمان يخونك ولو انتى عرفتى ووجهتيه هيقولك ايه يعنى الحال من بعضو وطبعا هتتحول حياتكم لجحيم
    انا من رائيى انك تتكلمى مع الشخص اللى انتى حاكيالوه وتفهميه الوضع وتقوليلى اعتبرنى انى اختك وخلى الكلام اللى انا قولتهولك دا سر وتؤرو فتحه على كده وحاولى انك تطلعى تعملى عمره او حجه ودعى ربنا اولا ان يغفرلك ثانيا ان يقف معاكى
    وصدقينى ربنا مش هيخزلك ونشاء الله اللى فيه الخير ربنا هيقدمه

  4. صاحبة المشكله
    12/09/2010 at 01:07

    انا متشكره جدا على انكوا فكرتوا معايا بس انا بردوا مش عارفه اخد قرار غير انى احكى على اللى فات من حياتى عشان مظلمش حد معايا ومتهيقلى ده كان راى ناس كتير منكوا بجد شكرا على رايكوا

  5. mohamed Zaid
    11/09/2010 at 23:20

    انا قريت بعض التعليقات ووقفت كتير عن التليقات اللى بتنصحك بانك تخبي عن زوج المستقبل حقيقة ماضيكي

    انا مش مع كل التعليقات اللى بتنصحك انك متصرحيش الانسان اللى هترتبطي بيه … عشان نبي حياه جديده لازم تيكون ليها اساس … واساس اى علاقه او حياه جديده هو الوضوح والصراحه وعدم الخداع

    اما بخصوص الشاب اللى حكتيله عنك فاطلبي منه انه يتقدملك ولو اتحجج باي حجج واهيه ابعدي فورا عنه …. ولو الشاب المناسب اللى متقدملك لمستي فى شخصيته انه شاب محترم ومثقف وهيقدر يتفهم ويتعامل مع صراحتك فاحكيله فورا وخيريه بين انك تبداى معاه حياه جديده او يبعد عنك ؟

    انا مش بتكلم من منطلق انى راجل لاني كمان مع المصارحه والمكاشفه من الراجل للانسانه اللى هيرتبط بيها لان ماضينا هو جزء من حاضرنا

  6. محمدبك
    11/09/2010 at 22:15

    حاولى تسترى نفسك وان الله حليم ستار

  7. المصرى الاصيل
    11/09/2010 at 22:13

    نصيحتى ليكى ان تتزوجى اللى قولتيه الحقيقه و اتركيه هو اللى يختار و حتى لو بعد فتره حس انه هو اتسرع و بقت فى مشاكل تبقى تطلقى منه و تتزوجى مره اخرى بس هتكون المشكله اتحلت و على الرغم من اعتقدى انه مش هيحصل مشاكل و لا حاجه عشان واضح انك من اسره غنيه و اعتقد ان اموالك قد تسطتيع حل مشاكل كثيره توكلى على الله و تزوجى من اخبرتيه و حاذرى ان تخبرى احد بالحقيقه حتى لا تصبح فضيجتك بجلاجل مع كل شخص يتقدم ليكى

  8. تافه
    11/09/2010 at 22:12

    اعملى عمليه والستره احسن وده فى رأى مش خداع

  9. سما
    11/09/2010 at 20:56

    والله مش عارفه اقوللك ايه بس الاحسن انك تفضلى مع اللى عارف عنك كل حاجه عشان ميحصلش مشاكل يوم فرحك ويعرف الراجل التانى انك مش عذراء وربنا معاكى لانك داخله حرب لازم تكونى قويه فيه

  10. tajo
    11/09/2010 at 20:33

    ستى الرجل ابدا لا ينسى ان هذه المراءة زوجته حين تزوجها فاقدة العذرية لابد ان ياتى يوم يذكر لك فيه ذلك لذا باختصار لا تخبريه ومن يعرف لا تتزوجيه وطبيا هناك معالجات لا يعرفها الزوج وخاصة ليله الدخلة وتوبى لله وانسي الحياة السابقة وعيشى حاضرك دون مشاكل ولك الود

  11. الاصيل ابن البلد
    11/09/2010 at 20:26

    موضعجك صعب اتجوزي اللي لا يعرف عنك حاجة لان الرجل الشرقي صعب ان ينسي لو اني لوكنت ممكانة لنسيت ولكن الشيطان شاطر ادعوا وسوف ادعوا لكي بالتوفيق والهداية

