مشكلتى وباختصار
انا كنت قبل ااتجوز بتكلم مع شاب عالنت وكنت بكلمه كتييير حسيت اني بحبه وقولتله هو قالى انه كمان بيحبنى وفضلنا فترة وبعد كدة طلب منى انى ماكلموش تانى كنت برفض ومصرة بس هو كان بيقولى انه ماينفعش حكاية الحب دى هو مامته مش عايشة وانا كمان امى مش عايشة بصراحة كان بيصعب عليابعد كدة اكتشفت انى مكنتش بحبه زى ماكنت فاكرة
المهم اتقدملى جارى انسان متدين حافظ القران كان جارنا بس انا عمرى ماشفته المهم والدى وافق عالخطوبة انا كنت محتارة اجساسي كان غريب اوووى اعجبت بيه بعد الخطوبة فى الاول كنت رافضة بس والدى زعقلى وقال دا مايترفضش واتخطبت وشوية وحسيت انى بتعلق بيه
فضلت سنتين مخطوبة طبعا الل كنت بكلمه دا ماكلمتوش تانى غير مرتين بس قولتله انى اتخطبت
ومرة تانية كانت صدفة
وفى المرتين لمحتله انى مش هنتكلم تانى
ومرت الايام واتجوزت وبصراحة حسيت انى بحب جوزى او
بس فى حاجة غريبة جوايا أنا علطول عايزة اعرف طل حاجة عن الانسان التانى دا انا يمكن الوحيدة الل كان بيكلمنى على والدته
أنا لحد دلوقتى بدعيلها فى صلاتى مع امى
عملت عمرة لامى وليها
مش عارفة انا بعمل كدة ليه انا والله تعبت اوى وخايفة اكون بكدة بعمل حاجة غلط
انا بدعى فى صلاتى انى زوجى يبئي زوجى دنيا واخرة
بس مش عارفة مش بنسي الشخص دا ليه
انا من فترة قريبة فى حاجة جوايا بتلح عليا اكلمه مش عارفة ليه بحجة انى اطمن عليه انه زى اخويا اعرفه انى عملت عمرة لمامته
بس انا بستغفر كتيير وبجد خايفة
فى حاجة كمان انا اعرف ايميلاته هو كان قايلهالى كل فترة بفتحها اشفها واقفل علطول بحس انى مرتاحة
انا مش عارفة اعمل ايه انا متجوزة من اربع سنين واحساسي دا تعبنى وقارفنى علطول حاسة انى عاوزة اتكلم معاه اعرف اخبارهحاجة اخيرة
جوزى كويس وبيحبنى اوى انا متأكدة بس فى مشكلة صغيرة اول مااقوله انت حبيبي او بحبك اوى وافضل اقول من غيرك مااعرفش اعيش بيتقلب علي واسلوبه يتغير واحس انه بيبعد
بكون اوقات كتيرة نفسي افضفض معاه واقوله انى محتجاله بس بخاف لان كذا وقت لو قولت كدةلازم بعدها نتخانق وهو دايما الل بيتصل بيا وهو برة دايما عاوز يكلمنى بيغير من بابا مش عاوزني اكلم حد غيره
بس وقتها بحس ان كل دا بيروح واحس انه بيتغر ويتقل ويفضل يومين تلاتة ويرجع تانى
بكون نفسي اقرب منه بس بخاف يبعد او يتغير علطول فعلا بتقل ودايما يقولى انتى مابتحبنيش ولا بتحسي بيا
انا تعبت ياريت تساعدونى
حصل معي نفس القصة التى معك كنت بعرف فتاة وعاوزاتزوج بها ولكن ماحصلش نصيب ابوها كان في مشاكل بيننا واعترض على زواجي منها وانتهى الموضوع بعد3سنوات تزوجت من فتاة على دين وخلق ومن عيلة كويسة وملتزمة والفتاة احبتني من كل قلبها لكنني ظليت افكر في تلك الفتاة ورقم هاتفها عندي فقلت اتصل بها لاجل اطمن على اخبارها واحوالها وردت علي وبدا الحب القديم والمشاعر تجدد من ثاني وعرفت انها لم تتزوج بعد وان ابوها توفي منذ فترة وانها لاتريد الزواج من احد وعمرها ماحبت غيري واستحالة انها تفكر في الزواج من غيري وصررت اتواصل معها رغم اننا كل منا في مدينة اخرى وقررت ان اتي لرويتها رغم انها