مشاكل الازواج

اطلب الطلاق ولا افضل مع زوجي واخونه

انا مش عارف اقول اية بس هاقول لانى والله تعبت ومش عارفا اتكلم مع حد انا متجوزه من 3 سنين ونص وعندى بنت وجوزى طيب وبيحسن معملتى ومش بياخر علية حاجة بس المشكلة انة على طول برا البيت للساعة 2 الفجر فى الشتاء وطبعا فى الصيف بيتاخر عن كدا ودة حالة من يوم ما اتجوزنا على طول سيب البيت وبرة وياريت بيعمل حاجة مفيدة لا دا بيخرج علشان يقعد على القهوة مع اصحابة اهللى طبعا استغربوا من الوضع دة وقالوللى كلمية ما ينفعش كدا لازم يقعد معاكى ومع بنتة شويا وكلمتة كتير ونزلت قولت لاهلة كمان وبردوا ما فيش تغير ما بيجيش عند اهللى ياخدنى من هناك حتى فى اليوم الوحيد اللى بروح فية لاهللى علشان بيكون خارج على القهوه مع اصحابة مع ان الحمد لله ما حصلش اى مواقف يذعلة من اهللى لان اصلا مافيش لية مواقف والمشكلة ذادت لان اهلة ساكنين تحتى وانا بحبهم وبيحبونى وكان حمايه على طول يبوسنى وانا اضيق علشان مش متعود على كدا حتى من بابا وكنت بقول يمكن معتبرنى ذى بنتة لحد ما بدات الاحظ انة بيبوسنى لما ما بيكونش حد موجود غيرنا ياعنى اكون مثلا برتب الشقة يجى وراية ويبوسنى مع انه ادام اى حد مش بيبوسنى والاحظ انة الاول بيتلفت واراه ويشوف حد شايفة ولالا فاقولت لجوزى قالى لا عادى بيعملك ذى بنتة عادى ياعنى وقولت ماشى لحد ما كنت فى يوم برتب تحت المطبخ لحماتى ولاقيتة واقف واريا ومسك راسى ولفتها لية وبسنى فى شافيفى مش عاوزا اوصف احساسى ليكم بالقرف والضيق والاستحقار اللى حسيت بية
خبيت على جوزى خوفا علية وما عندتش بنزل تحت خالص وبدا الكل يسال عن سبب اختفائى وقولت لامى واخواتى البنات امى قاعدت تصوت وتقوللى هاتى بنتك وتعاللى ويشوف ليك شقة برةواحنا اصلا مرتبنا مش بيكفي نص الشهر لان مش عارفا جوزى بيودى الفلوس فين وطبعا ما عرفتش جوزى ان اهللى يعرفوا لان لو بابا عرف ممكن اطلاق بس كتر الحاحة خلانى اقولة على اللى ابوة عملة ونزل يكلم ابوة وابوة اعترف لية ومن هنا اتاكد انى مش بكدب علية المهم الموضوع وصل من جوزى لحماتى بس ماتعرفش بسنى فين بالظبط وطلعت تسالنى قولتلها اة قاعدت تذعقلة وتقولوا عيب وكدا وحلفونى ما اقول لاهللى ولا لحد وحلفت مع انى كنت معرفة امى كنت بخاف انزل بنتى تحت واقفل علية بالترباس من جوة خايفا انة يطلع وجوزى مش هنا وبعدين جوزى قاللى انزللى تانى رافضت وبعدين اتفقت انى انزل معاة ونزلت وكان بيسبنى ويمشى وهوا عارف وكنت بضايق وبعدين لاقيت فرصتنا الوحيد ان جوزى يسافر ويشتغل برة وارتاح من القرف دة وحياتنا المادية تتصلح جوزى رفض رفض تام وقاللى عاوزا تسافرى سافرى انتى انا مش هاسافر والفراغ اللى انا عايشة والحبسة خالونى ادخل على النت اقدم لنفسى على شغل برة وبعدين قولت طيب ادخل الشات يمكن الاقى حد يشغللنى وكدا يكون اسرع وبدات المصيبة التانية انى كنت بدخل فعلا اطلب شغل
وبعد فترة بدات اتكلم عادى وبعد كدا ادمنت الكلام على النت انا اة مش بتكلم فى الجنس بس حرام عليا بردوا وكنت بقول انى منفصلة علشان الشكل العام واتعرض عليا عروض كتير
بس كنت بخاف من ربنا وامسحهم واكلم غيرهم وبعدين بعد حادثة حماية 4شهور اكتشفنا ان جوزى جالة السكر ورح لدكاتر لانة وزنة ذايد جدا وزنة 150 كيلو وطولة 195
وجوزى حلفنى ما اعرفش اهللى وطبعا كنت قولت لامى واخواتى البنات وبعد كدا جوزى بقاله سنة وشويا عندة السكر مش بيمشى على العلاج ولا بيحاول يخس ولا يقلل الاكل ولا يمنع السكريات ولا يمشى ولا يبطل نوم بعد الاكل ولا يبطل تدخين بالرغم ان الدكتور قاله ان التدخين يوصل للبتر وبردوا عادى يفضل هوا على القهوة وانا اكلم الناس على النت
لحد ما بقى ما يمارس الجنس معايا ولو جيت ابوسة او احضنة يبعدنى ودة كان يذعلنى جدا وكان بيقوللى تعبان مش قادر وانا اقولة هوا انا طالبة منك حاجة غير بوسة اوحضن وبعدين رحت اشتلت الوسيلة اللى مانعا الحمل علشان نفسى اخلف تانى عرفين لما عرف حسيت انة مش مبسوط فاقولت لية انا هاروح اركبة تانى قاللى براحتك وفعلا ركبتة والدكتور بتاعى وهوا بيركبة ماما عرفته ان جوزى عندة السكر قاللى ممكن ما يعرفش يخلف تانى ولازم منشطات دخلت على النت علشان اقرا فى الموضوع دة لاقيت ان ما ينفعش اللى عنده ضغط دم مرتفع وقرحة فى المعدة ياخد منشطات وهوا عندة الاتنين من قبل الجواز وكان مخبى عليا ومعرفتش غير بعد الجواز بفترة روحت كلمتة بصراحة فى كل حاجة الخلفة والجنس والمادة والخروج وانة سايبنى وانى ممكن اخونة او اطلاق وقاللى هايتغير وكل يوم برة بردوا وبردوا بيدخن وبياكل وينام بعد الاكل ما اتغيرش وكل شويا يقوللى انتى لوسبتنى انا مش هاتجوز بعدك وانا بحبك وانا مش عارفا اعمل اية اعيش معاه وهوا عامل كدا مش متحمل مسؤلية نفسة حتى وانا خايفا اغضب ربنا واخونة ولا اطلاق واكون شيلة ذمبة والله انا ما عرفا اعمل اية بالله تدلونى وانا قولتلكم كل حاجة وارجوا الافادة
انا دلوقتى عندى 28 سنة وعندى بنت واحدة ونفسى اخلف تانى واعيش حياية جنسية كويسة وعلى فكرة انا جميلة واهللى بيقوللى لو عاوزا تطلاقى يبقى دلوقتى قبل فوات الاوان اعمل اية وعلى فكرة احنا بقلنا اكتر من شهرين ما مارسناش الجنس وبيقوللى اعمللى اللى انتى عاوزة وسافرى واشتغلى برة بس وانتى مراتى اية رايكم