  12. شاكر
    11/09/2010 at 19:40

    لا تتزوجي ولا تفضحي حالك احسن

  13. عبير
    11/09/2010 at 14:25

    ولله يا اختى مسالتك ده معقده بصى ممكن تكملى مع الى يعرفك بس ممكن يعيرك بحياتك الاولنيه وممكن تكملى مع الى معرفكيش بس كدا انتا بتضحكى عليه صراحه انا مش عارفه بصى صلى صلاه استخاره وربنا اكيد هيرشدك الى الطريق الصحيح وربنا معاكى

  14. ايمن عباس
    11/09/2010 at 14:20

    ش شى محير صعب تلاقى واحد يعرف حقيقة بنت مثل حالتك ويقول انو يحبها بس مش مستحيل جايز يكون ابن حلال ويصدق فعلا واللى اصعب انك تغشى انسان متقدملك وتخدعيه انا من رايي خليكى مع اللى تحبيه بس لو جاهز للزواج حاليا اما لو ظروفه ماتسمح فدى مشكله بس فى كلا الامرين خافى الله فى العريس الغافل التقدملك وربنا معك

  15. nony_alex
    11/09/2010 at 12:24

    من رايى طبعا زى الاخوات ماقالوه لا طبعا انتى غلطانة انك قولتى لشخص انك فقدتى عذريتك مهما الشاب بيحبك مش حيغفر ليك لانك بنت وحتبقى علامة عندة وصعب الارتباط بهذا الشخص حتى لو بتحبيه ويحبك

  16. سهرالليالى
    11/09/2010 at 12:03

    معزرة ياجماعة
    هى بالفعل عملت الصح ممكن يكون فى مجتمعنا ان دة غلط بس الصح انة لازم يعرف
    اقولكم لية لازم يعرف
    فى عقد القران يا اخوة يقال البكر الرشيد
    واذاى كانت هى مش بكر كيف يكون الجواز حلال
    فى الحالة دة ياشباب بيكون الزواج بالنسبة ليها باطل اما للشخص الى اتجوزتة مش باطل لعدم علمة بالشى دة

  17. فاعل خير
    11/09/2010 at 08:13

    السلام عليكم ورحمة الله وبركاته
    اختى انامش معاك على انك تحكى موضوعك ده لاى شخص
    بالذات الشخص اللى ممكن ترطبتى بيه فى يوم من الايام استحلا ينسى موضوعك ده مهما حصل
    اول شئ تعمليه انك تتاكدى انك بجد مع ربنا ومش علشان ازمتك اللى انتى فيها بس وبعد كدا يبقى خلاص لاء يريت ترجعى لربنا بقوه وبعد كدا لازتحولى تنهى علقتك بالشخص اللى عرف باسلوب كويس هتكلميه انك عرفتى اهلك انكم بتحبو بعض وموفقين على الزواج ومستنين انو يتقدملك وده الاختبار اللى هيكشف نواياه واوعتى تسدئى اى اعزار منو ان الظروف مش كويسه فى الوقت الحالى اوى اى شى يخلى علقتكم تستمر ولا فعلا بيحبك صحيك هيجيب اهله ويتقدملك

  18. esam
    11/09/2010 at 06:43

    ختى الحبيبه اولا حمدله على سلامتك ثانيا تزوجى بمن لا يعرف عنكى شىء ومهما حدث لا تخبريه با الحقيقه لان مفيش حد عاوز يتجوز واحده كانت مدمنه او كان ليها علاقات كثيره قبل ذالك اغتنمى الفرصه وتوكلى على الله جايز ربنا عامل كده علشان يتوب عليكى حبيه واخلصيه وربنا يهديكى

  19. megaman
    11/09/2010 at 06:43

    اختى ده من اسماء ربنا الغفور الرحيم وطلما انك هتصونى بيته مفيش مشكله الى بيحب بتغفر

  20. محمد
    11/09/2010 at 06:15

    هذه بصراحة مشكلة كبيرة جدا ولكن الحل يوجد بين يديكى فاذا شعرت ان الشخص الذى يعلم عنكى كل شى مؤمن بتوبتك اوانه شاب صالح اى يتق الله فمن الافضل ان تتزوجى هذا اما عن الشخص الذى لايعلم فنصيحة من اخ لالالالالال تقبلى به الا اذا عرف عنك كل حاجة حتى لا تعيشى فى كابوس لا نهايه له لان حياتك معاه ستبدا بالخداع وهذا اكبر خطا ستقعى فيه ارجوا ان تفكرى جيدا قبل اتخاذ القرار

  21. هدير
    11/09/2010 at 06:05

    روحى اسئلى شيخ وهو يقولك ماذا تفعل واستغفرى ربك وتوبى

  22. انا سارة
    11/09/2010 at 05:35

    ربنا يصلح حالك واتجوزى الشخص الى متقدملك دة لان الى انت حبتية هيفضل يعيرك طول عمرك بلى كنتى فية

