مشاكل ليلة الدخله

خوف شديد من الزواج وصدمة ليلة الدخله

انا مخطوبة وبحب خطيبي جدا وهو كمان بيحبني جدا ويتمنى اني اكون زوجة صالحة ليه وربنا يقدرني واسعده بس محتاجة نصيحتكو ومحتاجة كمان لحد يطمني عشان انا عندي خوف زايد وممكن يوصل لحد المرض من الجواز ممكن تشوفو ان الموضوع تافه بس بجد مش بينيمني اول حاجة اني خايفة من الفشل جدا ومن كتر ما انا بحبه مش عايزة علاقتنا بعد الجواز ما يكون فيها فتور وبرود وكل اللي حواليا بيقولو ان دا شئ طبيعي انه يحصل برد عليهم وبقول اني مش هسيب دا يحصل وفيه كمان بصراحة سبب تاني اني خايفة جدا من فكرة ان جسمي ممكن ينكشف عليه وبتجيلي هواجس اني مش هعجبه وهيضايق مني وانه ممكن يكون فاكر ان شكلي احسن من كدا رغم ان الكل بيقولي اني كويسة وانا جسمي كويس مش نحيفة ومش مليانة انا وزني 57 وطولي 162 بس دايما حاسة ان فيا حاجة غلط ودايما بسأل ماما تقولي يا بنتي انتي كويسة وزي الفل لو فيكي حاجة انا اول واحدة هقلك بس من كتر ما انا حاسة دايما اني تخينة وان اللبس بيداريني شوية مش باكل ومش بعرف انام من كتر القلق والخوف يمكن بحس كدا لا ني بشوف انه مهووس بالكمال في حياته العادية فهيكون مهووس في النقطة دي كمان مع اني متعلمة ومثقفة وعارفة ان المرأة مش جسم وشكل بس وانها عقل وحنية ودين واحترام وثقافة بس غصب عني بتجيلي الهواجس دي وبقول ان ليلة الدخلة دي هتبقى صادمة مجرد بس ما يشوف جسمي مع ان دايما اللي قريبين مني اوي بيقولولي ان التفكير دا غلط واني كويسة جدا ومش فيا حاجة تخليني عايشة تحت الضغط العصبي الفظيع دا بس انا مش قادرة اوقف تفكير في الموقف اللي بتخيل اني ممكن اتعرض ليه ويهيني اهانة بشعة وهي اني احس ان جوزي في اول ايام حياتنا مش حابب شكلي ارجو النصيحة انا عارفة ممكن تشوفوه الموضوع تافه بس تعبلي اعصابي ارجو مرة تانية الاهتمام والنصيحة

مشاكل وحلول ذات صلة

اضيف بتاريخ: Monday, May 23rd, 2011 في 04:08

كلمات مشاكل وحلول: , , , ,

18 رد to “خوف شديد من الزواج وصدمة ليلة الدخله”

  1. عاشق افطومة
    14/07/2013 at 16:27

    أختي العزيز لايمكنني الرد على كلامك إلا ببعض العبارات ن صحيح أن الموضوع تافه لكنه في نفس الوقت مهم ، فالرجل مهما كانت درجة حبه لحبيبته إلا أنه يعشق فيها أيضا الجانب الجنسي فحاولي أن تصلحي من نفسك إذا كنت فعلا قبيحة . وشكرا

  2. شريف
    26/09/2012 at 17:30

    هل تصدقى الله يا أختى هل تصدقوا الله
    بسم الله الرحمن الرحيم (ولقدخلقنا الانسان فى احسن تقويم)صدق الله

  3. تعبااااااااان
    26/11/2011 at 22:17

    هو بيوقلك ان انتى عاجباه … وبردوا مصصمه ..دا وسواس من الشيطان بيخليكي تشكي في نفسك دايما .. حاولى متفكريش في الامر دا كتير .. ولما يجي على بالك قولى مش مهم .. انا كدا وعجباه كدا .. ولو ركزتي شويه في الناس حواليكي هتلاقي ممكن يبقى واحد متجوز واحدة وحشة أو العكس ..

