السلام عليكم ورحمة الله وبركاتة :
انا بنت عندى 18 سنة انا كتبت انهردة لانى تعابة اوى مخنوقة اوى مشكلتى انا هحكيها بصراحة انا ليا صحبة هى صحبتى الوحيدة بئلنا 3 سنين مع بعض وهى طيبة اوى وانا بحبها بس المشكلة انها غيرى خالص يعنى انا من عيلة متدينة اوى والحمد لله هى كمان مؤدبة بس هى طبعها غيرى يعنى هى بالنسبلها عادى جدا انها تصاحب ولد بس انا دة بالنسبالى مش عادى لانى عرفة انة حرام المهم انها بتصحبة على اساس حب وهو بيوهما بكدة وبعدين يجي يسبها وتروح تصاحب حد تانى على اساس حب بردو وهو يوهما بكدة وانا بئولها كتير ان دة مينفعش وانة حرام تئولى حرام لو مصحباه انما احنا بنحب بعض وحتى الى بتصحبهم اقولها دول شكلهم مش كويسين بس هى للاسف مبئتدش تثق فى كلامى خالص من ساعة ما قولتلها على واحد كان صحبها انة مش كويس وبيلعب بيها من سعتها واحنا علقتنا مبئتش زى الاول هى مبئتش تثق فى كلامى خالص وتنفذ حجات غلط فى دمغها وتئولى قبل ما تنفذها وانا ائولها كدة غلط بردو مش بتسمع كلامى وتنفذ الى فى دمغها وبعد كدة كلامى انا بيطلع صح وهى بتندم انها مسمعتش كلامى المشكلة انى انا تعبت نفسى حد يشدنى لطريق ربنا هى على طول كلمها بيبئى عليهم وانا بخاف اقولها اى حاجة لتكون غلط يعنى مثلا تئولى اكلمة ولا بلاش ائوللها بلاش ترجع تسأل تانى ائولها بلاش تفضل تسأل نفس السؤال فبخاف ائولها كلمية لانى عرفة انة غلط فبئولها مش عرفة فبتدايق منى انا زهئت من الكلام فى الحجات دى انا نفسى من كتر الكلام فى الحجات دى بدأت افكر فيها بس انا استحالا اعمل زيها لانى بعرف ربنا وبخاف منة نفسى حد يشدنى لطريق ربنا انا حسة انى بدأت ابعد عنة حسة انى كل ما اقرب من ربنا بتبئى فية حاجة تانية بتشدنى لبعيد عنه انا بجد تعبت اوى وحاسة بالوحدة من جوايا مفيش حد اشكيلة همى خالص هى صحبتى كنت الاول بحكلها كل حاجة بس من ساعت الى حصل وهى مبئتش تثق فيا ولا انا بئيت ائدر احكلها عن اى حاجة جوايا لانها بئت مثلا تأخد الحكاية بهذار وانا مش مصحبا غيرها وماما صحبتى وكل حاجة بس لو حكتلها مشكلة عندى بتفضل شيلهالى فى دمغها وتخنئنى بيها بعد كدة فبئيت دلوئتى على طول كتمة همى جوايا مش بحكية الا لربنا بس بس الانسان سعات بيحتاج لحد من البشر يحكيلة همةفملئتش غيركوا انا ليا حاجة كمان انا مبئاش عندى ثقة فى نفسى خالص يعنى مليش هدف فى حياتى حسة انى عايشة وخلاص مجرد ايام بعديها او آلة الى بحصل انهردة بيحصل بكرة بيحصل بعدة ارجوكوا سعدونى وئلولى اعمل اية وانا اسفة على الاطالة
مشاكل الاصدقاء
صاحبتي متحررة ومش بتسمع نصايحي ليها
اضيف بتاريخ: Tuesday, September 2nd, 2014 في 06:49
كلمات مشاكل وحلول: بنت, مشاكل الأصدقاء
اتفق مع كل ماقاله الاخ -محمدسيد- جزاءه الله كل الخبر وبارك فيه لاازيد على كل ماذكره ففيه الخيروالبركة والصلاح اتمنى من الاخت صاحبة المشكلة ان تعمل بماجاءفيه وتنفذه في حياتها تلقى الخيروالصلاح والتوفيق والرشاد في حياتها
