مشاكل الازواج

معرّضة للطلاق وزوجي وامه مش طبيعيين

المشكلة في حماتي جوزي بيسمع كلامها في كل حاجه يعني هي اللي ممشياه بمعنى اصح تقولوا حاجه عني تخليه يقلب عليا 180 درجه ويرجع من عندها متعصب عليا ويقعد يشتم فيا وفي اهلي.. المشكلة هنا ان انا لسه متزوجه من 8 شهور واهلي بيجيبولي حاجات في المواسم.. رمضان ده اهلي جابولي بقى حاجات بتاع رمضان زي فراخ وياميش وبلح وكده.. وجيهم زاروني ادوهالي ومشيوا بعد كده هو لما رجع وشاف الحاجات راح اتصل بامه وقالها اهلي جابولي ايه.. معرفش هي قالتله ايه بس قفل معاها المكالمه وجه زعقلي وقاللي الحاجات دي قليلة اوي وانتي اهلك مش بيحترموني وفين المكسرات وفين وفين وقالي روحي بكرة رجعيلهم الحاجه ونزلني من الساعه 7 الصبح خلاني ارجع الحاجه لاهلي وبعد اسبوع ع الموضوع ده قاللي لو امك متصلتش بيا تعتذرلي على الحاجات القليلة اللي جابوها دي هطلقك.. مع العلم انه مش بيديني فلوس خالص بيقولي لو عوزتي حاجه قوليلي بس مش هديكي تشيلي فلوس معاكي.. انا دلوقتي في مشكلة. قول لماما تتصل عليه ولا لا مع العلم انهم مغلطوش في حاجه في حقه خالص وبيعاملوه كانه ابنهم واكتر بس هو مش بيحب اهلي ومش بيطيقهم وحماتي بتقعد تقوله كلام على اهلي تخليه يغضب اكتر عليهم وتكرهه فيا انا بعمل كل حاجه لحماتي واي حاجه بتطلبها وبنضفلها الشقة كل اسبوع وكل حاجه بتفولهالي بعملها بس انا حساهم فعلا ناس مش طبيعية.

مشاكل وحلول ذات صلة

اضيف بتاريخ: Friday, June 9th, 2017 في 20:19

كلمات مشاكل وحلول: , , ,

3 رد to “معرّضة للطلاق وزوجي وامه مش طبيعيين”

  1. ام يوسف
    15/06/2017 at 06:07

    يلعن ابو الرجالة اللي بالمنظر دا مايغور في ستين داهية تاخده دا مش راااجل خالص اطلقي احسن دا فيه ايه دا عشان تتمسكي بيه

  2. كريم نور
    10/06/2017 at 11:57

    سامحيلي ف الكلمة جوزك بدون شخصية ف الحالة دي انتي ممكن تكسبيه في صفك لان اثارة المشاكل فيها طلاق والدته مسيطرة عليه واللي بيبص لحجات رمضان او مواسم شوية او كتير بيبقي انسان جعان جدا ..حاولي قدامه ماتتكلميش ع امه لفظ من حلو دايما حسسيه ان امه ملاك من السما لحد مايفوق من الغيبوبة الي هو عايش فيها ثان حاجة مع والدته اديها في عضمها شتمتك اشتمي اللي جابوها متدخليش اهلك في الموضوع اللي اذا جوزك هو اللي شتمك او ضربك انتي 8 شهور لسه مكملتيش سنة لو خلفتي الامور هتهدا وربنا يسعدك

  3. ابوالبتول
    10/06/2017 at 00:56

    الواضح من مشكلتك انو زوجك تحت سيطرة امه وتتحكم فيه وفي حياتكم الزوجية وده هو لب المشكلة لازم اهلك يقعدوا مع زوجك ويفهموه الحاجة دي منذوالبداية قبل استفحالها وخصوصا وانكم لسه متزوجين من فترة قصيرة 8شهور امال اذا استمر الوضع ده على هذالحال كيف هتكون حياتكم الزوجية واذا رزقكم الله اولاد ماحدش هيعرف ازاي تكون احوالكم وامه -حماتك- تتدخل في كل صغيرة وكبيرة في حياتكم ايضا زوجك شخص سلبي وغير محترم اهلك ولايقدرهم ابوك لازم يتدخل في حل هالاشكال ولا يسكت على تصرفات زوجك والست امه وتدخلها السافر في حياتكم الزوجة اذا لم يتعدل زوجك ويحسن معاملته لك ولاهلك فبالنقص منه يبقى مش راجل ولايقدر يصونك اويحافظ عليك خير لك تبقي في بيت اهلك معززة ومكرمة والف من يتمناك يازينة البنات هتلاقي افضل منه مليون مرة والحياة حلوة والدنيا لسه بخير

اترك رداً أو حلاً لهذه المشكلة