مشاكل البنات قبل الزواج

حبيته وعرض عليا الزواج وانا مخطوبة اعمل ايه

انا محتاجه ارائكم معايا بجد انا بنت حبيت شخص اوىواتعلقت بيه بس فى وقتها انا كنت مخطوبة وانا عارفه انه ماينفعشى وغلط وحرام بس والله غصب عنى حبيت واتعلئت بالشخص التانى اوى اناعارفه انا خطيبى ملهوش ذنب ف كل ده بس ده قدر وانا اتحطيت فيه ومش عارفه اعمل ايه …المشكله هنا انا هو عرض عليا الزواج وان انا انفصل عن خطيبى وان هيتم كتب الكتاب وهنسافر بره وهتشوفى حياه جديده مع الانسان اللى حبيتيه واتمنيته وقربتى منه فاناا محتاره ومشعارفه اعمل ايه افضل مع خطيبى واظلمه معايا باللى انا عملته وقربى للشخص التانى ولا اقرب للشخص التانى واعمل الخطوه دىوابعد عن خطيبى واتزوج انا محتاره جامد اوى ومشعارفه اعمل ايه ابص للعيشه المرتاحه والمستوى المادىوالمعنوى ولا ابص لخطيبى ومسيبهوش ..انا محتاجه الرد بجد والاراء الكتير علشان اقرر اعمل ايه ….

مشاكل وحلول ذات صلة

اضيف بتاريخ: Monday, January 10th, 2011 في 15:14

كلمات مشاكل وحلول: , , , , ,

26 رد to “حبيته وعرض عليا الزواج وانا مخطوبة اعمل ايه”

  1. HanyMoh
    25/04/2012 at 03:58

    اختاري الأفضل في الأخلاق، فالأخلاق هي الباقية

    أما المال والجمال يزولان

    الخطوبة فترة اختبار واختيار، فمن حقط فسخها، ولكن لعيب في خطيبك، ويكون ميزة في من يريد الزواج بك..

    فلا تضيعي خطيبك إلا إذا وثقتِ في هذا الشخص الآخر وفي اخلاقه..

    ولا تخسري الشخص الآخر أيضا..

    فالأمر في النهاية لك

  2. سوسية
    20/07/2011 at 01:19

    لو كان بحبك كان تمنالك الخير و ما كان طلب منك إنو تبعدي عن خطيبك نصيحتي إلك لا تتركي خطيبك لإنو رح تندمي كتييير و للصراحة الشاب اللي طلب منك هذا الطلب خراب بيوت عرف كيف يوقع بنت بالحرام إنتي رح تستغربي من الكلمة بس بمجرد تفكيرك بحدا غير خطيبك إنتي عم ترتكبي الحرام وأنا قصتي قريبة كتير من قصتك أنا كمان مخطوبة و خطيبي مسافر و أنا ما بحط خاتمي بإصبعي لإنو كبير شوي المهم مرة رحت أتسوق بمحل قريب من بيتي فتقدملي شب للخطوبة فرفضت وقلت له أنني مخطوبة و لكنه لم يصدق في البداية و أصبحت أتردد على هذا المحل كثيرا بغية رؤيته إهتمامه الزائد بي ولد مشاعر تجاهه لم أستطع أن أقاومها و لكن عندما أريته خاتم الخطوبة قال أنه يجب أن نصبح مثل الرفقة و لكن في قلبي كنت مغرمة به حتى أنه بطريقة غير مباشرة جعلني أبتعد عن خطيبي الذي يستعد للموت من أجلي المهم سمعت ان هذا الشاب قد خطب فتاة بنفس المكان الذي اسكنه و لكن نظراته لي لم تنسيني إياه و لكن إذصارحت نفسي ارى ان الشاب لن ينفعني بأي شيء بعكس خطيبي الذي مستعد لتلبية كافة طلباتي مقابل القليل من الحب و هنا أدركت أني لا أحب الشاب كان مجرد بغية إمتلاك شخص كان معجب بي و شكرا

