مشاكل البنات النفسية

بزعل لو حد قال على بنت جميلة

انا بنت عندي ١٧ سنة، مشكلتي اني بهتم بشكلي اوي و كل حياتي بعتمد فيها علي شكلي .بزعل اوي لو في حد قال علي بنت ماشية معايا جميلة و مقليش و بفضل افكر في الموضوع طول اليوم و مش بستمتع باليوم. بس انا براقب صحابي و بشوف ايه رد فعلهم لو حد قالي اني جميلة و مقلهومش و بلاقيهم عادي مفيش حاجة فبحس اني مش طبيعية. انا كمان و انا ماشية مع صحابي بركز في نظرات الناس من ولاد و بنات، لو بصوا لصحبتي اكتر بدايق و لو بصولي بفرح. لو سمحتم حد يقولي اللي ان في دة ايه.انا مكنتش كدة و انا صغيرة و عمري ما شفت حد عنده نفس المشكلة دي. ارجوكم ساعدوني

مشاكل وحلول ذات صلة

اضيف بتاريخ: Wednesday, February 16th, 2011 في 11:10

كلمات مشاكل وحلول: , , , , , , , , ,

19 رد to “بزعل لو حد قال على بنت جميلة”

  1. El princessa
    10/08/2016 at 01:51

    انا واثقة انك جميلة بس مش شرك انك وانتى ماشية الشباب او البنات كلهم يبصولك انتى عادى ممكن تبقى انتى احلى من صحبتك ويتبصلها هى احلى منك كل شاب بيشوف البنت حسب مواصفاته مش شرط الاجمل اللى يتبصلها:):):):):):)

  2. البرنس
    29/02/2016 at 09:49

    عوزك تقري القصة دي والله انهاحقيقية حصلت واللي قالها لي رجل صالح الكل يشهدله بالصلاح والايمان قال كان في رجل فقير على قدحاله عنده 2بنات في سن ال24سنة تقدم لخطبة احدى البنات شخص ميسورالحال وغنى ومن عيلة كبيرة فجاءالشاب ولم يخبر الاب انه يريد الزواج من اي واحدة من البنات اتي لكي يتعرف على الاهل وظن الاب انه اتي لخطبة احدى البنات وعندماقدم لهاواجب الضيافة دخلت احدى البنات وكانت جميلة جدا والكل يفاخر بجمالها وكانت حامل صيينة الشاي فلم يهتم الشاب لها ولم يبالي بها وانصرفت وجاءت البنت الاخرى وكانت عكس اختها لاجمال عندها تماما فقدمت له بعض المعجنات والمكسرات وانصرفت بعدهاقام الشاب واستاذن بالانصراف فلم يفهم الاب ماذاكان يريدالرجل من زيارته تلك بعدمضي 3شهور جاءالشاب برفقة ابوه لزيارةذلك الرجل واهله فقبل ان يجلسا قال ابوالشاب اني جاتك خاطبا لابنى هذا ونرغب ان نصهارك يارجل فقال الرجل اهلاوسهلا بكما فظن الاب ان الشاب يرغب في البنت الجميلة فامرهابالدخول وتقديم القهوة فعندماجاءت قال الشاب لابيه ليست هذة وانمااختهاالاخرى فظن ابوه انها ربما تكون اجمل من اختها واحسن منها بكثير فقال الاب الك بنت اخرى قال الرجل نعم قال اين هي قال موجودة قال الاب دعهاتاتي فجاءت البنت الثانية فدهش الاب فقال لابنه اههذة التي تقصدها قال الابن نعم ولكن ليست بمواصفات اختهايابنى قال الشاب انت تعرف ياابي اني مااخترتهاالاوانا اعرف انها خيرلك من اختهاالاولى وان الجمال عندي ليس بالشكل ولابالصورة وانماالجمال هوجمال الروح وقدارتاح قلبي لها وارغب في الزواج منها وفعلا تزوج منها وعاشت معه في خيروسعادة ابدية امااختهاالجميلة جدا فقدتزوجت هي الاخرى من رجل وسيم وجميل مثلها ولكنه بلااخلاق ولادين وكليوم مشاكل معه وخلافات جتى ادت بهاالى الخيانة مع رجال اخرين وافتضاح امرها ومن ثم طلاقها وجلوسهافي بيت ابوهابدون زواج رغم كل ماتملكه من جمال لايوصف فهل وعيت الدرس واخذتي الغبرةوالعظة من كلهذا اتمنى ذلك

