السلام عليكم ورحمه الله وبركاته ,,,,,
انا شاب فى 28 سنه والدى ووالدتى دكاتره من اسره فوق المتوسطه واعمل فى الخارج ، المهم بعد ما نويت اخطب احد الاخوات رشحلى واحده مدرسه تصغرنى بعام واحد توكلت على الله وذهبت للرؤيه الشرعيه وكان الاتى :
1- هيا طلعت مسافره وشغاله فى الخارج لوحدها بدون محرم ولما جيت سالتها عن الغرض من السفر قالتلى عشان انا كنت عاوزه اسافر والدي ووالدتى وافقوا على مضض بعد لما اتاكدوا انها مدرسه بنات والسكن هيبقا مع بنات ومفيش اختلاط وبنزلهم اجازات فى الاعياد او كلما سنحت لينا اجازه فى المدرسه.
بالنسبه لى(انا بصراحه مش داخل دماغى ان فيه اب ممكن يسيب بنته تسافر بره لوحده حتى لو قاعده مع مين والنقطه ديه عملالى قلق فى دماغى مش عارف اتخلص منه ،،، الله اعلم بالظروف بتاعه الناس )
2- قالتلى ان والدها شغال ترزى قلت يمكن كان شغال موظف وبعد المعاش فتح ترزى قالتلى لا هو اصلا شغال ترزى ووالدتها معاها دبلوم وربه بيت
بالنسبه لى(انا والدى ووالدتى شغالين دكاتره فبصراحه حاسس ان مفيش تكافؤ لما يحصل خلفه ابنى جده دكتور والتانى ترزى هتبقا نفسيا صعبه بس اهلى مش شايفين كده وبيقولوا البنت طالما كويسسه ميعبهاش حاجه محدش بيختار اهله )
3- بالنسه للبنت على المستوى التعليمى ممتازه وعندها طموح وكانت بتدى كورسات وبتحاضر وبتفكر تحضر ماجستير
4- على المستوى السياسى ملهاش اى توجه خالص وده خضى بصراحه لان بعد الاحداث الى احنا بنشوفها ديه كل واحد على الاقل ليه رائى بس شكلهم جنب الحيط (بالنسبه الى يوميا لازم اقعد نصف ساعه على الاقل اقرا الاخبار واعرف ايه الى تم فى الدنيا )
5-البنت عامله حواجبها بصوره غريبه بصراحه تمانيات وسبعات وديه الموضه الى اغلب البنات عارفه انه حرام وبرده بتعمله وكانت حاطه برفان وده ضايقنى وعلى فكره لما قلتلها انا مابتقرجش على مسلسلات او افلام لقيتها اتخضت كده
5- وديه بقا الى انا محتار فيها بالنسبه لشكل البنت هيا مقبوله شكلا او متوسطه بس مش حاسس باى انجذاب ناحيتها من ناحيه العواطف حاسس ان انا قاعد مع واحده غريبه مش قادر اخد راحتى فى الكلام على فكره الجمال مش شكل بس الجمال طريقه كلام طريقه سرد تعبير بالوجه ، هل لو قعدت معاها تانى يمكن الاحساس ده يروح ولا القبول ده من اول مره ياما يجى او مايجيش
معلش طولت عليكم بس اعمل ايه انتوا اول ناس اتكلم معاهم ,,,,
انا صاحب المشكله
ياجماعه الخير الف شكر جدا على اهتمامكم بالردوبصفه خاصه (شكلك كده بتحب نيتي كثيره
)لان فادنى كتير جدا وغير نظرتى عن حاجات كتير كنت فاكرها من الاساسيات .
وفعلا عندك حق اهم حاجه الدين والاخلاق وبعد كده ممكن كل حاجه تيجى
المهم اعرفك ايه الى تم بعد كده ….
انا شفت البنت يوم السبت وسافرت اجازه قصيره الثلاثاء الى اهلها مدتها 10 ايام وعرف من الناس الى معرفينا بيها انها مرحبه بالموضوع وانا قلت ادى نفسى فرصه تانيه يمكن القبول يجى
المهم هيا سافرت واخدت 10 ايام واحنا قلنا لما تيجى من السفر نشوفها تانى عدينا تقريبا 20 يوم والموضوع اتنسى لان كان عندنا فى البيت مشاكل للركب.