  3. الحزينة
    26/06/2011 at 14:14

    على فكرة انا نفس الحكاية مخطوبة لواحد انا بكهرو وبحب واحد تانى الواحد دة جاى يخطبنى وانا مخطوبة اعمل اية والهى محتارة حد يرد عليا ابوس ايدكم انا حتارة قوى واخطيبى دة ابن خالى والتانى حبيبى المشكلة انى فرحى اخر الشهر وحبيبى جاى النهادرة يخطبنى ارجو المساعدة ربنا يكرمكو يارب

  4. محمد ابن مصر الحرة
    03/04/2011 at 01:56

    اولا يا اختى العزيزه..احييك على شجاعتك فى البحث عن حل و التشاور. ثانيا: اللى بيعمله الشخص التانى اللى فى حياتك حرام لان الرسول صلى الله عليه و سلم حرّم ان واحد يخطب واحده مخطوبه او يتجوز واحده مخطوبه و الدليل:

    1 – عن عقبة بن عامر ‏(‏أن رسول اللّه صلى اللّه عليه وآله وسلم قال المؤمن أخو المؤمن فلا يحل للمؤمن أن يبتاع على بيع أخيه ولا يخطب على خطبة أخيه حتى يذر‏)‏‏.‏
    رواه أحمد ومسلم‏.‏
    2 – وعن أبي هريرة عن النبي صلى اللّه عليه وآله وسلم قال ‏(‏لا يخطب الرجل على خطبة أخيه حتى ينكح أو يترك‏)‏‏.‏
    رواه البخاري والنسائي‏.‏
    3 – وعن ابن عمر ‏(‏أن رسول اللّه صلى اللّه عليه وآله وسلم قال ‏(‏لا يخطب الرجل على خطبة الرجل حتى يترك الخاطب قبله أو يأذن له الخاطب‏)‏‏.‏
    رواه أحمد والبخاري والنسائي‏.

    ده شرع الاسلام و انتى قررى ..الاختيار ليكى

  5. نهال
    06/02/2011 at 13:51

    اوعى تسيبى خطيبك هتندمى

  6. زملكاوى
    13/01/2011 at 23:21

    تعرفى ان لو دا بيحبك بجد مكنش قالك سيبى خطيبك
    وبعدين مين قالك انك بعد ماتسبيه هييجى ويخطبك واهلك يوافقوا انك تعيشى برا !!؟
    عصفور فى اليد افضل من 100 على الشجرة
    اعملى كدا :
    – سيبى اللى بتحبيه دا وابعدى عنه نهائى
    – حاولى تتأقلمى مع خطيبك وتحبيه وتحببيه فيكى
    والله يا بنات الراجل ( الولد ) عامةً بيحب حد يهتم بيه ويحبه ويقف جمبه وحبيبته مش تعمل حاجه غلط وبكدا هتملكيه وهيبقى كويس معاكى اوى
    – اعرفى ان اللى انتى فيه دا غلط وحرام لأن دى خيانه
    – لازم ترضى بنصيبك مهما كان المقابل فى المكان التانى ومع شخص تانى
    فى حد برضو يكره ان يجوز ويعيش جمب اهله ووسط الناس اللى بتحبه وبيحبها !!؟
    لو اتجوزتيه وسافرتى ممكن تندمى بعد فتره وتقولى انا مسجونه ومش هيبقى ليكى حد

    استخيرى ربنا وان شاء الله ربنا يقدملك اللى فيه الخير ان شاء الله

  7. محمد شهريار
    12/01/2011 at 14:13

    بصى الانسان ايلى يحاول يفرق بنت عن خطيبها
    ويتجوزها هوه يبقى مش انسانن
    وانانى ومش كويس
    اتقى الله فى خطيبك
    ومن ترك شيئا لله ابدله الله خيرا منه
    خليكى مع ايلى دخل البيت من بابه
    وربنا هيكرمك انتى وخطيبك ان شاء الله
    ابعدى عن الشاب التانى ده نهائيا
    وتوبى الى الله