  4. nasi7 lilah
    18/11/2011 at 16:58

    chofi ya2okhiti lawkan fgsmak ochakalik 7aga ghalak makanch khatibik it2adam lik wakhatabik inti kwaysa bach chili alhomom di man dimaghik l2ano da ( waswas ) i9ay il9or2an orabini 7araya7ik man iklam dah

  5. omar
    10/10/2011 at 11:23

    اذا أهانك ولم يعجبه شكلك أو جسمك إذن هو لا يحبك أبدا وعمره ما حببك اذا بحبك جد لازم يكون معجب فيك كثير شو ما كنت

  6. YoOoMAa
    11/09/2011 at 00:06

    حبيبتى انتى مشكلتك حلها كلمة وحدة بس وهى الثقة انتى محتاجة تثقى ف نفسك اكتر وانتى عارفة ان المراء مش جسم وشكل بس للاسف مش قادرة تطبقى دة ع نفسك حبى نفسك ومتحوليش تحسى ان نقصك اى حاجة واوعى تحسسى خطيبك بدة وكمان هو بيحبك كلك ع بعضك يعنى انتى عاجباة ولو مكنتيش عجباة مكنش حبك اصلا من الاول ربنا يوفقك يارب

  7. moon
    22/07/2011 at 02:29

    متخيله الرد هيكون إيه مثلا !!! حبيبتي مفيش مشكله أصلا …… بجد شيلي التفكير دا من دماغك خالص حببيه فيكي من دلوقتي واسعديه …….. تفكيرك أووفر ف الحته دي ……….. متقلقيش منها خالص ان شاء الله كل خير وتعجبيه وتبقى الدنيا زي الفل

  8. نونو
    06/06/2011 at 14:02

    بلاش الافكار الوحشة تسيطر عليكى

  9. بوسى
    29/05/2011 at 23:19

    السلام عليكوم اولان الى بيحب حد بيحبوة زى ما هو يعنى بيحب روحوة مش بيحب جسموة ولو فى حد بيفكر غير كدة يبقة انسان مريض علشان لو وحد اتجوز وحدة علشان جسمة او شكلة يبق عمر الجوازة دية قصير علشان الرفيعة بتدخن والتخينة بترفع يعنى مفيش حاجة بتفضل على حالة غير القلب الطيب والاخلص والحب الحقيقى وبدام انتى عارفة انوة بيحبك بجد مش حب جسد يبقة هيقبليك على اى شكل الان اهم حاجة الروح

  10. m7moud
    29/05/2011 at 20:04

    انتى عايزة تعرفي تفكير خطيبك انتى بتقولى انة بيحب الجمال وانا كمان بحب الجمال ولاكن اهم حاجة انك تكونى نظيفة فى نفسك دايما طول الوقت تهتمي بنفسك وتحاولى انك تكونى بسيطة
    والثقة فى النفس هيا اهم حاجة لازم تكونى واثقة فى نفسك انا حاسس من كلامك انك مش عجبة نفسك
    لاكن خليكى واثقة فى نفسك واهتمى بنفسك شزية وهتكون احسن ان شاء الله

  11. المهاجر
    29/05/2011 at 08:32

    السلام عليكم ياختي علي مايبدوا انك سلمتي نفسك لوساوس الشيطان انتي عندك فقدان الثقه في ذاتك وهذه هي المشكله ان عالجتيها فليس هناك اي مشاكل وعلي فكرة احب اعرفك ان الزوج او الشاب ايام الخطوبه واختيار الزوجه او معظم الشباب يفكر في اخلاق ودين وتربيه خطيبته اكتر ولا ينظر لجسمها ولا يشتهيها فهي اعظم في نظرة من ذلك الحب والود والتفاهم والتقارب وخير الزوجات الزوجه الصالحه وربنا يوفقك في حياتك الزوجيه

  12. احمد كوستا
    28/05/2011 at 17:29

    ما دام مامتك بتقولك جسمك حلو وكمان شكلك حلو خلاص حاولى تحسسى وزك انك حلوة عادى يعنى وشيلى الافكار الوحشة دى من دماغك لان معظم البنات فى ليلة دخلتهم كدة