الوالده فكرتنى وقالتلى يابنى انت نسيت البنت تعالا نشوفها جت من السفر ولا ايه لاننا مردناش عليها والمشاكل اخدتنا , وعليه والدتى اتصلت بيهاوقالتلها عاوزين نشوفك البنت ردت كل شئ قسمه ونصيب ، والدتى طبعا اتفجأت لان البنت كانت مووافقه فى الاول وقالتلى انت الى اتاخرت فى الرد وكنت متردد فى الموضوع وضيعتها منك والكلام ده .
قالتلها ياستى هيا سافرت واحنا المشاكل اخديتنا وكل الى اخدناه شهر بس هيا اخدت تلته فى السفر , راحت والدتى قالتلى انا هاتصل بالناس المعرفه اسالهم يكلموا البنت تانى يعرفوا السبب لان انا حاسه انها بترد كرامتها لان اننا اتاخرنا فى الاتصال بيها
وعليه اتصلنا بالمعرفه وكلمت البنت راحت البنت قالتلها ……انا قرأت فاتحه فى مصر
وسبحان الله خلال الفتره الى فاتت كنت بعمل استخاره وكل يوم فى مشكله يوم ما رحت قابلتها كان فيه تاتش بينى وبين والدتى وبعدين الناس المعرفه حصل بينهم مشاكل وبعد كده سافرا معرفش فين
وفو اليوم الى انا عرفت فيه خبر قراءه الفاتحه حلمت باليل ان الناس المعرفه بينقلولى نفس الخبر
صحيت الصبح لقيت نفس الى انا حلمت بيه
ربنا يوفقها يارب للى احسن منى
بس انا حاسس ان ده معنى النصيب والقدر
لان حتى لو انا وافقت واحنا فى نفس القعده
البنت سافرت بعديها بيويمن واتقريت فتحتها
السؤوال اناغلطان حاجه لان والدتى محسسانى ان البنت مش هاتتعوض وكل لما تشوف واحده تقولى هيا احلى ؟؟؟
بصراحة شكل العيب فيك انته كل كلامك يدل على انك متكبر ومغرور , لانك تفكر ابوك مين وابوها يكون مين وهذا ما احد يهتم به الا لو كان العيب في دينه واخلاقه واين الفرق يعني واحد درس في مجال معين والاخر اهتم بمهنة اخرى ايش تفرق يعني بين انسان وانسان تغير مثلا خلقته والا اخلاقه , وكمان مهتم بحواجبها وقصة شعرها والا لون ملابسها وبتشوف افلام والا ؟؟ ايش بيك انته فاكر نفسك بتكمل عفش البيت هذي مع الغسالة والتلاجه والا ايش قصتك بالزبط , يا عمنا الحكاية كلها هل شكلها مقبول واخلاقها محترمة وعلى دينك وبعدين ترا الجمال في البشر محدود لا تبحث عن شي لم تراه من قبل لن تجد شيء اكبر كلهم حول بعض لا تفوت بس اللي تقبل بيك وكمان انظر لعيوبك انته ربما تكون اكبر ,
شوف يا اخ كل الى انت قلته يوضح ان مفبش قبول ولا يوجد توافق اسرى او ثقافى او دينى دور يا اخى على زات الدين المراءالصالحه الى تصون العشره وتجد منها ما يسرك مفيش مانع انها تكون دات حسب او نسب او جمال المهم الدين
يعني هي كل مشكلتك في الموضوع إن أبوها طلع ترزي ؟؟؟! أنا إستغربت من العنوان أما قرأت التفاصيل..!
و بعدين انت اول ما اتكلمت في الموضوع عرفتنا بأهلك و نسيت تعرفنا بنفسك
قولت إن والدك و والدتك دكاترة و واضح إن تفاخرك بيهم نساك تتكلم عن نفسك,
و نسيت كمان إنك زي ما بتفتخر بوالديك .. هي كمان من حقها تتشرف بوالدها بغض النظر عن كونه ترزي او رئيس جمهورية أو.. أو.. إلخ
و بعدين ربنا قال: “الطيبون للطيبات” و ما قالش “أولاد الدكاترة لأولاد الدكاترة”..