  8. الاسيوطى
    11/01/2011 at 23:38

    h.dازاى تبقى مخطوبة وتحبى واحد تانى هو خطيبك مش مالى عينك ولا ايه ولو مش مالى عينك طب وافقتى ليه على الخطوبة انا رايى تسيبى الاتنين علشان تعرفى انتى عاوزة ايه عاوزة انسان كويس يحب ويحافظ عليكى ولا انتى عاوزة واحد غنى وخلاص

  9. سكندرى
    11/01/2011 at 04:03

    حبيته وعرض عليا الزواج وانا مخطوبة اعمل ايه تعملى ايه يعنى ايه يا جماعة يعنى نعمل المصيبة ونقول نعمل ايه االافندى اللى طلب الجوزازمنك وعارف انك مخطوبة فى اول مشكلة وان لم يكن الاعم والاشمل فى معامالانه معاكى عيكون الشك عندك بلاش بتاع الجواز داه
    وابعدى عن المكان اللى فيه وابعدى شوية عن خطيبك وقررى بنفسك وخدى بالك ان خطيبك دخل البيت وفكرى بصدق

  10. الصقر
    11/01/2011 at 02:26

    الى الاخت عاشقة مصر
    انتي متحامله على الردود ومستغرباها مع ان ردك ليس له علاقة بالمشكلة لان مشكلتك غير مشكلة اختنا… اولا انتي بتقولي انك اتعرفتي على راجل مؤدب ومحترم في الشغل وانتي مخطوبه لابن خالتك لو كان يعلم انك مخطوبه فليس من الادب ولا الاخلاق ولا الدين انه يطلب يدك ولوكان لايعلم فالخطا خطأك لانك لم تعرفيه حتى لايتجرأ اي احد على خطبتك…. ومسئلة عيشتك النكد مع جوزك وسوء معاملته لك فهذا اولا قسمة ونصيب وثانيا سوء الاختيار اللى انتي وقعتي فيه والجواز مفهوش مجاملات علشان خاطر ابويه وامي والكلام ده… دية حياة وعيشه عمر مفهاش مجامله … فارجو ان لا تجعلي مشكلتك مثل مشكلة صاحبتنا
    واعرفي ياختي عاشقة مصر انه من شيم الرجال ونخوتهم الا ينظرو الي امرأة رجل اخر .. ما بالك بسرقتها اي انانيه هذه واي استغلال بان يغريها بالحب والمال والسفر والراحة الماديه لكي تترك رجل ليس له ذنب غير انه اختارها زوجه له.. لو لم تقتنع بخطيبها فتتركه وشأنه مع الاعتذار له لانها جعلته يحلم ببناء عش سعيد يجمعهم وانها هدت هذا العش قبل بناءه…. اعانك الله على نسيان تجربتك هذه ووفقك في اختيار الزوج الصالح. وشكرا

  11. عاشقة مصر
    11/01/2011 at 01:09

    انا قرات كل الردود و مع احترامي للكل استغربت اوي من كلام كل واحد.
    مفيش حد بيعلم الغيب غير ربنا سبحانه و بلاش نظلم الخطيب و لا الحبيب.
    شوفي يا اختي القرار في الاول و في الاخر يرجعلك انتي بس.لازم تعرفي سعادتك فين و راحتك و رغبتك مع مين في الحياه الجايه اصلها مش لعبه و عشان مترجعيش تندمي فيوم من الايام.
    انا بالذات حصلي نفس الموقف و كنت مخطوبه لابن خالتي سنه كامله و فخلالها اشتغلت و اتعرفت على شاب كويس اوي و محترم و شخصيه جميله نادره في الزمن ده اعجبت بيه و ارتحتله اوي و طلبني للجواز باحترام و ادب و عمل بالاصول بس عشاني عبيطه مرضتش اجرح خطيبي و افسخ الخطوبه معاه و كمان احط ابويا و اهلي فموقف صعب.بس انا اطلقت بعد ماعشت معاه عيشه نكد و هم و غم.ندمانه اني سبت انسان محترم و اخترت غلط .في الاخر طلعت انا الضحيه.
    انصحك تشوفي حبك فين و راحتك و سعادتك.و انصحك بالاستخاره قبل كل شيء.
    ربنا ينورلك طريقك.و طريقنا جميعا.

