مشاكل الازواج

زوجتي قاسية ونتشاجر باستمرار وافكر بالزواج

شوف يا سيدي مشكلتي أعيش مع زوجه لم تبادلني أشواق ولا مشاعر من أول زواجنا وفي الخطوبه كنت بقول خجل حتى تزوجنا وتحملت منها مالا يحتمل على أمل التغير وكنت أعزو وأبرر حالتها بأن عدم الإستقرار هو السبب حتى إستقررنا وجبت شقه أوسع وأفضل وتصلح لمعيشة بنت السلطان حتى مش زوجتي التي تنحدر من أسره متوسطة الحال يضاف الي ذلك محاولاتي المستميته لإسعادها وهي لا تحاول أن تسعدني بحجة الشقه التي غيرتها أخيرا واستمرت المعاناه11سنه عشره معاها وصبر على معاملتها القاسيه لي وتجاهلي وتجاهل متطلباتي كزوج الا بعد الإلحاح مني أصبر وأقول علشان الولاد ولا فائده…………
بائت كل محاولاتي بالفشل والنتيجه 3أبناء يعيشون بين زوجين يتشاجران باستمرار ويتعاطف الأبناء مع الأب المسكين المعذب من أمهم ……
كل احتياجاتها ماديه فقط حتى عاطفة الأمومه عندها ضحله وضعيفه أهم شيئ تلبي لهم الإحتياجات الماديه أما المشاعر والعواطف فدائمة الصراخ حاولت وحاول معي أهلها كثيرا إصلاحها ولكن هم أنفسهم قنطوا من رحمة الله……….
أما أنا فمعذب أفتقد الحنان والعطف أعطي مشاعر ولا آخذ كنت كمن يأمل المطر في الصيف حتى جفت مشاعري وأخاف أن يأتي اليوم الذي أموت وأنا معها وحدي وأفكر بالزواج من واحده تعوضني عن حياتي المفقوده الا من أبنائي الذين أعشقهم لكنني لي احتياجاتي التي أرى أن زوجتي هذه لن تلبيها حتى ولو خلقها الله من جديد…..

مشاكل وحلول ذات صلة

اضيف بتاريخ: Monday, December 16th, 2013 في 12:40

كلمات مشاكل وحلول: , , , ,

16 رد to “زوجتي قاسية ونتشاجر باستمرار وافكر بالزواج”

  1. ينهار
    17/07/2014 at 04:41

    عندى نفس المشكله وعلى فكره الناس اللى بتقول حاول والناس اللى بتقول دور فى نفسك احب اقول ليهم اننا حاولنا وهما طلعو عين ابونا والله العظيم تعبنا

  2. زيكا
    24/04/2014 at 03:39

    والله انا عندي نفس المشكلة واكتر بكثير كمان وزوجتي اكبر مني كمان وعندي 2 من الاولاد وللاسف لا تلبي لي رغباتي الجنسية والعاطفية ورغباتي الجنسي عادية وليست شاذا والعياذ بالله مهما طال الوقت او ومهما هجرتها وهي الان عاجزة جنسية تماما وعند الممارس معها بعد اسبوع او اكثر اشعر اني اغتصبها ولا اجد لها اي حل وبسبب كل هذا لا تنتهي المشاكل بيننا بس في الاخر اوصلتها الي بيت اهلها وبفكر اني اطلقها لاني تعيس جدا في حياتي معاها ولكني للاسف غير قادر ماديا من الزواج مرة ثانية والله يهديها ويهدي كل النساء

  3. زيكا
    24/04/2014 at 03:31

    والله انا عندي نفس المشكلة واكتر بكثير كمان وزوجتي اكبر مني كمان وعندي 2 من الاولاد وللاسف لا تلبي لي رغباتي الجنسية والعاطفية مهما طال الوقت او ومهما هجرتها وهي الان اصبحت متبلدة المشاعر ولا اجد لها اي حل وكل تسوء حالتها وبسبب كل هذا لا تنتهي المشاكل بيننا بس في الاخر اوصلتها الي بيت اهلها وبفكر اني اطلقها لاني تعيس جدا في حياتي معاها ولكني للاسف غير قادر ماديا من الزواج مرة ثانية والله يهديها ويهدي كل النساء

