مشاكل البنات قبل الزواج

حاسة انى نحس فى الزواج

السلام عليكم اولا
انا مشكلتى غريبة شوية او انا ال مستغرباها انا عندى 21 سنة وحاسة انى نحس بجد وكنت بحب جارى ايام المراهقة وفضلت معاة 4 سنين وسافر قالى انو هيكون نفسو ويرجع ليا بس لما سافر كنت ابديت اكبر حسيت انة كان حب المراهقة مرضتش اظلمو بردو وفضلت معاة بس هو كان لسة بيعاملنى كأنى لسة طفلة ومش كبرت يعنى مكنتش بحس بقيمتى معاة او كأنى بنت المهم حصل مشاكل وسبتو بس مكنتش مجروحة ولا ندمانة بعدها بفترة عرفت واحد زميلى فى الكلية وحبينا بعض جدا ولما اتخرجنا كنا هنتخطب بس حصل مشاكل جامدة اوى بين اهلنا والموضوع باز وسبنا بعض بس دة الانسان الوحيد ال حبيتو بجد وقولت هشغل عقلى شوية وهسيبو لان الموضوع بايز بايز وهريح دماغى واى عريس يتقدم ليا هوافق علية وخلاص بدال اهلى هيوافقو علية واهو هيبقى اى عريس والسلام بدال الدنيا استكرت عليا حبيبى كلو هيبقى شبة بعضو وفى وقت جرحى دة رجع حبيبى الاولانى او ال كنت فاكرة نفسى انى بحبو وعرض عليا الزواج وانو يتقدملى ومش عارف ينسانى وكدة وكان بيضغط عليا جدا وافقت بحجة انى عاوزة انسى حبيبى وخلاص وبحجة انى كنت المفروض انى بحبو زمان هينسينى وكنت موجوعة اوى انى هتخطب لحد غير حبيبى دة ولما وافقت الدنيا خربت تانى وحصلو مشاكل وسافر وبصراحة انا مصدقت ان الموضوع باز ومش كمل وحمدت ربنا وبعدها حبيبى رجعلى وحاولنا تانى مع اهلنا وبردو الموضوع باز انا بجد كنت هتجنن قولت هسمع كلام الكبار وهشغل عقلى ولما يتقدم ليا حد هوافق علية وخلاص بس لما كان كل لما يتقدملى حد اقول انا هوافق وخلاص وهشوفو يمكن يكون نصيبى وكل لما الموضوع يجيى وحد يجيى يتقدملى تحصل مصيبة اقربها عريس اخوة قتل نفسو والتانى خلتو توفت والتالت ابن صاحب بابا بعد ماكان هيجى بعد مرة واحدة وراح خطب انا مش فاهمة فى اية ولية بيحصلى كدة والانسان الوحيد ال حبيتو كل لما نجى نتخطب تحصل مصايب وكل شوية نبعد ونرجع تانى وكل لما نرجع ونحاول مع اهلنا بيبقوا خلاص هيوافقو وكام يوم والموضوع يكمل تحصل مصيبة تانى وتالت والموضوع يخلص مع انى مش بتمنى حد غيرو ولما حد يتقدملى بقول يكمن خير هوافق وخلاص
حاسة انى نحس بجد وا المفروض يكتب فى بطاقتى بعد اسمى نحس بجد مع انى الحمد لله جميلة وبيتقدملى كتير بس معرفش فى اية ممكن حد يقولى دة اسمو اية لانى زهقت وقررت انى هعيش على ذكرى حبيب عمرى دة ومش هتجوز ولما تتحل المشاكل وهو يعتمد على نفسو ويبعد عن اهلو وانا ابقى وحيدة لان مامتى متوفية واخوية الوحيد خلاص هيتجوز ومش فاضلى غير بابا ربنا يخلوهولى ولما ابقى وحيدة هبقى اتجوزو ولا اعمل اية بالضبط حد يقولى ممكن ؟؟؟؟؟؟؟؟؟؟ ودة ا نا نحس فعلا ولا دة اية بالضبط لان عقلى هيروح منى بجد

مشاكل وحلول ذات صلة

اضيف بتاريخ: Saturday, January 22nd, 2011 في 11:52

كلمات مشاكل وحلول: , , , , , , ,

29 رد to “حاسة انى نحس فى الزواج”

