انا مشكلتى ممكن تكون غريبة ..ايوه غريبة انا فتاه عمرى 21 سنة متجوزة من سنة و نص من شاب على حب ……..كنت مبسوطة جدا لحد اول شهر جواز و بعد كدا بدات حاجات غريبة تحصل و ابتدا جوزى يبعد واحدة واحدة من غير سبب ……….فى البدايه قالى انو بيمر بظروف ولازم نبيع الشبكة فى البدايه كنت خايفة ابعها مش عارفة ليه وبعد كدا لما فكرت لاقيتنى من واجبى كزوجة انى اقف جمبه بعتها و اديتو الفلوس و بعدت الدبلة و المحبس .الغريب ان بعد تصرفى ده اتغير معايا للاسوء و الاسوء وابتدت المشاكل وهو بحكم ان شغله بيبات فيه كتير فكنت بروح يوم بعد يوم وابتدت المشاكل انو مش عاوز يروح خالص كل ما اقوله نروح ميرضاش او يوافق بشروط زى انو يروح و يقعد مكشر و مسالوش ليه او ميكلش فى البيت و لا لقمه او او ……او فى البدايه كنت بتكلم معاه وممش لاقيه سبب لكل اللى بيعمله دخلت امه ومنها لله عاوزاه يقعد معاها ع طول ميروحش دخلت اهلى حصلت مشاكل وهو للاسف سلبى مرة مش عاوز يروح عشان مخنوق من الشقة ومرة عشان مخنوق منى عشان موقفتش جمبه مع انى بعت الشبكة من ورا اهلى ومرة تانى هنروح بكرة و مرة هنروح بعده و مرة اصلى ………واصلى حجج فاضية و الاغرب انى كل ما اوافق ع شرط او حجة من اللى بيقولها يطلع بحكايه جديدة عرضت عليه نسيب الشقة مش راضى عرضت ك\ا حل بارضوا مش راضى ……وكل ما يقعد مع حد يقول انى موقفتش جمبه مع انى بحبه جدا بس مش عارفة كل ده ليه ……ومن فترة عرفت انو بيكلم بنات خدت الرقم وكلمتها و عرفت كل حاجة وحلفتلى انها صداقة بس و بصراحة سامحته بس حطيته فدماغى عملت ايميل ع الفيس وكلمته ع اساس انى واحدة تانى واكتشفنى وعملت ايميل تانى و ضفت بنات و صبيان علشان ميشكش فيا المهم هو ما صدق مع انى واللهى العظيم عمرى ما كلمت حد ع الفيس غيره هو بس واكتشف بارضوا الموضوع ده جبتله مصحف و حلفت عليه انى ما اعرف حد فيهم و لاعمرى كلمت حد غيره با رضه مش مصدق و قعدت اتكلم معاه يجى 3 اسابيع فى محاولة انى اتكلم معاه او اشرحله و جهة نظرى مدانيش الفرصة و طلبت انى اروح قالى ماشى روحى وسابنى بايته لوحدى 4 ايام وابتدا يغلط بالكلام لدرجة انو اتهمنى انى ماشيه مع واحد غيره و هو شافنى معاه مع انو و الله ما بخرج لوحدى و لا بروح حته وقلتله طلقنى قام قالى انتى طالق و اتصل بيا بعدها و قالى انا مش هطلق رسمى عاوزة تتطلقى اطلقى انتى قمت قلتله مش هتشوف ابنك تانى المشكله انو بيتوهم بحاجات و يصدقها و انا قاعدة فبيت اهلى تقريبا من اول اسبوع جواز مروحتش اسبوع ع بعض فالبيت …..انا حاسة انو بيخترع اى حاجةو خلاص علشان ميروحش ………و الغريب ان ا حد يكلمه من اهله يقعد ساكت مبيديش عقاد نافع جبنا اعمامه و اتكلمنا معاها علشان نخلص من الموضوع ده قالو استنوا و هنصلح ومش عارفة ايه وكمان قالو انو مش طبيعى بيقعد بالشهور لا بيشوفنى و لا بيشوف ابنه عادى جدا عنده لا مبالاه بطريقة رهيبه ……..بيصرف بارة اى فلوس تجيله و بيهتم بولاد اخواته ومبيهتمش بابنه ………….تفتكره فى حاجه غلط
