اولا انا مشكلتي انا مش عارفة احب اي حد .. برود تام .. حصل مشاكل معايا كتير اوي قريبي بيحبني جدا و كنا بنتكلم زمان علي اساس اننا مرتبطين و اهله عارفين و انا والدتي كانت حاسة بس المشكلة اني اتغيرت اول ما دخلت الجامعة معرفش ده سببه ايه بس حبي قل رغم انه كويس معايا بغض النظر عن بعض العيوب الي انا اكيد عندي ضعفها .. بفتعل مشاكل مش موجودة اصلا و اتخانق معاه عشان يبعد عني من غير ما اجرحه او اظلمه بس هو متمسك بيا .خايفة اخد قرار و اندم اني ظلمته و اندم اني مش هلاقي حد كده بعدين و خصوصا اني معنتش عارفة احب حد تاني .
المشكلة التانية ان كان في واحد بيحب صاحبتي و هي سابته و اتخطبت و هو كانن بيستعين بيا عشان اقربهم من بعض بس اول ما سابته انا قفلته في الكلام عشان معدش يخصني في حاجة بس حسيت انه بيقرب واحدة بواحدة و بعدها لقيته بيحكيلي عن حياته و حسيت ان هو شخص مريح فضلت اقفله لحد ما حصلت مشكلة مع قريبي فحكيت للشخص التاني عنه .. حسيت انه مضايق او غيران و طول الفترة دي كان بيحاول يقرب مني لحد ما اعترفلي بحبه و انا حسيت اني اتشدتله بس ضميري مأنبني عشان قريبي و عشان صاحبتي هي اه اتخطبت و مكنتش بتحبه بس انا عمري ما كنت احب احط نفسي في موقف زي ده ..
انا مش عارفة اقفل حد في الكلام و بخاف اجرح او اظلم حد افضل شايلة الذنب .. دلوقتي معلقة شخصين بيا و الاتنين عايزين الموضوع يبقي جد و جواز و انا مش عارفة اعمل ايه الحل الصح اني ابعدهم هما الاتنين لاني بالمنظر ده اكيد مش بحب حد منهم بس برده مش عارفة اجي علي اي حد و حاسة اني خاينة و وحشة اووووي و مستاهلش اي حاجة من الي بيحصل ده
مشاكل البنات النفسية
تأنيب الضمير ومعلقة شخصين بيا
اضيف بتاريخ: Tuesday, December 22nd, 2015 في 17:38
كلمات مشاكل وحلول: الحب, الزواج, بنت, شاب, مشاكل
مشكلتك كتير قريبه من مشكلتي لا بالعكس انتي مش مكبره الموضوع انا بعرف شعورك هاد بتحسي انك شخص سيء وبتحسي كمان انك عم تضيعي مستقبلك لانو ماعم تقدري تاخدي قرار انا بصراحه من فتره كتسر قصيره كنت عم عيش نفس تجربتك وقررت اترك الشخصين وحتى لما تركتن مازعلت كتير بس كان جواتي شعور خايفة اندم لان ضيعتن بس بنفس الوقت خلصت من شعور الضياع والتردد الي كنت عم حسو وتأكدت انو مافي شب بيبكي على بنت وماحدا بهمو غير حالو شوفي مستقبلك وكل شي بيجي ..هي نصيحة مجرب بتمنالك التوفيق حبيبتي
تأنيب الضمير ومعلقة شخصين بيا
أنتي مش معلقة شخصين بيكي ولا حاجه كان المفترض تذكري عمرك لأن للأعمار دلائل على عرض المشكله وطرح حلول لها – لكن عموما أنتي عرضتي مشكلتك بطريقة دقيقة وبما أنك حساسة حبتين فأنتي تشعرين بتأنيب الضمير في الأمور عامة – لا ياختي محدش بيبكي على حد ولا ترهقي نفسك بفكر ولا تشغلي بالك بحد اللي عايزك هييجيلك ويصمم عليكي ويفترس من يعترض طريقه في الوصول إليكي سواء قريبك أو غريب عنك – هي الحسنة عندك أن من يقترب منك ينجذب اليكي بدليل قريبك المهتم بكي منذ الصغر أمام مرأى ومسمع من أهلك وصاحب الدم الخفيف التاني اللي تركته المزه بتعته وبدأ يلف ويدور عليكي بردو عايز يشم ورد حديقتك – أجمل شئ أنك بادرتي بإرسال ما اعتبرتيها مشكله هي مس مشكله ولا حاجه لكن انتى من مشكلتيها وأنتي من عملتي من الحبه قبه بس انتي مستمعة جيدة لمن يطرق بابك لعرض خواطره احسمي هذه النقطه وتهربي منها فقد يدخل حياتك ذئب يستغل ودانك اللي بتسمع كويس أوي وتحصل حاجات كتير وتعلقي معه فإحدى طرق الحب هو ما أبذله لأجلك أو تبذلينه أنتي لأجلي – إقرأي كثيرا في المشاعر والسلوكيات فهذا يضئ طريق الحب أمامك فتختارين صح الصح ولا تقعين إلا وأنتي واقفه – أما بالنسبة لحيرتك في الإختيار وتحديد مصيرك مع أيهما فرأيي أن قريبك مناسب ليكي من زوايا كثيرة جدا وأهمها الأهل – بس متتعجرفيش عليه وحبه حبه عليه – ومفيش حد معندوش أخطاء توكلي على الله وخديه قبل ما واحده تلطشه منك – وربنا يسعدك وثقي انك ستعيشين معه سعيده بإذن الله
ياعزيزتي قريبك اولى لك من الغريب يقدريصونك ويحافظ على كرامتك واهلك عارفينه وراضين به لماذا العناد والمكابرة وتخيل حاجات واهية وغيرمقبولة اطلاقا توكل على الله وارضي بخطوبتك لقريبك اللي يحبك وشاريك بالغالي واترك الثاني حبيب صاحبتك ده شخص انتهازي ومحتال لما شاف ان صاحبتك رفضته وتخلت عنه واتخطبت لواحدغيره جاي يرسم عليك انت ويمثل عليك دور الحبيب العاشق المتيم بحبك المثل يقول- لوكان فيه خير مارماه الطير- اقطع علاقةبه نهايةوللابد وربي يوفقك ويسترعليك ويسعدك