انت في الاول و في الأخر بتتجوز البنت مش أهلها,
و بعدين مين قالك ان الواد هيتعقد لما يلاقي جده الأول دكتور و الجد التاني ترزي؟؟
هو لو شاف إحترامك للـ(ترزي) و إعتزازك بيه لأنك متجوز حتة من دمه و لحمه أكيد هو كمان هيحبه, و بعدين الراجل مش شغال شغل عيب أو حرام, ويكفي إنه بالرغم من شغلته البسيطة إلا إنه قدر يربي بنته تربية كويسة و متعلمة و عندها طموح…
العيب الوحيد بيكون في الأخلاق مش في الوظيفة أو الطبقة المجتمعية أو الماديات..,
لو أخلاقها عالية و محترمة ياريت تكمل معاها و لو العيوب اللي عندها بسيطة فأنت ممكن تخليها تتغير,,
و ربنا يكتب لك اللي فيه الخير و يوفقك إلى ما يحبه و يرضاه.
ماترتبطش بيها لان كل كلامك يدل انها مش عجباك ومافيش ارتياح يعنى لو العكس كنت ماشفتش فيها اى عيب والتمست لها الاعذار وراجع نفسك وربنا يقدر لك الصالح
اسمح لي قول لك انك انسان تافه وعقلك يدل على غباء منقطع النظيرفيك وخسارة التعليم اللي انت تعلمته ده عامل النظافة اوالفراش افضل منك مليون مرة الانسان بدينه واخلاقه وتربيته وسمعةاهله مش بالشهادات اوالمظاهر الكادبةالمزيفة ايه فايدة الشهادات والوظيفة المناسبة والاخلاق سئية اومعدومة تماما وعمر الانسان ماكان بالجمال اوالشهادة والمركز المرموق انما باخلاقه وتربيته الحسنةواحترام الناس له انت عاوزك وحدة دكتورة اومهندسة اومن عيلة ثرية مايهمك الاخلاق والقيم ولا السمعةوالتربية عاوز واحده تسهر لك في الكباريهات وتمشي على حل شعرها وتكلم ده وتمشي مع ده ومش بعيد تخلف لك واد وانت مش عارف ان كان ابنك اوابن واحد تاني وعمر الفقرماكان عيب اونقص في الانسان ياما ناس قدحالهم وبسطاءجدا ومخلفين ابناءاحسن منك ومعهم افضل الشهادات العليا وناس زي عيلتك مخلفين ابناء صائعين ومنحرفين وبتوع بنات ومخدرات وفضائحهم مالية البلد وغير نافعين ولاخيرفيهم على الاطلاق هل وعيت الدرس يا شاطر
بص اولا ممتك وبباك ناس كبيره وفاهمه الحياه
وفهما يعني ايه واحده ابوها علي قد الحال وممتها نفس القضيه
وبعدين ايه المانع ان البنت تسافر طالما محافظه علي كرمتها وشرفها اما من ناحيه البرفان لازم تفهم ان البنت بتحبب غرور الانثي ودي مش ارتبطت عاوز تحكم عليها في الحجات دي اشترط عليها لو فيه نصيب تغير من نفسها
ولو ربنا كرمك باولاد الاهم الاب والام وبعدين انت مش قلت مستواك اعلمي بتتبها بباك وممتك وسايب نفسك
وبعدين انا اعرف بنات قبل الجواز محجبهة وبشرتها جذابه وملحدين ومش مبينين وكمان بيمارسو حجات مش كويسه وتفكيرهم طاقق احمد ربنا ان الانسانه واضحه وظاهره اما حدت
انك مش مرتاح معاها اولا انت قافل نفسك من الموضوع ثانيا انت بتفكر بعقلانيه من الناحيه الماديه ومش ماديه يعني فلوس لا المظهر العام ومقفول من ناحيتها علشان كده بطلع فيه القطط الفطسه ومش عارف تحس ناحيتها بحاجه روح يا راجل ربنا يكرمك بواحده ابوها شخصيه مرموقه وفي الاخر تلاقيها فتحه بيتك بيت ……….. او جيبالك ابن مش ابنها ….. بالمناسبه انا استاذ جامعي واخواتي استاذه جامعات ومتجوزين ناس عادين جدا وولدي متوفي وكان مش بيعرف يقرء ويكتب وولدتي ست محترمه ربتنا وضحت كثير علشنا