مشاكل ليلة الدخله

مش متخيله نفسي مع خطيبي ليلة الدخله خالص

حاجه مضايقاني أوي ، وهي إني مش متخيله ان خطيبي ممكن يكون جوزي – طبعا جملة غريبة – بس بجد والله حاسه ان آخرنا خطوبة.

أصل أنا مش بحبه يعني الحب إللي هو بقى بيوحشني وبتاع، لا هو بالنسبالي حد كويس وبيحبني انما انا الصراحه مش حاسه اني بحبه زي المخطوبين كدا، هو أنا بس مخطوباله علشان زي ماقلت هو بيحبني وهو حد كويس وكدا. إنما مش متخيله نفسي معاه خالص، بفكر ف الموضوع دا كتير أوي لدرجة اني بوصل كتير لقرار اني اسيبه، علشان دايما بسمع ان مهم اوي تكون البنت متخيلة نفسها مع خطيبها دا، علشان دا جواز مش صحوبيه.

والله ماعارفه اعمل ايه بس غصب عني والله فعلا مش قادره أتخيل، دا لحد دلوقتي تعاملنا مع بعض عاااادي جدا مش بقدر اقول حتى كلمة ياحبيبي مش حاساها، حاسه طول الوقت انه مجرد انسان كويس وبيحبني انما احساسي انا مفييش.

وكمان بزهق لو قالي اي كلمه رومانسيه مش بياكل معايا الكلام يعني، بقول امال هعمل ايه ف ليلة الدخله دي مش قادره اتخيلها ياناس – مش خوف منها لا – دا زي ما وضحت كدا مش متخيله الشخص دا جووزي، اتعامل معاه تعامل العادي دا اه اتجوزه لا، وصليت استخاره كتير والاحساس دا معايا غصب عني، مش عارفه احس بالانسان دا.

بس هو صعبان عليا، احنا بقالنا مخطوبين حوالي 9 شهور، انا مضايقه اوي من الاحساس دا وكمان مش حاسه ان انا عاوزه نعملوا الفرح بقى وكدا، أنا مش فرحانه أصلا وحاسه ان انا مش مستقره وزهقت من نفسي علشان لحد دلوقتي مخطوبه وخلاص والوقت بيعدي ومش عارفه اخرتها معايا ايه …….. نفسي أرتاح بقى ،،،،،،، وصراحه خايفه اسيبه برضو – بقول لنفسي وانا اضمن اللي يجيلي بعده منين وهحبه ولا برضو هفضل كدا – مش عارفه.

على فكره أنا قلبي مش قفل أوي كدا، أنا كنت بحب واحد قبل كدا بس محصلش نصيب بس دلوقتي الحمد لله مبقتش افكر فيه أيقنت انها مسألة نصيب بقى وكدا – عاوزه أوضح إن أنا بعرف احب برضو وأحس بإللي أدامي.

فكروا بقى كدا وقولولي أعمل إيه؟ وإللي عندها مشكله شبه مشكلتي كدا أو مرت بحاجه زي دي تقول …. علشان بس استفيد منها.

.آسفه طولت عليكو …… شكرااااااااااااا

مشاكل وحلول ذات صلة

اضيف بتاريخ: Friday, July 22nd, 2011 في 17:38

كلمات مشاكل وحلول: , , ,

64 رد to “مش متخيله نفسي مع خطيبي ليلة الدخله خالص”

  1. بنوته
    03/09/2022 at 11:21

    شو صار معك يا ريت تردي كملتي معه ؟ وهل قدرتي تحبيه؟؟

  2. توته
    15/06/2022 at 03:16

    ياريت اللي نفس المشكله يقولو عملو اي اتجوزو وانبسطو ولا عملو اي عشان انا نفس المشكله

  3. كوكي
    18/11/2021 at 12:07

    انا فتاه جامعيه عندي ١٩سنه وهو ٣٠هو بيحبني جدا وانا برتاح معاه بس مش بحبه ولا بكره حاسه بشعور عادي لو بيقولي بحبك حاسها كلمه عاديه بيجي في دماغي كتير اني مش عاوزه اكمل وهو محترم جدابس حاسه لم كملة معاه كدا بظلمه وخطوبتنا سنتين

  4. 𝓢𝓵𝓮𝓮𝓹𝓲𝓷𝓰 𝓑𝓮𝓪𝓾𝓽𝔂
    07/09/2020 at 03:31

    لو سمحتى انتى اتجوزتى !؟

  5. ياقوت
    28/02/2018 at 08:05

    طيب قولولي انا كمان اعمل ايه انا عندي نفس المشكله بظبط انا مخطوبه ل ابن عمي بس مش بحبه نهائي علشان بحب واحد غيره بس الي انا بحبه مش هينفع نتجوز علشان اهلي رافضين تمامآ وخطيبي ده كويس الحمد لله بس مش عارفه ارتاح معاه بس هو بيحبني وقالي كده كتير وبين كده كمان في تصرفاته وحجات كتير من رأيكم اكمل ولا انهي الخطوبه ولا ايه علشان انا نفسيتي تعبانه بجد

  6. زهور الربيع
    08/05/2017 at 14:46

    انا زيك بالظبط مخطوبه ومش حاسه انى مخطوبه هو انسان محترم برضو وكويس لكن مش حساه لما بيقولى كلمه حلوه ولا اى احساس خالص كانو بيقولى ازيك والمفروض كتب كتابى بعد شهر ونص وانا حاسه ان انا قلبى حجر او بارده فى المشاعر ربنا يستر ويلهمنا الصواب …..

  7. ادهم
    29/06/2016 at 02:08

    اللى مضايقنى فى مشكلتك ازاى هو مش ملاحظ قلة اهتمامك وحبك ازاى هو بيتغاضى عن التفاصيل الصغيرة فى العلاقة اللى بتؤكد حب الشريك ..النظرة الحلوة ..اللهفة ..الشوق ..الكلمة الحنينة ..انا فسخت خطوبتى لما لاقيتها زيك كده مش بتبادلنى نفس المشاعر وحسيت بنشوة الانتصار الانتصار على نفسى وقلبى اللى كان اسير ومتكتف