مشاكل وحلول ذات صلة

اضيف بتاريخ: Tuesday, April 5th, 2011 في 04:45

كلمات مشاكل وحلول: , , , , , ,

23 رد to “اطلب الطلاق ولا افضل مع زوجي واخونه”

  1. البرنس
    04/08/2019 at 14:44

    يااختي لا يصح الا الصحيح انت مفروض تقولي لااهلك عن كل مايحصل معك وماتخفي عنهم ايو شئ من تصرفات ابو جوزك -حماك- وماكان يعمله معك وكذلك جلوس جوزك على القهوة واهماله لك طوال الوقت وانه مريض بالسكر وضغط الدم وادمانه على التدخين ولازم تعرفي ان الحالة اللي عند جوزك طبعا توثر على علاقتكم الجنسية فلا يقدر على اشباع رغباتك في الجماع وكمان اصراره وتعنته برفض الشغل وتحمل اعباء الحياة الزوجية وعايزك انت تسافري وتشتعلي وتتحملي كافة المسوولية هل دا راجل يستحق العيشة والبقاء معه ده ماعنده مانع انك لو تكلمت مع رجل وتعرفت عليه مش فارقه معه لانو شخص بلا كرامة ولاعنده ذرة من الرجولة والغيرة تطلقي منه فورا وخليه يغور في داهية هو واهله وربك بيكرمك ويعوضك حسن منه ياست البنات الف من يتمناكي تلاقي ابن الحلال الصالح اللي يقدرك ويصونك ويسعدك طوال حياتك