  23. ميرو
    11/09/2010 at 03:58

    بصى سيبك من ايلى قولتيله على كل حاجه وبصى للى متقدملك وبلاش برضه تخدعيه ولازم تقوليله انك مش فيرجن علشان مش تخدعيه فيبقا حرام عليكى بس بلاش تقوليله ع المخدرات والحوار التانى ده واذا وافق بيكى على كده يبقا هو ابن حلال ولازم تتمسكى بيه

  24. HanyMoh
    11/09/2010 at 03:46

    السلام عليكم ورحمة الله وبركاته
    بسم الله الرحمن الرحيم

    أولا أختي الكريمة لابد لك من التوبة النصوح لما فعلتيه في حياتك السابقة وأن تقبلي على الله بنية خالصة وعبادة وقلب ينبض بحب الله وطلب المغفرة والرحمة،،، فمغفرة الله كافية لأن تكوني في مكانك المناسب والصحيح الذي تحبي أن تكوني فيه…

    ثانيا الصراحة والصدق هي أساس الزواج والعلاقة الزوجية،،، فلا يمكن أن نقول أنه يجب عليكِ ألا تخبريه بما حدث من فقدان العذرية،،، بالطبع يجب إخباره ولكن في ظل ظروف معينة ما هي…..
    1- أن تكوني واثقة في حُبك له وحبه لك…
    2- أن تكوني واثقة من صدقه معك وصدقك مع،،، وليست تلك الثقة من معاملته معك فقط ولكن انظري لمعاملته مع باقي الناس هل هو محترم ويُحبه الناس أم أنه غير ذلك،،، ولابد أن يكون متدين صادق.
    3- أن تخبريه بعد فترة من خطبتكما،،، رغم أنه من الأفضل إخبارك له في البداية ولكن الفترة المطلوبة كي تتمكني من معرفة أخلاقه،،، وخذي حذرك لأنك ستخبريه بسر في حياته مهم فمن الممكن أن يفشي ذلك السر ويقوم بالتشهير بك،،، هذا إن كان حقيرًا،،، وأرجو من الله أن يكون شخصا متدينا وصادقا،،، لأنه حتى لو تركك ورفض إكمال المسيرة معك فإنه سيتستر عليكِ…

    حاولي أن تبتعدي قليلا عن الشخص الذي أخبرتيه،،، وانتظري حتى يسأل عنكِ كي تعرفي قدرك عنده،،، وبالطبع إخبارك له سيكبرك في نظره إن كان من أهل الخير،،، لأن الله لا يُحاسبنا على ما تبنا عنه وتركناه….

    واعلمي أيضا أن اخبارك له أمر مهم جدا،،، لأنه من الممكن لا قدر الله أن يكون على معرفه بأحد ممن أقمت معهم علاقة،،، وبالتأكيد سيكون هناك مشاكل بعد الزواج لو علم بالأمر…

    ويجب عليك أت تطلبي من الشخص الذي تعرفينه ويقول أنه يُحبك أن يطلبك للخطبة وإن رفض عليكِ بإنهاء العلاقة بينكما لأنه لا يمكن أن تستمر إلا إن كانت في النور،،، حتى لا يحدث ما حدث مسبقا….

    إن رفض وتأكدتي من مشاعر وأخلاق وتدين الآخر فعليك بإخباره بعد الموافقة عليه والتأكد من أخلاقه،،، وتنتظري رده ولا تستعجلي،،، ولا تجعلى بعده عنكِ في حالة معرفته بحالكِ عقبة في طريقك….

    فأنت لا تدرين أين نصيبك وماذا يجهز الله لك من خير،،، واجعلى الله أمام عينيك دائما واعلمي أنه من تركك بعد معرفته فهو لم يكن يستحقك من البداية،،، رغم أنه أمر به صعوبة على الرجال ولكن سيأتي من هو على القدر الكافي من التدين والخلق ليكون لك زوجا وحبيبا وأبا وأخا،،، واعلمي أنه لو تقدم لخطبتك ألف شاب ولم يكن منهم من كتبه الله لك،،، فلن تتزوجي منهم أحدا لأن الله هو المقدر لتلك الأمور وحده،،، وعليك بدعوة الله أن يأتيكِ بالخير ولا تنتظري من الله إلا الخير واصبري على ما بلاك به،،، ولا تحزني على الخطأ الذي فعلتيه فكل ابن آدم خطاء وخير الخطائين التوابون،،، وأنت تبتِ إليه فلا تجعلى نتيجة الخطأ عقبة في طريقك إلى الله،،، واعلمي أن الله مطلع عليك ويعرف حالك أكثر من نفسك،،، فاتركي أمرك له ولا تعجلي بشيء فما زلتِ صغيرة في السن وليست مشكلتك كبيرة لدرجة اليأس أو الخداع والكذب،،، فأنا شخصيا عندما أقع في مشكلة وأجرب كل الحلول ولا أجد حلا آخر لها،،، أقول اللهم إني أنبت إليك وتوكلت عليك وتركت لك مصيبتي وأطلب منك أن تفعل ما تراه خيرا لي،،، ولا أنتظر موعدا للجواب من الله ولكن أقسم لك أنه دائما يجعل لي الحل الذي لا أتوقعه ولا أدرى به…. ففوضي أمرك لله وحده بعد عمل ما يمكنك عمله وتوكلي على الله بعد ذلك،،، وعذرا للإطالة ولكن الموضوع على قدر كبير من الأهمية،،، والسلام عليكم ورحمة الله وبركاته….

