الحب الاول

كدبت على حبيبى في سني كيف اصارحه

السلام عليكم ياجماعة بليز انا عندى مشكلة ممكن ناس تشوفها سهله بس انا بجد بسببها مش بنام انا عندى بنت خالتى بتحب واحد بس هى بتكدب عليه فى سنها (مكبره نفسها سنتين )وانا وهى قد بعض بظبط المهم انا موضوع الكدبه دة كان مضيقنى بس انا نصحتها كتير بس هى مهتمتش .وفى يوم وكان عندنا فرح فية واللى بتحبة دة كان موجود هناك هو و واحد صاحبة اللى انا بحبة دلوقتى يعنى المهم هى اخدتنى عشان تعرفنى علية بس قالتلى لو سالك على سنك اكدبى عشان هو عارف انى انا وانتى قد بعض وهو فعلا سالنى وانا كدبت زى ماهى قالتلى عشان بصراحة محبتش تطلع قدامة كدابة وبس بعدين سلمت على صاحبة دة وبعد كدة بقيت بشوفة عند حد من قرايبى او فى فرح المهم حبينا بعض وهو اعترفلى بدة بس انا حبيت اتاكد من اخلاقة الاول وفعلا عرفت انة محترم جدا جدا وخليت ماما تتعرف علية وتقولى رايها فية عشان طبعا رايها اهم من اى حاجة وهى ليها نظرة فى الناس بس المشكلة بقى انى هو طبعا مش عارف السن الحقيقى بتاعى انا خايفة اشرحلة لية كدبت علية يفتكر انى بنت مش كويسة او كنت بتسلة بس والله انا كل اللى عملتة دة كان عشان بنت خالتى متتطلعش كدابة قدام صاحبة وطبعا انا لوكنت قولتلة الحقيقة كان راح قالة عشان هما اصحاب اوى بليز ممكن حد يقولى اعمل اية ؟؟؟او اقولة على الموضوع دة ازاى وياترى هو هيصدق الكلام دة ولا هيفتكرنى مش كويسة وكنت طول الفترة دى بتسلة انا بجد محتاجة حل ضرورى عشان اريح ضميرى ومعلش انا طولت عليكم

مشاكل وحلول ذات صلة

اضيف بتاريخ: Thursday, September 20th, 2012 في 13:31

كلمات مشاكل وحلول: ,

13 رد to “كدبت على حبيبى في سني كيف اصارحه”

  1. توتا
    16/04/2015 at 19:39

    هو لو بيحبك هيسمحك انا كانت بكدب عليه فى سنى واسمى بس بردوه خايفه اقولو بس هصرحو علشان يسمحنى خليكى صريحه وقوليلو وهو هيسمحك ان شاء الله

  2. اسراء
    21/06/2013 at 22:54

    انا من راي اني انتي تصرحيه وتفهميه وتقوليله اني انا مش حبيت اني اجرح مشعرك وانا حبيتك بجد وقولت اني انا سني اكبر علشان مش اطلعها كذبة قودامكوا وهو لو بيحبك بجد هيسمحك هو ايوه هيزعل وكل حاجة بس هو لو بيحبك هيرجع يكلمك تاني

  3. مقدرش أنساه
    24/04/2013 at 20:14

    بصى هو لو بيحبك أكيد هيسمحك وبعدين فهميه عادى يعنى من اللى بحبها عملت نفس الحكاية واعترفتلى ,انا تقبلت عادى يعنى بحبها ومقدرش أعيش من غيرها وربنا يوفقك

  4. عاشقة السهر
    24/03/2013 at 17:19

    صح انتي من الاحسن انكـ تصارحيه لانو اساس كل علاقة الصراحة اذا من الاول كنتو بتكذبو و بتخبوا على بعض مش حتعرفو تكملو صرحيه و ماتخفيش لو بيحبك بجد مش حيسيبك عشان حاجة زي دي

  5. ميمو
    02/03/2013 at 04:02

    الصراحه مافي احن منها صارحيه بهذا الشي عادي ولا اقولك قولي له انا ماقلتلك ان عمري هيك قلتلقك كده كده فهمتي يعني ؟؟^-^هههههههههههه

  6. هديل
    11/11/2012 at 15:37

    الضراحة هي أحسن شي و أكيد ما راح يزعل ادا نيته من ناحيتك سليمة.أنا مجربة أكتر من هيك

  7. ساندي
    29/10/2012 at 19:09

    يا بنتي انتي اكبر منة والا اصغر لو اصغر عادي
    ولو اكبر لوبيحبك مش هيفكر في سن

  8. هدير
    27/10/2012 at 12:21

    هو احسن حاجة انك تقوليلو الحقيقى قبل ماهو يعرفها ولو هو بيحبك عمر ماهيفكر فى السن
    انت عندك كام سنة
    وهو عندو كام سنة

    ظ

  9. عين شمس
    28/09/2012 at 00:54

    والله انا شايف انك تقولي الحقيقه لان الكدب ملهوش رجلين وبعدين انتي هتفضلي كده ومش هترتاحي الا لما تعرفيه انك كنتي كدابه يمكن يحترم صراحتك وعيطي زي ما كل البنات بتعيط وخلص الحوار

  10. samsimo
    24/09/2012 at 15:25

    انـــــــا حـــــــاسه ان الموضوع مش مستـــــاهل القلــــــــق ال انتي فيه
    من غيـــــــر تفكير روحي قوليلو علي الحقيقه ولو بيحبك بجــــــــــد هيصدقك :))

  11. ... إلا القلـــ♥ـــب
    23/09/2012 at 17:42

    مفيش حل غير انك تقوليله الصراحة واكيد هو هيقدر كلامك دة وهيسامحك بس اشرحيله الموقف كويس وان شاء الله موضوع بسيط ويعدى

  12. ميدو
    21/09/2012 at 22:36

    قولى الحقيقة واشرحى الموضوع وهو لو بيحبيك مش هيزعل هى كدبة بسيطة وكانت من غير قصد فالصراحة احسن من العذاب اللى انتى فيه دا قوليلوا وخليها على الله

  13. ي
    21/09/2012 at 00:06

    انتي كده بتكدبي عليه ولما تبدأي حياتك معاه بكدبه هتنتهي بردو بسببها قوليه ع الحقيقه وخلاص وهوا لو بيحبك بجد هبفهمك عادي وهيعديها عشان مش دول سنتين يعني مش عمر ولا حاجه 🙂

اترك رداً أو حلاً لهذه المشكلة