  2. ابوالبتول
    18/10/2016 at 00:24

    اختي الفاضلة تالمت جدا لكل ماحدث معك وعارف ومقدر مشاعرك وماتعانين منه لكنني اولمك واعاتبك انت لانك كنت ساكته على وضع زوجك بدون عمل وجلوسه الدائم على القهوة مع اصحابه واهماله لك ولبيته فكيف ترضين بهذالحال زوج لايتحمل مسوولية الحياة الزوجية ولايقدر حقوق زوجته وبيته ولايبالي بكل هذا ولاعتده غيرة عليك عندما اخبرتيه بان ابوه يتحرش بك جنسيا لوكان فعلا راجل وعنده ذرة من الرجولة والكرامة ماسمح لك ان تنزل عند اهله او عرف كيف يحميك ويحافظ عليك والمصيبة الكبرى انك عرفت انه مريض بالسكر وضغط الدم والاطباء اكدوا لكم انه ممكن لايقدر على الخلفة ولايريد اتباع نصائح الطبيب من تخفيف الوزن الزائد والامتناع عن التدخين ودي كلها تسبب له مضاعفات خطيرة على حياته وكمان عاوزك تسافري وتتغرب وتشتغلي وهو قاعد محلك سر كل هامه سوى الجلوس على القهوة مع شلة اصحابه وشرب السجائر وماحدش عارف ايه ممكن يعملوا من مصايب من وجهة نظري وحكم خبرتي بمثل هالنوع من الازواج انصحك بطلب الطلاق منه وفورا وقبل فوات الاوان وانت لسه شابة وبغز شبابك والف من يتمنى الزواج بك فلاتظلمي روحك مع شخص كهذا لايقدر الحياة الزوجية ولايعرف قيمتها ولا يمكن ان يتغير ابدا وتاكدي بان الطلاق نعمة وخير لمن هو في وضعك وربنا بيكرمك بخيرمنه نشاالله

  3. ابوبتول
    07/06/2014 at 00:56

    اختي والله انت صعبانةعلي وقلبي معك واتالم لكل ماتعاني منه وحاب اقولك ان الزوج ده لاخيرفيه يرجى اطلاقا ولاعمره بيقدرمسووليةزوجةوبيت واولاد ولايستاهل العيشةمعه اطلبي الطلاق فورا وصوني شرفك وكرامتك وكرامةاهلك قبل ان تصابي بالاكتئاب اوتقعي في المحرمات والعياذبالله وتاكدي ان الزوج اللي يهمل اهل بيته ويقضي كل وقته في القهوةوالسهرحتى الصبح لاخيرفيه ووربمايصرف امواله على شلةالسوءوفي المحرمات كالمخدرات والحشيش انقذي نفسك قبل فوات الاوان واصري على طلب الطلاق وربنابيعوض صبرك خير وبيكرمك بالرجل الصالح ابن الحلال اللي يستاهلك ويسعدك ويحقق لك السعادةوالاستقرارفي حياتك الزوجية