  25. الشبح المنتقم
    11/09/2010 at 02:07

    انتي كده بصراحتك ديه جعلتي نفسك صيد سهل علي كل شاب الشباب اليوم ما بيصدق يلي حد وبالذات واحدة في ظروفك انتي كده .
    يااختي يجب عليكي ان تتكلمي مع هذا الشخص بكل حظر وعدم الاستسلام لرغباته ولرغبتك لعدم وقوعك في نفس هذا الخطا الذي ارتكبتيه وادعي الله ان يكون بجانبك .

  26. العرض حالجى
    11/09/2010 at 01:53

    لا ترطبطى بهذا الشخص وان اردتى التوبه النصوحه فعلا فتزوجى من شخص اخر لا يعرف عنك شىء ولا تحكى له شىء وعامليه بما يرضى الله ولا تفكرى مطلقا فى شىء مما سبق ان كانت توبتك نصوحا اما ان ساورتك افكارك بأنك قد تقعى فى اخطاء اخرى فلا تظلمى شخص معك وظلى كما انتى حتى يهديك الله ولكن بادرى بالتوبه اختاه قبل فوات الاوان .

    {107} قُلْ يَا أَيُّهَا النَّاسُ قَدْ جَاءكُمُ الْحَقُّ مِن رَّبِّكُمْ فَمَنِ اهْتَدَى فَإِنَّمَا يَهْتَدِي لِنَفْسِهِ وَمَن ضَلَّ فَإِنَّمَا يَضِلُّ عَلَيْهَا وَمَا أَنَاْ عَلَيْكُم بِوَكِيلٍ {108}

  27. محاسب الشركــه
    11/09/2010 at 01:08

    اوعي يا اختي تتزوجي اللي قولتيله الحقيقه عنك لانه مش هينساها طول حياته حتي لو وافق عليكي الشيطان هيخلي حياتك جحيم ومدام انتي توبتي ممكن تتزوجي التاني اللي متقدملك و اوعي تقولله حاجه عنك و انسي الماشي وده مش هتكون خديعه ليه لان ربنا ستر عليكي ماتفضحيش نفسك انتي بقي//انتي مش هتكوني خدعتيه ولا حاجه/هتكوني خدعتيه او خنتيه لو عملتي حاجه او رجعتي لماضيكي السابق بعد جوازك منه /ربنا يتوب عليكي ويوفقك لحياه كريمه

  28. hhhh
    11/09/2010 at 00:49

    سيبى الاتنيني وفكرى فى الجديد وحاولى تقولى للجديد انك فقديها فى المستشفى

  29. عواجه
    11/09/2010 at 00:38

    بصىى يآ قمر ربنا سبحانه وتعالى بيقول ^^ التآئب من الذنـب كمن لا ذنب له ^^ صدق الله العظيم لازم تعملى تلت حاجات مهمه اوى بجد ويا ريت تسمعى كلامى فيهم اول حاجه تقربى من ربنا واوعى نفسك والشيطان يصدوكى عن باب الرحمه والتوبه صدقينى ما فيش احسن من ربنا تلجأى اليه فى اى حاجه تانى حاجه الانسان الى قلتيله كل حاجه عنك انا مش هقولك مكنش ينفع والكلام ده لاء هقولك انتى حاسه بايه من ناحيته سيبك من الاحساس حآولى تختبريه فى اى حاجه وتشوفيه يستاهلك ولا لاء عشان تقنعى نفسك انك تكملى حياتك صح تالت حاجه الانسان الى عاوز يتقدملك ده انتى لسه قدامك فتره كبيره تقدرى تتكلمى معاه وتخليه يحس بحبك وبحنانك واعملى استخاره لو استريحتيله احكيله بس مش كل حاجه وصدقينى انتى انسانه كويسه اوى ويا رب تبقى اسعد زوجه فى الدنيا كلها وتعيشى حياه سعيده