  4. fai
    09/04/2014 at 22:47

    انا نفس المشكله اواكثر شوي عندي امراءه من نار حديديه غلضه القلب لايهمها سواء صاحبتها…ولا تبالي لااولدها 12سنه من المحاولات الماديه والعاطفيه والانسانيه الا انها بات بلفشل فحفاض علا مشاعر اولادي قررت الانسحاب بهدو……..وتركتها لنفسها….ام لاولادي فقط….ولايكلف الله نفسا الا وسعها

  5. حزينة
    10/03/2014 at 12:49

    واضح جدا انك انسان اناني وما تفكر غير في نفسك ولو كنت تحبها ماقلت عنها ذلك الكلام وللاسف العيب فيك لانها اكيد حاسه بكل اللي بتقوله انت ده عشان كده هي ياحرام باينه معصبة ولاتبادلك مشاعرها في حين انها ممكن تكون في اشد الحاجة للحب والحنان وانت لاتحب اولادك كما تزعم ولكنك تحب نفسك خليك واضح اكتر مع نفسك لان من كلامك واضح العيب بك وده اللي مخليها كده

  6. عبد الله
    05/03/2014 at 07:26

    من يتقى الله يجعل له مخرجا
    اتقى الله فى نفسك أولا وأولادك وزوجتك
    الحل بسيط عامل زوجتك كما تحب أن تعاملك
    قبل ما تفكر فى نفسك فكر فيها ومشاكلها والمتاعب التى تلاقيها طوال اليوم
    اخى الحبيب يمكن تتشابه المشاكل التى تسردها مع الكثير واتخيل ان كل واحد فينا على يقين من حل المشكله أصبر عليها وازكر محاسنها وكفايه انك بتقدر تعد المساوء التى لديها
    والمثل بيقول اصبر على جارك السو ليرحل او تجيلوا مصيبة تخدهمن عند ربنا
    ربنا معاك وانشاء الله تتحل من غير زواج وكل شئ بالاتفاق ” تكلم معها بلطف وربنا يوفق إن شاء الله “

  7. النصيحه
    01/03/2014 at 00:39

    اجلس معها جلسة مصارحه بكل هدوء وقل لها أنا احتاج منك الحنان والحب والابتسامه
    والبيت السعيد أريدك ان تغيري من شخصيتك اذا كنتي تحبينني أنا غير راضي باسلوبك
    وان لم تتغيري سأتزوج عليك حتى أنعم بالحب والهدوء لترى ردة فعلها احتمال ان تتغير الى شخصيه
    أخرى وان لم تتغير قل لها بصراحه سأتزوج عليك لم تتغري مع اخباري لك بحاجتي للحب والحنان

    لكن المشكله في مثل هذه الشخصيه أننا نرجح انك اذا تزوجت عليها ستترك عيالها وتذهب الى بيت اهلها وستصرخ ولاتهتم بمحاولاتك لارجاعها ولن تحن عليك ولن تتعاطف معك في حاجتك لزوجه أخرى كغيرك من الرجال وسيلعب في عقلك الشيطان وتقول في نفسك هي ام عيالي وسأصبر عليها وسأطلق الزوجه الثانيه يعني الزوجه الثانيه ستكون ضحيه ومطلقه بدون ذنب وسترجع لمن قلت انها قاسيه !!

    لكن ان كنت صاحب شخصيه قويه ستقول لها لن اطلق زوجتي وان هددتيني بعيالك فلاتحفري حفره
    لي حتى اطلق زوجتي لانني سأطلقك ولن يقف العيال حائلآ بيني وبين طلاقك لترى ردها

  8. محمود
    01/02/2014 at 00:24

    واللة ياخى انا عندى نفس المشكلة ويمكن اكتر بس انت لو صادق فى كلامك وظروفك المادية تسمح للك بالزواج انصحك تزوج وعيش حياتك لانك مش هتعيش غيرمرةواحدة وبالنسبة لها لو عندها قلب واحساس وبتفكر زى باقى الستات اللى عايزن يعيشو ويهدو سرهم ساعة بس ماتعرف انك هتتزوج هتلاقيها ترجع عن اللى فى دماغها واللة نسوان عايزة الحرق واولهم مراتى