  8. بسم الله
    23/06/2016 at 14:45

    السلام عليكم ورحمه الله
    بدايه كلامى ياريت اى حد يعلق يحترم الشكوه وينظر ليها على انها ممكن تكون حد من اهله او اخواتى علشان كدا نعلق من غير مانجرح مشاعر حد لانه والله لو مش مجروح مكنش لجئ لحد عزيزتى فى الله انا حاسه بيكى كل الى انتى عيزاه تحسى شريك حياتك وانك تكونى سعيده دا مش عيب وانا فهماكى انك عايزه تشوفيه جوز علشان تقدرى تكملى حياتك فى السعاده ياجماعه دا جواز ولما نتكلم فى العلاقه الجنسيه للجواز ابدا
    دا مش عيب لان دا اساس ولان دا الصح لان الشعور هو اساس كل شئ البكاء لازم شعور علشان نبكى الضحك لازم شعور علشان نضحك
    الحب لازم شعور علشان نحب ياحبيبى انتى عين العقل وهقولك حاجه انك برضوا زعلانه علشان خطيبك كمان انك مش عارفه تفرحيه
    بس نصيه هى لصراحه والجراه انك تكون عندك جراه انك تقوليله انا مش عارفه احسك وحاولت معرفتش وانا عارفه انك هتفهمنى تعمل ايه
    وشوفى هو هيقولك ايه وانا عايزه اقولك بلاش تمشى ورا الناس الفاشله فى تفكرهم الى يقولك لو سبتيه مش هتلاقى غيره حبيبى كل شئ نصيب وانا لما اعرف نفسى عايزه ايه دا مش عيب لان انتى فى الاخر الى هتتعذبى ونصيحه منى ليكى ادعى اقولى يارب انا بحاول اعمل كدا علشان مش اغضبك علشان بعد كدا هبقى مفروض عليا انفذ وامره يارب اسعدنى وفرج كربى والهمنى الصواب اتمنى اكون فدتك وعسى الله ان يفرج كربتك باذن الله

  9. الا كان نفسه يتحب
    04/05/2015 at 12:22

    والله حرام اللعب بمشاعر الناس طيب انتى وافقتى عليه من اول شهر من التانى مش مرتاحه ولا حساه بلاش افسخى الخطوبه مش كفايه عليا العريس راح العريس ايجه وهو يكبد امه مضحوك عليه ونفسى اعرف يعنى ايه مش حساه الكلمه الممله بتعت البنات المايعه دى سيبيه يبنت الناس علشان مش ينصدم فى الاخر بس والله لو كان بحبك ويحترمك وباقى عليكى رغم قسوتك وسبتيه لتندمى عليه ونفسى تندمى عليه لو سبتيه انما التخيلات الجنسيه وليله الدخله والحورات الا واكله روس البنات دى مش بينحكم عليه فى الخطوبه ادعى ربنا يهديلك نفسك ويرزقك حبه
    معلش ان كنت جرحتك او جرحت مشاعر الا زيك بس انا مريت باالتجربه دى بعد 7 شهور خطوبه والاخر تقولى انا مش حساك وبتمنالك التوفيق

  10. مجهوك
    31/01/2015 at 12:54

    احمدى ربك انك مخطوبة

  11. هدير
    01/12/2014 at 06:08

    حبيبة قلبي احنا محتاجين نغير تفكيرنا عن الجواز خالص انا شفت تعليقات من نوعية استحملي ويتقي ربنا فيكي ومدام بيحبك انصدمت وتغعليقات ادتني امل ان الامخاخ المصرية ممكن تنضف …….. حبيبتي احنا اكتر بلد عربية في نسبة الطلاق بسبب الناس دي اللي بتقولك استحملي عشان بيحبك وشاريكي انا شايفة كميتك مش مع الراجل ده متكمليش هو حد هيعيش حياتك؟ واللي تقولك الجنس مش مهم تبقى يا حبيبتي تعرفي لو روحتي محاكم الأسرة ان اغلب مشاكل الزوجية والطلاق مشاكل جنسية الجنس هو اساس العلاقة الزوجية ……. ابوس ايديكم غيروا فكركم شوية عن الجواز الجواز ده رباط مقدس بني ادم اخترتيه عن كل البشر عشان تكملي حياتك معاه فلازم تكوني متفقة معاه عاطفيا وعقليا وماديا واجتماعيا وجنسيا وقبل الحب في تفاهم الجواز مش تنقية طماطم والنبي الجواز مستقبل حياة ….. راجل مش حساه يبقى متجوزيش لأنك لو فضل الاحساس ده معاكي هتندمي ندم عمرك

  12. نفس المشكلة
    06/11/2014 at 11:29

    ياااااااااه انا لسة شايفة التاريخ يا ترى البنت دى عملت ايه اتجوزته و لا محصلش نصيب ياريت لو شافت الكومينت تقولى ايه النتايج انا محتاجة اعرف اوى

  13. نفس المشكلة
    06/11/2014 at 11:26

    انا نفس مشكلتك و الله بس المصيبة الاكبر ان فرحى بعد 3 اسابيع عارفة كل اللى كان نفسى فيه اصحى من النوم الاقى حد بحبه حاطت وشه على المخدة

  14. lola
    27/06/2013 at 04:56

    بصى انا من رأيي تسبيه انا فى نفس الى انت فيه و زياده على كده انى كنت بحب واحد و خطيبى السبب فى انى اسيبو و ندمت بعد كدا انى بصات اصﻻ لحد غير الى بحبو لأنو فى كول حاجه كويسه دين و اخﻻق و شكل و احترام لنفسه و ليا وانا دلؤتى مش عارفه افشكل ال خطوبه لأنو اريبى و اهلى كلهم بيحبوه اكتر منى وشيفنى ان انا الظلمه و محدش حاسس بى الى انا فيه انى هتجوز واحد مش مش بحبو بس ﻻ بكرهه و مش بسلم عﻻه لأنى أرفانه منو حتى فا يارات محدش يحكم علها انها مدلعه لانى حاسه بيها و ربنا ما يكتب لى حاد انو يعيش مع حاد مش بيحبو و بنسبه لل اوﻻد الى بيتكلمو فا بﻻش انتو ﻻنكو بتمشو ورﻻ غرزتكو مش الحب يعنى لو الحب مش موجود بتمشو نفسكو بردو و مش نجزب على بعد

  15. راجيه عفو الله
    05/03/2013 at 10:43

    بصي يا حبيبتي انا زيك بالظبط الانسان اللي معايا بيحبني جدا وبيتمنالي الرضا ارضي الحمدلله وبيحترمني وبيقدر اهلي وعملي مخطوبه بقالي 7شهور مفيش حاجه من ناحيتي ليه وارتباطنا تقليدي بس بحاول احسسه اني الانسان الوحيد اللي مالي عيني رغم اني مش بحبه بس بشوف هو بيعمل ايه عشاني وبيحاول يرضيني ازاي وبالتالي بتعود عليه انا برضو بفكر في العلاقه معاه ازاي وانا مش بحبه لكن بعمل حاجه احسن بفكر هيدلعني ازاي بعد الجواز ويسعدني ازاي وده اللي هوه بيحكيلي عليه دلوقتي وبدات اقتنع ان الحب هايجي بعد الجواز رغم اني ضد كده خالص واني كان نفسي اتجوز عن حب لكن التجربه اللي مرات بيها في حبي الاول اني متخدعش في الشكل والمظهر تاني ممكن يكوون وراهم اسوب وحش ومعامله وحشه او شخصيه ضعيفه لكن خطيبي انسان محترم ومتدين ومكافح وخلوق ولاسجاره ولا بنات والحمد لله

