السلام عليكم ورحمة الله وبركاته
اخوتى ف الله عايزة حد يساعدنى بجد من فضلكم لانى تعبانه جدااااااااااااا
الموضوع انى مكتوب كتابى وزوجى فى السعوديه وبنتكلم على النت وهو انسان محترم جدا وطول فترة الخطوبة ماكانش فى بينا كلام خااالص ولا كنت ببعت رسايل غير ادعية وكدة ولما كنا بنتكلم على النت كان كلام عادى نعرف اخبار بعض وخلاص وده كان تاعبنى برضه لانى ماكنتش عايزة يبقى فى كلام خالص وهو قدر ده وفهمنى وعجل بكتب الكتاب المهم انه دلوقت عايز منى حاجات كتييييير نعملها من خلال النت انى اكون معاه يعنى عايز يبقى فى علاقة كامله من خلال النت وبيقولى لو عمل كدة هيرتاح لانه تعبان جدا ونفسه يبقى معايا بس الظروف كدة ارجوكم الرد بسرعه وجزاكم الله خيرا
انا ملاحظ ان معظم الردود لناس صنفوا جوزك انه معندوش كرامه ومش خايف عليك ..الخ والباقى شخصه كمريض نفسى
اختى الفاضله اذا كنت تسالى من ناحيه الدين فارجعى الى شيخ او عالم دين
واذا كان سؤالك من الناحيه الاخلاقيه فلا احد يعرف سلوك زوجك ولا حد قادر على تقيم اخلاقه الا انت شخصيا فلا تسمحى لاحد ان يتدخل فى شان خاص بكم فمجرد سماحك بالتعليقات التى تتهمه وتسبه خيانه له الرجل وزوجته ادرى بما يسعدهم وادرى بحياتهم .. نحن بشر ولنا غرائز وانت زوجته هل ستكونى راضيه ان تزوج مسيار مثلا
شوفي يااختي الفاضلة هداك الله وبارك فيك هوزوجك شرعادام كتبتم الكتاب لكن في اعراف وتقاليد لازم نحترمهاونقدرهاوتخليه يكلمك عادي بس تكوني محتشمةفي اللباس ولاتتكلموافي الجنس والفواحش حتى تشهرواالزواج ويدخل عليك شرعا لانكم مش ضامنين ممكن لاقدرالله تزعلوامن بعض اوالاهل يرفضوااتمام الزواج لاي سبب كان يبقي وضعك ايه مع الراجل ده وخصوصاانه شاف صورك وانت في اوضاع مش كويسة اومسجل المكالمات دي وعاوز يفضحك اويشوه سمعتك لوماحصل انكم تزوجتم اكيدانك فاهمه ايش اقصد وعارفه كل كلامي ده وربي يهديك ويسترعليك
ياختي دا انسان مريض ولازم تعرفي ان كده سلوكه غير سوي البني ادم الي يطلب كده من مراته يبقي معندوش كرامه قولي له اتقي الله في نفسك اتقي الله في بدنك واتقي الله فينا ربنا اننا ظلمنا انفسنا وان لم تغفر لنا وترحمنا لنكونن من الخاسرين دا لو بيحبك عمره ما كان طلب منك كده
السلام عليكم معليش ياجماعةالموضوع ده انتوم فهمينو غلط اول ده غلط انهوا يعمل معاها كيدى عليشن هى ليسة بيت بنوت وده ميش هنفع عليشن هخلى الحلة الجنسية عندها ميش كويسة ومعليش يا جماعة انا اسف على ردى والسلام عليكم
عيب اعملي لنفسك كرتمه صنف الراجل مايضمنشي والله ولو مافيش نصيب وانفصلتم علي اتفه سبب يعيرك لا والله نصيحه استني لحد ماريك يتمم ليكي علي خير وسافري ليه
لو عايزة تريحيه اسمعي كلامه لأنه زوجك لو ما يهمكيش اتجوزتيه ليه؟