  9. krema
    30/01/2014 at 12:19

    اعتقد من الصعب ان بعد 3 أولاد وتقولى معاملتها قاسية وعصبية يعنى بقالكم سنين مع بعض وانت لما غيرت الشقة مكانش عشانها بس اكيد عشانك وعشان الولاد وايه هو المستحيل اللى عملته
    هل جربت ما هو ابسط من المستحيل؟ كلمة حسنة رقية ؟ كلمة تقدير وحب؟ أشك
    قبل أن تشتكى مر الشكوى راجع اسلوبك وأسباب عصبية زوجتك . المرأة تصبح كالبركان إذا شعرت بإهمال ولامبالة وعدم تقدير زوجها لدورها فى حياته وهذا البركان يهدأ بمجرد كلمة حلوة أو لمسة رقيقة
    قبل أن تبحث عن التعاسة (أقصد السعادة) فى مكان أخر وهو أسهل حل ومنتهى الأانانية ابحث عن أسباب تعاسة وشقاء زوجتك معك وعصبيتها المستمرة

  10. sousou
    12/01/2014 at 02:11

    و الله الحل بايدك روح اتزوج اولادك يعرفوا انك مظلوم و متخافش هما هيكبروا و كل واحد هيروح يلتهي بحياتو ليه تحرم نفسك و متعيشش عمرك طلقها عشان تعرف قيمتك نسوان شبعانه في الف وحده مستنيه مكانها و هتلاقي كل السعاده معاها بس اعرف انتا مين تختار

  11. ابواميرة
    08/01/2014 at 19:09

    اخي الزوج المحترم اذاكانت زوجتك قاسية ونكديةتتشاجردوم من غيراسباب فلابدان تغيرمعاملتك لهاكن قاسيامعهاواهجرهافي الفراش لاتجامعهاولاتعبرهاولاتعطيهاوش حلو صدقيني واسمع كلام انسان مجرب ولاتسال طبيب وتاكدانك لوعملت كل هذاسوف تجدمراتك هي من تطلب منك العفووالسماح وتترجاك تعاملهاكويس وتبوس الارض اللي تمشي انت عليهاوتكون لك كالحمل الوديع وتترك عنهاهذةالطباع الغيرمحببة وتبقي زوجةمطيعةومودبة ماترفع صوتهاابدافي وشك وتجدهاامراةاخرى غيراللي كنت تعرفهاوربي يوفقك ويصلح احوال زوجتك ويهديها

  12. الانســـــــان الطيب
    03/01/2014 at 06:10

    أخى العزيز……..
    دائما الانسان الكويس بيتعررض لابتلاءات فى حياته ديه حاجة بتاعة ربنا لكن اللى اقدر اقولهولك فوق ما قال أخواننا ان مفيش احسن من ان ولادك معاك على فكرة ديه جميلة أوووووووى الحتة ديه ااذا اتربوا معاك على الحتة ديه حيطلعوا فى صفك فى كل حاجة بعد كدة….
    الاهم…..
    أنك تغير طريقة معاملتك شوية شدة وشوية لين يعني غير رتم فى البيت يعنى
    لغايط هى ماتغير معاملتها وديه فترة يعنى كتجربة
    ومع تغيير معاملتك معاها وريلها أزاى حنيتك بتظهر مع الاطفال صدقنى عيش مع اطفالك حتنسى كل حاجة بالاضافة لتحريج أطفال من تحت ايدك منهم المهندس واللى معاه شهادته واللى فتح بيته او على الاقل انسان محنرم كدة يبقا انت نجحت فى رسالتك كأب
    لكن تخيل الحل التانى ……
    اذا رجت واجوزت واحدة تانية هى اه حتحنلك بس ياعينى حيبقا هموم فوق هموم زى ما قال الاخ
    abo retaj
    وضيف على كدة ولادك اللى حيتظلموا فكر بعقل حط هدفك فى حياتك اللى هما ولادك
    وهتشوف الفرق والوضع حيختلف وادعيلها ربنا يهديها ويصلح حالها مش يمكن ربنا يتقبل دعاك ومتنسناش من الدعاء
    وشكرا
    الانســــــــــــــــــــــــــــــان الطيب

  13. ام عاصم
    03/01/2014 at 02:23

    حاول تكمل معاها وتهجرها فتره جايز تعرف قيمتك انما جوازك عليها فى حد ذاته خطا لانه مش حل عيش لولادك وادعيلها بالهدايه ومش ذنب الولاد انك تشتت نفسك وتشغل بالك ببيت تانى ومسؤليه اضافيه مع زوجه تانيه ولادك اولى بيها