في البداية عارضت لكنني طلبت ان اشوفها ولو مرة وحدة وسافرت لها ورايتها وزاد الشوق والحنين لها اكثر من الاول وقلت لها انني على استعداد لاجل الزواج منها وقالت لي لوكنت تريديني بالحلال وراضي بشروطي فقلت ماهي ان ابقي مع امي المريضة ولااحد لها بعد وفاة ابي واخواتي كلهم متزوجين ويعيشون بعيدا عنا فقلت موافق وجيت لامها وفرحت بي اشدالفرح وطلبتها من امها للزواج والام وافقت وتزوجنا بعد 1شهر من لقاي بها وزوجتى الاولى لاتدري عن زواجي الثاني حرصت على عدم اخبارها حتى تستقر الامور وعندماحانت الفرصة اخبرتها ونعم الزوجة هي لم تزعل او تغضب كما تفعل بعض النساء بل قالت لي جملة عمري ماانساها ابدا ابغاك تعدل بيننا وتتقي الله فينا نحن الاثنتان والحمدلله ربي اكرمني بالاولاد والبنات من تلك الزوجتين الاولى والثانية وحياتنا مستقرة وسعيدة وربنا لايغير علينا ولاعليكم الحال ويبارك لنا ولكم ولجميع المسلمين
يابنتي انت الان متزوجة وربنا يبارك لك في زوجك وفي بيتك ويرزقكم الذرية الصالحة عماقريبا ان شاءالله عاوزكي تنسى امر ذلك الشاب نهايا ولعاد تفكري فيه ابدا الشيطان عايز يخرب عليك ويفسد عليك دينك واخلاقك وشرفك وعلى حياتك الزوجية فاحذري من الانقياد له واطرديه من حياتك كلها وعاوز تعرفي انه لايجوز ان تعملي عمرة لام الشاب وانت على معصية ومافيش علاقة تربطك به ربنا مايقبل الا العمل الصالح ومسالة انك عاوز تكلميه علشان تطمني عليه فهذا ايضا حرام ولاتجوز وهي من عمل الشيطان فهو رجل غريب عنكي ولايجوزلك التحدث معه او الكلام وليس في شي اسمه زي اخوي بين الرجل والمراة ولاتجعل للشيطان طريق لاجل يفسدعليكي حياتك الزوجية اهتمي بزوجك وتقرب منه وتواصلي معه عبر الموبايل وهوبعيدا عنك ومن حق زوجك يغيير عليك من اي احد والغيرة دليل الحب ياعبيطة ولاتخفي شي عن زوجك مافيش داع للخوف او الخجل ده زوجك وشريك حياتكي وبكره هيكون ابو اولادك ربنا يصلح احوالكم ويسترعليكم ويوفقكم ويسعدكم في هذة الحياة ويرزقكم الذرية الصالحة ولايحرمكم من بعض
هو ينفع تعملي عمرة لربنا لام واحد انتي كنتي ع علاقه بيه والعلاقة دي ماترضيش ربنا ازااي؟؟ عقلا مثلا يعني ينفع واحد يعلم واحده قران و هم في خلوه لوحدهم انا اعتقد انك تاخذي سيئات ع عمره بالشكل دا لان المقصود العباده تكون ترضي ربنا لو هانك ربنا
عزيزتي صاحبة المشكلة.. مشاكلك مع زوجك أو الاختلافات بينكم في طريقة كل واحد في التعبير عن عواطفه هو اللي خلق عندك الرغبة في انك تتصلي بالصديق القديم… محاولة اقناع نفسك بانك شايفاه علي انه اخوكي ده مجرد مسكن لضميرك علشان ماتحسيش انك بتعملي حاجة غلط لكن في الواقع هو مش اخوكي وممكن العلاقة بينكم ترجع تتجدد وتتورطي فيما هو اكثر من مجرد الكلام علي النت وتخسري كل حاجة.. ركزي في جوزك وازاي تقدري تفهميه وتوصليله مشاعرك … والدتك شئ طبيعي انك تفكري فيها وتعملياها عمرة، لكن ام صديقك انتي مش محتاجة تعولي همها أو تدخليها في حساباتك … اهتمي بأن تصلحي حياتك مع زوجك “هو ده هدفك” “هو ده دورك” و”هي دي رسالتك” ربنا يعينك ويساعدك في اختيار الطريق الصحيح في حياتك.