  16. اتقوا الله
    17/11/2012 at 01:33

    اولا
    بسم الله الرحمن الرحيم
    صراحة مش عارف البنات مبقاش عندهم دم ولا حياء تبقى البنت مخطوبة لواحد وتبص لواحد تانلى برة طيب والانسان اللى اتقدملك ودخل من الباب ده ايه خيال لازم تقدرى شعوره وتخافى على مشاعره اولا عايز اقولك حاجة الللى بيبقى خاطب واحدة وبيحبها بيبقى عايز يجيبلها نجمة من السماء وفى الاخر دى تكون جزاته لازم يبقى فى تبادل فى المشاعر علشان يبقى فيه حب وربنا يوفقك ويريت متزعليش منى بس الافتر وحش قولى الحمد لله وادعى ان ربنا يختارلك الاصلح

  17. General Hawka
    30/07/2012 at 00:44

    احنا في زمن نادرا ما تلقي واحد بيحبك بجد ، و صدقيني هي مرة في التانية و حتلقي نفسك بتحبيه و ان شاء الله ربنا يكمل طريقكم باحلى تتويجة زواج =)

    عموما انا عندي 20 سنة و في الكلية عندي بنات اشكال و الوان ، ولا قلبي وقع في حب واحدة منهم ، لاني سايب موضوع الزواج ده على ربنا ، لو اتقدمت للواحدة و لقيتها كويسة شكلا و روحا يبقى ربنا يتمها على خير ، دعواتكم .

  18. لبلب المجنون
    19/07/2012 at 14:33

    مش فاهم الواحده منكم ازاي توافق تتطب لواحد وهي بتحب واحد تاني؟
    لا وبعد كده لما توافق بقي غصب عنها بسبب اهلها او بسبب ال ادلها بومبه او او او وتعد تبص لبتاعها وتتصوره مع خطيبها ال بيحبها تستخسره فيه وكأنه مش خطيبها ال دخل من البيت وطلب ايدها وعايز يتجوزها علي سنه الله ورسوله والاخر اه مش متصور كو:::::: ي معاه
    بلا ارف جاتكو الارف بنات اخر زمن

  19. zakria :)
    10/07/2012 at 05:40

    من رايي كملي معاه طالما بيحبك
    طالما بيحبك هيعمل المستحيييييييييييييييل عشانك

  20. مين انا
    29/06/2012 at 05:27

    انا حكايتي زي حكايتك بالظبط مع اختلاف واحد ان انا بقالي 3 سنين مع خطيبي وانه عارف عني اصغر تفاصيل حياتي انا مش عارفه سبت نفسي كده ازاي من غير ما اخد قرار الانفصال عنه من زماان حولت احبه و حولت احسه برضو بس مفيش فايده انصحك بلاش تستمري في الخطوب دي اكتر من كده الحقي نفسك قبل فوات الاوان

  21. همهم هم
    06/06/2012 at 09:45

    كان هناك شخص يحبني و مستعد للزواج مني …أعني خطبتي و كل شيء و هو يحبني كثيرا و يسمعني كلام رومنسي -_-” …و حين سألني عنوان البيت للخطوبة …علاقتنا كانت عبر الهاتف رغم أنه يدرس معي بكلية الهندسة
    المهم تهربت ثم تركته ^^”
    الصراحة ….
    أنا هذا مبدئي يعني انت مش مطالبة باتباعه
    تزوجي من تحبينه قليلا و من يحبك قليلا و نمو الحب بالزواج
    يعني …مش معقولة يكون يحبك بجنون …دون أن تتعارفا جيدا
    الا ان كنت جميلة جدا -جمالك سيذهب هل سيكرهك؟
    أو واخذ فكرة غلط عنك و بانيها من شخصية اخرى هذا ما حصل مع عاشقي الولهان …لم نكن نتبادل الا السلام و بضع مراجعات و أشياء عملية غالبا بالهاتف
    فاعتقد أنني خجولة و صفات أخرى لا علاقة لي بها بل لها علاقة بأميرة أحلامه
    ==”
    فتركته :p رغم انني جرحته كثيرا أعتقد …و كان مخطوب من بنت خارقة الجمال و تركها من أجلي ^^” أي أفسدت حياته
    و كل ذا لأني مكنتش حاسة بأي شي معاه
    حبيبتي ….هو بس سؤال : ان كنت قد خضت علاقة حب أو احببت شاب غيره من قبل الأمر سيتغير
    أنا لم أحب شخصا بحق للآن
    لكن ن كان الأمر كذلك لك …فهذا سيء TT^TT
    و طبعا سيكون هو سبب نفورك من حبيبك …حيث ان كان القلب مليئا فلن يجد حبيبك مكانا به
    و على كل …تحدثي مع أمك بالموضوع …و فكري ما الذي أريده من خطيبي .
    لم لا يحس قلبي بشيء …فكري عزيزتي
    قد يكون شكله مو مالي عينك ==”
    هذا زواج …يعنيستمضين عمرك معاااااه
    العمر كله حتى يفرقكما الموت …غالبا
    أي حبيبتي ان لم تكوني تحبينه و لم تتولفي على زيادة حك له و لو قليلا فاتركيه و الغي الخطوبة
    في ظل الزواج ستنجبين أولاد …و لا أتصور بيتا ليس به حب 🙁
    ان كان هناك احتمال في خطبتك من جديد فاتركيه ….
    + الحب لا قيمة له أمام الألفة و الله من تجربة رجل كن يبت طيلة الليل وراء شجرة يناظر غرفة حبيبته و لا ينام حتى تطفأ الضوء …حتى انه رسب في الامتحانات بسبب الأمر xD
    و تزوج زواج تقليدي من وحدة و الآن هو سعيد معها رغم انه قال”في البداية لم أكن أحس بشيء تجاهها ..حتى كان ينفر منها” لكن الآن يحبها كثيرا ^_^
    و أهم شي في الزواج المساعدة بين الزوجين و الرحمة بينهما و القليل من الحب

  22. ميمو
    25/05/2012 at 16:29

    طالما بيحبك ازعى تسيبه هتندمى وفى حد بيحب دلزقتى ولا فى زمن فى جواز مش بقلك تخصبى نفسك بس مادام انتى بتقولى بيحبك يبقى خليكى معاه وحاولى تشوفى هو بيعمل ايه يريحك وهتلاقى نقسك بترتحيله وربنا يوفقك ويقدملك اللى فيه الخير

  23. ساره
    23/01/2012 at 04:09

    يبنتي خلي احاسك الجنسي ليوم الزواج,لانه العلاقه الجنسيه بينك وبين جوزك في المستقبل حتسسك باحتياجك ليه,السؤال المهم انتي مش حاسه احساس ناحيه خطيبك ولا انتي قرفانه منه لو قرفانه ابعدي عنه وربنا هيرزق كل واحد فيكم انما لو على التخيل فسيبك من التخيل بكرا لما تتجوزي وتمارسي علاقتك مع جوزك هتحبيه ومش هتستغني عنه ابدا,وما تنسيش الجواز مش جنس بس الجواز راجل محترم وفاهم ويقدر الست بتاعتهتم الجنس بيكمل العلاقه بينهم علشان يكون بينهم سكينه وطمانينه ويخلفو اولاد يملو عليهم حياتهم