  4. ابواميرة
    30/10/2013 at 00:24

    اختي العزيزة من حقك كزوجةالاستمتاع مع زوجك جنسياواشباع رغبتك منه كي لاتقعي في الحرام وتحفظي شرفك وكرامتك كزوجةلهاكافة الحقوق الزوجية على زوجها وبماانك ذكرت انه لايعمل اطلاقاولايصرف عليك ولاعلى بنته ودايم قاعد على القهوة مع صحابه ولاهامه زوجةولابيت ولايريدان يغيير من حياته ويريدك ان تشتغلي حتى ولوخارج البلد اهم شي انك تصرفي عليه وهوعولطجي من غير شغل وكمان مريض وعنده السكروبيدخن بشراهة وماعاوز يبطل اويهتم فيك وفي بنته ويكون راجل ولومرة كلهذايخليك تصرين على طلب الطلاق منه فورا لاجل تحفظ كرامتك وشرفك وعزةنفسك وتاكدي انه لاخير في هذالرجل ولاعمره بيتغير وحياتك معه خسارةتضيعيهامع واحد غير جديربتحمل المسوولية كزوج واب وانت شابة والف من يتمناكي اصري على طلب الطلاق رحمةبك وبابنتك الصغيرة وربي بيعوضك بخيرمنه وبيكرمك بالزوج الصالح اللي يخاف الله فيك ويرضى بابنتك تعيش معك وقادريسعدك في حياتك

  5. Van Booker
    19/08/2013 at 01:39

    اطلقى واتجوزى غيره احسن من ان يجى عليكى يوم وتخونيه

  6. ابواميرة
    29/11/2012 at 21:42

    اختي حرام عليك اللي تعمليه في نفسك ماحدش يرضى بالعيشةدي زوجك هذامش راجل ولافيه ذرة من رجولةابدامش كفاية انو على طول قاعد علقهوة ولابيشتغل وسايبك ولاسايل فيك ولاهامه الانفسه ايه عايزةمن واحد زي ذاه اطلبي الطلاق قبل ماتنحرفي في طريق الحرام وتاكدي ان الله بيكرمك براجل صالح خيرمنه

  7. أحمد
    04/09/2012 at 09:22

    السيدة الفاضلة
    اكيد انت كتبت الرسالة دي بعد ما استنفذتي كل الحلول العملية
    وواضح ان تقييمك لية مش صح اصلا
    الطلاق حل بديهي يا سيدتي

  8. نور
    25/02/2012 at 19:54

    تبقي مع زوجك او تخونيه اصلا بمجرد التفكير بالخيانه تعتبرين خاينه ويااختي الحياه الزوجيه ليست كلها جنس كما تريدين هي عقد وعهد مقدس بكل ماتحمل من مشاكل وحزن والرجل ضعيف جنسي يعني عيزاه يعمل ايه اتكلي على الله والزمي زوجك وبيتك واكثري من الصيام فانه لك وجاء

  9. انساني خلاص
    05/11/2011 at 03:27

    انا مش عارف اقولك ايه المفروض كان جوزك منعك تنزلي عند اهله وكان كلم امه ان ممنوع ابوه يطلع ليكي فوق ياخد موقف صريح وقوي من البدايه
    لازم تقولي لجوزك ياخد باله من صحته من كلامك هو مرض ويتركك وحيده لايمارس الجنس معكي وغيره خوفا من وقوعك في ما لايرضي الله عز وجل ياختي عليكي ان تطلبي الطلاق اذا لم يغير زوجك من نفسه تغييرا شاملا وكلياربنا يهديه اطلبي له الهدايه

  10. HanyMoh
    22/10/2011 at 05:38

    من قبل أن تذكري أن زوجك قد مرض فإني كنت سأقول لك اتركيه..

    لأنه شخص لا يأبه بالحياة الزوجية ولا يعتبر بها ولا لها..

    هو مريض بالفعل وقد يحتاجك بجانبه ولكن هو لم يُقدم لك السبت لتقدمي له الأحد كما يُقال..

    اعرضي عليه الخيار بين أمرين ولكن بشكل لطيف

    إما أن يهتم بصحته وبالعلاج، وللعلم القرحة يمكن علاجها في أقل من شهرين..
    أو أن يتركك ويطلقك وتتركي له مستحقاتك..

    لأن الزواج مشاركة وإهمال طرف يضيع الطرف الآخر..