مشاكل الازواج
زوجي يهملني انا وابني ويتهمني بالخيانة
اضيف بتاريخ: Friday, July 1st, 2011 في 15:03
كلمات مشاكل وحلول: الحياة الزوجية, بنات, شاب, فتاة, مشاكل الازواج, مشاكل زوجية, مشاكل زوجية
بالضبط كما قالوالك الاخوة هو عاوز الطلاق ويريد ان تكوني الراغبة في ده عشان مش عاوز يخسر شئ شخص نذل وواطي وحقير مش عارف ايه اللي رماكي الرمية السوده دي واوعي تتنازلي له عن شئ هذا الحيوان جرسي ابوه في المحاكم وطلبي منه النفقة لكي ولابنكي الصغير واياكي والتنازل عن تلك الحقوق او التفريط فيها وخليه يغور في الف داهية وربك بيعوضكي ياست البنات وبيرزقكي بابن الحلال اللي يستاهلكي ويقدركي ويسعدكي العمركله
دام انه بيعمل كلده فهو عاوز يكون الطلاق منك انت وانك الراغبة فيه علشان مايخسرش حاجة كل تصرفاته مش طبيعية بالمرة والظاهر انه على علاقة مع وحدة ثانية وانصحك بطلب الطلاق منه فورا لصون كرامتك وتلزميه بالنفقة للولد ابنك فهذا حقه الشرعي واياك والتساهل في هذة الحقوق لابنك وعيش حياتك في بيت اهلك حتى يكرمك الله بابن الحلال اللي يستاهلك ويقدر الحياة الزوجية ويصونها ويسعدك العمر كله
اختي من الواضح من قصة مشكلتك مع هالزوج انه شخص مريض نفسي وخاين ولايقدر الحياة الزوجية وغير جدير بها فمن الافضل ان تطلب الخلع منه دام انه رافض ان يطلقك وتلزميه بالنفقة للولد ابنك وده حق من حقوق ابنك الشرعية لايمكن التساهل فيها او الافراط بها وصدقينى انو لاامل في صلاح حاله تطلقي منه عبر المحكمة وربنا بيرزقك بالزوج الصالح اللي يستاهلك ويصونك ويسعدك في هذي الحياة
الاخت المدعوة -حائرة- اصلحك الله وهداكي من اين جتي بهالقصة وتدعين انها حصلت في عهدالرسول الكريم اتقي الله في نفسك وفي ماتقولين وهل يعقل ان رجلا مسلم يطلق زوجته التي توفت وهي على ذمته ماهذالهراءوالافتراء اللي تتحدثين به
من كلامك عنه اقول لك انه لاخير في العيشة والبقاءمعه ابدا ولازم تطلقي منه فورا وتلزميه بالتفقة للواد وخليه يغور داهية تاخذه بلارجعة ده مايستاهل ظفرك ياست البنات وربي بيعوضك بكل الخير وبيكرمك بالزوج الصالح ابن الحلال اللي يقدرك ويصونك ويسعدك في حياتك
ارجع واقول لك خير الحلول لمشكلتك دي هوطلب الطلاق فورا مع الزامه بالنفقة الشرعية لابنك لانو لازال في حضانتك حتى يبلغ سن الرشد كذلك اطلبي رد اعتبارك منه وانو اتهمك بشرفك وانك على علاقة مع واحد غيره ودايسمى قذف المحصنات وتقام عليه الحجة وعليه اثبات الدليل البينة والايقام عليه الحد شرعاوقانونابلاش تفرطي في كرامتك وسمعة اهلك لاجل واحد حقير مايستاهل وتاكدي ان الله بيعوضك برجل خيرامنه يسعدك في حياتك
