متزوجة من سنتين وعندى بنت وعايشة فى شقة فى نفس العمارة اللى عايشة فيها حماتى ، قبل اى حاجة انا عارفة ان اى حد فيه الصفات الحلوة وفيه برده الصفات الوحشة ، جوزى لم تتعدى علاقتى بيه اكتر من 6 شهور قبل الجواز كان فيهم انسان كويس جدا ، لكن بعد الجواز اكتشفت انه انسان تانى خالص ، ضعيف الشخصية وبياخد راى مامته فى حاجات كتير قبل ما يعملها و معتبرنى صغيرة ماينفعش ابقى مسئولة لدرجة انه مش بيخلينى انزل من البيت عشان اجيب اى حاجة لوحدى وساعات يخلى مامته هى اللى تشتريهالنا عشان انا ماانزلش وبابقى احسة انها عارفة عننا كل كبيرة وصغيرةومش بيخرجنى معاه الا لو اهله خارجين يعنى كاننا رايحين على سكتهم ورافض انى اشتغل ورافض انى اروح لاهلى الا كل اسبوعين مرة وبالرغم من كده بعد ما بيرجع من الشغل ممكن يقعد معايا كام ساعة وبعدين يكمل بقيت اليوم عند مامته ، ولما ولدت بنتى وانا وهو كنا متفقين على اسمها راح كتب اسم تانى خالص وبعدها قاللى ، ساعتها كنت عند بابا طلبت منه اننا نسيب بعض قاللى خلاص هيروح يغيره قلتله انى برده مش عاوزاه راح معيط قدام بابا وبابا حس طبعا انه مظلوم وقاللى لو غيرتى الاسم مش هادخل بيتك تانى وفضل الاسم زى ما هو ،ولما رجعت البيت معاه قلتله انا عاوزة اعمل عقيقة لبنتى زى ماكنا متفقين قبل الولاده قاللى ان باباه هو اللى عملها وكمان ما كانتش فى الجامع لا ده عمل على اد كام واحد من الجيران واداهم وخلاص بالرغم انى ما كنتش موجودة ، الجديد بقى انه بيعاملنى دلوقتى اوحش معاملة وانا عند مامته وقدام اخواته فى اليوم اللى بيتجمعوا فيه عندها وباحس انى محروجة جدا وبعدها يصالحنى بينى وبينه ، ولما يزعل منى لاى سبب بقى يضربنى ، انا بقيت باخاف منه وباخاف حتى انه يلمسنى بعدها وبقالنا تقريبا شهر مش قادرة اسامحه ولا حتىاتكلم معاه
انا عارفةانى طولت بس انا نفسى اعرف انا ممكن اعمل ايه ؟ انا عندى 25 وهو عنده 31 يعنى الفرق بينا مش كبير بس انا حاسة ان فى فرق كبير اوى بينا فى الطبع ، طلبت منه كتير اننا نسيب بعض بس كل مرة يعتذر وبيرجع زى ماكان واكتر ، انا خلاص متاكده انه مش بيحبنى بس احنا عندنا بنت دلوقتى ومش عارفة اسيبه واللا اعمل ايه ؟؟؟؟؟
بصي يابنت الناس انتي شكلك مش اجتماعية جوزك لم ينزل لوالدته او يقضي اليوم ايه المشكلة انزلي معاه او انزل اقعدي مع حماتك اللي تعبر حاليا امك انتي هتشوفيها اكتر ماهتشوفي والدتك وجوزك عادي خالص باستثناء الضرب او الاهانة دا مش تسكتي عليه لو حصل مرة تانية مشاكل البيت عند والدك والدتك او مشاكل البيت اللي انتي متجوزه فيها متتقلش والعكس بردو احتوي جوزك وحاولي تقربي منه الست اللي بتمسك ف كل صغيرة دي وكبيرة ونكد وخلافه الراجل بيزهق ويمل حتي لو كانت ملكة جمال وربنا يسعدك
اختي استهدي بالله وماتخربيش بيتك بنفسكي اسمع كلامي واعتبريني زي ابوكي او اخوكي الكبير اللي خايف عليكي وعلى مصلحتكي كل بيت وكل حياة زوجية مشاكل وماتخلو منها لازم تعرفي كلدا و تقربي من زوجكي وتخلق اجواء من الحب والرومانسية زيما كنتم ايام الخطوبة وصدقينى زوجكي يحبك ويموت فيكي واكبر دليل دموعه يوم عيط امام ابوكي علشان عاوزه تسيبه فدموع الرجال ليس بالسهولة ان تذرف الا على حاجة غالية وكبيرة يخشى فقدها وانتم الان في بيت مستقل عن اهله فاحمدي الله على ذلك وعاملي زوجكي بما يرضى الله عزوجل ولاتنسي انه ابو بنتك الصغيرة ربنا يحفظها لكم ويبارك لكما فيها تمنى لكم دوام التوفيق والخير والسعادة وراحة البال والاستقرار طوال حياتكم الزوجية باذن الله
حاولي تقعدي معاه وعرفيه كل اللي بيزعجك منه وانه لو ماغيرش من نفسه هاتنفصلو كنوع من التهديد وحاولي تخليه تعيشو برا بيت والدته علشان يكون في استقلاليه ومحدش يأثر علي قراراته وعلي حياتكم بشكل عام وعلي العموم والدته مش هاتعيش العمر كله.. وهو بيعملك بشكل غير لاءق امام اهله علشان يحاول يظهر بانه راجل ومسيطر علي بيته وكل بيت فيه مشاكل حاولي تجدي للمشاكل حل