  12. ♣♥♣ فارس ♣♥♣
    10/01/2011 at 23:57

    اقولك حاجه لو عايزه نصيحتى بجد تلغى فكره الاتنين من دماغك الحبيب والخطيب لانو بكده هييجى اليوم الى تخونى فيه خطيبك لما هيبقى زوجك اما بالنسبه للحبيب لو تماديتى معاه وتركتى خطيبك ممكن يغدر بيكى وقتها هتحطمى نفسك بنفسك لانك دلوقتى بتلعبى على جهتين ومش قادره تفرقى بين الاتنين الاول اهو عصفور فى اليد والثانى مش قاده تحددى هل هيصدق ولا هيهرب لما يتحط فى الامر الواقع فالحل انك تلغى خطوبتك وتبعدى عن الحبيب لما تشوفى هيعمل ايه لو صدق فى كلامو يبقى انتى كده وصلتى لغايتك مصدقش فى كلامو ابتدى الكلام يتغير والكلام المعسول الى كنتى بتسمعيه منو راح يبقى انتى مخسرتيش حاجه انتى كده كده معدتيش بتحبى خطيبك وفعلا انتى كده كده هتظلميه سواء دلوقتى او فيما بعد وهو ملوش ذنب تظلميه معاكى طالما لسه متجوزتوش وهو يشق طريقو مع واحده غيرك تحبو ويحبها وربنا يوفقك وشكرا

  13. mma
    10/01/2011 at 22:42

    اختي لاتتخلي عن خطيبك ولوهو بيحبك بجد ماكان طلب منك تسيبي خطيبك اللي بيحب بجد لازم يضحي من اجل اسعاد من احب

  14. بوسكا
    10/01/2011 at 22:14

    متسيبش خطبيك لانة دة الاساس التانى لو عاوز يتزوجك كان دخل الباب من بابةو مش زى التانى واوعى تتكررى فى حل لازم تفكرى مرة واتنين ومتفكريش فى الماديات وانا مش هاقولك خطيبك ولا التانى شوفى مين اللى بيحبك بجد ويستاهل حبك زى مانتى بتحبية لان لواخدتى قرار بمشاعرك خلى مشاعرك دى على جنب وفكرى بعقل واوعى تخدى قرار تندمى علية طول عمرك دة زواج مش لعب عيال

  15. MIDOO
    10/01/2011 at 21:54

    اقولك على حاجه انتى مش واخده بالك منها بردو
    انا لو مكان مكان حبيبك وسيبتى خطيبك علشانى عمرى ماهخدك عارفه ليه لانى هعيد تفكيرى فيكي وهقول ان مالكيش امان وهقول بيني وبين نفسي اكيد زى ماسابت خطيبها وخانته وحبتنى اكيد ممكن تسيبنى وتحب غيرى وهتبقى ساعتها خسرتى الاتنين
    نصيحه منى اكسبي خطيبك لانه ده اشتراكى وصونيه زى ماهو صاينك ومأمنك على اسمه

  16. yoyo
    10/01/2011 at 20:58

    اوعى تسيبى خطيبك اللى بيظلم لازم يتظلم فى يوم من الايام وصدقينى عمرك ماهتبقى مبسوطة لانك هتبنى سعادتك على ظلم انسان مالوش اى ذنب غير انه حبك وخطبك وربنا يوفقك ويقدر لك الخير