  24. بطوط
    20/01/2012 at 02:51

    ههههههههههههههه تصدقى انا حسيت انك بتحكى عنى انا برده نفس الحكايه كده مش حاسه بخطيبى ابدا ولا بياكل معايا الكلام الى نفسه يسمعه ده بزهق منه موت وعان كويس مش عايزه اسيبه عشان ربنا هيحاسبنى وكنت بحب برده واحده قبله
    بس اهو بقول شويه كده وهتعود عليه والحب مساله تعود مش اكتر ومع الايام كل حاجه وديما استغفرى ربنا كده وصلى وادعى انك تحبيه انا بقالى 3 هور بدعى واهو الحمد لله حاسه انه عادى لسه مكدبش عليكى هههههههه بس بقول لنفسى انا هحبه طبعا لانه تعامله معايا باحترام بيفرض عليه كده وربنا يتمملك على خير يارب

  25. عالدنيا السلام
    02/01/2012 at 07:30

    لا اله الا الله
    انتى مش حساه عشان اكيد فى حاجة مش عاجباكى فيه ممكن فى شكله ممكن فى سلوكه ممكن فى تصرفاته المهم انها حاجه كانت فى حبيبك الاولانى ومش لاقياها فى خطيبك فلازم تتخلصى من العقده دى الاول بينك وبين نفسك عشان متظلميهوش شوفى ايه عيبه اللى انتى مذكرتيهوش فى شخصيته وتقبليه وبعدين هتلاقى نفسك حبتيه

  26. محمد نصر
    30/11/2011 at 15:10

    وهو طول الفترة دى مش حاسس بشعورك ده؟
    بصراحة انتى لازم تسبيه طالما طول الفترة دى محستيش انك بتحبيه حتى لو بدرجة قليلة لانك عمرك ما هتضحى وهتفكرى كل حاجة معاه بعقلك بس عشان قلبك مش متقبله يعنى هتيجى عليه اوى

  27. كانت غلطة مش اكتر
    29/11/2011 at 00:08

    حرام عليكي دة بردة لية قلب حتي انتي بتقولي مش قادرة اقلة يا حبيبي دي وخايفة لمش تلاقي عريس بعدو يعني هو شماعة مثلا او عريس علي الرف حرااااام سيبية لحالو عشان هو الكسبان لو سبتية وانتي الي هتخسري محدش بيلاقي حد يحبو في الزمن دة والله ولما حد يلاقي حد يحبو لزمن يتمسك بية مش يسيبووووو انا عندي 21 سنة عمري ما حبيت في حياتي او مشيت مع بنت قلت هسيب قلبي لوحدة اخطبها اخش من الباب وحدة تستاهلة قلت اخطب وحدة احبها بصدق واخلاص وفرحان اني عمري ما لعبت ببنت ولا مشاعر اي بنت في الدنيا بعد كل دة اخترت وحدة وقريبتي اعجبت بيها جدا وقلت هي دي الناسانة بدات احبها روحت اتقدم اترفضت بحجة انها فاضلها سنة وتخلص حبيت اعرف منها رايها فيا قالتلي وبكل سزاجة انت كويس ومحترم ومية وحدة تتمناك بس نصبر اصبر لما اخلص وسيبها بظروفها يمكن نكون لبعض قلتلها واصبر كدة وانا بحبك وحبي بيكبر كل يوم عادي عندك قلتلي سيبها بظروفها قلتلها اة وبعد ما اصبر تجوزي واحد تاني وانا اخد الصابونة قلتلها لا انا مش عاوزك مش تلزميني ولو علي حبي ليكي انتي الي خسرتي مش انا خسرتي حب صادق صعب تلاقية في الزمن دة ومن ساعتها بدات انساها لانها تستحق انها تتنسي طبعا عشت في صدمة لاني بعد كل الوقت دة والانسانة الي اخترتها مكنتش ليا كرهت الحب والجواز والبنات وكل حاجة في الدنيا بقيت زي الي عندي 60 سنة شغال وبس ولا بخرج مش بصاحب حد يدوب شغل وبس كرهت اي حاجة في الدنيا تخيلي انتي بقي هتعملي اية في الشخص الي بيحبك يا انسة وبعد 9 شهور وهو حبك اكتر من الاول شوفي بقي انتو يا بنات قاعدين واحنا نروح نتقدم انتو مش خسرانين حاجة متعرفوش الشاب لما بيتقدم ويترفض اية بيحصلو

  28. اتقى الله
    24/11/2011 at 17:00

    والله امركم عجيب بنات حواااء ايلي بيشتريكم للاسف بتبعوه وايلي بيبيعكم ديما بتشتروة مش متخيله نفسك معاه خلاص سبيه يروح يشوف حاله طلما بتحبى واحد تانى او ليكى حب قديم وكمان رابطه جمبك علشان مش مضمون تلاقي عريس والله عجبت لاامر ابن ادم استغفر الله العظيم يارب لا استنى لما تتجوزيه وابقى روحى لحبيبك الاولاانى تانى

  29. محمد
    11/11/2011 at 02:52

    الموضوع ده ليه نظرتين :
    مضمون و اطار

    لو هتقدرى تحبيه زى ما بتحبى واحدة صاحبتك بالظبط .. لاى سبب
    طيبتها , حنيتها , اسلوبها , شخصيتها , معاملتها , شقاوتها , بساطتها , عشرة
    ظروفها , طموحها, بتسمعلك .. اى سبب
    يبقى اطمنى ان فيه دوافع كتير تخلى الحياة بينكم تستمر و تتطور
    فكرى بعيد عن السرير .. لان السرير مش كل حاجة
    السرير مش فى الشغل مش فى الشارع مش فى زيارة ماما مش قدام اصحابك
    مش فى السوق مش فى مدرسة الاولاد
    لو مفيش سبب يطمنك انك هتحبيه كانسان .. سيبيه فورا
    ده المضمون
    الاطار
    لو انتى من هواة الشكل و الاسلوب و الاستايل و الطريقة و ده حقك
    و حاسة انكم مش متفقين فى النقطة دى و انكم اصحاب اذواق مختلفة
    و الموضوع ده عاملك ازمة كبيرة
    سيبيه , احسنلك .. و احسنله
    عشان تلاقى واحد يناسب شكلك و مظهرك , و هو يلاقى واحدة تقدر المضمون قبل الاطار

  30. reem
    02/10/2011 at 11:15

    شوفى يا بنتى حاولى تحبية وسيبى نفسك لية انتى الى محسسة نفسك انك مش عايذاة لانك كنتى بتحبى واحد غيرة ومش متخيلة نفسك الا معاة ومتحاوليش تقولى انك نسيتية لان اول حب دة مبيتنسيش

