انا بنت وعندى 20 سنه بحب الرسم والكتابه والتأليف مشكلتى من زمان انى كنت بحس انى مبعرفش اتكلم وده خلانى متكلمش ويبقى ليا صحاب لكن فى بدايه فتره المراهقه ابتديت اكون صداقات ولكن مازالت هذه المشكله بداخلى انا حتى بدأت احس فعلآ انى بتلغبط فى الكلام لما حد يكلمنى او ممكن اقول كلمه بسرعه محدش يفهمنى ولكن كنت بسيطر على نفسى ساعتها وبعدها اشتركت فى عمل خيرى وكونت لى صداقات جديده واحسست بثقه كبيره بنفسى ولكن مشكلتى مازالت انى مش بعرف اعبر عن اللى جوايا مش بعرف اجيب النطق السليم للمعنى اللى قصده فى يوم كنت بتكلم وواحد قالى قدام الناس كلها انتو فاهمين حاجه انا مش فاهم منها حاجه وقعدوا يضحكوا ساعتها زعلت جدا وحسيت بعدم ثقه فى نفسى وانا بتكلم وبعدها اتخطبت وبعدت عن كل الصداقات دى بقيت انقى الصحاب اللى كويسين فعلا وبقى تعاملى مع اللى فى كليتى فقط واصدقائى ومع الناس عادى لكن بشكل منضبط وفى يوم قالى خطيبى ان انا مش بعرف اتكلم ممكن اقول كلمه اضيع المعنى التانى او كلمه تتفهم بكذا معنى وقالى اغير من نفسى يااما بعد كدا مش هنعرف نتفاهم وهيبقى فى مشكله هل المشكله دى من شخصيتى ولا من تصرفاتى لان اللى اعرفه ان صعب الواحد يغير من شخصيته ولكن ممكن يغير من تصرفاته ؟مشكلتى انى بتكلم بتلقائيه على اساس ان اللى قدامى بيفهمنى مش عارفه اعمل ايه ممكن حل او على الاقل افهم ؟؟
مشاكل الاصدقاء
لا استطيع التعبير او تكوين صداقات جديدة
اضيف بتاريخ: Friday, November 22nd, 2013 في 11:46
كلمات مشاكل وحلول: بنت, مشاكل الاصدقاء
يابنتي انتي والحمدلله احسن من غيرك من البنات والشباب بكثير عندك موهبةالرسم والكتابةوالتاليف وده شي رايع وعظيم ممكن تطوري مواهبك ديه وتصقليهابدخولك اي جمعية من جمعيات الفنون التشكلية وتكوني رسامةكبيرةلهاشان كبير مش مشكلة تجدي في البداية تضايق اوعدم اهتمام من الاخرين لكنك مع مرورالوقت والعزيمةوالاصراراللي عندك وبالحماس والمثابرة سوف تثبتين وجودك وتفرضي نفسك بعملك ورسوماتك وابداعك على الاخرين وتلاقي النجاح والتوفيق في عملك ايضا في مجال الكتابةوالتاليف ممكن تبدي بكتابة قصةقصيرةمن واقع حياتك اومن الخيال وتعرضيهاعلى احدالاساتذةالملمين باصول الكتابةواللغة كي تعرفي منه الاخطاءاللي وقعت فيها عشان تتعلمي منهافي المستقبل وتعرفي صيغةالقصة كيف تكون ومن اين تبتدي وكيف تنتهي وتقدري تقيم الاداءبنفسك من دون تدخلات من احد وشوية شوية تكتبي قصة طويلة وتختاري نوع القصة اما رومنسية اودرامية اوكوميدية وتختاري المجال اللي يتناسب مع افكارك وميولك وتشعرين بالراحة اثناءالكتابة واغلب الادباءوالكتاب يبدون هكذا ماولودش ادباءاومثقفين لكن بالعلم والقراءةوالاطلاع والعزيمةوالصبراصبحواادباءةكتاب كبار في ساحةالادب اوالشعر وربي يوفقك وينجح مساعيك ويجعلك من خيرة البنات النافعات للمجتمع ونكسب رسامةوادبيةوكاتبةكبيرة في يوم من الايام