  3. بسوم محرز
    04/06/2013 at 14:47

    اكيد لما بتبقي ماشية مع صحاباتك بتكوني عايزة الناس يبصولك انتي وبس علشان انتي جميلة بس انا عايزة اقولك حاجة ان الجمال مش جمال الشكل لكنه جمال الروح اكيد شباب الايام دي مش يهمها جمال الوح ولكن يهمها جمال الشكل ولكن انتي تحولي انك متلفتيش انظار الناس حتى لو كنتي جميلة وعايزة اقول لكل بنت ربنا خلقها عايزة اقولها خلي عندك ثقه بنفسك دائما انك جميلة

  4. ابواميرة
    31/12/2012 at 13:17

    انت عندك نرجسية زايدةعن اللزوم وهي انك تتخيل مافي احد احسن منك ولااجمل منك لافي اللبس اوالشكل اوفي اي حاجة اخرى وهذامرض يعقد صاحبه ويجعله مكروه ومنبوذ من جميع الناس انصحك بعدم المبالغة في مدح نفسك اوالتصور في انك احسن من ناس دول وخلي عنك الكبروالغرور والمبالغة في الزينة واعلمي ان الجمال الحقيقي هوجمال الروح والاخلاق الحميدة وليس جمال الشكل

  5. حلال مشاكل
    15/01/2012 at 00:40

    انا بئولك انو كل ال كمان بكون عندك مرض نفسي الله يشفيك ويشفي الي متلك (الهن امين)بنات متلك ما تاكلي هم من هالجهة

  6. NONO
    23/10/2011 at 20:52

    بوصى كل البنات كدة فعلا انا عندى نفس المشكلة بس عادى خليكى وصقة من نفسك وحولى تتلاشى اى بنت تكون شايفة نفسها لانها هتديق لانها بتكون شايفة نفسها احلى بنت فى العلم وتكون اصلا جربان تمام انتى خلىكى واثقة من نفسك وخلاص كدة وانتى ربنا مديكى نعمة بتسمعى بتتكلمى بتشربى رتشمى فاحمدى ربك على الهدية الى اديهالك وبس غيرك ربنا مش مديلو الهدية دى وعايش حياتو سعيدة جدااااااااااا خليكى واثقة من نفسك بس

  7. هاى
    29/04/2011 at 05:16

    طبيعى كل بنت بتبقا عايزة تبقا اجمل من اصحابها و لبسها احلى و شعرها احلا و هى مبتبقاش فرحانة انها تتعاكس عشان المعاكسة لانه شئ مقرف هى بس بتفرح لما تتعاكس بشئ واحد لانها بتحس انها جميلة ده بس السبب و انتى دايما عايزة تبقى احلى فى الشكل و اللبس ديه طبيعتك و كل البنات اللى مهتمين بشكلهم كدا بردو فيه بنات مش مهتمين بشكلهم بيبقوا عايزين يبقوا احلى فى الدراسة او القرايا او التكنولوجيا كل انسان ليه حاجة بيبقا عايزة يبقا الاحسن فيها و لو لاقا حد احسن منه فيها بيتدايق و اكتر البنات الحاجة اللى عندهم ديه هى شكلهم

  8. ملاك السعادة
    27/04/2011 at 22:01

    هههههههههههههههه كل البنات كدة على فكرة ماتفكريش انك بس كدة بس انا هاقولك حاجة انا لاحظتها الولد لما بيشوف واحدة حاطة مكياج اوفر و لابسة محزق يقول عليها ماحصلتش حتى لو وحشة المهم انتي تقتنعي في داخلك ان جمالك مش في شكلك و لبسك و مظهرك و انك مش محتاجة ان حد يعاكسك عشان تعرفي انك حلوة انتي ارقى و اعلى من انك تنزلي مستواك للذئاب اللي مش بيشبعوا من النظرات و المغازلات في اي واحدة مزوقة نفسها عشان تعرض نفسها عليهم و صدقيني الجمال الداخلي اهم بكتير