  11. المعذب
    17/10/2011 at 11:19

    اختي الكريمه ، اولا واضح من كلامك انك انسانه محترمه وخلوقه وواسعة الفكر ولله الحمد ولكن هناك شئين قد غفلتي في التفكير عنهم الاول ان زوجك الان في ظروف مرضه هو بحاجه اليكي فلا يصح ان تتركيه في مثل حالته خاصة انه يحبك وبعدك عنه سوف يؤخر حالته والثاني هو اولادك كيف سيعيشون بينكم بعد الانفصال ؟ وانا رايي ان تحتسبي اجرك على الله وان تتقربي من الله سبحانه وهو سيعصمك باذن الله وتاكدي انه سيرتب لكي الافضل في المستقبل

  12. البرنس
    25/09/2011 at 18:02

    صلى صلاة استخاره

  13. نرمين
    28/07/2011 at 11:56

    أعملى كدة فعلاً زى ما قالك
    – لو لقيتى فرصة كويسة للسفر سافرى و ضبطى الحياة هناك و أبعتيله
    – أكيد هيجيلك و هيبعد عن أصدقاء القهوة و حالته الصحية أنشاء الله تتحسن
    – هتقدرى تربى بنتك بعيد عن كل الجو دة.

  14. مواطن مصرى
    16/06/2011 at 01:49

    الاخت صاحبه المشكله
    مجرد عرضك لمشكلتك ده معناه انك واخده القرار فعلا بالابتعاد عنه
    لانك لو متمسكه بالحياه معاه ومقتنعه به لايمكن كنتى تفكرى تعرضى حالتك
    انتى من جواك مقتنعه تماما انك مش ممكن تكملى حياتك معاه بس انتى بتبحثى عن مبرر للانفصال عنه
    علشان تريحى ضميرك

  15. سامح
    19/05/2011 at 04:23

    يا اختى الغاليه اعرفى انتى عايزه ايه تستمرى معاه ولا لا ان كنتى هتستمرى ساعديه انه بساعد نفسه كلميه بحب انك بتحبيه وخايفه عليه هحاولى تخرجى معاه تتمشو سوا منها تقربو من بعض ومنه يخس

  16. etqan54
    26/04/2011 at 13:28

    انصحك بالصبر على زوجك والدعاء والصلاة وان شاء الله سوف يعوضك الله سبحانه وتعالى عن صبرك خيرااااااااااااً

  17. المستشار
    26/04/2011 at 12:57

    بدون مقدمات وموضوع طول
    اطلبي منه تطليقك
    حماية لكى

  18. مصرى
    08/04/2011 at 16:44

    عليكى بالصبر ولكن المشكله ممكن تكون انتى عملتيها بطريق غير مباشر او هنتيه بطريقه غير مباشرة لانك عرفتيه انك عارفه انه مريض عشان كده نفسيته تعبت طبعا ده إضافه الى ضغطوط الشغل اللى عنده جاولى تخرجيه من الجو النفسى الصعب ده وحاولى لو فى حاجه تضايقش ماتقولهاش ليه عشان زى ما انتى عارفه انه مريض وعلى فكرة أعرف ناس عندها السكر وبتخلف عادى جدأ

  19. wawa
    06/04/2011 at 15:44

    ربنا يلهمك الصبر والقدرة على الصبر ويسترك فى الدنيا والاخرة ويبعد عنك نفسك الامارة بالسوء وشياطين الانس
    اختى فى الله فى بنات كتير اجوازهم ماتوا وسابوا ليهم اولاد وقعدوا عليهم وربوهم
    لكن انا راى انك ادرى الناس بنفسك وما يدور فى خاطرك فاذا كنت مش هتقدرى تصبرى وهتعملى حاجة تغضب ربنا انصحك بطلب الطلاق وانك تجوزى حد تانى وربنا هيكرمك ان شاء الله ومتفكريش فيه فكرى فى نفسك والغلط اللى ممكن تقعى فيه هو مش هيتحاسب قدام ربنا مكانك انت اللى هتتحاسببى

