انا متزوج عندى 28 سنة زوجتى عندها 25 سنة اتجوزنا 5 سنين فى ايجار مؤقت وبعدين ورثت من والدها خمسة وعشرين الف جنيه
كملت انا عليه بسبع الاف جنيه واشترينا شقة ايجار قديم عقد مفتوح وانا اللى بدفع ايجارها 500ج دلوقتى بقى كل ما يحصل بينا مشكلة تقولى
يلا اطلع برة شقتى وتطردنى منها بطريقة قاسية جدا.
اى نعم انا اللى ببقى سبب المشكلة اللى بتحصل بس ما توصلش انها كل شوية تسمم بدنى مع العلم انى مخلف منها ولد وهيا الان حامل فى توأم
قولولى أعمل ايه اطلقها ولا أعمل ايه مع العلم انه ليس بأمكانى أجيب شقة وأحنا حاليا متخانقبن وادتنى هدومى وقالتلى انت مش راجل معندكش كرامة ايه اللى مقعدك فى بيتى
اطلع برة بيتى وانا روحت مديها علقة تمام وسيبت البيت ومشيت مع العلم انى متأكد انها بتحبنى.
بس ولى أمرها اتصل بيا وقاللى انتو بأسلوبكم كدة مش هتنفعوا مع بعض تعالى طلق بنتنا احنا مش عايزينك وياريت متجيش نا حية شقة مراتك تانى قولولى أعمل ايه والنبى ارجوكم اطلقها ولا حد يشوف لى حل
مشاكل الازواج
زوجتى دايما بتعايرنى
اضيف بتاريخ: Saturday, August 15th, 2015 في 03:10
كلمات مشاكل وحلول: الزواج, حامل, زوج, زوجة, متزوج
اخي الفاضل هذة الزوجة بلادين ولااخلاق ولاتربية نهايئا ولاخيرفيها على الاطلاق لاهي ولااهلها صدقني طلاقها امر ضروري لامفر منه وعليك انفاذه فورا كي تسترد رجولتك وكرامتك المفقودة والنوع ده من الستات ماينفعش معها التصالح او التسامح كان المفروض توريها العين الحمراء من اول يوم في الزواج وتخليهاتبطل ترفع صوتها عليك او ترفع حتى عينها فيك لكن للاسف انت تساهلت معها كثير ودا جعلها تتمادى في اهاناتك هي وابوها وخلاها تفعل بك كل مافعلت بمنتهى الوقاحة وقلة الادب دون مراعاة لحقوقك الزوجية عليها وانك اب لابناءها والمثل يقول – اذا لم تستحي فاصنع ماشئت – ولاحياة لمن تنادي عمرها ماتتغير اوينصلح حالها اتمنى انك تعي وتفهم كل ماقلته لك وتعمل به اذاكان عندك شئ من الرجولة والكرامة وربي يكرمك ويعوضك بخيرمنها بالزوجة الصالحةاللي تحترمك وتقدرك وتقدر الحياة الزوجية وتلاقي معهاالسعادة والهناءوراحةالبال والاستقرار في حياتك
للاسف انت الظاهر وقعت وسط عائله اخلاقها واطيه فاذا كان الاب يعلم انك دفعت مبلغ كبير من المال وبدل من ان يربي بنته علي طاعه زوجها ويبهدلها لانها تريد طردك من الشقه يقوم هو الاخر بطردك فليس من الغريب ان تكون ايضا ابنته وقحه جدا بسبب النقص في تربيتها
عزيزي لا تحاول ان ترجع الي الشقه لاني اعتقد انها خرجت من نفسك وستشعر انك ضيف ثقيل جدا بها وزوجتك لن ينعدل حالها ابدا وستبقي طول عمرك مهدد بسماع كلام سي منها وربما يتطور الامر وترتكب جريمه في حقها فتضيع انت وهي والاطفال في لحظه غضب اعمي
ولكن طالما انك تشعر ان زوجنك لا تزال تحبك ومن اجل اطفالك يجب ان تحاول قصاري جهدك في ايجاد شقه وتستاجرها وتعيش بها في كرامتك [هين قرشك ولا تهين نفسك] انت وزوجتك واطفالك
انت لا تزال صغير ولا يزال المستقبل امامك وليكن طردك من البيت دافعا قويا لك من اجل بذل
المزيد من الابداع والتطور في العمل من اجل شراء شقه وشقتين وعماره كامله من اجل خزق عين زوجنك وعين ا بوها واسترداد كرامتك وصدقني ان الله سيقف معاك وسيعطيك الكثير لانه يعلم انك مظلوم في الشقه والله ناصر المظلومين
عشان الولاد استحمل وحاول تصالحها وياعم الكلمة الحلوة واحتوائك لها وتمالك نفسك وقت الغضب يحل اكبر المشاكل لحين الفرج وقدرتك علي شقة لتسطع ترك شقتها والله المستعان
مفيش ست محترمه ومتربيه تقول لزوجها انت مش راجل وبعدين ازى تطردك من الشقه وهى شرك بينكم انا لو منك اديها علقه مبرحه واطردها بره البيت لحد ما ترجع تبوس رجلى وتعتزر
اضربه اذا استمرات فى الغلط يبق خليه هى اللى تطلب الطلاق عشان تاخد الاولاد
ربنا يهديه
الحل انك تصالحهالاجل الاولادوخصوصاانهاحامل وخلك جدع وشخصيتك فوية واهديهاحاجةالستات يحوا الدلع والاهداءوالكلام الجميل اصلحك الله وهدى زوجتك
امم اظن المشكله هنا انك من بعد الجواز وباستمرار المشاكل فقدت احترام مراتك ليك ولو مراتك مقدراك ومكنتش قالت كده ومهما كان تفكيرها فيك غلط فا احب اقولك انك اكدت تفكيرها بانك ضربتها وانتي عارف كويس ان اللي يمد ايه علي مراته يبقي ايه .. للاسف حضرتك مش عايزين تاخدهم بالقوه مع ان في كده بردو بس لا صدقني انا شايف ان بدال ان انت اللي بتبقي غلطان يبقي مش لازم تطلعها هي اللي غلطان وتتنازل وتعتزر وصدقني ده هيعملك قيمه لان الاعتزار للحق فضيله مش ضعف انا شايف ان انت لو كان في ايدك كان ممكن تسضعفها وتحول حياتها لجحيم بس ده مش مهم دلوقت المهم انتو بتحبو بعض وعلشان توصل لحل لازم تتكلم معاها بانفراد وتحلو مشاكلكم وبعيد عن كل الناس وتبعدو عن كلام كل الناس وصدقني هي ممكن توافق لان ممكن يكون السبب الوحيد اللي مخليها معاك الاولاد فا ادخلها من المدخل ده وبعديها كن اب وزوج مثالي وساعتها هتكسب ثقتها وهيرجع حبها واحترامها ليك كامل بجد ومش هتقدر مهما وصلت بينكم المشاكل ان تقولك كلمه زي دي وبغض النظر عن ردي ده بس تقبل احترامي 🙂