  1. ابوبتول
    15/08/2014 at 20:24

    خذي العظةوالعبرةمن هذةالقصة التي حصلت لبنت متربيةوخلوقةوجميلةوالكل يمدح جمالهاواخلاقها واهلهاناس على قدحالهم ولكنهم طيبين وكلماتقدم عريس للبنت حصلت مشكلة ولايتزوجها حتى ظن الناس ان البنت معيبةاوبهاسوءفي اخلاقهاوشرفها حتى اهلهافقدواالامل في زواجهاوهي كانت مومنةوصابرةومتحملةوعارفةنفسهاوواثقةمن دينهاواخلاقهاوانهالم تعمل سوءفي حياتها حتى شاءت الاقدارواستجاب الله لدعاهابان تقدم لهاالعريس رقم 8 وكان شابافي الثلاثين من عمره وميسورالحال واهله ناس اثرياء ابوه من عيلةالقوم وشيخ القبيلةمشهودله بالكرم والشهامةوالاصلاح بين الناس فتزوج الشاب من تلك البنت وكانت ليلةزفافهااسطورة يحكى عنهاكل اهل القريةوسافرت مع زوجهاللعيش في المدينة ولكنهالم تنسى اهل قريتهاالضعفاءوالمساكين كانت تزورهم باستمرار وتتفقداحوالهم وتقضي حاجاتهم من مساعدات ماليةوكسوة وارزاق تطعمهم وادخلت لهم الكهرباءفي القريةواوصلت لهم المياةالنقيةللشرب وعبدت لهم الطريق من الاسفلت والانارة على حسابهاهي وزوجها وده كله فضل من الله ونعمة عليهاعوضهاالله بخيري الدنياوالاخرة ولاتزال الى يومناهذا على عاداتهامع اهالي قريتها ولله الحمدمن قبل ومن بعد

  2. ابوبتول
    15/08/2014 at 20:07

    وعسى ان تحبواشي وهوشر لكم وعسى ان تكرهواشي وهوخيرلكم وكل تاخيرةفيهاخيرة ماتعمليش في نفسك كلده يااختي الزواج قسمةونصيب وماحدش عارف نصيبه فين ولا مع مين وتاكدي انك دامك مومنةبالقضاءوالقدر ومتوكلةعلى الله ثقي ان الله لن يخذلك ابدا وبيكرمك عماقريب بابن الحلال اللي يستاهلك ويقدريسعدك في حياتك والف من يتمناكي ياقمر انته

  3. ابواميرة
    14/10/2013 at 21:21

    للاسف البنات اليوم مش عارفين قيمةالزواج ولا الانسان اللي ترتبط به هل يستاهل ان يكون زوجا لهاواب لعيالهاويتحمل المسووليةلفتح بيت واللوازم من داه انماتنخدع فيه وتعرف في الاخرانو بيضحك عليهاوطوال المدةدي كان يمثل عليهادورالحبيب العاشق المتيم وهوفي الحقيقة ذيب مفترس يسرح بها لاجل مايسلبهاشرفهاوكرامتها وفي النهاية يرميهاولايسال فيها ويبحث عن ضحيةجديدة وكل اللي نشوفه ونسمعه من قصص وبلاوي تقشعرمنهاالابدان وتشيب العقول وتجني عل اناس ابرياءولانتعظ اونعتبر بعد كلهذا قدتسمع حي لكن لاحياةلمن تنادى

  4. ابواميرة
    04/12/2012 at 23:04

    الظاهرانو معمول لك عمل وانك مسحورة ولفك السحردا لابد من الرقية عبر احدالمشايخ الثقاة يقرا عليك من القران ويدعو لك حتي ينفك السحر المعمول لك وحيرجع احسن من اول وتتزوج باذن الله

  5. سوسو
    19/04/2012 at 09:12

    صحيح في شخص منحوس وفي شخص مبروك بس النحس يجي غالبا من حسد على الشخص يعنى اذا كنتي محسوده وموضع حسد الكثيرين مثلا لما يمدحونك النسوان ويتكلمو انك شاطره ويابخت عريسها او كذا تكوني انحستي عن جد واسأليني انا جربت الموضوع ده وفعلا احس بنحس شديد واقوى من كدا
    لازم ترجعي لله وتقرأي القران فكله بركه منها قال صلى الله عليه وسلم سورة البقره اخذها بركه وتركها حسره ولايستطيعها البطله) يعني السحره الي بيعقدو السحر ويبوزو كل حاجه
    وان شاءالله تفرج

  6. لمي
    16/08/2011 at 07:09

    السلام عليكم
    مش تستعجلي يا حبيبيتي انا حصلي كده اتقدملي كتير وحبيت برده زميلي فى الجامعه اهلى رفضوه وانا دلوقتى عندى 22 سنة وبعد برده ما جه في بالي انى معمولي حاجة لانى انا كمان مرة وصلت لانى نزلت اشتريت الشبكة والموضوع باظ قبل ما البسها بيوم
    بس الحمد لله مليييييييييييييون حمد لله عوضني ربنا بانسان اكتر من رائع وفرحي في العيد الكبير عقبالك
    ربنا ييسرلك الحال انتى وبنات امه محمد ويرزقك الزوج الصالح ويرزوقني واياكي الذرية الصالحة