  31. lola
    15/09/2011 at 06:35

    انا كنت مخطوبه وكنت بحس انى فعلا مش مش حسه انه هيبقا فى يوم جوزى وهو كان بيعشقنى وانا لما سبته بجد عرفت قمته بس انا كمان لسه مش بحبه ومش عرفه احب حد لان قلبى متعلق بشخص وعمرى ما اتخليت نفسى مع شخص غيره بس حب لما هتلاقى شخص مهتم بيكى وبيحبك ومتسبهوش لانك بعد كده هتندمى وهتعرفى قمته واكيد فى سبب انك مش متخيله انه هيبقا جوزك يعنى مثلا شكله طريقه فى التعامل معاكى كده يعنى اكيد فى سبب ولازم تعرفى هوا ايه علشان تعرفى تقررى كويس ؟؟؟؟

  32. احمد
    11/09/2011 at 20:49

    بصى يا بنتى انتى اصلا وحده مدلعه اوى و من النوع البنات اللى مش عارفه هى عايزة ايه و الاحسن لخطيبك و يا رب يحس انك مش بتحبيه لانه اعمى عن اللى بتقوليه عنه لان الشاب بيطلع عنية علشان يتجوز و تيحى وحده زيك لو هى فى بيتها و مفيش حد متقدملها كان زمنها بتعمل البدع علشان حد يعبرها تقول اصل انا مش بحبه و مش عايزة اقوله بحبك اتقى الله و سيبيه فى حاله لانه ان شاء الله من غيرك حاله هيتصلح لانك اولا مش بتعرفى تحلى مشكلك تانى حاجة مستهتره بالناس انك تملى مع واحد تسع شهور و انتى مش بتحبيه او حتى حولتى تتقربى منه فسبيه يشوف حاله بدام هو مقتدر على الجواز مع واحده تانية ممكن تحبه و تراعه مش واحد مستحرمه تحبه

  33. ماسة خانم
    02/09/2011 at 22:52

    حابة قول شي لا تقبلي بالزواج من حداما بتحسي اتجاهو بأي احساسس لأن حتى لو تم هالزواج مارح يستمر واذا تركتي هلأ احسن من بعد الزواج لساتك عالبر هاد الحكي عن تجربة صدقيني

  34. ya rab
    26/08/2011 at 22:32

    انا كمان فىى نفس مشكلتك بظبط كل الى انتى بتحكيه كانو عنى وبردو مش لقيه حل خايفه تكمل معاه وانجوز اندم انا بصراحه فى حد تانى عجيبنى لانو بيهتم بلبسه اما الى متقدملى مش بيهتم بمظهره الخارجى خالص والحكايه دى مضايقانى اوى طيب ازاى اخرج من عقلى الى انا معجبه بيه لانى نفسى اكمل مع الشخص الى متقدملى لانى مش هلاقى زيو بيحبنى ومحترم الحمدلله بس اوقات مش بكون حبه اكلموا وكلامو يبقا تقيل على قلبى وسعات لاء بيكون عادى حاسه انى مش هحبه بس هكون اتعودت عليه ياريت الى عندو اى رئيى يتفضل يقولوا
    شكرا

  35. ملكة الاحزان؟؟؟؟؟
    24/08/2011 at 17:00

    اختى فى الله بصى من الاخر يعنى خدى الى بيحبك ومتخديش الى انتى بتحبى ليه بقى لئن الى بيحبك عمره ما هيفكر انه يزعلك او يجرحك ولو بكلمه بس الى انتى بتحبيه تماما الى بتحيه تتوقعى منه اى حاجه خيانه غدر جروح يعنى جميع حاجه تتخيليه انا بتكلم معاكى لئنى بجد جربت وشوفة الفرق بلاش تخسارى خطيبك وحفظى عليه وتاكدى انك هتعيش معاه فى امان وبحنان وحبه ليكى هتحبى ومش هتقدرى على بعدى وهتفتكر الكلم الى انتى قولتى ده وهتضحكى عليه وهتقولى انا زى قولة كده او ازى فكرة مجرد تفكير انى اسيبه فى يوم من الايام والله انا بكلمك بجد لئن هو ده الى بيحصل بجد فيريت تفكرى كويس قبل ماتخدى اى قرار اوكى لئنك لو سبتها متضكنيش الى جى بعده هيكون ايه ده على الاقل بيحبك وانتى خلص عرفتى كل حاجه عنى وعرفتى اكيد بيحب ايه وبيكره ايه صح لكن انك تدخلى تجربه تانيه هيكون صعب عليك بس صدقينى والله هتحبى بعد الجواز د رئى ياختى وبعدين (الخيره فيما اختاره الله)صح ولو ليكى نصيب فيه هتكمل الخطوبه على خير ولو مفيش نصيب ربنا يكرمك بلى تحبيه ويحبك (وعسى ان تكرهوشى وهو خيرا لكم)وربنا يسهلك الامور والى فيه الخير يقدمه ربنه واصبر(ان الله مع الصابرين اذا صبروه)فاتمنا انك تكونى من الصابرين وتتعبيش نفسك فى التفكير يعنى(دعى الملك للمالك)انا طبعن طولت عليك صح استحملينى بقى يا اختى بس يارب اكون عرفة افيدك يعنى بكلمى مكنش زت من حرتك (استودعك الله الذى لا تضيع ودائعه)

  36. HanyMoh
    15/08/2011 at 15:38

    طالما أنك منشغله بغيره فلا تقبلي به

    فإنك ستظلمين نفسك قبل أن تظلمينه

    فطالما أنه قد مر عليكما تشعة أشهر ولم تتغير مشاعرك فلا تقبلي به

    رغم أن الحكم الرئيسي على الرجل بالدين والخلق

    وأيضا القبول الشكلي،، ولكنك منشغلة بغيره

    والشخص إذا انشغل بأحد فإنه قد لا يرى سواء

    حتى وإن كان بعيدا عنه..

    هذا الرأي الذي أتوقعك تريدين سماعه..

    أما رأيي الشخصي طالما أنك وافقت عليه من البداية فلا يجوز لك رفضه بعدما زاد تعلقه بك

    إلا لظروف قوية وجديدة

    وطالما هو يحبك وعلى خلق ودين فإنه لن يظلمك

    أختاه الزواج اليوم مثل البطيخة كما يُقال

    فمن علم الخير في الطرف الآخر وتركه فهو مخطئ

    لا تتركيه ولا تفكري في غيره

    أنا أتعجب من مقاييس الحب لدى المرأة!!!!

    الحب أساسه العقل والتعقل وليس العواطف..