وبالمناسبه ولدتي تعلمها بسيط بس في وقتهم كان حاجه كبيره جدا لكن ست عاديه وبتلبس جلبيه وبعتز بيها وبتيجي الجامعه عندي وفي يوم اتعرفت علي بنت لبسها حجبها محترمه بس ابوها رئيس محكمه وحسيت من كلمها وهيا بتتكلم معايا انها مش عجبها ولدتي والله العظيم اخذت ولدتي معايا الكليه هدام الطلبه وهيا موجوده معاهم ومن غير معرف الطلبه حاجه قومت قبل ما اشرح المحاضره قلت للطلبه الست دي امي ربتنا وعلمتني ابني في يوم من الايام هيلاقي ليه عم مهندس وعمه مهندسه بترول وعمه استاذه جامعيه واب استاذ جامعي وطبعا دول اخواتي بس عمرنا في يوم من الايام مش هننسي اللي ربتنا وعلمتني وعرفه يبوس ايديها ويحسن ليها شكل ما هيا احسنت ليا وعلمتني وربتني وكانت سبب ان اكون استاذ جامعي وبقيت شرف لابني وزوجتي وبوست رجليها قولت للطلبه دي رساله للانسانه اللي وسطكم وعوزاني اسيب ولدتي ومش عجبها مستواها الاجتماعي والحمد لله ولدتي ليها شقه لوحدها وبعيده عني بسبب ظروف شغلي بس من الاخر الي مالهوش خير في امه ومعندوش الغيره علي شخصضيته مالهوش خير في حد ….[ردك انت كمان الاهم الشخصيه والانسانيه ومش تفكر في المستوي الاجتماعي انت اتكلم معاها طموحها افكارها خبرتها في الحياه علاقتها بربنا ممكن تتغير للاحسن في الناحيه الدينيه ولا لاء ……… ومش شرط الاحسن ليك يكون الاحسن للناس ممكن هيا شايفه الاحسن انها تسيب شعرها في الوقت ده تسبها لان واضح انك متدين .لكن لو لقيت الاحسن بتاعها الاخلاق والدين ونفس الاحسن بتاعك اللي هو الدين يبقا انتم كده متساويين فتوكل علي الله دي انسانه انت لو اتشليت هتلاقيها معاك وهتشيل مسوليه ناقصها الناحيه الدينيه اتكلم معاها فيها وربنا رزقك بام واب محترمين وكويسين
والدها يعمل بالحلال،،وهذا اهم شئ ،،اما مستوئ والدك اعلئ من والدها فتفكيرك غبي مع احترامي يعني الناس باخلاقها مو بششو تشتغل ##حبيت اعلق بس ع هالنقطه ،
اولا انا بختلف معاك تماما فى انك تفكر وتقول (ابويا دكتور وابوها ترزى ) المسألة بسيطة اسأل نفسك سؤالين انا عملت ايه عشان ابويا يطلع دكتور وهيا عملت ايه عشان ابوها يطلع ترزى .. والتانى انا لو كان ابويا انا الترزى وابوها هوا الدكتور كان موقفى هيبقى عامل ازاى ؟؟ .. مش هخوض فى المسألة دى كتير لانها شبه منتهية لكن الاهم انك تربط اختيارك بمقدار تفاهمكم مع بعض وقبولكم وتناغم افكاركم اعرف اكتر عنها وشجعها انها تحكيلك عنها اكتر يمكن تعرف عنها حاجة تخليك تتمسك بيها وترمى اى شك فى دماغك عنها .. ويمكن العكس ! .. صلى صلاة استخارة و باختصار لما تقرر انك ترتبط بيها او تسيبها اختيار لازم يكون على اساس توقع حياتك وهتكون معاها ازاى فى المستقبل حلوة ولا لا مش ابوها ترزى ولا لا !
اسمع يا صديقي انت تبحث عن الاسباب لكي لا ترتبط بها الحقيقة
1.ان لانسان ليس كاملا لكن بك انت ستصبح كاملة بالتفاهم على كل شيىء بطرية محترمة و حظارية قبل الارتباط
2 . ليس المهم عمل والديها بل المهم هي في النهاية ستتزوجها هي مع العلم ان مستواها يناسبك
3. ةل ضىء يكمن في الاخلاق فادا كانت خلوقة ستتفهمة و تتغير لاجلك لكن مع الوقت
4. لا تقدم على ضىءو انت لست راضيى …………