  9. sa7bet el moshkela
    06/03/2011 at 20:23

    ميرسي ليكم اوي بجد..انتوا فعلا كلامكم ريحني اوي لان انا بجد كنت ابتديت اتعب من الموضوع دة عشان بياثر علية في كل حاجة في حياتي و مبقتش بعرف اتبسط.

  10. IvIeSsa
    05/03/2011 at 04:20

    خلي عندك ثقة في نفسك أكتر من كده شويه وساعتها مش حتهتمي برأي الناس وخدي بالك لولا إختلاف الأزواق لبارت السلع وأنا مش بشبه البنت بسلعه لا خالص بس تسبيه او كناية عن المعنى المطلوب كل الرجال بيحب البنت بمواصفات معينة ولو أي بنت تانيه غير المواصفات دي حتى لو أحلى او أجمل مش بتعجبه والعكس برضو..

    البنات كلها بتستعيد ثقتها في نفسها من المعاكسة ولا لما حد يبصلها.. بس صدقيني كده غلط أوي لأنك كده كلمة حتوديكي وكلمة حتجيبك..

    لازم تبقي واثقة إن ربنا خلقت في أحسن تقويم أنتي لا ناقصة إيد ولا ناقصه رجل علشان ثقتك تبقا ضعيفة كده في نفسك وبعدين البنت بأخلاقها وعفتها وحيائها مش البنت إللي بتدور ع المعاكسات..

    أنا واحده من الفيميلز الحمد لله أكبر منك بحوالي 5 سنين وأكيد كنت في سنك بس والله ماحد شافني غير لما قال اني جد اوى بمشي مش ببص جنبي او ببقا ماشيه متوهه مش بركز مع الناس وف الكلية لما ماكنتش بسمح لحد يعدي حدوده معايا دمها تقيل او مغرورة وكنت ببقا فخورة اوى بالكلام ده لان كده محدش يعرفني علي حقيقتي غير الناس المقربون ليا اهلى واصحابي والانسان اللي مرتبطة بيه (زوجي) هو نفسه كان بيبقا فخور بالموضوع ده لدرجة انه كان بيقولي صحابي كلهم بيحسدوني عليكي ولما كنت بخرج مع حد لاول مرة من باقي الأصدقاء اللي ماتعملتش معاهم شخصيا الكل بيقول كلام جميل وبيحبوني اكتر بس الغريب ديما شايفني جد اوي وكشريه والاهم انه ديما متأكد اني صعبة اوى وصارمة .. مع انها صفات اغلبها مش حقيقية بس علشان واثقة في نفسي فمش بيهمني..

    علي فكرة مش بالجمال أنتي تلاقيكي عسولة أصلآ ولو علي موضوع الثقة تعالي اعاسك انا زي أختك بس الاهم ماتهتميش بكلام الناس.. علشان حيجيبك ورا

  11. هدهدة
    03/03/2011 at 03:41

    مش بس انتي الوحيدةالى كدة في بنات كثيرةكدهمتحوليش تبصي للى حواليكي ومتبينيش انك متضديقة خالص

  12. نادين شادى
    27/02/2011 at 19:12

    مفيش مشكلة ولا حاجة خلى عندك ثقة بنفسك ومش لازم الناس تشوفك ملكة جمال المهم لما يجي نصيبك ده بس اللى يشوفك ملكة ومتوجة كمان وانصحك باللبس الشرعى فلا تبدين زينتك الا لزوجك فى المستقبل باذن الله

  13. enny moslem
    18/02/2011 at 19:19

    كل القصه ان فيكي سمات المراهق بوضوح جدا
    تحبي الاهتمام بالمظهر والاشاده بجمالك والغيره

