طب ممكن انا اسال سؤال
انا فى تالته كليه من وانا صغير مش بعرف كيف اتعرف على صديقة او اتكلم مع واحده ولا حتى للصداقه ومش عارف اعمل ايه انا لازم حد يكون متعرف على واحده ويعرفنى عليها وبردو مش بعرف اتكلم غير بعد فتره وانا مش بعرف اتعرف على حد خالص وبيبقى نفسى بصراحه اتعرف على بنت ولو للصداقه بس مش بعرف وبحس انه هيتقابل بالرفض ومش بعرف اعمل حاجه خالص ولما بنت بتكلمنى والله بجد بعرق ومش عارف ليه بس هو ده اللى بيحصل ياريت الحل لو سمحتوا
مشاكل الشباب مع البنات
كيف اتعرف على صديقة
اضيف بتاريخ: Saturday, May 12th, 2012 في 03:37
كلمات مشاكل وحلول: بنات, مشاكل الشباب
بص آساحبي انت ارمي نفسك قدامها و هتلاقي الكلام بجيب بعضه …. انا كنمت زيك كدة في سنة اولي … الموضوع بسيط خالص ….. بس فيه شرط زي ما قالوا تشوف البنت دي باين عليها كويسة و بنت ناس وللا لا ؟؟
بص انا هقولك على حاجة ومتصعبش على نفسك الامور
انا زيك بالظبط فى حكاية انى مبعرفش اكلم واتعرف على البنات
بس مش لدرجة انى بعرق لا عادى مش فارق معايا من الاخر مش حاطط فى دماغى الموضوع ده
مع انى لما بشوف شباب فى الجامعة بيكلموه بنات والكل حوليا عايش حياتى وبيكلم دى ودى وانا لا ساعتها
بحس انى لو كلمت اى واحدة هتستغرب عشان انا فى حالى ومبكلمش بنات دى حاجة
حاجة تانية عايز اقولهالك متهتمش بالموضوع ده وسيبها على الله وبكرة تكلم البنات
وتتعارف عليهم عادى بس لعلمك انا حصلى كدة لاسباب لانى فيا عيب خلقى فى وجهى وده اللى اثر فيا ولحد دلوقتى ماثر عليا وبسبب الموضوع ده بنات مفيش بنت بتبصلى بس بحمد الله على كل حال اما لو انت مفكش عيب اتجرأ وخلى عندك ثقة فى نفسك ومتعملش زيى وتثبت على حالك
يا اخي افتخر بكده
الحياء من صفات الرسول عليه وسلم
وبلاش صحوبية والكلام الفارغ ده.. وركز في دراستك
وملكش دعوة بالشباب اللي بيفتخر بمعرفة عدد.. كبير من البنات
لانهم في الاخر لما بيتجوزو بيقعو وقعة سودا
ربنا يرزقك الزوجه الصالحة
اسمع مني انتا لو في بنت شوفتها وشكلها عجبتك بس اهم حاجة شوف هي محترمة ولا لا علشان انتا باين عليك طيب ومحترم بجد بس
مثل مقال حمدي اهتم بدروسك وش حتنفعك البنات اخاف انك تحب وانت في سنة ثالثة ولازم تتجوز لا اهتم بدروسك احسن …,
يابرنس لازم تتجرا وتكلم البنات وشويه شويه هتتعود وهتبقى تمام ولازم تعيش سنك عشان لما تخذب وتتجوز تبقى كويس معاها .. انا كنت زيك كدا الاول بلخبذ فى الكلام بس شويه شويه بقيت استا` ههههههه
الحل انك تشرب بريل وتسترجل يااساحبى .. مفيش راجل بيعرق من ست يااساجبى خوش على اللى عاوز تتعرف عليها وقول كل اللى يجى فى دمغك يااساحبى متحسبهاش ولا تخلى دمغك وانتا بتكلم معاها انو يكون مشغول بالنتايج اللى هتحصل قول الكلمة وزى ماتجى وصدقنى حتا لو متعرفتش عليها هتحس انك انتصرت على نفسك وهتروح مبسوط وتقول مش مشكلة بوكرة اتعرف على غيرها ولو عرقت يااساحبى يبقا حوت مزيل بلاش قرق يااساحبى يلا مع السلامو عليكو يااساحبى
وحياتك عندى نفس المشكلة دى وانا فى تالتة كلية برضو ونفسى بس مبعرفش وبحس انى هترفض علطول بس نصيحة ركز فى دروسك ومزاكرتك احسن من البنات عشان مفيش حد هينفعك غى حياتكم غير شهاتك والحب هيجيلك وانت فى مكانك من غير متدور علة
يابوب متصعبهاش ع نفسك الامر سهل جداا..ثق فى نفسك اولا ..ولو هى مين الى قدامك اكييييد لما تشوفك واثق ف نفسك وراجل مالى نفسك كويس وطباعك قدامها هى الى تخليها تحترمك وتعجب بيك
اما انك مش عارف تتعرف دى حاجة تانى
انت ادخل ع اى بنت قولها صباح الخير ازيك ..اخبارك اية ؟؟مش باينة ليا اكييييد حتتقابل باالرفض بس انت كدة لافت نظارها ..تعالا يوم تانى وادخل عليها وسلم عليها وقولها متزعليش انا مش قصدى ازعلك انا كنت عاوز اتعرف ونبقى اصدقاء
وعيش وادعيلى ياحبيبى