مشكلتى انى بصرف على البيت وجوزى عمره ماصرف تعريفه فى البيت وعلى حتى على اولادة الاثنين وكمان يوم ماحد منهم بيعيى بيقولى انتى السبب فى عياهم بيقى انتى الى تعلجيهم ودا الى دايما بيحصل حتى فى اى حاجه فى البيت بتحصل بيقولى انتى السبب فيها بيقى انتى الى تصلحيها والمشكله كمان انه بيعايرنى باهلى انهم لما بيجو عندى مش بيجبولى اكل للبيت وهما جايين ولما بدافع عنهم بيقولى انا هاوريكى ازاى تدافعى عنهم وهرابيكى على الكلام دا ومع ذلك عمره ماصرف عليا ولا مليم انا وعياله ودايما بيتخانق معايا لما يلاقى البيت فاضى مافهوش جبن ولا فينو ولا حتى خضار للغذاء ولما اقوله انا مش معايا فلوس هات انت وانا ابقى احسبك يقولى اه دا عندها اصرف انتى بتحلمى ولا ايه مع العلم انه قادر ماديا لا وكمان بياخد مرتبى كله كل شهر ولما بيكون ناصق بيتخانق معايا جامد حد يقولى اعمل ايه عشان انا تعبت منه اوى ومش عارفه اوصل لحل
مشاكل الازواج
انا بصرف على البيت وجوزى بيبجح فيا
اضيف بتاريخ: Sunday, March 8th, 2015 في 14:49
كلمات مشاكل وحلول: الحياة الزوجية, زوج, زوجة
ابويا كان نسخه منه ودلوقتي اتطلقوا بس بعد ما بعنا الحديده ما تعبريش اهله ولا يطفح عندك كوباية مايه انتي ال مفرطه ف حقك متسكتلوش انتي مش هتصرفي عليه يعني عاوز مرتبك وكمان تصرفي ده راجل فاجر
متعبريهوش ان شاالله يعمل ايه هاتي لولادك كل حاجه بس م وراه وال زي دول مش بيجوا غير بالفضايح تفرجي عليه امة لا اله الا الله والا هو ف الاخر ال هيعمل معاكي كده اذا كان هو دلوقتي كده بعد فتره هيعمل معاكي ايه
وخدي بالك يسرق منك حاجه الاشكال دي كده
طالما انتي قادرة تصرفي على عيالك و هو مش بيصرف عليكي و بيعاملك المعاملة الوحشة دي انتي مضطرة انك تطلقي منه و تعيشي لولادك و ليكي ..انتي هنا مضطرة…لقوله تعالى و ابغض الحلال عند الله الطلاق..هو مش لازم يعني بس ربنا قال عنه حلال حتى لو مقترن بكلمة ابغض…….ده راي فقط شخصي و انتي ليكي القرار ……في حل تاني لو حابب يتغير و تتكلمي معاه بشوية كده و يتغير …ربنا يصلح لك الحلال حبيبتي …
أنا مش فاهمه أنتي عايزه أقولك أيه أقولك أطلقي ياحبيبتي دي حاجه ترجعلك أنتي لو مش قادره تستحملي يبقى أطلقي منه ولو باقيه على بيتك روحي وحده من مراكز الأستشارات الزوجيه وهما هيقولولك أزاي تتعاملي مع الزوج البخيل