  17. الصقر
    10/01/2011 at 20:34

    انتي وضعتي نفسك في محنه شديده ..اولا بتعلقك اوبحبك لشخص ليس عنده نخوه ولا امانه لانه ياخذ شي ليس من حقه ثانيا بالخيانه العاطفيه لخطيبك وبالسماح لنفسك انك تحبي شخص اخر وانتي مرتبطه رسميا باخر في طريقه ليكون زوجك … وليس له ذنب الا انه توسم فيك خير وظنا انك افضل مارأته عينه ويحلم بانك سوف تحملين اسمه وتكوني ام لاولاده وتحفظين غيبته وعرضه.
    سوف اطيل عليك قليلا وتحملي كلامي ان كان قاسيا
    مشكلتك ما هي الا انها مشكله اخلاقيه قبل ان تكون عاطفيه
    من ناحيتك لانك سمحت لنفسك بان تحبي شخص ويوجد اخر متعلق بيكي واعتقد وانتي في ظاهرك متعلقه بيه لانه لايعقل ان يكون اتنين مخطوبين ولا يوجد بينهم غزل رقيق او كلمات حب اور سائل او ماشابها ذلك اذن لوفعلت ذلك اذن تكوني قد خدعتيه وان لم تفعلي فتكوني قد ظلمتيه .. توجد مقوله عظيمه وهي تقول (التخلية قبل التحليه) كيف تحبي شخص وانتي عندك شوائب عاطفيه ومرتبطه بشخص اخر… حدث معي نفس موقفك بس العكس ووصددت هذه الفتاه لان هذه العلاقه التي تبني على حساب سعادة شخص اخر حتى لوكانت صادقه في حبها معي علاقه باطله ولا تثمر عن سعاده وبها خيانه له وهذ ما ارفضه
    من ناحية حبيبك الذي يغريك بحياه رغده وعيشه هنيئه وسعاده.. وهو اصلا لايضمنها لنفسه فقد سمح لنفسه ان ياخذ ما لايملك ويفسد على شخص اخر سعادته وعلاقته بخطيبته وزوجة المستقبل وهذا ما نبه عليه الرسول صلى الله عليه وسلم (لايخطب احدكم على خطبة اخيه)..
    من ناحية خطيبك فهو الضحية الوحيده لانه في وضعين لا ثالث لهم ..الوضع الاول مخدوع ويحسب انك تحبيه… الوضع الثاني انه يعاني من عدم تبادل المشاعر بينكم ..فهل ترحميه وترحمي نفسك وتنهي هذه المهذله …
    اولا حبيبك غير امين عليك لانه اناني … ولا ننصحك ابدا بان ترتبطي به..والله اني اعلم رجل انقلبت عليه زوجته بعد ان افسدها عليه شخص اخر وتهدم بيته … وبعدها اخبرني شخص مقرب لهذا الرجل ان زوجته هذه قد اخذها واغراها وجعلها تتعلق بيه وهي مخطوبه حتى تزوجها سبحا ن الله المنتقم الجبار ..في النهايه الخيار لكي لاتظلمي من دخل البيت من بابه فان كنت لا تحبيه فاتركيه حتى لا تعذبي نفسك ولا تعذبيه معك ولكن ابعدي عن الذي تعتقدي انك موهمه بحبه حتى لو تركتي خطيبك…وسامحيني ان كان كلامي قاسيا فهو لمصلحتك

  18. سينا
    10/01/2011 at 20:07

    اولا استخيرى ربنا بنية صافية
    وبعدين حبك للشخص التانى ده ماهو الاحب مميزات مش اكتر ياريت تحاولى تقربى من خطيبك ده شخص اشتراكى وجالك علطول مش ده اللى جاى يخدك من واحد انتى ملكه او انشاالله هتكونى ملكة وعلى فكرة مين ضمنلك ان كل ده هيحصل مايمكن يقول زى ماالاقتنى ممكن لو لاقت حد تانى احسن منى تروح تتجوزه وتسبنى عادى يعنى بلاش تاخدى الشخص ده انتى دلوقت امامك حاجز من الاتربة لايزول الا بالصلاة وزكر الله وان ترجعى لرشدك وتظلى مع خطيبك هوده الانسان اللى هيقدر يسعدك بقلبه مش واحد كلمك عن الماديات

