انا مش عارفة ابتدى ازاى بس والله العظيم انا تعبانة هى الاحداث كتيرة بس انا هحاول احكى على قد مقدر انا متزوجة من سنتين زوجى يقربلى من ناحية الاب من بعيد المهم انا فترة الخطوبة مكنتش شايفة الا كل حلو ولاسف كانت فى حاجات تبين بس مكنتش بشوفها دليل على اللى انا فية دلوقتى المهم انا بعد ما اتزوجت ابتديت الاحظ حياه غير اللى كان زوجى بيقولى عليها بيطلب من انى لازم انزل لامة كل يوم وبيمعاد والمتحكم بدة امة مش هو ولو اتاخرت مامتة تزعقلى هى او ابوه فلوس ملكيش فلوس لبس اكل اى حاجة عيزاها اطلب من امة عايزة اجامل حد اقول لامة عايزة اروح عند حد اقول لامة ربنا كرمنى ورزقنى بأبنى ولما كنت حامل كانت عايزة تخلى جوزى واختة هما اللى يجيبو اللبس المهم انا صممت وقولت لجوزى اللبس اللى هيجى مش هلبسة لابنى والحمد لله روحت انا بعد معاناة جبت لبس ابنى دى حاجة بسيطة بالنسبة اللى بشوفه كل يوم وبعدى حاجات كتير علشان خاطر ابنى وعلشان شايفة ان جوزى من غيرهم كويس معايا المهم لحد كده نيجى بقى لناحية اهلى اول الجواز كان يجى يجبنى يوم فى الاسبوع ويسبنى اليوم كلة ويجى ياخدنى من على الباب اقولة اطلع شوية يقولى تعبان مش قادر طب بابا تعبان بردة ولا كأنك بتقولى حاجة اهلى يسئلونى اقعد ابرر لهم كتير لحد مخلاص حسو انو هو فى حاجة مش مظبوطة ويقولولى هو خد اللى كان عايزة خلاص المهم بدأت حوارات كتير وظهرت مشاكل ورث من زمان مابين بابا وامة بيقولو ان هما ليهم حق فى ارض وهما ملهمش ولا معاهم ورق يثبت دة بابا قال لامة واخواتها هاتو ورق يثبت ان ليكم فى الارض واحنا من هناخد حقكم طبعا مامتة الله يسامحها صدرت ابنها فى الموضوع رغم انها عندها 3 غيره طب صدرى اى حد منهم على الاقل مش هيبقى جوزى قصاد حماه ، جوزى عنيد جدا ولما بيعرف ان حد مضايق من حاجة بيعملها المهم وصلت لان هما اجرو بلطجية لابويا يقفوا فى المحل بابا اتفزع طبعا وماما راحت اتصل بية بتقولو عملت اللى فى دماغك قالها انا مالى مش انتو بتحودو عن الحق ماما راحت قفلت التليفون، المهم انا كل دة وعملى نفسى معرفش حاجة ومش مبينة لجوزى ولا لاهلة حاجة علشان مدخلش الدنيا فى بعض بس انا مضايقة ان صورة جوزى بقت وحشة جدا قصاد اهلى كلهم ونفسى اقوله انت لية بتعمل كده
مشاكل الازواج
اهل زوجي يتحكمون بحياتنا وبلطجوا على اهلي
اضيف بتاريخ: Wednesday, December 24th, 2014 في 13:09
كلمات مشاكل وحلول: الخطوبة, زوج, متزوجة, مشاكل زوجية
شوفي يااختي زوجك غلطان في كل ماعمله مع اهلك حتى لوكان في خلاف بين امه وابوك على حكاية ميراث وان لهم حق في هذا الورث يطلبوه بطرق شرعية وعبر القانون مش بشغل البلطجة وتكسير الرووس لازم زوجك يفهم كلهذا لاجل استمرار حياتكم الزوجية ويبعدعن هذة المشاكل اللتي تريد امه اقحامه فيها على حساب سعادتكم واستقرار حياتكم الزوجية فان رفض الزوج للاستجابة لمنطق العقل فانت محقه في طلب الطلاق منه اذا تعثر حل هذة المشكلة بين العايلتين فصدقينى لن تجدي طعم السعادة وراحة البال دام في مشاكل بين ام زوجك وابوك وده يوثر على استقرار حياتكم واستمرارها لاتقف ضد ابوك مهما كانت الظروف الاب عمره مايتعوض ابدا لكن الزوج يتعوض وربنا يصلح لكم الحال ويهدي النفوس ويبغد عنكم المشاكل في هذة الحياة
يااااااااااااااااه نفس معاناتي بالظبط اخر ما المشاكل جابت اخرها واهله السبب اقعدناهم في معاد عشان الحكاية تتحل
ممكن اقتراح علي الاهل يجلسوا مع بعض ومعاهم كبار العائلة وبقول الكبار علشان يكونو عارفين تاريخ الأرض والاملاك باسم مين بالضبط وملك مين لان زمان الورثة كله غير المالي بتكون الحيازة للوالد الكبير وخصوصا الأرض علشان مسمي كبير العائلة ولكن بيكون معروف ان هي ملك جميع الورثة لذلك عدم وجود أوراق مش دليل خالص وطبعا ده مش تشكيك في ذمة والد حضرتك ولكن توضحيح لازم اللي عارفين تاريخ العائلتين يدخلوا وربنا يصلح بينكم
شوفي يابنتي ده زوجك وابو ابنك وله عليك حقوق وواجبات لازم تعرفيهاجيدا وتصونيهاوتحافظ عليها الدنيا دي ماتخلى من المشاكل والخلافات وانتواهل وعيلة واحدة ماتخلوش وسخ الدنيا واطماعهاتوثر عليكم وتخريب حياتكم اذا كان فيه ميراث بين ابوك وام زوجك فانتي خليك حكيمةوتكلمي مع ابوك عشان يعطيهم حقهم من الورث وبكده تظمني راحةالبال مع زوجك وتقدري توفقي بين العيلتين وتنحل المشكلة وكمان زوجك يعرف انك مش منحازة لاهلك وانك حقانية ماتحبيش الظلم لاحد ودي خلافات كثيرة بتحصل في اغلب العائلات ولكن لاتخلوها تفرق بينكم انت وزوجك واهله كبري دماغك واهتم بزوجك وبيتك وتاكدي انو كل واحد يتحاسب على عمله ولاتزر وازرة وزر اخرى وربي يهدي سركم ويبعدعنكم الشحناءوالبغضاءويجعلكم من الازواج الصالحين السعداءفي هالحياة ويبارك لكم في اهلكم واولادكم