مشاكل الازواج

اتخنقت من خيانة زوجي ومعاملته السيئة ليا

انا اتخنقت ومش عارفة هل انا مجنونة ولا ايه بالظبط عمرى22 سنة متزوجة وعندى طفلة زوجى اكبر منى ب12سنة واحبه حبا لايماثله احد بعد زواجى بفترة قصيرة المهم اكتشفت محادثاته مع امراة متزوجة واجهته انكر تماما مش من حقى التدخل فى شئونهوطبعا بالليل بالساعات برضه فوجئت بمكاالمات كثيرة فى البداية بتبقى معاكسات وبعدين تلضم معاه ده طبعا غير الشات اليومى و الفيس بوك كلمته كتير ومافيش امل لحد مازهقت وقرفتبحبه وبتحمل عصبيته وظروفه وبدعيله غصب عنى اتخنقت كل حاجة يقول مش من حقك خصوصياتى انت ست اعرفى انك ست مش حتحاسبينى ابويا ماكانش بيحاسبنى ده كله غير انه بيقاطعنى ولما اصالحه لازم يدينى محاضره حعاملك بالجزمة انت هنا خدامة شكلك هتكبرى بسرعة وحشة على الرغم انى على قدر كبير من الجمال ونظيفة ومهتمة بنفسى جدا وببيتى واهله لكنه يشعرنى دائما بالنقص ويقول انت بتقارنى نفسك بيهم وحاطاهم فى دماغك ليه عيشى ومالكيش دعوة انا بعمل ايه ولا انت حاسة ان فيكى حاجة ناقصة انا عارفة ان الحنية مش بتتشحت لكن انا باقية علية وزهقت من كلامه وتصرفاته واهماله لى ولاكلمة حلوة ولابفتة كويسة على الرغم انى بتناقش معاه بدون خجل لكنه شخص مختلف وصل الامر لضربى واهانتى امام اهله انى مجنونة لااطاق المشكلة انه هنا كبير البيت وماحدش بيكسر كلمته يعنى ماينفعش اتكلم مع حد من اهله واهلى اتكلمت مع اختى وكلمته انه بالراحة والتفاهم يقوللها عنى انى مش طبيعية وكلام لايحدث وهو استاذ فى الكلام لا يكبر لاحد بمعنى اصح المهم انى مش قادرة استوعب ولا افكر ومش عاوزة اغضب ربنا تحول للضد اخبرونى ماذا افعلالصراحة جوزى عاوز يثبتلى ان كل ده اوهام وظنون وانا متاكده من افعاله انه بيكلمها هى وغيرها وطبعا شات على طول ويقوللى اصل ده فلان صاحبى اتخنقت من كدبه مش بصدقه نهائى لا وبيشتغلنى لما اخرج يتاخر على ما يروح الشغل بحجة تعبان …..الصراحة انا اتخنقت وماعدتش بثق فيه نهائى وخايفة على بيتى عشان ابنى ومهما كان احنا متجوزين عن حب وهو كويس فى حاجات كتير لكن نفسى يبطل كدب على ويقطع علاقاته مع الناس القذرة دى طبعا كل مايكلمهم نا ابقى متضايقة لازم يدب معايا خناقة وينيمنى معيطة ولا يصالحنى ولا يسال فى لحد فى مرة دخلت والدى وقعد يشتكى منى انى شكاكة روحت حاكية كل شىء قعد يكلمه بالدين والاصول وروح واحنا المفروض متصالحين طبعا بعدهابيحاول يبين لى انه مش بيتكلم مع حد لكن رجعت تصرفاته زى الاول مجرد ما اكون فى الشقة يخرج عند اهله فى نفس البيت يقعد فى اوضه لوحده طبعا بيكلم الست اللى متجوزه ولو اتكلمت حتبقى مصيبة انتو عارفين على الرغم اننا كويسين اضع يدى على قلبى واقول استرها معايا وعدى اليوم على خير هل انا مجنونة مش عارفة اثق فيه حاسه انى عايشة معاه لحد ماحييجى الوقت وننفصل حاولت اتخلص من حياتى لكن خوفى من ربنا هو اللى موقفنى بدعيله لكن كل شىء له حد بجد اتخنقت انقذووووووووووونى…..

