انا متجوز من سنة تقريبا اعمل دكتور وضعى المادى والاجتماعى جيد مراتى عندها حالة عدم رضا فظيع لان قاعد فى الارياف المهم من ساعت ما تجوزنا وانا بحاول ارضيها ديما كل ماأعمل حاجة كويسة تحسسنى وحش مفيش حل ليها إير اما انى اطلقها واريح دماغى او ابعد عن اهلى واقعد فى شقة جنب امها وبرضة حاسس انى مش هاعجب او اكمل حياتى فى الارف دة
مشاكل الازواج
زهقت من مراتى بعد سنة زواج
اضيف بتاريخ: Friday, November 22nd, 2013 في 11:40
كلمات مشاكل وحلول: الحياة الزوجية, زوج, زوجة, متزوج
بكل بساطه اتجوز عليها لو تقدر و قولها لو عايزه تسمع و تعيش يبقى عداها العيب مش عاجبها الباب يفوت ديناصور سيبك انت من الطيبه طالما مبتعملش شئ غلط متبقاش مهزوز اتجوز تانى و تالت و رابع انا عملت كده و مش ندمان و اللى تفتح بقها و عايزه تنكد عليه اجيب غيرها . اوعى توجع قلبك مع واحده نكديه او واحده قارفاك فى عيشتك حياتك كل يوم فى الناقص عيشها صح و اللى مش عاجبه فى ستين الف داهيه
يادكتور اذا كانت مراتك على دين وخلق وتربية فاضلة فقل الحمدلله دي نعمة كبيرة الكل يتمناها في الزوجة في الزمن ده وانتما لسه متزوجان حديثا لكم سنة واحدة فاعطي مراتك حقها من التقدير والاحترام وتقرب منها وعاملها كويس وحلو المشاكل ان وجدت بهدوء وتروي والله يسعدكما ويوفقكم في حياتكم الزوجية
زى ما حضرتم مش عايز تبعد عن اهلك هيه برده كده لازم توصلوا لحل وسط وثانيا اللى متعود على عيشه بطريقه معينه صعب انه يتقبل عيشه مختلفه تماما عن اللى متعود عليه شوف انتوا كنتوا متفقين على ايه ولا انتوا متفقتوش وحطتها امام امر واقع وتخيل ان اختك هيه اللى بتشتكيلك مش مراتك شوف كنت هتنصحها هيه وجوزها بايه ؟ وبلاش ترمى كل اللوم عليها
معلش يا دكتور اول سنه جواز بتكون الاصعب
بس حابه الفت نظرك لحاجه مهمه
انتو اتفقتوا علي ايه بالنسبه للحاجات دي قبل الجواز ؟
يعني المفروض ان الاقامه فين في الارياف في بلدك او قريب من اهلها دي حاجه بتكون انوضعت النقط علي الحروف فيها قبل الجواز