مشاكل البنات قبل الزواج

رفض عريس بسبب شقته

انا بنت عندى ٣١ سنه. على قدر كويس من الجمال ، خريجه تجاره انجلش.. جالى عريس مهندس اتصالات عندة ٣٦ سنه جبهولى زميل ليا فى الشغل وبيشكر فيه جدا بيقول انه انسان طيب ومحترم اوى.شفناه انا وماما بره فى نادى وطلع كويس اوى ومحترم بس ماما رفضاه لان شقته ١٠٠ متر بس ومعندوش امكانيه يجيب شقه اكبر وانا متمسكه بالموضوع بقولها طيب نشوف اهله ونتعرف عليهم يمكن يكونوا كويسين لكن هيا رافضه وبتقولى لو يجيب شقه اكبر يبقا ساعتها ممكن نشوفهم لكن شقه صغيره كدة مرفوض. حاولت اقنعها معرفتش بجد مش عارفه اعمل ايه؟ انا عايزة الموضوع لانى شايفاه كويس .. ساعدونى…

مشاكل وحلول ذات صلة

اضيف بتاريخ: Sunday, July 10th, 2016 في 08:54

كلمات مشاكل وحلول: , , ,

6 رد to “رفض عريس بسبب شقته”

  1. Osama tawheed
    15/10/2016 at 08:13

    اختي الشقه أو الماديات عموما ليست كل شيء صحيح أنها مهمه ومهمه جدا ولكنها ليست كل شيء فهناك الكثير ممن يملك كل شيء ولكنه غير سعيد لأن السعاده هي عملية نسبيه تختلف من شخص الي اخر ولكن هناك بعض الأشياء المعنويه قد تكون السبب الرئيسي لها وهي القناعه والرضا بالواقع والمقسوم والثقه بالنفس فكوني داءما كذلك راضيه بوضعك مقتنعه به وحاولي إقناع أمك بذلك لأن المستقبل بيد الله وحده ولا أحد يعلم مايحمله لنا الغد غير الله سبحانه وتعالى

  2. mostafa
    17/07/2016 at 07:17

    اعتقد دي فرصة مش هتتكرر و مدام الاعتراض كله ع الشقة او المساحة فدي حاجة تخصك انتي لانك هتعيشي فيها انما لو كان علي اخلاقه او اهله كان ساعتها يبقي فيها كلام تاني

  3. ملكه جمال
    11/07/2016 at 15:57

    امسكي امك وحكيلها انا شايفته كويس وانا مش مهم عندي المصاري احكيلها انا رح يفوتني قطار الزواج وحابه اشوف ولاد

  4. الحمد لله
    10/07/2016 at 20:50

    السلام عليكم ورحمة الله بصى اولا ،،١٠٠ متر موش صغيرة فيه شقق ،٨٠ متر والناس متجوزين فيها المهم الشهادة والهنا تانى حاجة قدام الشخص كويس ومحترم ويراعى ربنا فيكى و على نفس مستزاكى والاجتماعية والاقتصادى خلاص يبقا مفيش مشاكل ثالثا بس محبتش اقلها من الاول ٣١ موش صغيرة عشان ترفضى حد كويس حاولى تقنعى مامتك بيه وربنا المستعان

  5. ابوالبتول
    10/07/2016 at 14:44

    اختي تفكير امك خاطي ربنا يهديها ويصلحها دام الشاب ابن حلال وعلى دين وخلق واهله ناس محترمين وعنده وظيفة محترمة فتوكلي على الله وتزوجيه ولاتفرطي فيه ده عريس لقطة وحاولي تقنعي مامتك عشان توافق عليه ومسالة الشقة انها صغيرة على قدكم ايه لزمتها الفشخرة اهم حاجة ان الجدع ابن حلال وشاريك بالغالي اوعي تفرطي فيه وربنا يتمم لكم بالخير ويجعله من نصيبك ويسترعليك ويسعدك معه

  6. اكبر مشكلة عندي
    10/07/2016 at 13:51

    شاب كويس وشفتيه وطلع كويس وعجبك وطيب ومحترم وعمره 36 وعمرك 31 ويعمل مهندس , بس المشكلة انو الشقة 100 متر , طيب انتظري لحتى يجيلك بعد سن 35 واحد عمره 46 ومعه شقة نص كيلو متر , شرطك غير مهم وغير اساسي للزواج , ما دام مهندس وانتي خريجة تجارة اكيد تقدرو تجيبوا شقة افضل بعد سنوات او لما يجي لكم اولاد تضطروا لتحسين سكنكم لا جلهم , لا تضيعي مستقبلك يبدو ان امك لها تجربة خاصة لا تنفع لك , المهم رايك والعريس , حجم الشقة غير مهم لو كان 10 متر والا غرفة ,

اترك رداً أو حلاً لهذه المشكلة