  14. abo retaj
    20/12/2013 at 20:56

    والله ياسيدى مشكلتى نفس مشكلتك بس أنا بأصبر نفسى بالشعر
    وطالما فيه اولاد يبقى اصبر واتحمل علشان خاطرهم لأن الزوجة التانية مش هاتحل ليك حاجة
    بالعكس ده هاتجيب لك ولاد تانيه والحمل يكبر عليك يامسكين وتبقى دويت الجرح بجرح اكبر وماتقوليش اللى هاتيجى مش هاخلف منها تبقى كداب لأنك ساعتها هاتوضع قدام الامر الواقع وصدقنى هجرك لزوجتك وتطنيشها وعدم إعطاها اهتمام هاتحس هيا بالنقص وهاترجعلك وتقولك مالك في ايه وصدقنى لو مابتتدهاش مال افضل لكن كثرة المال أكبر غلط قولى ليه …لأنك مش مخليها عايزة حاجة وانتا للأسف مابتدخدش منها حاجة يبقى الهجر وهيا معاك أفضل وشوف مكانتك معاها ايه لما تهجرها وتطنشها ومكانتك معاها ايه لما كنت محقق لها كل طلباتها
    الحريم …يحبوا الشىء المحرومين منه وانتا للأسف مش حارمهم منه
    ودى قصيدة بسيطة منى ليك لعل وعسى تهديك وتريح بالك
    عايزنى أشحت حبك
    عايزنى بعد كل اللى بأعمله
    أقولك بحبك
    ولاعايزنى أترمى فى حضنك
    وأتذلل لك
    روح بقى كنت فاكرك من حقى
    بس صدقنى هابقى أنا كمان مش من حقك
    سكتى مش هاتبقى سكتك
    هاسيبك مع جرحك
    هاسيبك مع قسوتك
    هاسيبك تعيش لوحدك دنيتك
    قسيت عليا كتير وياما تحملت منك
    بس مابقاش فيه مكان يتحملك
    كانت كل حاجة فيه بتناديك
    بس مافيش حاجة دلوقتى بقت
    بتحن لك
    عايزنى أشحت حبك
    أنا مش محتاجك علشان أشحت حبك
    واللى فات لوحده ده كوم واللى جاى ده كوم
    وبكره الأيام هاتسبتلك
    مشاعرك رخيصة محتاجه مشاعر رخيصة زيها
    هاتتأقلم معاها وتعرف إن الله حق وقتها
    لما تلاقى كله يتخلى عنها وتحس إنها وحيدة
    ومش حاسة كمان بنفسها
    عايزنى أشحت حبك

    مع خالص تحياتى ليك ….أبوريتاج

  15. abo retaaj
    18/12/2013 at 22:40

    تعبت وياك
    ماأقدرش أنكر ده
    عارف ليه
    حب مالقتوش معاك
    ماحستش هواك
    فيك حاجات مابتمنهاش
    عايش أيام مابتسواش
    كل اللى عندك مالوش قيمة ثمنه ببلاش
    تعبت وياك
    ماأقدرش أنكر ده
    عرفت ليه

  16. ابواميرة
    16/12/2013 at 16:20

    اخي الزوج المعذب السلام عليكم ورحمةالله وبركاته الزواج احساس متبادل من الطرفين مبنى على الحب والمودةوالاحترام المشترك واذا اختفى هذالاحساس من الحياةالزوجية تولدت المشاكل والخلافات بين الزوجين واصبحت العشرة لاتطاق ولاتحتمل بينهما وهذاماحصل معك تماما اذاشايف ان زوجتك هذة لن تتغير وان حالتهامعك صعبة فلاسبيل امامك الا الزواج عليها من امراة اخرى تجد معهاالراحةوالاستقرار والسعادة التي ترجوها ولابدان تعرف ان الجمع بين امراتين له شروط واهمهامخافةالله عزوجل فيهما والعدل بينهما وعدم التفرقة بينهما في كل شي وربي يوفقك ويهدي زوجتك ويصلح احوالكما

اترك رداً أو حلاً لهذه المشكلة