شوفي يا اختي الموضوع ده انا عيشته فعلا اللي هقوله رايي الشخصي لاني متزوج بنفس الطريقه انا مسافر ومراتي كانت بمصر والحمد لله اتزوجنا وهي معايا دلوقتي الموضوع ده سهل جدا هو يحق له اي حاجه يطلبها منك لانه شرعا زوجك وحقه انك تتطعيه الا في الجماع لان لازم يكون باشهار يوم الدخله وبمعرفه اهلك يعني ممكن تتكلمو زي ما انتم عايزين ويقدر يطلب اللي هو عايزه ما عدا الجماع وده مش هيحصل الا لما يكون بمصر وانتي بتقولي انه مسافر يبقي عادي عيشي حياتك وان شاء الله مش حرام والله الموفق والله اعلي واعلم
بعد احترامى للاخوه الاصدقاءواحترامى لكى وخطيبك او زوجك المحترم هذا كلام فاضى هو لوعندوا اخت يقبل انى تعمل زى ماهو عاوز لو الاجابة نعم يبا انسان معندوش كرامة ولو الاجابة لا يبا الى مايردهش عاى نفسه مايردهش على غيره ومتسمعيش كلامة يعنى يعمل اية على النت هيمارس الجنس عبر النت الى اعرفوا كلام حب هانعمل ايىيه بعد الجواز مش عاوز اعمل كل حاجة عبر النت علشان يرتاح لا تسمعى كلامه
شوفى انا شاب مغترب ولسه سايب خطيبتى لنفس السبب انها اتكلمت معايا فى الجنس وخصوصا اننا كنا لسه مخطوبين والمصيبة الأكبر انها هى اللى بدأت وفتحت الكلام فنصيحة منى بلاش للأنك هتبقى رخيصة قوى فى نظرة وهيفقد احترامة ليكى
بصى انا رأيى إنك متسمعيش كلامه لأن بعد كده ممكن يمسكها عليكى غلطة وانتى ممكن تتضايقى من نفسك بعدين وممكن يستحلاها ويماطل فى الزواج ماهو أخذ كل اللى هو عايزه (وعلى فكرة انتى نفسك مش عايزه تعملى كده لأنك لو عايزه كنتى عملتى من غير ما تسألى حد)ربنا معاكى
الاخت الفاضلة خليك على ألتزامك وأوعي تنفذ ألي طلبه لأسباب كتير أولها أن ده حرام وكمان مفهوش أي راحة جنسية ليكم أنت الأثنين بالعكس ده بيعمل برود جنسي والحاجه الاهم انه بيعمل اختبار ليكي لان بعض الازواج في الغربة من المشاكل ألي بيشوفها ويسمعها من زملائه بيخلوه يشك في نفسه وفي أسرته فهو حب يعمل اختبار ليكي ويشوف رد فعلك… والله الموفق
إياكى تسمعى كلامه هتخسرى كل شىء ممكن تتخيليه وهترخصى عنده كتير . نصيحتى شوفوا أقرب طريق للزواج مش شرط مغالاه في الشقة والفرش ستروا نفسكم بأبسط الأشياء ومن أقرب الطرق ويرجع يدخل بيك زى أى عروسين ولو فيه امكانية للسفر معاه يكون شىء طيب اياك اياك أن تنساقى وراء رغبتك واستجابة رغباته على أساس انه زوجك شرعا وتنساقى وراء وساوس الشيطان للمرة الثانية والاخيرة علشان مش أطول أقسم بالله يابنتى هتخسرى كل شىء ممكن تتخيليله
قوليله انت عايز اولاد ولا لا منى
طبعا هيرود عليكى ويقولك نفسى
قوليله الى انت بتطلبه منى ده انا سمعت انه ممكن يتعبنى وبتعبك وياثر علينا بعد كدة وخاصة فى الانجاب
هيقولك لا طبعا دى معلومات خطا وانا معاه فى رده
قوليله بس انا مقتنعة بالكلام الى قريته او سمعته وخايفة لانى بحبك ونفسى اسعدك واجيب منك اولاد ولو فى حتى نسبة 99%ان كلامى غلط على الاقل عندى 1% تاكيد انا بقولك لا علشانك انت وعلشان بحبك
وبعدين ممكن يكون اختبار هو عمله ليكى قوليله لا وانتى واثقة من نفسك وقوليله لو مستعجل ومش قادر تعالى ندخل بسرعة او اتجدعن واتعب اكتر فى الشغل علشان تيجى ونتجوز لكن كدة لا
ماقلوليش ان ده جواز