  13. رومانس
    26/05/2011 at 20:55

    هههههههههههههههه افرضى ان شكلة هو مش هعجبك يبقى مش هتحبية؟ الحب والجواز علاقة اكبر من كدة بكتير..افرضى انك ملكت جمال العالم ولاقدر اللة حصلك اى حاجة يبقى مش هيحبك,.. لا ساعتها يبقى مش يستهالك.. انتى ملية عينة اصلا من غير تفكير امال هو هيتجوزك لية.. حتى لو مش حلوة سبحان اللة بتكونى فى عينة احلى حد.. وبعدين لما تتجوزى من اول يوم اصلا هتقولى تفكيرى عبيط. وبعدين موضوع الفشل متقلقيش ادام ما بتحبية هتعملى اى حاجة علشان تبسطية. حتى لو لاقدر اللة حصل اى مشاكل انتى هتعديها انتى بتحبية صح؟

  14. توتة
    24/05/2011 at 05:09

    يااختى الكريمة باللة عليكى ارمى شيطانك ورا ضهرك ولا تخافى ولا حاجة ولا فية اى حاجة انتى زى الفل والحمد للة
    انتى مش خايفة انتى بس راهبة نفسك انك هتكونى مع واحد غريب فى بيت واحد بس هى دى كل الحكايةانك محتاجة تكونى واثقة فى نفسك اكتر من كدة ودا يبقى سهل لانك بتقولى فى حب مشترك مابنكوا

  15. ندمانة جدااااااااا
    23/05/2011 at 18:13

    يا حبيبة قلبى متوتريش نفسك ومتخليش الافكار الوحشة دى تسيطر عليكى وتتعبلك اعصابك هو ده كل اللى اقدر اقولهولك لأن بصراحة الجسم مش كل حاجة عند الزوج انتى بعقلك وحكمتك تخلى حياتك وحياته الزوجية سعيدة وبتمنالك جواز سعيد ان شاء الله ويريت تعزمينا على الفرح…….يريت كل اللى يدخل يدعيلى ان ربنا ينجينى من مشاكلى

  16. فيض الأمل
    23/05/2011 at 15:03

    يارب يكمل علاقتك بخطيبك بخير ويبارك لكم الله فيها .
    أنت من خلال ما قلتيه جميلة وليس بك أي عيب في جسمك والحمد لله ولكن أنت لديك مشكل وحيد وهو عدم الثقة بالنفس .
    حاولي أن ترجعي ثقتك بنفسك وسوف تكون أفكارك كلها ايجابية ولا تخافي ان رأى زوجك جسمك لانه سوف لن يهينك كما قلت بل كلامك كله مجرد تخيلات ليس لها شيء من الصحة

  17. Osama Tawheed
    23/05/2011 at 11:26

    اختي … انت كويسه وزي الفل … والكمال لله وحده … فلا تفكري كثيرا … وان شاء الله سوف تكون حياتك مليئه بالسعاده والهناء … ولاتنسي ان تعزمينا علي الفرح….. ان شاء الله

  18. هيما
    23/05/2011 at 08:25

    اختى العزيزه بعد التحيه اولااحب ان اقول لكى اننى اتابع هذا الموقع منذ فتره طويله جدا ولم اقم بالرد سوى مره واحده فقط وهذه هى الثانيه
    اولا ليس لديك مشكله سوى انكى تحتاجين الثقه فى شكلك وجسمك واعلمى ان الزوج لا يريد زوجه جميله فى الجسم فقط لان العلاقه الزوجيه دقائق وتنتهى لكن علاقه الحياه هى المطلوبه بمعنى ادق لو تمكنتى من جعل حياتك متجدده حاولى ان تتزينى باستمرار ان تكونى بانتظار زوجك عند عودته وانتى فى احسن صوره وحتى لو كنتى كما تخافين من شكل جسمك لكن هذا ان وجد سوف يعوض اى خلل لان ليس الكمال من صفات البشر واعلمى ان ما يقلق الرجل هو كثره الالحاح وعدم ثقه زوجته بنفسها واقسم ان ذلك عن تجربه مع خالص تحياتى وتمنياتى لكى بحباه سعيد ملؤها الصحه والثقه بالنفس

اترك رداً أو حلاً لهذه المشكلة