    الحب عاطفة تنتج بعد العقل

    إذا علمتُ بأن شخصا يحبني وهو مقبول المظهر وحسن الخلق ومتدين

    فلا شك أني سأحبه إلا إن كنتُ منشغلا بغيره

    ولا تشغلي نفسك بأوهام 🙂

  37. soma love
    15/08/2011 at 05:32

    بصراحه ادام انتي وافقتي عليه من الاول يبقي حرام عليكي تسيبه بعد 9شهور وهو بيحبك اعملي زيي خدي اللي يحبك وما تخديش اللي انتي تحبيه علشان اللي بيحبك هيعيشك سعيده اكتر من اللي انتي بتحبيه وانا متاكده انك هتحبيه بعد الزواج
    واكيد انتي عارفه ان في بنات بتتجوز غصب عنهاوانتي اللي وافقتي نصيحتي ليكي اوعي تسيبيه وانا متاكده انك والله والله هتحبيه بعد الجواز واكتر منه كمان
    وربنا يسعدكو

  38. خوخة القلب
    12/08/2011 at 01:01

    انا على فكرة زيك بس مادخلتش في خطوبة لاني كنت خايفة من اللي انتي بتعاني منه ده صدئيني كدة بتظلمي نفسك وبتظلميه قبل منك لازم تكوني حاسة بيه وتكوني بتحبيه زي ما هو بيحبك علشان تعرفي تدي زي ماتخدي فكري كويس وحاولي مع مشاعرك ولو وصلتي لنفس النتيجة تبقي تسبيه على الفور لان الجوازده مش لعبة ده جواز ياناس يعني اتنين بيتقفل عليهم باب واحد لازم يكونوا الاتنين عندهم نفس المشاعر علشان يعرفوا يعيشوا استخيري ربنا تاني وتالت حتى تستقري على قرار وماتتسرعيش وربنا معاكي ويلهمك بالخير يارب

  39. احم
    09/08/2011 at 09:30

    شكلك مش متقبلاه شكلا
    انا رفضت قبل كدا واحد مادياته كويسه بس شكلا مش متقبلاه علشان بجد مجرد مابصيت عليه اتخيلت نفسى انى ممكن احبه فى يوم من الايام او اتقبله بعد الجواز ؟
    لقيت الاجابه لا !
    فعلشان كدا رفضت

  40. احمد
    09/08/2011 at 04:31

    انارايى ان تعطيه فرصه ممكن مشاعرك تتغير

  41. توتا
    09/08/2011 at 01:59

    الحب الحقيقى بعد الجواز حب العشرة وكدة والحاجات اللى بتفكرى فيها دى يا ستى ناس كتير اتجوزوا وعادى كلة زى بعض وبعدين دة بيحبك وكويس يبقى انتى كدة حرام عليكى اشكرى ربنا ع النعمة اللى معاكى

  42. خالد عبد الراضى فنان تشكيلى
    07/08/2011 at 19:38

    ما تظلميش خطيبك معاك أتركيه يذهب لمن تحبه وتتزوجه وتكون لديها مشاعر لتحس به وتتعاطف مع مشاعره النبيله قبل ان يغرق الرجل فى حب سياتك ويتعس فى حياته القادمه لو تركتيه متأخر وخاصة انك أكيد خلصت على القرشين اللى معاه فى الهدايه لسياتك بصراحه اذا كان صعبان عليك شويه هو صعبان على كل الاصدقاء اللذين يكتبون لك الان اكثر منك لان هذا الرجل وضع قلبه فى المكان الغير جدير بأحتوائه ورعايته والتبحثى عن حب يشبه حبك القديم لانك ماذلت فى الماضى مع الحبيب الاولى وأعتقد انك لو تركتيه برهه من الوقت ستحددين الاستمرار معه من عدمه تمنياتى لك ولخطيبك بالسعاده

  43. أبو حميد
    06/08/2011 at 03:07

    بصراحة أنا مرت بنفس التجربة خطبت إنسانة محترمة جدا ولكن لم أشعر تجاهها بأى نوع من المشاعر فضلت إنى مظلمهاش معايا وتركتها والحمد لله ربنا كرمنى بإنسانة وتزوجتها نصيحتى .. يقول تعالى ….وجعل بينكم مودة ورحمة ) لا بد من الحب الحب مطلوب اتركيه وحاله وادعوا الله أن يرزكك بأفضل منه

  44. صوت الرعد
    04/08/2011 at 15:30

    أنت في قمة الأنانية .. اطلبي فسخ الخطوبة فوراً فأنت لا تستحقي مثل هذا الإنسان .. وأتمنى أن يدور بك الزمان وتقبلين بمن يقوم بواجبك على أكمل وجه .. عندها فقط ستدركين النعمة التي كنت بها .. ومدى البطر الذي يكتنف عقلك .. بالتوفيق!

  45. رورو
    02/08/2011 at 16:41

    بلاش تظلمية معاكى دة حرام
    واللة لانة ممكن يكون بيحبك وصدقينى

  46. بحبك اوى يامحمد
    29/07/2011 at 03:41

    انا رايى انا لازم نحس كل حاجة قبل ما نعملها او على الاقل نشتاق لها ونستنها علشان لما تيجى نكون عاجزين عن الشكر لازم نعمل اللى لا يظلمنا ولا يظلم حد معانا اللى بيحبك ده ملوش ذنب يقضى احلى يوم ف عمره من غير احساس علشان انتى طمعانة بس فى حد كويس مفكرتيسش ان الحد الكويس ده محتاج واحدة تحشة وتشتقله وتحبه وتتمنى اليوم اللى يجمهم ربنا تحت سقف حلاله

  47. طارق بورسعيد
    28/07/2011 at 08:19

    على فكرة نسيت اؤلك حاجة مهمة….واضح من كلامك جدا انك بنت صغيرة فى السن ودلوعة ورومانسية وكدا…وان خطيبك انسان جاد وعملى وشخصية محترمة وكدا يعنى…..ويجب ان تحاولى ان تفكرى دائما فى مميزاته وجديته فنادر جدا ان تجدى انسان بهزه الميزة فى الوقت الحالى وكد يعنى….وان شاء الله ستحبيه بعد الزواج وستكونى سعيدة معاه وكدا…….تعرفى انا عرفت انك صغيرة فى السن ودلوعة ورومانسية من أيه….. من (( وكدا ))ربنا يسعدك

  48. طارق بورسعيد
    28/07/2011 at 08:05

    مش انتى ال اختارتيه وكدا…….وبصراحة ممكن الحب يجى بعد الجواز وكدا…….وبصراحة هية مجازفةاما ان تستمرى وبعد الزواجيخليكى تحبيه وكدا….وتكونى سعيدة ان شاء الله ..واما العكس….ولاكن لابد ان تعرفى ان بعد الزواج اكيد احساسك ده حيتغير وكدا يعنى…….وممكن جدا تحبيه وتحبيه جدا كمان….خاصة انك بتأولى انه انسان كويس وكدا……يعنى خلاصة الكلامانا رأى انك تستمرى معاه وتتجوزى واكيد ان شاء الله احساسك ده حيتغير بعد الزواج وكدا……ربنا يسعد

  49. مجهول
    27/07/2011 at 18:09

    لو مكتوب انه يكون من نصيبك هيكون في ناس كتير اتجوزو من غير حب جواز تقليدي يعني والعشره ممكن تخلق حب

