السلم عليكم,
انا عندي 22 سنة و عندي اخت عندها 18 سنة . الحمدلله احنا الاتنين حلوين بس يمكن اختي احلي مني شوية. و احنا صغيرين كنا قريبين قوي مع بعض و نلعب مع بعض و نخرج مع بعض بس اختي كانت دايما تنتقدني في كل حاجة و خصوصا في الشكل و تقولي اني مش جميلة و انا شخصيتي حساسة جدا فا كنت كتير بعيط لما تقولي كدا و فضلت تنتقدني لحد ما كبرنا و تقولي ان صحابها بيقولولي اني مش حلوة و افضل اعيط و تقولي انتي بتعيطي عشان عارفة انك مش حلوة لحد ما في مرة قررت اني هتجنبها علطول و مش هعد معاها في مكان واحد و احاول متكلمش معاها كتير عشان متضايقنيش لحد ما فعلا بعدت خالص و احنا كبرنا و دلوقي مش قريبين من بعد خالص زي اي اخوات طبيعيين و لا بنخرج مع بعض و لا بنتكلم و لا اي حاجة و دايما الناس بيستغربوا اننا مش قريبين من بعض و هي نفسها كتير بتحاول تقرب مني و بتقولي انها نفسها نبقس قريبين بس انا جالي عقدة منها و خايفة اقرب منها تجرحني لان يمكن هي الوحيدة في حياتي اللي علطول بتنتقدني و نقدها بيفرق معايا لانها اختي . هي لسة لحد دلوقتي رغم اني متجنباها علي قد مقدر بس بردو كتير بتنتقدني و تحاول تضايقني . انا بحاول اتجنبها علي اقد ما اقدر لدرجة اني مركبش مع مامتي العربية لو هي ركبة و لو ركبت احط سماعات في ودني عشان مسمعش بتقول ايه و ببقي مضايقة لو مسافرين في مكان عشان لازم نكون مع بعض طول الوقت بس فرمضان بكون نفسي افطر في اوضتي و مافطرش معاها بس مامتي بتقولي انا هاخد دنوب رغم انها عرفة انا مش بحب اعد معاهم ليه و انا خايفة اخد دنوب فعلا بس اكيد ربنا عارف اني مش عايزة اضايق نفسي , حتي في علم النفس انا بقرا ان المفروض نتجنب اي شخص سلبي او بيحاول يحطمك نفسيا , المشكلة بس انها اختي!!!! انا بصراحة و انا بعيدة عنها مبقتش ادايق زي زمان . فانا عايزة اعرف كدة باخد زنوب علشان بتجنبها او لا و لو باخد ذنوب ايه اللي المفروض اعمله؟
مشاكل البنات النفسية
اختي دايما تنتقدني و شايفاني مش جميلة
اضيف بتاريخ: Tuesday, May 17th, 2016 في 14:49
كلمات مشاكل وحلول: بنات, بنت, شاب
قولي لها يكفى أننى أفضل منك لسانًا وأصدق منك إحساسًا وأطهر منك قلبًا، وعندما تتحادث زميلاتها عنكِ قولى لهن ولها : لم أطلب رأي من هم أقل منى شأنًا والرد على السفيه مذلة وأنا فى غنى عنها
ترجمى الكلام ده كل بئا بلهجتنا
كلميها بنفس الطريقه اللى بتكلمك بيها 🙂
ولما تعرف ان الطريقه دى بتدايق هتبطل تعمل كده معاكى..
انا اختى كانت برضو ترخم عليا وانا بسكتلها..وفى يوم قررت انى اعاملها زى مابتعاملنى وهى عرفت بعد كده ان الاسلوب دا بيدايقها فمابقت ترخم عليا عشان مارخمش عليها D:
احسن طريقة عشان تتعاملي معاها هي انك تشوفي نوعية الكلام اللي هي بتقوله و يضايقك و قوليه ليها كأنك بتتكلمي معاها عادي
ساعتها هتفهم ان ممكن الكلام اللي بتقوله بحسن نية يكون تأثيره وحش ع النفسية و بيضايق و ساعتها هي هتبطل من نفسها و تبقوا كويسين مع بعض
اختي الفاضلة الجمال مش جمال الشكل لا الجمال الحقيقي جمال الروح خليك عارفة الشي ده ومومنة به واختكي الصغيرة دي غلطانة لماتتفاخر بجمالها وتغتر به ممكن يكون نقمة ووبال عليها وانتي احسن منها باخلاقك وتربيتك الفاضلة واحترامك وتقديرك للاخرين متى ماحافظتي على كلهذا انت اجمل منها الف مرة ومش عاوز هالشي ياثر عليك اوعلى علاقتك بااختك لالالا تقربي منها وحبيها وتمنى لها الخير والتوفيق وخليك قريبة منها ذكريها بالله عزوجل ورغبيها في العبادات من صلاة وصيام وقراءة للقران والبر للوالدين وصلة الارحام وتترك الغرور والتكبر والسخرية والاستهزاء بالاخرين وتبعدعن الفتن والشبهات والنظر للمحرمات اوالوقوع فيها وعدم الاختلاط بالشباب والحفاظ على الشرف والكرامة وسمعة الاهل والله يولف بينكم ويحببكما لبعض ولايفرق بينكما ويسعدكما في هذي الحياة ويرزقكما الازواج الصالحين عماقريب باذن الله تعالى
اختك كتير غلطانة معاكي وتصرفاتها معاكي بتدل على عدم التزامها بالدين ومابتخافش ربنا يجب عليكي الاكثار من ذكر الله والالتزام بالدين وتعلمي اختك اخلاق الاسلام وتذكريها بقولة تعالى يا ايها الذين امنوا لا يسخر قوم من قوم ،،، وقولة علية الصلاة والسلام في حديث المفلس يوم القيامة من ياتي بصلاة وصيام وصدقات واعمال صالحة وقد شتم هذا وسب هذا وضرب هذا واخذ مال هذا ثم يؤخذ من حسناتة لهم فاذا فنيت حسناتة اخذ من سيئاتهم لة فطرح في النار ،،،،فلا تقطعي صلتك بها لانها قطيعة الرحم وحاولي تذكريها بالله عسى الله يهديها