  20. مواطنة مصرية
    06/04/2011 at 00:45

    عزيزتي الغالية كتير قوي اثرت فيا رسالتك وبجد نفسي اقول للرجاله اللي بيهملوا زوجاتهم ارحموا من في الارض يرحمكم من في السماء وياريت كل انسان بيظلم زوجته يرحمها ويراعي ربنا فيهالان كما تدين تدان وان ربك لبلمرصاد وربنا بينصر المظلوم مهما طال الزمن
    انتي متزعليش نفسك لكن هقولك اولا ماتفكريش ابدا تسافري لوحدك لانك هتتبهدلي لوحدك وهتلاقي الطمع فيكي جامد جدا ومش هتقدري تقاومي وانا مش فاهمة ازاي يقولك سافري بس خليكي على زمتي غريبه قوي انانيته دي لكن اوعي تفكري تسافري لانك هتغلطي غصب عنك وهتكوني على حد السيف زوجة جميلة صغيرة زوجها لا يعطيها حقها تسافر وتقابل الوان مختلفة من البشر تفتكري هتكوني مطمع ولا لا؟ طبعا انتي فهماني لكن هقولك حاولي محاولة اخيرة وقفي بجانبه شويه اولا حاولي تساعدية على الرجيم وتقفي بجانبة شوية علشان يخس لانه لو خس هيظبط السكر وممكن شوية شويه للتدخين بالتدريج مش مرة واحدة فممكن كدا ميكونش في مضاعفات سكر وبالنسبة للضغط والقرحة كل الناس عندها ضغط والقرحة مش خطيرة لكن في رجيمات كتير للسكر وفيها اكل كمان ممكن تدوري عليه في النت وابدئي ساعديه شوية وشجعية لان البدناء ضعفين جداومعندهمش ارادة قوية لكن انتي بايديك تغيريه شويه ولو خس هترجعله ثقته بنفسة وهيكون انسان تاني وصدقيني في ناس كتير قوي خست واتغيرت حياتها لكن لو قعدتي فترة ومفيش فيع فايدة يبقى خلاص اختاري نفسك واطلبي الانفصال لان مفيش حد يقدر يقولك استحملي غصب عنك ومن الواضح ان اهلك عانوا معاكي علشان كدا بيقولوك اطلقي فهذا حقك وحقك فانتي الشخص الوحيد اللي عايش المشكله وفي قلبهاوهتكوني قدمتي كل حاجة ومقصرتيش معاه لانك هتكوني صبرتي لاخر لحظة لان ربنا مايرداش بالظلم هي محاولة ويمكن ربنا يساعدك فيها لقيته مافيش منه فايدة يبقى الانفصال الذي حلله الله للبشر عندما تستحيل العشرة
    اتمنى لكي السعادة من كل قلبي وتحقيق هدفك وربنا يصلح ليكي الامور واتمنى ان تطمنينا عليكي وبجد هدعيلك بس ارجوكي بلاش تخوني او تغضبي ربنا علشان نفسك وربنا قبل كل شئ لتكوني باحترامك امام نفسك قبل كل شئ ولكي سلامي

  21. ساره
    05/04/2011 at 21:01

    اقعدي مع نفسك وصارحي نفسك واعرفي انتي عايزه ايه منه وهوا موقفه ايه ..يا ترى هتقدري تتحمليه على الوضع ده..هلى تقدري تحافظي على نفسك..ولا ممكن يجي يوم لا سمح الله وتعرفي شباب وتخوني جوزك ..شوفي اني تقدري تغيري ايه في طبع جوزك وشوفي جوزك هيتغير اد .. اقعدي مع نفسك وشوفي انتي عايزه ايه واعمليه لو الطلاق خير اطلقي لو انك تفضلي مع جوزك يبقى خليكي..بعدين متروحيش عند بيت حماكي الا وهوا مش في موجود وتساعدي حماتك وترجعي بيتك بسرعه..وحكايه السهر دي انا مجرباها وكنت بتخانق مع جوزي زمان علشان كده..والله انا شفت مع جوزي واتحملت حجات محدش يستحملها بس الحمد لله صبرت ويا رب ما يضيعليش تعب ولا يضيعلك تعب ويهدي جوزك..صدقيني ما فيش حد مرتاح ..لازم كل بيت يكون في مشكله..

  22. ميدو
    05/04/2011 at 14:33

    يا اختى دلوقتى فى منشطات جنسية طبيعية بالاعشاب وليس لها اى اثار جانبية

  23. حكيم
    05/04/2011 at 14:30

    الاخت الفاضلة انتى موقفك صعب بس الافضل انك تخدى موقف معاة ولو متصلحش حالة هددية بالانفصال وانة يلتزم ببيتة ويهتم بيكى وبنسبة لموضوع المرض محدش عارف الاعمار بيد الله وكل حالة وليها حل والسكر ناس كتير عيشين والحياة مشية بس المهم هو يسيبو من القهوة والتدخين ويهتم بيبيتة ويحافظ علية وربنا معاكى

اترك رداً أو حلاً لهذه المشكلة