اختي الفاضلة مع احترامي وتقديري لكلام الاخ -محمدسيد- جزاه الله كل الخير على ماقاله لك فهوعين الصواب والراي الصحيح اضافة على ماذكره ان عليك مناصحة صديقتكي هذة وتبيني لها فداحة وخطورة ماتفعله من تصرفات محرمة وغيراخلاقية عليها وعلى اهلها وتحذري من السكوت عنها او التساهل معها اذا كانت لم تستمع لنصائحك وتترك التكلم مع الشباب وتقطع علاقاتها بهم فاذا عندها عليك قطع علاقتك بها تجنبا واتقاء لشرها وفساد عملها لانها ممكن بل اكيد تضرك وتجعلك مثلها اومشاركة لها في هذي التصرفات الغير اخلاقية وتعملي بقوله تعالى – انك لاتهدي من احببت ولكن الله يهدي من يشاء- والله يصلح حال صديقتك ويعصمها من المحرمات والمعاصي ويسترعليكم جميعا
بسم لله الرحمان الرحيم و الصلاه و السلام علي رسول لله صل لله عليه وسلم
السلام عليكم ورحمه لله و بركاته اختي الكريه ارجو انك تقري الي هكتبه
اول حاجه الرسول امرنا اننا نرد كل حاجه لله و رسوله و الله سبحان وتعالي امرنا بكده برضه يعني كل حاجه اعرف فيها راي لله و رسوله الكريم صل لله عليه وسلم في موضوعك مع صحبتك الرسول صل لله عليه وسلم بيقول (( (مثل الجليس الصالح والسوء كحامل المسك ونافخ الكير؛ فحامل المسك إما أن يحذيك، وإما أن تبتاع منه، وإما أن تجد منه ريحاً طيبة، ونافخ الكير إما أن يحرق ثيابك، وإما أن تجد ريحاً خبيثة)) رواه البخاري ومسلم يُحذِيَك: يُعطيك. نافخ الكِير: الحداد الذي يصهر الحديد وينفخه فيتطاير الشرر. يعني كده كده هيضرك و الجليس الصالح كده كده هينفعك انشاء لله المشكله ان احنا بقنا مش بنخطار ابدا مع ان الصوحبيه دي مؤاثره جدا في الشخصيه لان الواحد بيعد مع صحبه اكتر من اهله و تقربا مفش منهج او طريقه للاختيار هوه اي واحد بكلمه بيبقه صحبي لا المفروض كلمته مره او اكتر لاتيه هاثر علي علقطي مع ربنا يبقه اخطار ربنا و يبقه تعملتي معه من بعيد و لان كمان الرسول صل لله عليه وسلم بيقول (( المرء مع من احب)) صحيح البخاري الرسول صل لله عليه وسلم بيقول(( قال ثلاث من كن فيه وجد حلاوة الإيمان أن يكون الله ورسوله أحب إليه مما سواهما وأن يحب المرء لا يحبه إلا لله وأن يكره أن يعود في الكفر كما يكره أن يقذف في النار)) ان لله ورسول يبقوه اغله حاجه عنده و احب حاجه عنده و انه يحب الناس ميحبهمش الي في لله و الحب في لله معنه ان الواحد يحب شخص لصله بالله يعني مسلا لما تعرفي ان في واحده معاكي في الكليه دخلت في الاسلام جديد او مسلا بتتصدق و مش بتاخر فرض فبتحبيها فا المصود ان علاقه الشخص بربه هيه مزان حبك ليه طيب اني واعتي في الحفره و صحبتيك الوحيده مش مؤمنه من خلال كلامك و هتبعدك عن لله بشكل مباشر او غير مباشر الرسول صل لله عليه وسلم امرنا بالامر بالمعروف و النهي عن المنكر و حثنا علي النصحيه و الحمد لله بارك لله فيكي وانتي عملتي كده انتي كده عملتي الي علكي و اداتي وجبك وهيه برضه ربنا مهدهاش الصحاب الي عكس بعض سعات واحد فيهم بياثر علي شخصيه التاني كده كلمك ماثرش عليها صدقني يبقه مع الوقت هيه الي هتاثر عليكي حته لو بنسبه خفيفه فا الاحسن طبعا تبعدي عنها بدل ما تبعدي عن ربنا قلالها ان انت ربنا هداكي و صحبيتك بيها هتبعدك عنه و قوللها ان انتي نصحتيها و بعد كده خلي علقت بيها شبه مقطوه و ضوريه علي انسانه مؤمنه تتبدلو النصايح و المشوره علي بعض و تشدو بعض لطريق لله و تدخلو الجنه انشاء لله مع بعض و هترتاحي نفسيا انشاء لله
