مشاكل الاصدقاء

الصداقة المزيفة

دلوقتي انا عندي صاحبه تقريبا من سنه ونص
والمهم فضلت مع الايام علاقتي تتحسن معاها لحد ما وصلنا لمرحله اننا كنا بنحكي لبعض كل حاجة ولما قربنا لبعض اوي كده بدأت شخصيتها الحقيقية تظهر وقد ايه هيا مش كويسه وقد ايه هيا بتتكلم عن الناس وحش من وراهم وفارضه عليا اشاركها الحوار وحتى لو بتظهر انها كويسه قدام الناس بس بتروح تشتم فيهم من وراهم وتوقع بينهم وكأن الغل اللي جواها بيمنعها تشوف اي حد مبسوط ومن الناحيه الاجتماعيه مع الولاد اكتشفت ان ليها كلام كتير مع ولاد كتير وعادي ولما تدخل تحكيلي وانا احاول ابين عدم اهتمامي تتقمص
ده غير انها عاوزه تعرف كل حاجة عن حياتي بما فيهم خروجاتي مع خطيبي واي تحرك ولا اي كلام ليا مع اي واحده تانية
دلوقتي انا كل يوم احس اني ببعد عن ربنا واني بعمل حاجة غلط لمجرد اني اعرف واحده زيها وان معظم كلامها معايا عن الناس وطول الوقت بتنم وتشتم فيهم
وفي نفس الوقت وبالرغم من معرفتي بناس تانيه بس ميعتبروش اصحاب ليا
انا كل يوم بفكر اقولها اني عاوزاها تخرج من حياتي بس خايفه ابقى لوحدي من غير صحاب
خايفه ملاقيش حد يوقف معايا في فرحي ويوقف معايا لما احتاج حاجة
وفي نفس الوقت وجودها حمل عليا في حياتي
ومش عارفه اعمل ايه او اتصرف ازاي
من فضلكم حتى لو الموضوع بالنسبالكم بسيط او تافه
لو حد عنده حل او اقتراح او حتى كلمه تريح ميستخسرهاش فيا

مشاكل وحلول ذات صلة

اضيف بتاريخ: Sunday, August 13th, 2017 في 10:08

كلمات مشاكل وحلول: , ,

3 رد to “الصداقة المزيفة”

  1. روان
    13/09/2017 at 18:55

    ارجع اقولك لتتتتتتتنبيييييييه !!!!!! الحيييييييييييييييييييييييياه ماتوقف على البشر بإستثناء أهلك طبعا غيرهم حطيهم تحت جزمتك وامشي ولاتفكري

  2. مازن
    13/09/2017 at 18:52

    ياحبيبتي انا عايشه حياتي من صغري من غير صديقات ابدا وعادي الحياه ماتوقف على الناس عيشي حياتك لربك ثم لنفسك الناس مامنهم الا المشاكل والحسد والسحر والحقد والانتقام

  3. ابوالبتول
    15/08/2017 at 22:32

    الصداقة شي كبير ومهم في حياة الانسان ولااحد يستغنى عن وجود الاصدقاءفي حياته بس علينا نحسن الاختيار الجيد للاصدقاء اوالصديقات من ناحية الدين والاخلاق والتربية والسيرة الحسنة مع الاخرين وطريقة التعامل معهم كلهذا مطلوب وجوده في الصديق اوالصديقة لكن صاحبتك دي فاقدة لهذا كله ولانصحك بالاستمرار في صداقتك لها كل اللي ذكرتيه عنها من صفات وتصرفات غيراخلاقية وسلوك وطباع مشينة توكد انها فتاة غير محترمة وبلااخلاق ولاتستاهل ان تكون صديقة امينة ومخلصة لك بل العكس ربما تضرك اكثر وتوقعك في اشكاليات واحراجات مع الاخرين بحكم انك صاحبتها وصديقة لها كلامها الوحش عن الناس والغيبة والسب والشتايم للاخرين وايضا كلامها مع الشباب يدل على سوءاخلاقها وتربيتها ومستوى الانحطاط اللي هي عليه هل ترين انها جديرة بصداقتك لها تبقى غلطانة جدا ولاامل في اصلاحها اوقبولها النصائح منك اومن غيرك اللي فيه طبع ماييغير طبعه ومن شاب على شي شاب عليه من الافضل انك تقطع علاقتك بها وتنهى تلك الصداقة معها للابد وهتلاقي بنات اخرين محترمات ومودبات وعلى دين وخلق وتربية حسنة دول هم الصديقات الصالحات اللواتي يتشرف الواحد بصداقتهن ومعرفتهن

اترك رداً أو حلاً لهذه المشكلة