  50. تيتو
    26/07/2011 at 00:36

    طول مانتى كده عمرك ماتحسي معاه باي حاجه ولو قعدتي عمرك كله فلآحسن انك تسيبيه وتشوفى واحد تانى تحبيه عشان تتقدرى تتعملي معاه

  51. ahmed adel
    25/07/2011 at 20:42

    سبيه ده راجل مش لعبة في ايدك ماتظلمهوش -لو مش فيه اشتهاء جنسي بلاش منه

  52. حازم الاهلاوى
    25/07/2011 at 19:23

    اختى
    طب لو حبيبك الاولانى رجع دلوقتى وقالك : بحبك : اكيد تحسيها جدا
    حتى لو انتى نستيه شويه لانك صعب تنسيه كليا
    المشكله عندك ان حبك للاولانى اخد منك نسبه كبيره من الحب اللى جوه قلبك
    بالتالى معندكيش كميه حب كبيره جواكي لاى شخص تانى
    ممكن والله اعلم ان اللى انتى فيه ده بسبب انك حبيتى حد من غير مايكون خطيبك
    وده عقاب من ربنا انا مش بقولك كدا عشان احسسك بالذنب كلنا حبينا وارتبطنا
    قبل الخطوبه وبتكون اجمل ايام فعلا في حياه الانسان بس ربنا بياجل العقاب ده
    لاجل مش معروف
    احسن حاجه انك تدعي ربنا كتير انه يغير قلبك واستغفرى
    وبصي لشخصيه خطيبك وشوفي ايجابياته ومتبصيش اوى لسلبياته
    وفي النهايه
    لو مش مرتاحه معاه واتجوزتيه هتظلميه طول عمرك وممكن توصل لل….
    خدي قرار من دلوقتى هل انا هقدر اسعد الانسان اللى بيتمنى يسعدنى
    لو مش حاسه انك مش هتقدرى يبقي بلالالالالالاش تظلميه
    ربنا يكرمك

  53. الامام
    25/07/2011 at 17:23

    ،،، بس أنا طول الفتره دي وأنا مش مرتاحه نفسيا ومش حاسه بيه برضو خالص – غير الاحساس العاطفي دا كمان – مش حاسه اننا متوافقين ،،،،،، معرفش ،،،، بس أنا مش مرتاحه وحاسه ان هو زي اخويا مثلا ،،، يعني مثلا اي بنت يعني بت|أثر فيها كلمة بحبك على الاقل ، أنا بقى لا عادي جدا بالعكس بحس بذنب لما بيقولهالي ومش ببقى عاوزاه يعبرلي عن حبه دا كتير

    السابق م كلامك بجانب ما ورد فى سياق عرضك للمشكلة- من الواضح انكى لا تحاولى التقرب منه او حبه
    لذا اقترح عليك ما يلى لمدة من الوقت وليكن شهرا مثلا تحاولى مبادلته حبا بحب واذا قال لكى كلمة حلوة او احبك مثلا وضحى له انكى سعيدة بذلك وحاولى استشعار ذلك فى ذات
    وبعد الفترة التى حددتيها لنفسك اقعدى مع نفسك وقررى فاذا وجتى فى نفسك ميل اليه او القدرة على التعامل معه فى اطار الزوجية وبناء بيت سعيد – او على الاقل تقدرى تتحملى انه اذا احبك سوف يكرم واذا لم يحبك لن يظلمك ( اخد اللى بحبنى وما خدشى اللى بحبه )
    اما اذا كان عدم القبول من ناحيتك هو الجانب الراجح فانصح بالابتعاد عنه حتى لا تظليميه فى الاول وتظلمى نفسك
    تمنياتى لكى باتخاذ القرار الصحيح والله الموفق

  54. مودي
    25/07/2011 at 13:02

    اختي العزيزه انا كنت مثلك تماما في بداايه خطبتي..كنت اشعر بالتقزز والانقشاع البدني عندما يقول لي كلمه حبيبي او شي من هذا القبيل ولم احس لفرح الخطووبه ك البنااات الاخريااات ولكن مع الوقت قد تقربنا اكثر واكثر وكنت اقول ولو فقدته ممكن مايجي احسن منه ويمكن يكون يملك عاادات اسوء من هذا ولكن في بعض الاوقاات احنا نحتااج العقل للتفكير مو بس الحب والحمدلله انا الان متزووجه ومرتاحه معه واحب ان يسمعني كلمه حبيبتي وتغير الوضع كثرا اتعلمين لماذا لان انا قررت ان يكوون زوجي وحبيبي وان هوا الشخص الوحيد الي يحبني وان مافيه احسن منه لذلك اغترست هذه الامور الى العقل البااطني الى ان اصبح هوا حبيبي ليس فقظ زوجي…عليكما التقرب الى بعض اكثر ومنااقشه الامور الزوجيه والتخطيط وعليك ان تجعليه يتشووق الى الزووااج بقولك سأفعل كذا وسأشتري كذا ..وانا انصحك بالتقرررررب اليه وان لا تفقديه ف في وقتنا ان نجد شخص يحبنا ويحترمنا وجميع الاشخااص يفتقروون الى صفااات ليس فينا احد بالكااامل..ولكن لاتتزوجي منه وانت بعيده هكذا عليكي بالتقرب اليه وشكرا وادعوا لي بالذريه الصااالحه

  55. حسن
    25/07/2011 at 12:43

    السلام عليكم ورحمة الله وبركاتة
    حل المشكلة تكمن في نقطتين
    1- أت تخرجي حبيبك الاول نهائياً من قلبك لأن اي شخص هيتقدملك هيكون موضع مقارنة مع حبيبك الاول
    ( الشاهد ) انس حبيك الاول نهائيا علشان تقدري تفكري في خطيبك او اي شخص تاني يعني المشكلة مش في خطيبك المشكلة في حبيبك الاول

    2- استعيني بذكر اللة والدعاء
    واوعى تسيبي خطيبك
    نصيحة اخ اكبر
    وربنا يوفق

  56. ايمى الزملكاوية
    25/07/2011 at 09:53

    بصى يا قمر اول حاجة انا معرفش انتى عندك كام سنة بس مهما كان سنك هقولك نصيحه انت بقالك 9 شهور او 10 معاة يعنى عدا شهر واتنين وتلاتة واخلافة هوة كويس ومحترم وبيحبك بس انتى بتعذبيه مش هيقولك انتى مش بتحبينى هوة متخيل انك بتحبية زى ما هوة بيحبك لو كان احساسك دة فى اول شهر كان هيتغير فى التانى لو فى التانى معاكى الاحساس يبققا فى التلات انما دة 9 شهور هتتعبى هتتعبى هتتعبى وهتتعذبى طول عمرك سبية انتى وعلى الشط احسن ما تخسى جوة وتغرقى وتزهقى من المية المالحة وتروحى وتقعدى عند بيت ابوكى عشان زهقتى ومش عايزة الموجة هتخدك وهتغرقى وهتتطلفى او هتتطلبى الطلاق وهتبقى اسمك مطلقة تسبية دلوقت ويجيلك واحد احسن منو تحبو بعض والا تتجوزى خطيبك وتخشى البحر وتغرقى وتطلق وبردوا هتتجوزى بس تتجوزى بنت احسن ما يتجوز مطلقة ربنا يسعدك ويقدم ليكى الا فية الخير فكرى