ابنتي الفاضلة من البداية اختيارك لهذالزوج خاطي وغيردقيق كان المفروض عليك واهلك السوال والتحري الجيدعن هالشاب من ناحيةدينه وخلقه وعمله واهله ومستواه الدراسي والعملي وكل شي حتى تكوني على درايةوعلم بهالزوج قبل الارتباط فيه لكن خلاص ماعاد يفيد البكاءعلى اللبن المسكوب اللي حصل صار ولازم اهلك يتدخلوافي المشكلة دي لان السكوت عليه يجعل الحياة في تازم شديد وممكن تودي الى الضرب والاهانةلك ولابنك واهلك من انسان فاشل ومنحط وسكير يضيع فلوسه على القماروالخمرةوالنسوان ايش تتامل من هذااطلبي الطلاق فورا وربي يكرمك بالرجل الصالح اللي يستاهلك ويسعدك
ياهانم زوجك المحترم بيلعب قمار مليون في المية ومش بعيد اللي بيحلي سهرات القمار دي نسوان صدقيني حاولي تراقبيه من بعيد وحتعرفي الحقيقة بنفسك وذاتاكدت من هذا فالافضل لك طلب الطلاق والزامه بالنفقة عل ولدك هذاحقك شرعاوقانونا
اول شىء عايزة اطلب منك الاستعانة بالله عز وجل كان فى قصة ايام رسول اللله صلى الله علية وسلم رجل كلنت له زوجة غير صالحة تهينة فا استحملها وبعد موتهاطلقها فسالوه لماذا طلقتها قال لانى استحملتها فى الدنى وهى بلاء فخفت انى اضر بيها لو طلقتها اخى المسلم
معنى كلامى انى بطلب منك الدعاء وان ربنا بيختبر العبد بلبلاء واقفى جمبة واستحملى بأذن الله عز وجل هيتغير وهتعدى الامور على خير وبردو ادام ربنا وادام نفسك وادام ابنك انتى عملتى الى عليكى ومتندميش للحظة لو لقدر الله انك قصرتى وربنا يهديكى ويهديلك امرك ويسعدك انتى وانا وكل بنات المسلمين
وليه بعت السغة ديالك
الان منتظرة منه ايه ما خلاص مهرك تباع وهوا منتظرك انت تسرفي مصاريف الطلاق خسيس والله وجبان بس سيبه لله
ربك كبير قادر يخليه تعبان اكتر من الي هوا فيه
دلوقت فى طفل يعنى لازم يتعمل حسابه فى القرارات المصيرية اللى بتأخدوها.
أولاً : أنتى بتحبية
ثانياً : الطفل الأفضل ليه أنه يعيش فى وسط والده ووالدته
يبقى فكرة الطلاق تتركن على جنب و ملهاش لازمة خالص
يبقى لازم أنتى نعرفى هو بيعمل كدة ليه ومحدش غيرك ممكن يعرف دة أكثر منك
هل فى واحدة شغلاه؟ هل عندة ظروف مادية فعلاً ؟ هل ؟ هل؟ هل ؟
ولما تعرفى السبب هيكون الحل سهل إنشاء الله. و متأوليش حاولت و معرفتش
لازم تحاولى تانى و تالت و رابع و بهدوء و تملكى أعصابك علشان تقدرى توصلى للحل .
لآنه لو مكنش بيحبك مكنش أتجوزك ؟ ولا أيه؟؟؟
اعتقد ان زوجك يمر بحالة نفسية ويحتاج من يقف بجواره فى محنته اعرضى الامر على طبيب نفسى ضرورى وهو بدأ يشك فيك لعجزه عن القيام بمهامه كزوج لابد من الرجوع الى الله سبحانه وتعالى لانه مانزل بلاء الا بذنب وما رفع الى بتوبة وادعو الله ان يعينك على ابتلائك
من الواضح يا اختاة انه يرغب فى الطلاق ويريد ان تكونى الراغبه فيه حتى لا يخسر شئ وقد يكون على علاقه باخرى او مريض نفسى وفى كل الحالات انتى فى غنى عنه واطوى هذة الصفحه من حياتك واعيدى تفكيرك مرة اخرى فى تقييم الاخرين حتى يوفقك الله المرة القادمه فى شخص يصونك
بصى يا اختى مدام هو بيعمل كده يبقا هو بيع مش شرى يبقا لازم تطلبى منو الطلاق من غير كلام ولو رفض اخلعى لانو مش هيتغير مهما عملتى