انا اقدر موقفكم لكن المشكله ان هذا الموضوع سيسبب تأنيب ضمير قوى وهناك ما يجب ان لا تغفلون عنه ان الوصلات الي في البيت ممكن اي حد يخترق جهازك وتكون عندك كارثه بعد الشر فلا تجازفي
وفهميه هذا الكلام النت غير مضمون
يعني من الناحيه الدينيه مش هفتي فيها بس في الغالب ده حرام انتوا بتمارسوا العاده السريه وغير كده ده مش حاجه كويسه سيبك من اثار العاده السريه ده مش جماع ده كأنك بتتفرجي علي فلم اباحي وهيضعف عش الزوجيه ايه الي يخليه يضمن انك مبتمليش كده الا معاه النت مليان بلاوي زي كده واذا كنتوا انت متجوزين غيركوا لا وبيمارسوا الكلام ده وانت ايه الي يخليكي تضمني انوا مبيعملش ده إلا معاكي شفتي الشك كده دخلك زي ماهيدخلوا وانت الي تقولي صح ولا غلط مش احنا ؟؟
جزاكم الله خيرا ياجماعة طيب هو لو حب يتكلم معايا ويستمتع مثلا بيا فيما عدا الدخول طبعا من خلال التليفون اوالنت يبقى فيها حاجة ولو منعته يبقى بمنعه من حقوقه مش عارفة اعمل ايه بالضبط وبالنسبه للعادة السريه الحمد لله انا ماعرفش عنها حاجة اصلا ولا اعرف ازاى اما بالنسبه ليه مش عارفة هو بيعمل كدة ولا ايه وهتكسف اساله اعرف ازاى؟ ولو كان بيعملها اقوله ايه؟ ياجماعة ياريت ماتبخلوش عليا بخبرتكم لانى مش عارفة اعمل ايه واخاف اعمل حاجة تغضب ربنا وربنا يجزيكم كل خير يارب ويبارك ليكم ودعواتكم ليا ولزوجى ربنا يهدينا لبعض ويجمعنت اجلا غير عاجل ان شاء الله…………
هل تعلمي ان اي حاجة تعمليها علي النت سواء اكانت كلام او صورة ممكن تتسجل
انت وش فضايح لو لا قدر الله ولم يتم الامر
ولا حا تقولي انك واثقة فيه
وهل تعلمي ان الشهوة تهيج اكثر اذا ارضيتيها …
ربنا قال ” وتواصو بالحق وتواصوا بالصبر ”
اللي بيدعوك ليه خطوات شيطان
ارضي ربك وقولي ما يصحش
صبريه قوليلو انا ليك وصابره بس بلاش كلام في المواضيع دي لاني بنكسف
ربنا يعجل في الجمع بينكم
علاقه كامله يعني يكلمك في الجنس وكأنكم في علاقه زوجيه و يعمل العاده السريه وانتي كمان اثناء كلامكم…..ده حرام يا اختي جدا العادي السريه دي وكمان مضره بصحه الرجل والفتاه وبتاثر علي الانجاب .انصحك ماتعمليهاش وماتعرفيش طريقها اصلا ولو كان هوا بيعملها قوليله يبطلها عشان صحته والانجاب
يا اختى دة زوجك كاتب عليكى يعنى يقعد معاكى او يعمل اى حاجة الا الجماع طبعا بس من الاحسن لا انا معرفش دى فتوة دينية وانا مش عاوز افتى فى الدين يكون احسن تخليكى على موقفك لحد الزواج وربنا يسهلكم
من رايي زى ما عجل بالكتب كتاب يعجل بالفرح والزفاف هو جوزك اه بس منعاها للخوف والقلق لو قالك حاجة زى دى حاولى تتهربي منه تكلميه فى اى حاجة تانيه يا ما قولله ان شاء الله قريب هنكون لبعض كلام صبيريه بيه لان ممكن لو عملتى كدة خلاص هو مش خسران حاجة ممكن بدل ما يقعد شهر ويتجوزك هيخليهم شهرين تلاتة دة رايي
عزيزتى ان من راأى لا تسمعى كلامة لو كان يرغبك مكنش طلب كده لان طلبه ده بجد فيه معصية ليكى
له خياران اما ان تسافرى ويوفر لكى حياة كريمة ام ينزل ويتمم له زواجه فى مصر ويقعد شهر او شهرين ويسافر الى عمله
ولكن غير ذلك يبقى فيه معصية ليكى