    كل دا طبيعي جدا
    وممكن تكون صاحباتك معظمهم كدا والاكيد ان معظمهم كدا
    مش شرط انه ينكتب علي وشهم غيرانين يعني
    الاهم انك تحاولي مش تفكري في كده كتير علشان مياثرش علي نفسيتك

    وانا ع فكره ايام ثانوي موتي وسمي الاقي واحده تجاوب سؤال اكون مش عارفاه
    دلوقتي عااااااااااااادي

    خدي الموضوع ببساطه

  14. DaRwasha درش
    18/02/2011 at 01:00

    شوفي كل البنات بيبصوا لبعض ولاحظي لو اتنين واقفين وواحدة لابسة شيك وعاملة مكياج وهي اصلا وحشة وعدت من قدامهم هيبصولها وهيتكلموا عليها انا عن نفسي رجل بس بشوف الموضوع دا كثير هههههههههههههه والله بتكلم بجد جداااااااااااا فاعادي اعتقد ان دي طباع وانا عايز اقولك حاجة بقي متهتميش بكلام الناس ولا ببصاتهم انتي شايفة نفسك انسانة وحلوة ظاهريا وباطنيا يبقي خلي ثقتك في نفسك اكبر من كدةومتستنيش حد يقول عنك حلوة لانك انتي شايفة اللي هتسمعية اللي بيمشي ورا كلام الناس وبصاتهم بيتعب بجد وبيحس نفسة مريض نفسي وسطهم انا بقولك الكلام دا بكل صدق

    ان شاء الله تتحل مشكلتك

  15. ايمو العمده
    17/02/2011 at 12:11

    سيبي الموضوع ومتفكريش فيه لانه لما يجيلك نصيبك مش هيبص علي شكلك لاكن هيبص علي الي جواكي

  16. za2ira
    16/02/2011 at 21:03

    salam,kont ba3ani min mochkila di zayik bi dabt,3achan bachouf nafsi gamila,moch 3awza asma3 7ad y2ol 3ala bint jamila zyada,bass ma3a lwa9t,lmochkil da mab2itch a3ani mino ktir,ana 3omri l2an 22 sana,atmana ma3a morour lwa9t y2ill w tirja3i zay lfoll,salam,

  17. توتا
    16/02/2011 at 20:07

    بصى انتى بس انتى كدة هيبقى عندك غل من اى حد ودة مش حلو لازم يكون عندك ثقة فى نفسك حتى لو محدش بصلك خالص متهتميش بنظرات الناس البنت الواثقة فى نفسها بتكون مرتاحة لاكن انتى هتتعبى من كتر الغل والغرور اللى هتحطى نفسك فية متزعليش منى

  18. نور عيني
    16/02/2011 at 18:11

    اولا ازيك انا بنت زيك ولعلمك انتي طبيعيه خالص لان اى بنت كدا وانا كمان كدا وكل البنات كدا لازم نحس اننا ملكات زمانا طبعا المهم ولا يهمك وانتي زى الفل واهتمي بنفسك اكتر وثقي في نفسك وحاولي وانتي ماشيه مع صحابك دول تسيطرى علي اللي حاوليكي الفتي نظر اللي حاوليكي بالطريقه امشي مبتسمه وهزرى وكدا فهمتي هاستنه منك رد لرائي

  19. سهام
    16/02/2011 at 15:17

    اقولك السبب لانك مهتمه بنفسك زياده زى مابتقولى وشايفه انه بعد ماتهتمى بنفسك كده ازاى ماتعجبيش الناس ويعجبهم حد غيرك
    مش عارفه اقولك ده غرور ولا بس حتى لو مغروره المفروض يكون عندك ثقه زياده فى نفسك وخاليكى طبيعيه زى باقى صحباتك
    المهم دلوقتى مشكلتك دى ها تتحل يوم ما يتقدم لك شخص مناسب وترتبطى ووقتها مش ها يهمك اى حد فى الدنيا الا هو
    ودى مرحله وها تعدى انشاء الله

اترك رداً أو حلاً لهذه المشكلة