  19. توتا
    10/01/2011 at 18:54

    استخيرى ربنا بس انا راى ان دة بيلعب بيكى وبيغريكى بحاجات مدية عشان تسيبى خطيبك لو خطيبك كويس ومحترم افضلى معاة

  20. الصريح جدا
    10/01/2011 at 17:21

    اسمحى اقولك انك غلطانه ايه ذنب خطيبك المسكين ده يعني هو غلط لما دخل البيت من بابه والراجل مطحون وطالع عينه في الشغل وسياتك عماله تتعرفيلي علي شباب لا والله جدعه برافو عليكى والله هو خسارة فيكى انتى للاسف زى معظم البنات تحبو اللي يخدعكو اتقي الله واحسنى معامله خطيبك المحترم واحمدى ربنا ان في حد بيتجوز اليومين دول وكيد انتى عارفه الدنيا ماشيه ازاى

  21. فيلسوف الصعيد
    10/01/2011 at 16:21

    والله ان الشخص الثاني يلعب بمشاعرك وان الحياه المريحة التي سوف تحييها معه ما هي الا دخان لنار اجله سوف يتعامل معك علي انك خائنة وسوف تبيعيه في اي لحظة كما بعت خطيبك وسف تري الوجه الاخر واعرف انك تقول في نفسك الحين انه يحبك وهذا الشخص لا يعرفه – والله ان خطيبك لهو اولي بك وانت اولي به – حياه كريمة مستمرة بالستر افضل من حياه قصيرة تنتهي بالفضايح والخيبه كوني عاقلة وكما تدين تدان – قال رسول الله(ص) (لا يخطب احدكم فوق خطبة اخيه )

  22. حبيبة الرحمن
    10/01/2011 at 15:56

    اتكلمي مع اهلك وخدي رايهم ايه ولو مش مقتنعه بخطيبك ومش بيتحبيه يبقه ماتظلمهوش معاكي لانه حرام وانتي استخيري ربك وفوضي امرك لله بس نصيحه راحة بالك وسعادتك عمرك مهايعوضها مستوي مادي ولا انك تسفري بره فكري ده جواز وعشره وهايبقه في اولاد انا معايا صحيتي عملت زيك بس بصراحه اهلها غصبوها علي الزواج وعقدو قرانها من وراها ولما اتكلمت اضربة من اهلها وسكت وهي دلوقتي فرحها قرب واقسم بربي بتموت في اليوم 1000 مره لانها اخدت حد مابتحبه ومافيش حتي تفاهم

  23. حياة عمرى
    10/01/2011 at 15:54

    انانا من راي ان الحب مش كل حاجة اهم حاجة الاطمئنان بس ممكن الحب يتغير بعد الزواج لكن خطيبك ممكن يطلع احسن منه بس الاحسن انك تفكرى بعقلك مش بقلبك

  24. uknown
    10/01/2011 at 15:52

    على فكره ياقمر هو ولا حيتجوزك ولا حيعملك وكل ده مجرد تعشيم وحب امتلاك وحتخسري خطيبك ومش حقولك غير حاجه واحده انتي في ايدك نعمه اللي هيا خطيبك احمدي ربنا عليه بدل ما بكره تيجي تكتبي هنا تقولي تركت خطيبي وحبيبي سابني وطلع بيضحك عليا

  25. ندى
    10/01/2011 at 15:23

    وثانيا ما ينفعش يخطب على خطبة اخيه

  26. ندى
    10/01/2011 at 15:20

    ما تسبيش خطيبك لانه شريكى ودخل البيت من بابه واعملى استخارة على الاثنين واللى فيه الخير ربنا هيقربه منك لانك ما تعرفيش الخيره فين

اترك رداً أو حلاً لهذه المشكلة