بالنسبه لمشكله الوحده او الفراغ او حته في حاله انك مش لقيه انسانه مؤمنه
فا الرسول صل لله عليه وسلم بيقول((نعمتان مغبون فيهما كثير من الناس الصحة والفراغ)) حديث حسن صحيح الفرغ فعلا ممكن بيقه من احسن الحجات في الدنيا او اسوئها الوحده السلبيه زي ماانتي زكرتي انك بضيعي وقت شيفه الحياه ممله لاكن الوحده الاجابيه انك تستغلي الوقت ده علي انك تقربي اكثر من ربنا عن طريق مثلا الصلاه و الازكار و متابعت الدعاه الاسلامين علي النت و التلفزيون انك تحسني من تفسك ومن شخصيتك يعني تحولي انك تكوني شخصيه خليه من العيوب و علي فكره دا وارد جدا ومعني انك خليه من العيوب انك ممكن تغفلي و تغلطي لاكن مره و بسبب الغفله مش بسبب عيب في شخصيتك زي فكرت ان الرجل ليكزب و يتحري الكزب حتي يكتب عند لله كزابا كثير و الشخصيات الي خليه من العيوب مش معنها انها كامله هوه ادنما كتير زي مسلا الدعاه الاسلاميه وطبعا متابعه الدعاه دول علي اليوتيوب خاصتا في رائي ( الحبيب علي الجفري- الشيخ اسامه الازهري-الداعيه مصطفي حسني-الدكتور عمرو خالد((بسمه امل فقط))) وكل واحد فيهم لي قناته علي اليوتيوب هيشدوكي لطريق لله و هياثره علي شخصيتك زي ما اثرو فيا و في ناس كتير جدا وطبعا سماع و قرائه القرءان و البحث عن الاحاديث من النت مضوع نك حسه ان حاجه بتشدك بعيد عن ربنا فااحسن حاجه انك متفكريش لمجرد التفكير امك تعصي ربنا لان اني لو فكرتي هيبقه الشطان هوه الي بيفكرلك- و اهم حاجه الخشوع في الصلاه يعني انك تبقي تحسي كل كلمه بتقولها في الصلاه و تبقه طله من قلبك ولسانك مش لسانك بس- اسف نست ازكر ان الامام الحسن البصري قال (يابن ادم انما انت ايام فان ضاع يومك ضاع بعضك) فمضيعيش يوم اله و انتي علتي عند لله دروجه وقربطي خطو
موضوع هدفك في الحياه
ديمان حنا برضو للاسف بنربط هدفنا بشيئ دنيوي و الهدف غالبا بيكون رقم واحد في حيات الفرد بس الصح ان احنا نخلي هدفنا هوه رضي لله و سعتها هنرتاح في الدنيا و الاخر انشاء لله و سيدنا الحسن وهوه يناجي ربه كان بيقول يا لله مازا وجد من فقدك و مازا فقد من وجدك والحمد لله رب العالمين
أول قاعدة بيعلموها للي بيروح يشتغل في المطافي انه لازم يحاول ينقذ الناس بس في نفس الوقت اهم حاجة انه ميعرضش نفسه للخطر علي قد ما يقدر او بمعني اصح ميجازفش بنفسه لأنه اساسا في خطر و لأنه كمان لو جازف بنفسه فأكيد في يوم هيضيع و بكدة يبقي الضحايا زادوا واحد
صاحبتك متقطعيش كلامك معاها بس متتكلميش معاها في المواضيع دي نهائي خالص لأن حتي كلامكم بيشجعها اكتر و بيساعدها انها تدفن احساس الذنب و كمان بيأثر عليكي بالسلب و بيبعدك اكتر عن طريق ربنا و علي فكرة لو بعدتي عنه مفيش حد هيشدك ليه تاني زي ما انتي متخيلة و مدام انتي مقتنعة بمبادئك خليكي متمسكة بيها و متتكلميش معاها تاني خالص و لو سابتك بسبب حاجة زي دي يبقي مكنش ينفع تبقوا اصحاب اساسا من الاول
السلام عليكم ورحمه الله وبركاته
بصى ياستى
1- اولا البنت ديه باين اوى ان شخصيتها مختلفه عنك شكلا وموضوعا وخاصه ان محور حياتها كله الاصدقاء والصحوبيه .