  30. ahmed
    11/09/2010 at 00:19

    بسم الله الرحمن الرحيم
    كل بنى ادم خطاء وخير الخطائون التوابون
    اتوكلى على الله وعرفى اللى متقدم ليكى بحكايتك ان وافق كان من نصيبك وان ماوفقش لاقدر الله خليكى مع اللى انت معاه ولو بيحبك بصحيح مش هيستغنى عنك
    ويارب يوفقك فى حياتك

  31. انا محمد
    10/09/2010 at 23:21

    انا قول ليكى لابد وان تواجهى الموقف بنفسك لانك انتى التى اخطاتى ولابد من تحمل خطائك مهما كان ولا تخدعى هذا الشاب لانة ليس لة ذنب فى ذللك

  32. نرجس
    10/09/2010 at 22:02

    السلام عليكم و رحمة الله لا يهم الخطأ يقدر المهم نصححو الحقيقة اللي ناوي الخير لا يبحث في الماضي و نصحتي ليكي حكيتك دي أتركيها لنفسك و إبدئي حياة جديدة مع الشخص الذي طرق الباب و الرجل أصعب ما فية إنو يحاربك بسلاحك في الوقت المناسب إذا حكايتك إنسيها و طوي الصفحة دون النظر إلى الوراء

  33. semaha75
    10/09/2010 at 21:47

    اول حاجه اكبر خطأ انك تعترفي لحد شرقي انك عملتي علاقات قبله لانه اكيد حيغير رايه فيك وحتسقطي من نظره.. للاسف مش حيراعي للظروف او المعطيات اللي ادت لكده.. انا متاكد انك كنت حاسه بالوحده والضياع وعدم وضوح الاهداف.. دلوقتي انتي في الطريق الصحيح لانك حاسه ان المر عليك زمان كان خطأ وانت عاوزه تصلحيه.. الحل كالاتي:
    1. تخلي الاولاني فورا لانه مستحيل يفكر فيك كزوجه بعد اعترافك ليه.
    2. حاولي تأقلمي روحك مع الانسان الجاد التاني واديلو كل حب عندك واتاكدي ان ده حيملا حياتك سعاده..

  34. ahmed
    10/09/2010 at 21:47

    انتي لازم تعرفيه بس ماتقوليش انك فقدتي عزريتك من علاقه جنسيه عشان الشك مايعيش بينكم طول العمر وتقوليله انا كونت مدمنه واتعالجت ولو كان بيحبك هايسمحك ويتجوزك
    بس الصراحه اللي خطر هو انك كاتقوليش انك فقدتي عزريتك من علاقه وهو ممكن يعرف بالصدفه فتكون هي ديه المشكله قولي واحد اتحرش بيا وانا كونت مش فوعي بس انا دلوقتي الحمد لله شفيت
    وربنا يسترك (بس انتي غلطي غلطه كبيره اوي في حق نفسك المهم انك تتوبي توبه نصوحه عشان ربنا يغفرلك ويااااااااارب يغفرلك)

  35. سماح
    10/09/2010 at 21:15

    السلام عليكم ورحمه الله وبركاته انا اختك سماح مررتو بنفس الظروف ولاكن مش مدمنه لانى فقدت عزريتى بسبب الرغبه فى ذلك ولاكن عاوزه اقولك على انك مكنتيش تقوليلوه لانه ها يطلب انهة ينام معاكى وربنا معاكى انتى ممكن تقولى انك فقدتى عزريتك فى المستشفى اثناء فتره العلاج ***

  36. احمد
    10/09/2010 at 21:14

    لا نعرف ما بداخلة ان كان بيحبك والا لاء بس اسئالك انتي بقيتي تحبي نفسك والا لاء اقصد مش حب الانانية لاء اقصد حب الخوف علي نفسك من سمعة ومن صحة وخلافة انتي المفروض تحبي نفسك الاول بالمعني المفهوم وبعد كدة تتدوري علي حب الاخرين ليكي

  37. NGLA
    10/09/2010 at 21:06

    agml hga ante 3mlteha
    ank olte alsrha we de htkbrk e 3no
    we 3fa alah 3ma slf we sofe hwa 3wez mnak ah be alzbet lo 3wzk yhtbk lo ms 3wzk ab3de 3no kda ahsen bas htfdle fe nzro gd3a lank oltlo 3la kol hga 3det fe hytk

اترك رداً أو حلاً لهذه المشكلة