مشاكل وحلول ذات صلة

اضيف بتاريخ: Thursday, May 12th, 2011 في 17:25

كلمات مشاكل وحلول: , , , , , , ,

13 رد to “اتخنقت من خيانة زوجي ومعاملته السيئة ليا”

  1. البرنس
    25/07/2019 at 02:57

    كان الله بعونك يااختي لوفي احد كبير له يسمع منه ويحترمه زي عمه او خاله او قريب له تقدري تشرحلي المشكلة ويتدخل لاجل انقاذ حياتكم الزوجية من الانهيار لعل الله يهدي زوجك ويرجع لرشده ويتقي الله فيك وفي بيته وبنته ويحرص على استقرار حياتكم الزوجية اما اذا تعذرت كلهذة ومافيش فائدة منه فمن الافضل لك طلب الطلاق منه لاجل تصون كرامتك وشرفك وربنا يعوضك خير من هذا الخاين الفاسق وتاكدي انه لن يلاقي خير طوال حياته طالما انه يرتكب المحرمات والمعاصي

  2. ابوالبتول
    20/05/2018 at 01:19

    لا ياحبيبتي الوضع ده ماينبغى السكوت عليه او تجاهله ولازم تضع حدا لخيانة زوجك وتجاوزته المتكررة والغير اخلاقية انت مراته مش جايه من الشارع لك عليه حقوق وواجبات عليه الوفاء والالتزام بها صدقيني سكوتك عليه يخليه يستمر في الخيانة لك ومش بعيد يتجرا ويجيبها معو الى البيت ويمارس الرذيلة معها في فراش الزوجية دي الحقيقة اللي لزوم تعرفيها ولايجب اغفالها ابدا واللي يخون مرة سهل عليه الخيانة عشرات المرات وعمرو لن يقلع عنها ابدا ومسالة كلامه لك انو كبير العيلة ومافي احد يحاسبه فدي حجة الجاهل والمتخلف فالكبير يكون باخلاقه وتربيته واحترامه لنفسه وللاخرين وزوجك ده شخص سافل وواطي وبلادين ولااخلاق ماعاد يجدي معو الكلام والنصائح لامنك ولامن غيرك الحل بيدك انت والقرار يخصك انت لوحدك انت المتضررة من هذا الوضع المشين والفاضح ولازم تحزم امرك مع هذا السافل الواطي وتسرع في طلب الطلاق منه فورا حتى لو تطلب الامر اللجوء للمحكمة للفصل بينكما ولافي عاقل يقبل بالعيشة مع شخص خاين وبهذا الشكل من الانحطاط والفجور ولاتفكري في كلام الناس ومايقوله عنك ان تطلقت منه المهم انك استرديت كرامتك وعزة نفسك وحافظت على سمعتك وشرفك واياك والتنازل له عن النفقة لابنتك الصغيرة فهذا حقها شرعا ولايمكن التفريط فيه ابدا وتعيش حياتك معززة ومكرمة حتى يكرمك الله بالزواج من ابن الحلال الصالح اللي يراعي الله فيك وفي نفسه ويقدر الحياة الزوجية ويصون مشاعرك ويسعدك طوال حياتك من ترك شيئا لله عوضه الله بخيري الدنيا والاخرة

