السلام عليكم ورحمة الله وبركاته
انا كنت متجوزه بقالى 23سنه وعندى ولد منه فى الثانويه العامه فى علمى علوم وانا اتطلقت من زوجى بعد ما تنازلت عن كل مستحقاتى،لأنى عرفت ان ليه علاقه مع ستات غيرى على الرغم انى جميله وانه ملقاش عيب فيا،واتفقت انا وهو انه هيصرف مبلغ محدد على ابنى ولكن بعدها بقى يصرف بفلوس قليله جدا حتى متكفيش دروس ابنى وانا اتكلمت مع المحامى علشان يهدده ولكن مفيش فايده،والكلمه الوحيده على لسانه “هو انا هعمل ايه يعنى” مع العلم انه متجوز واحده تانيه معاها ولاد مش ولاده ومش مخليهم محتاجين لحاجه،وكل فلوسه بيصرفها على الستات،وابنى اتكلم معاه كذا مره وفى الأخر يقوله انا بصرف عليك وهو ده اللى معايا بالرغم ان هو شغال شغلنتين ومعاه فلوس كتيره ولما جيت أكلمه قريب قالى ابنك (ابننا احنا الإتنين) ملوش حاجه عندى وروحى اصرفى عليه انتى مش انتى اللى كنتى عاوزاه يدخل ثانويه عامه واتخانق معايا فى الشارع وسابنى ومشى،وطبعا لما جيت لجأت لأهله كانوا معاه لأنه شبههم
وابنى عرض عليا انه يسيب التعليم ويشتغل ولكن انا موافقتش لأن مش بعد تعبى عليه 16سنه علشان عاوزاه يبقى دكتور يضيع منى فى ثانيه،وهو ابنى قالى انه مش هيأخد دروس وهيذاكر لوحده.
فيا ريت حد يشوفلى حل
مشاكل الازواج
الخلافات الماديه بين طليقى
اضيف بتاريخ: Monday, February 2nd, 2015 في 05:20
كلمات مشاكل وحلول: الثانوية, الحياة الزوجية, الزواج, زوج
شوفي يااختي لاتكون ساذجة ومغفلة لهذة الدرجة طالما انك لي ابن من هذا الراجل فهو مسوول عنه ويصرف عليه حتى يخلص دراسته ويتوظف الولد ويعتمد على حاله القانون في صفك ياعزيزتي وغصبا عنه يصرف على ابنه ويتحمل مسوولياته دام ان الراجل ابوه مقتدر وعندو شغلين وامور المادية كويسة جدا تقدري ترفع عليه دعوى في المحكمة وتطالب بحقوق ابنك حرام مستقبل الولد كدا بيضيع واحتمال يترك الدراسة ويشتغل لاجل يصرف على نفسه لاجل يوفر له احتياجاته الخاصة وانت ظروفك صعبة جدا ولاتقدري على مصاريف الولد ودراسته وغلاء المعيشة وتكاليف الحياة بقت صعبة جدا والله العظيم لو ظروفي تسمح لساعدتك وماتخليت عنكم ابدا ولكن يعلم الله اني راجل على قد حالي وعندي اولاد وبنات يدرسون ومصاريفهم غالية وعايش على معاش التقاعد وربنا يسر امرك يااختي ويبارك لك في ابنك وتفرح به وتشوفيه دكتور ولامهندس ويعوض صبركم خيرا ويفرجها علينا وعليكم وعلى امة محمد اجمعين
أنا مستعد لمساعدتك … بس فى الدروس فقط … أنا بحب التعلليم .. وما احبش حد يتكسر مستقبله علشان الحاجة وانتى كمان لازم تفرحى بابنك
الحل انك تلجأي لبتوع الضمان وتاخدي معاش مطلقات من الدوله وشوفي حد يوديكي لبتوع حقوق المراه والقومي هناك وهما هيسعدوكي ولو تعرفي شيخ كبير او راجل محترم في بلدكم بيوزع لله خليه يعملك نصيب فيها مش عيب بس متقوليش ابنك وانسي طليقك ده اصلا وربنا يخليلك ابنك ويباركلك فيه
ارفعي على جوزك قضيه هو ملزوم بمصاريف ابنه ان مدفعهومش ليكي هايدفعهم في المحكمه