السلام عليكم.الحمدلله والصلاة والسلام على رسول الله.اختى العزيزه نصيحتى ان كنتى تريدين ان تعملى عمره لأمه فان شاء الله لكى الاجر والثواب والخير ثم بعد العمره امسحى هذا الرجل من ذاكرتك وانسيه تماما فلايجوز بحال من الاحوال ان تتحدثى مع رجل اجنبى عنكى ومن ثم لابد من حفاظك على بيتك وان تتقى الله دائمالكى تنعمى بحنان زوجك الذى يتغير احيانا وحاولى ان تتناقشى مع زوجك لماذا يتغير عند ملاطفته وحاولى ان تفعلى مايحب حتى يتم التوافك بينكما.واسأل الله العظيم ان يكفيم شر النكد وشرالشيطان وينعم عليكم بالسعاده فى الدنيا والاخره.
السلام عليكم عزيزتي… مشكلتك الاساسية هي الملل لهذا السبب ينتابك شعور بحب معرفة اخباره..فكل واحدة منا تحب ان تعرف اخبار اصدقاءها بعد انقطاعها عنهم و اذا كانوا افضل منها حالا..فلانك كنت قريبة جدا. من هذا الشخص اصبح لديك فضول لمعرفة افكاره انصحك بتعبئة فراغك مع زوجكؤلان ما ينقصكما ان تكونا صديقين فالصداقة بين الزوجين مهمة جدا والا اصبحت الزوجة و ظيفة و ليست شريكة..مارسا الهوايات المشتركة سويا تشاركا النكات و تفاصيل اليوم هذا ما يسعد في تعبئة فراغك و الاقتراب من زوجك و تحسين علاقتكما ولا تقومي ابدااااا بالاتصال به حتى لو كانت نيتك حسنة فلن ياخذها على هذا المحمل بل ستصبحي ينظري امراة تكلمه من وراء زوجها و فرضا اهبر اصدقائه ستفضحين نفسك و زوجك ايااااكي هي شرارة ستشتعل نار و اكتفي بأداء العمرة لوالدته فهذا له ثواب عظيم و الله يحفظك و يسعدك…و اذا احتجتي اي نصيحة شاركي همومك على الصفحة فالاخوان حفظهم الله اراؤهم جيدة و عن علم و دراية
خلى عندك اراده وانسى الشاب الاولانى خالص وامسحى ايميله وتليفونه من عندك بحيث متسيبيش لنفسك فرصه انك تفكرى فيه او تحاولى تتصلى بيه نهائى لانك كل لما هتحسى بملل من زوجك ومن حياتك او يكون عندك وقت فراغ كبير وخصوصا ان زوجك بيسافر كتير هتحسى انك عايزة تكلمى الشخص الاولانى اللى كنتى بترتاحى معاه فى الكلام فأرجوكى تمسحى كل شئ عنه او ممكن توصلك ليه ,, وكمان انك تدعى لوالدته مع والدتك دى مفيهاش حاجه لانك بتدعى لانسانه مسلمه متوفيه انتى شايفه ان فيها صفات عاجباكى فليكى الاجر ان شاء الله ,,اما بالنسبه لزوجك فالعادى ان كل فترة تحسى بملل خصوصا انك بعيده عنه حاولى تشغلى وقت فراغك باى حاجه بتحبيها علشان متحسيش بملل وكمان متبلغيش اوى فى كلام الحب اللى بتقوليهوله لانك المبالغه مش مطلوبه المطلوب الاعتدال معاه فى الكلام لا تشدى وتتقلى اوى ولا ترخى اوى وربنا يوفقك ..