  3. الفهدالاسود
    18/03/2016 at 10:46

    اختي الفاضلة لاشك ان الخيانة محرمة ومخالفة لكل الاديان السماوية ولايرضى بها العاقل وهي دمار لكل حياة زوجية وخراب للبيت العامر ارى انه لاعاد يجدي النصح والكلام مع زوجك هذالخاين السافل الواطي لانه بلااخلاق ولاتربية ولادين من الاساس معه حتى يردعه عن كل مايفعله من محرمات ومعاصي وخيانات زوجية مع نساء ساقطات مثله لانو ذيل الكلب عمرو مايتعدل ابدا ومن شاب على شئ شب عليه ولن يتغير حاله حتى يصيبه الله بمصيبة في نفسه اوفي صحته حتى يعرف ان الله حق ويقلع عن تلك المعاصي والذنوب ويبادر الى التوبة لله عزوجل ويندم على كل ماكان يفعل من تصرفات لايرضاها الله ولارسوله ولاينبغي للمسلم ان يعملها اتركيه وشانه وادعي له بالهداية والصلاح وحافظي على نفسكي وابنك وبيتك وصوني شرفكي وعرضكي وتجنبي الحديث مع هذالسافل الحقير حتى لايتهور ويطلقك او يتمادي في اهاناتك وضربك وحسابه على الله عسير فوضي امرك لله واهتمي بنفسكي وابنك واصبري لاجل ابنك وجزاك انشاءالله الجنة على كل هذا الصبر والبلاء اللي انت فيه وان لم تعدي تتطيق كلهذا فلاخيار امامك سوى طلب الطلاق منه ولاشئ عليك شرعا الدين اباح للمراة حق الطلاق اذا كان الرجل الزوج فاسق وبلااخلاق ولايحترم ولايقدر الحياة الزوجية صار امر الطلاق لابد منه كي تحمي نفسكي وتصوني كرامتك وعزةنفسك والله يخلصكي منه ويكرمك بخيرمنه نشاءالله

  4. ابواميرة
    26/09/2013 at 11:51

    ان من الجنون ماقتل وبقاوك مع الراجل المستبدالخاين ظلم كبيرفي حقك وحق ابنك واهلك اطلبي الطلاق منه فورا لابارك الله في زوج كهذا لايقدرالزوجةولايحترم حقوقها وربي بيكرمك برجل خيرامنه تسعدي معه في حياتك

  5. ابواميرة
    16/12/2012 at 22:09

    لايااختي انت مش مجنونة هو المجنون والكذاب والخاين اعمل الصح من اجل كرامتك وكرامةاهلك ومن شان ابنك اطلب الطلاق منه فورا ولاحرج عليك في هذالانك عايزهاالخير والصلاح له ولك ولبيتك وهو مش مقدرولامحترم نفسه وتاكدي ان الله معك وبيعوضك خيرا منه ويبارك لك في ابنك

  6. الصابرة
    03/03/2012 at 00:59

    اختي العزيزة والله أنا كنت مثللك وأكثر ونفس اتهامات الزوج أن عندي تهيوءات بالخيانة بل تزوج غير شرعي في سفرة من امراة شيعية كويتية وغيرها في السر والحرام لدرجة اني مرضت بالمرارة من كتر الحزن وينصحني الكثير اني لا اهتم به ولكن كنت اجد صعوبة في ذلك واخاف اهمله ينشغل بغيري ولكن من شهر فقط تعبت وكرهته جدا وقررت اهتم بعملي واعامله معاملته لحد مااستغرب وفكر اني اعرف غيره مثل مايفعل وبدأ يهتم بي مع اني اشعر بكرهي الشديد له لمافعله بي ،على فكرة انا منذ 8سنوات اعاني المشكلة بصورة كبيرة وربنا مايوريه لاحد وفكرت ابحث عن زوج مخلص ،ولكن عشان اولادي .

  7. معروف
    27/05/2011 at 18:10

    سيدتي اذا كان زوجك يشبعك في الفراش فدعيه فلن يمر وقت كتير حتى يعود اليك- الرجل ميال للمراة انما على اساس حب الاطلاع والتجارب اتركيه سوف يترك نفسه ويعود يقبل جبينك ويقلك سامحيني انت قامة سامقة لا تنظر الى ماهو دون مستواها اتركيه سوف يحتقر نفسه يوما ويحس بالذل ويعود اليك مرة واحدة – الرجل طفل صغير امام المراة –

  8. هشام
    20/05/2011 at 09:31

    اهمليه ولاتخاطبيه سبحان الله الانسان تكون عنده نعمه ويرفصها برجله على فكره هو اللى مش طبيعى اانا فى نظرى ان النساء نعمة من نعم الله عز وجل ومن كان فى نعمة فليرعاها خاصة انك جميلة ربنا يعوضك خير