2- انها لما بتسالك مش مستنيه منك نصيحه هيه عاوزه منك تصريح ان هى صح وانتى مش عاوزه تديها التصريح عشان متخديش وزرها
3- حاولى تتعرفى على اصدقاء جدد نفس مستوى القيم والمبادئ والمستوى التعليمى بتاعك وصدقينى هاتلاقى نفسك تدريجيا بعدت عن صاحبتك
4- لما تلاقيكى عرفت غيرها حد ياما هاتفضل زى ما هيا او ممكن تتغير وفى كل الاحوال انتى الكسبانه
الخلاصه : فى اصدقاء بيخدوك ويطلعوا بيك فوق واصدقاء يخسفوا بيك الارض
للعلم انا لازم اعترفلك ان مشكلتك هيا اكتر مشكلة تقريبا اثرت فيا حاليا من المشاكل اللى قرأتها .. ومبدأيا الكلام اللى هقوله دلوقتى تأقلمى انه هيكون كلام صعب .. لانى ببساطة كانت عندى نفس مشكلتك .. وفى قصتى انا اللى كنت بلعب دورك .. وصاحبى كان بيلعب دور صاحبتك .. انا من النوع اللى مش بضيف بنات خالص بعد معرفت انه حرام وكنت فى علاقة وسبتها بالعافية عشان ربنا .. وعندى اتنين صحابى معندهمش حاجة اسمها حدود .. وزى مصحبتك قالت ( لو مصاحباه يبقى حرام لكن لو حب عادى ) انا اسف فى الكلمة لكن بسبب تعبى كتير من الموضوع دا .. طريقة التفكير دى بتخلينى بقرف !! .. انا حاولت كتير مع صاحبنى انى احاول ابعده عن المواضيع دى .. وكنت بحاول اتحايل عليه بما انه بياخد رأيى فى المواضيع دى اقوله على حلول لمشاكله ممكن يقتنع بيها لكن هيا فى الاصل لو عمل بيها بتخربله الدنيا !! .. كنت بمشى حالى معاه طول المدة اللى قضيتها معاه كدا .. عشان مطولش عليكى .. انا فشلت فى انى اصلح منه !! .. مع انى كان عندى استعداد انى اضحى بحياتى بحالها بس عشان يتغير ويقرب من ربنا ويسيب العادات المقرفة اللى بقت فى المجتمع .. وفكرة التضحية بحياتى دى خلتنى ولاول مرة احس اد ايه ان حياتى رخيصة !! لدرجة انى معرفتش انقذ بيها صاحبى .. دلوقتى مبقتش بشوفه كتير لاننا داخلين 1 كلية وطبعا كل واحد فى كلية لوحده .. ولاول مرة فى حياتى فى رمضان اللى فات اقدر احس اوى بالاية اللى ربنا سبحانه وتعالى بيكلم الرسول (ص) ..(( انك لا تهدى من احببت ولكن الله يهدى من يشاء )) .. ولما بدات احس ان ثباته على موقفه هيبدأ يأثر عليا .. من ضعفى كأنسان ملقتش حاجة فى ايدى اقدر اعملها غير انى انقذ نفسى !! .. ببعدى عنه واحدة واحدة .. على الاقل البعد عن مناقشته .. حصل معايا نفس اللى حصل معاكى ولقيت نفسى بدات اتجر .. عشان كدا قررت اغير بعدها من حياتى واحط هدف لحياتى .. والهدف اللى اختارته اعتقد انه هيبقى مناسب جدا ليكى انتى كمان .. انا قررت بعد كل دا انى اتعلم واشتغل واكسب فلوس كتير .. وبعد معمل كدا قررت انى هحاول انشر الخير والعدل والسلام فى الدنيا قدر الامكان لحد مموت !! .. بدات كل احلامى دلوقتى تختلف .. بدات احلم انى ببنى دار ايتام واتعامل معاهم بنفسى على انى ابوهم كلهم .. وعشان الحلم دا يتحقق انا حتى مستعد انى متجوزش خالص بس مقابل انى اربى الاولاد دول على ايدى واتفرغ لرعايتهم .. عشان لما يبكروا واقولهم الحاجة دى حرام يقولو حاضر .. وميحاولوش يتحايلو على احكام الله زى معمل صاحبى او صاحبتك .. بدات احلم انى بنيت جامع .. وعملت جمعية خيرية فيها انشطة كتيرة .. صدقينى احلى حاجة فى الدنيا ان حلمك يبقى شبهك !! .. وفى الكلية باذن الله ابدأى صاحبى بنات شبهك عشان تبقو مع بعض يوم القيامة على منابر من نور كمتحابين فى الله .. باختصار حل مشكلتك انك تتأقلمى انك تدورى على رضى الله حتى لو فى رضاة بعد عن الناس مهما كانو غاليين …