  57. soso
    25/07/2011 at 03:04

    انا من رأى ياريت متسبيهوش واستنى شوية(عسى ان تكرهوا شيئا وهو خيرا لكم)وانتى متعرفيش ربنا كتبلك ايه

  58. مدمنة السهر
    24/07/2011 at 23:26

    مادام شايفاه مثل أخ من المستحيل تعيشي معاه تحت سقف واحد انا متأكدة وحاسة بشعورك وبنصحك حذاري وأن تفكري انه يجب ان تتزوجي أو ربما لا تجدين عريسا مثله ستندمين بعدها .لاتفعلي اي شي غصب عنك أو من ورا قلبك ده زوااااااااج مش لعب ..ولو تزوجتيه رغم مشاعرك المعدومة هادي وتجيبي منو ولاد لو قدرتي اصلا رح يكونو اولادك الضحية الاسرة لأنه مش مممكن تتكون اسرة بدون حب وود انتظري الحب فبفضله عاشت اسر سعيدة ابحثي عنه ولك مني دعواتي و السلام عليكم

  59. نسر السبخا
    24/07/2011 at 11:52

    متخديش بالمظهر لو هوبيحبك بجد يبقي تيجي ع نفسك وتعرفي انه هيصونك وهيحاول يسعدك مع الوقت هتحبيه انا ليا جار كان في الجيش وابوه خطبله وهو عمروا ما حبها بس لما خلف منها حبها وبيخاف عليها وبيعمل كل اللي ف جهده علشان يسعدهاوفي مثل بيقول خد اللي يحبك وياما كان زمان الناس كانت بتتجوز اللي اهاليهم اختاروهم ليهم وعاشومع بعض زي الفل من ةغير حب ومكانش في طلاق كتير ولا حاجة من اللي بنسمع عنها دلوقتي والاخر القرار ليكي اختاري اللي في مصلحتك علشان مفيش حد بيمسح دمعت حد وربنا يهديكي للرشادوبارك الله لكي فيه

  60. ملك
    24/07/2011 at 10:30

    هو بيحبك بجد واتاكدى من دا اوعى تسيبه بجد صعب انك تلقى حد بيحبك وخدى اللى يحبك ومش تاخدى اللى تحبيه وطلما شاريكى وهيحط فى عنيكى ربنا يوفقكم وادعى من ربنا يقربكم من بعض ويبعد عنكم كل شر وادعى من ربنا انك تشوفه اجمل واحد فى الدنيا ملكيش دعوه بكلام الناس بيودى فى دهيه ولا حتى اهل العريس لان ممكن يحصل مشكله ولو انتى بجد مش عاوزه خالص حاولى تجرب لما هو يسيبك تخيلى حياتى من غير خطيبك وشوف هتحسى بايه

  61. Magdy
    24/07/2011 at 07:19

    أختى العزيزة

    أنا حاسس كلامك جداً ومقدر مشاعرك لانى على يقين من حساسية الموقف وعاطفية الفتاه خاصة مع خطيبها المؤهل يوماً ليكون زوجها ومع تقديرى لرقة مشاعر الفتاه واهمية احساسها بالامان والحب والرغبة والوفاء تجاه زوجها

    أقول لكى هذة ليست مشكلة ولكنها تردد او ربما البحث عن حب دافئ قلبك يفتقده

    ولكن كما قال السابقين والمجروحين ( اتجوزى اللى يحبك مش اللى تحبية ) مع رفضى لجزء من المقولة لان الحب والوفاء يجب ان يكون المقياس الاول فى الزواج

    ولكن ماذا سيحدث لو تزوجتى من تحبية او تخيلتى نفسك معة او فى تبادل مشاعر بينكم واصبح بعد الزواج انسان اخر وصفاته لم تعجبك ووقتها سيكون الندم هو زوجك الجديد

    اولاً فكرى ورددى تلك الكلمات

    الحمد لله اننى وفقت بخطيب وان شاء الله زوج قريب والحمد لله انه يحترمنى ويحبنى وبأذن الله الكريم احبة ويكون نعم الزوج ويرزقنى الله منه بالذرية الصالحة.

    لا تترددى نريد ان نفرح قريبا بزفافك واريد قطعة من كعكة الزفاف ( التورتة ) هههههههه

  62. hoba
    23/07/2011 at 06:18

    انا بصراحة من وجهة نظرى احنا المفروض لما نقيم حد مش نقيمه من ناحية اناحنا عارفين نتخيل نفسنا معاه ولا لا انا رأيى ان التقييم يكون فى شخصيته، معاملته ليكى ،احترامه وتقديره.مش ناحية انك شايفة نفسك معاه ولو الناس مشت بالمبدأده كان موضوع الجواز اتقيم ف ثانية فمشكلتك مش هى دى لانها مش مشكلة اصلا انا رأيى تفكرى تانى مع نفسك تانى هل انت عاوزة تكملى مع الشخص ده ولا لأ بعيدا عن النقطة دى ياما فى ناس ممكن تتخيلى نفسك معاهم وتحسيهم وهما ف الاخر ولا حاجة

  63. صاحبة المشكله
    23/07/2011 at 06:13

    شكرا (علمني هواك )،،، بس أنا طول الفتره دي وأنا مش مرتاحه نفسيا ومش حاسه بيه برضو خالص – غير الاحساس العاطفي دا كمان – مش حاسه اننا متوافقين ،،،،،، معرفش ،،،، بس أنا مش مرتاحه وحاسه ان هو زي اخويا مثلا ،،، يعني مثلا اي بنت يعني بت|أثر فيها كلمة بحبك على الاقل ، أنا بقى لا عادي جدا بالعكس بحس بذنب لما بيقولهالي ومش ببقى عاوزاه يعبرلي عن حبه دا كتير

  64. علمنى هوك
    22/07/2011 at 19:37

    اختى العزيزه فى الاول والاخر الخطوبه والجواز دا نصيب وكونك تحبيه اولا فى الخطوبه مش هتفرق كتير انتى مش بتحبيه علشان انتى عايزه كده ااقعدى مع نفسك وفكرى هو انسان كويس ومحترم وبيحبك زى مانتى بتقولى عايزه ايه تانى وبعدين الحب الحقيقى عمره ماكان فى فتره الخطوبه الخطوبه دى مامجرد الاتعارف تعرفى شخصيته وطباعه وطالما انتى قعدتى معاه 9 شهور وعرفتى انه كويس وبيحبك يبقا صدقينى الحب الحقيقى هيجى بالعشره والجواز طلعى اى افكار من دماغك وحاولى تنسجمى معاه وربنا يسعدك

اترك رداً أو حلاً لهذه المشكلة