  9. خالد فرنسا فرنسا
    19/05/2011 at 12:33

    اختى العزيزةالصبرحلواكيدحيصل شى لة يرجعةعن اللى هو فية موقف مع وحدة تعملة تعرفة قمتك وحولى تثقى بنفسك اكثر انتى بتقولى انك على قدرن من الجمال حاولى تستغلى جمالك معة كل يوم اعملى حاجة جديدة فيكى ادلعى وعرفة انة مش فى دماغك اى شى وانة مش فرق معكى هو هيستغرب ومفيش حاجة حتيجى فى بالة غير تغيرك وسببو اية وحولى متتكلميش فى الموضوع دا خالص كانك شلتى من دمغك وربنا يهدى

  10. حبيبة الرحمن
    14/05/2011 at 02:15

    حبيبي والله انا كنت زيك بس بصراحه لاني صعيده واهلي صعيده وابويا متوفي ماقدرت احكي لحد لانه الست مالهاش غير بيتها انتي ريحي دماغك وكبري خالص خالص وماتتكلميش معاه في حاجه ولا تليفون ولا ماتلفونتش وشوفي طلباته ووجباته وهاتي محاضرت علي النت ليه عن حكم الاختلاط بين الرجل والمراه وبصراحه والله انا زوجي لما كان زيه كلمة ابن عمه شاب اضغر من زوجي في العمر بس اهل ثقه وراجل متدين واعد معاه ونصحه والحمدو الله دلوقتي شويه شوفي قريب ليه يكون قريب منه وكلميه انتي ويكون معاكي اختك او ابوكي واشرحي الوضع ليه وهو يجلس معاه ويحاول يقنعه ويقوله كما تدين تدان وحبيبتي الراجل في 60 الف داهيه انما انك تفكري في الانتحار ده تفكير غلط ابنك عاوزك بصي ليه وتذكري ربنا وادعيلي ربنا يصلح حالك وحالنا ويستر علي زوجك ويبعد عنه ولاد الحرام وبنات الحرام امين يارب

  11. محمود
    12/05/2011 at 23:14

    طب ممكن تعرفي شو هو اسبب ان زوجك بيخونك طب يا هل طرة شو الى يلقي مع الى بيخونك معهن مش لقي بيك حولى تعرفي شو انفص الى عندك مشان طعوضى الو وتنسي انو يخونك مع غيرك اعمليلو جو في البيت بناسبو وما يفكى في غيرك ريحى وعملى الى بدو اية وما تتعبي ما تخلى ينساك وربي يهنيك انتى وية

  12. عمري ضاع
    12/05/2011 at 22:42

    ربنا ينجيكي منه شغلي قرأن في بيتك وصلي وسبحي عشان ربنا يقف معاكي والزمي الاستغفار الزمي الاستغفار الزمي الاستغفار اعرفي اهمية الجملة دي
    كمان حاولي تتجنبيه في البيت شوية لحد ما تلاقيه قال لنفسه هو فيه ايه هي بعدت عني كده ليه وبعدك عنه هيبقي لغز جواه هيبقي عاوز بأي شكل يحله والفضول هيقتله عشان يعرف ايه سبب ده وهيجيلك ومن هنا هيبدأ الكام وربنا يهديهولك

  13. زائر
    12/05/2011 at 22:31

    الاخت العزيزه أنا اصدقك فى كل ما قلتيه ولكن!! زى ما قال لكى زوجك ان أبوه عمره ما كان بيحاسبه وهو كبير اخوته كما قلتى يعنى تغييره شىء صعب يحتاج الى حكمه وصبر أكثر منكى علشان تحافظى على بيتك ويرجع هو لصوابه.أول شىء علشان تبدأى صح معاه لا تحاولى أن تتلصصى عليه وطلعيه من دماغك مؤقتا حتى يطمئن هو أنكى غير مشغوله بيه ساعتها هو هيعدل من نفسه لكن لو فضلتى تراقبيه وتكلميه فى نفس الموضوع هيزيد فى العناد ومش هتوصلى معاه لحل. أنا شايف أنك لازم تتعاملى معاه بذكاء أكثر وخليه يحس أن الموضوع ده لا يشغل بالك كثير وبعدين شوفى النتيجه لأان واضح ان زوجك لم يتعود أن يحاسبه أحد أو يراقبه . فصيحتى الأخيره لكى لا تراقبيه ولا تتحدثى معه فيه نهائى حتى يعود الى رشده..

اترك رداً أو حلاً لهذه المشكلة