مشاكل الازواج

ها نطلب الطلاق انا واختى

السلام عليكم
لو سمحت بجد ياريت تساعدونى اول حاجة عايزة احكى مشكلتى انا متجوزة بقالى سنتين من قريبى وكان جواز تقليدى وخطوبة اقل من 3 شهور فملحقتش اعرف زوجى كويس بالرغم من انه قريبى بعد جوازى بشهرين جوزى تغير تماما بدأ يخاصمنى لاسباب تافهة ويهجرنى بالاسابيع والشهور ف حياتنا الخاصة والعامة لدرجة ان جت عليا اوقات ممكن يسيبنى ف البيت ب 10 ايام من غير مايسأل عنى ولا اعرف هو فين وللاسف اكتشفت انه مدمن على حبوب وبقالى سنتين عايشة فالذل داا المهم بدون تفاصيل اكتر انا رحت لدار الافتاء وسألت ناس كتير وقررت خلاص انى هتطلق خصوصا انى معنديش اى اطفال
تانى حاجة مشكلة اختى للاسف اختى متجوزة من واحد مش بيخاف ربنا هى اكبر منى ب 4 سنين بس متجوزة بقالها 12 سنة وليها ولدين من جوزها من فترة اختى من كتر تعبها ممن حياتها مع جوزها كلمتنى وهى منهارة وبتقولى ان جوزها بيطلب منها انها تجيب ليه بنات ف الحرام بقاله 4 سنين ع الحال دااا ووطبعا عشان مش عايزة تطاوعه ف الحرام راميها هى وعيالها مش عايز يسال فيها وهى مش بتشتغل ومحتارة تصرف على عيالها من فين وف نفس الوقت مكنتش قادرة تشكى عشان متطلعش سمعة عليها وعلى عيالها لان الناس لو عرفت الكلام داا طبعا هتتجنبها دا غير انها لو اتطلقت مش هتقدر تاخد عيالها لان جوزها مانع دااا وخايفة على عيالها من معاملة ابوهم واهلهم الوحشة ليهم
دلوقتى اانا وهى للاسف ابونا متوفى وداا السبب اللى مخلى اجوازنا ييجوا علينا بالطريقة دى بس ف نفس الوقت ازاى انا وهى هنتطلق مش قادرة اتحمل خصوصا ان هيطلع علينا كلام وهتطلع علينا سمعة وعلى تربايتنا
وعلى فكرة انا بكلمكوا واحنا خلاص اخدنا قرارنا وحاولنا بدل المرة مليون وصبرنا كتييير على اجوازنا فياريت ممكن رايكوا من غير ماحد يقول اصبروا لاننا صبرنا والله بما فيه الكفاية وشكرا على وقتكم

مشاكل وحلول ذات صلة

اضيف بتاريخ: Sunday, July 9th, 2017 في 03:56

كلمات مشاكل وحلول: , , , ,

5 رد to “ها نطلب الطلاق انا واختى”

  1. ابوالبتول
    28/07/2018 at 21:57

    لاحول ولاقوة الابالله شوفي يااختي قرات المشكلة اللي ذكرتيها وتالمت جدا لمايحصل لك انت واختك بالنسبة لمشكلتك مع زوجك طالما انو مافيش اطفال بينكم ويعاملك بهذا الجفا والهجران ولايسال فيك ويتعاطي تلك السموم القاتلة فمن حقكي طلب الطلاق منه لاجل تصون شرفك وكرامتك واما بالنسبة لاختك مع زوجها ذلك السافل الخاين الزاني الذي يطلب منها احضار بنات لاجل يزني بهن فهو قد تجاوز الخطوط الحمراء ولاخير في العيشة والبقاء معه عليها فضحه امام اهلها واهله وتطلق منه فورا ولاتفكروا في كلام الناس فرضا الناس غاية لاتدرك المهم انكم ترضوا خالقكم عزوجل وتفكروا في الحفاظ على شرفكن وسمعتكن وكرامتكن والله يرزقكن بالازواج الصالحين في هذة الحياة

  2. M.A.G
    01/08/2017 at 13:12

    بالنسبة لمشكلتك انتي ولو كنتي متأكده إن الصبر لا يؤدي لأي نتيجة وزوجك مستحيل يتغير , فالأفضل هو الطلاق من هذا الشخص المدمن خصوصاً في حالة عدم وجود أطفال .

    أما بالنسبة لمشكلة أختك أرى بأن زوجها تعدى كافة الخطوط الحمراء وعليها عدم إطاعته في طلبه مهما كان المقابل , أنصحها بمحاولة اثبات ما يطلبه منها هذا الزوج المنحط ومن ثم تطلب الطلاق من خلال المحكمه وتطلب بقاء الأطفال معها لأنها لاتأمن على أطفالها لدى هذا الزوج المنحط أخلاقياً وبدليل ما يطلبه منها زوجها .

    ولا تهتموا لكلام الناس أبداً فالمهم هو رضا الله عز وجل أولا ورضاكم عن أنفسكم وابتعادكم عن ما حرم الله فقط لاغير .

  3. mohamed
    15/07/2017 at 19:04

    بالنسبة لاختك فشئ اساسى انها تسيب زوجها دا مش كلام شخصى لان انها تبقى عارفة ان زوجها بيزنى و لو مش قادرة تقول عليه على الاقل متفضلش معاه وتبقى عارفة وساكتة لازم تبعد عنه وتتبرأ تماما من اى علاقة ليها بيه لو عملت كدا بنية خالصة لله ربنا مش هيضيعها ولا هيئذيها كلام الناس بحاجه بالعكس دى واحدة اتطلقت عشان قضية شريفة سيبك من كلام اى حد .. بالنسبالك انا شايف ان مدام معندكيش اطفال وزوجك سايبك فانتى ظروفك مناسبة انك تسيبيه لو فعلا صبرتى عليه وافتكرى دايما ان ربك هو اله خزائنه مملوءة لا تنفذ وانه سبحانه الودود الكريم ومحدش متحكم فى ظروفك الا سبحانه .. لو فضلتى خايفة من كلام الناس هتندمى

  4. كريم نور
    11/07/2017 at 08:17

    طلاما يامدام اخدتي القرار بتطرحي مشكلتك ليه ومش عاجبك الصبر … بصي يابنت الناس الحق والاسلوب المنطقي مابيزعل حد ومحدش يقدر يغلط الصح موضوع اختك صعبجدا هي عندها اولاد لازم تخاف عليهم وتربيهم تدخل اي حد ف اسرة جوزها وتواجه بالكلام اللي جوزها طالبه وانا انصح لو العلاقة بقت مش اللي هيا الطلاق الحل موضوعك انتي سهل واصبري بلاش طلاق دلوقتي قربي من جوزك وحاولي تحتويه باهتمامتك تقدري تغيره العصبيه والزعيق مش بتصلح لكن بزود المشاكل والاعصاب بتشد والناس تمسع صوتكم وهكذا لكن لو علاقتك الجنسية مش اللي هيا ودا سبب مش مرتاحة معاه خلاص اطلقي

  5. مدمنة السهر
    09/07/2017 at 17:02

    تطلقو وربنا قادر على كل شيء الي عيشكم كل هالسنين وصبركم رح يعيشكم بعد الطلاق هو الرزاق الكريم وبالنسبة للناس ارضاءهم غاية لا تدرك رح يحكو شوي عليكم بعدين ينسو ويحكو بشي ثاني . الله يوفقكم بحياتكم الجديدة

اترك رداً أو حلاً لهذه المشكلة