  7. manona
    19/04/2011 at 08:34

    بصي لسه نصيبك مجاش افتكري دي كويس صدقيني ده عادي اناكمان بيحصل معايا مواقف كده كتير بس الحمدلله متعرفيش ربنا مخبي ايه قولي كل تاخيره وفيه خير او اعملي حاجه جنونيه شويه لوانتي بتحبيه اوي وانتي كملتي 21 سنه اكتبوا كتابكوا وحطه الناس قدام الامر الواقع بس كتب كتاب هه وربنا يسهلك

  8. HanyMoh
    21/03/2011 at 07:30

    أختاه،،، لا يوجد شخص ما يسمى منحوس…

    فلكل منا نصيبه الذي لن يأخذه غيره ولن يأخذ غيره…

    فأنا لا أعلم نصيبي ولا أنت…

    اتركي الأمر لله ولا توافقي إلا على من اقتنعتِ به…

    ويمكنك انتظار من تحبينه وخصوصا أن سنك صغيرة 21 سنة…

  9. نادين شادى
    26/02/2011 at 20:38

    ده يا بنتى بيبقى حسد وممكن نصيبك لسه مجاش وكبرى من حكاية الحب ديهولو جالك اللى بتحبيه حاولى تقنعى اهلك بيه ولو محصلش نصيب انتبهى لمستقبلك ولما يتقدملك حد متقوليش لحد خالص عشان العين

  10. warda
    08/02/2011 at 16:32

    انا هرد على الاسئلة لل قالها لله الامر من قبل ومن بعد
    الاول اناالحمد لله بصلى بس احيانا ببعد عن الصلاة غصب عنى بس الحمد لله عندى نفس اللوامة لما ببطل الصلاة بحلم علطول ان سنانى بتقع وبحثت وعرفت ان دة معناة انى بعدت عن الصلاة المهم انا لما بصلى فعلا بسرح كتير وبحاول ارجع لدرجة انى بغمض عينى عشان اركز فى الصلاة
    وكتير بتوة فى عدد الركعات بالنسة للصلاة العصر مثلا ال بتبقى اربع ركعات وبضطر اعيد تانى الصلاة
    من ناحية انى بقرأ فى المصحف بحاول اكيد طبعا انى أقرأ كتير بس لاسف وانا بقرأ بحس ان مش مركزة وساعات بسرح وبحس انى بمل بس بجى على نفسى خصوصا فى رمضان لكن برضو مش بكمل وببعد لاسف
    من ناحية الارق متهيالى على حسب حالتى النفسية ويمكن مش باخد بالى لانى من النوع ال بسهر
    دة ردى على الاسئلة ويااااااااااارب يكون خير

  11. سمسمة
    25/01/2011 at 13:32

    موضوعك ياتوته مالوش علاقة بالنحس بالعكس انا شايفة ان ربنا مبيردش الموضوع يكمل لان اكيد الخير ف كدة لانه وارد جدا الموضوع يتم وبعد الزواج تكتشفي حاجات غيراللي اتعودتي عليها او غير اللي تعرفيها..والله انا شايفة ان دة خير وفتكري الايه (وعسي ان تكرهوا شيئاوهو خير لكم وعسي ان تحبوا شيئاوهو شرلكم)صدق الله العظيم..وبعدين انتي لسه صغيورة واكيد هييجي اللي يستهلك فنصيحتي اوعي تتضايقي وتفكري ان دة نحس لان الاحساس دة لو زاد هيصيبك بالاحباط والاكتئاب ويتبعه ياس واعتراض علي قدر الله ولعياذو بالله ..اسال الله ان يوفقك ويرزقك بابن الحلال

  12. زوجة
    25/01/2011 at 12:42

    حبيبتي انا في اول الامر اردت ان اقول انك صغيرة والزواج قسمة ونصيب هاذا كان في اول قرااتي لموضوعك لكن بعد هذا انا على يقين انك محسودة وليت منحوسة كما تضنين واعلمي ان الحسد او العين او التابعة هي حق واشياء تخرب حيات الناس حاولي اختي ترقي نفسك وانصحك بالكتمان والاستتار في امورك وكما يقولو الناس داري على شمعتك تقيد الستر الستر واحدري من العين فهي قد تقتل ولا تستهيني بها عليك بالمعوذات ومحكم التنزيل والايات واشاالله خير

  13. صاحبة المشكلة
    24/01/2011 at 22:09

    ربنا يكرمكو يارب هو الموضوع مش فارق معايا هو فارق مع ال حواليا وخصوصا بابا بنتو الوحيدة بقة وخايف عليها كنت نفسى افضفض بس واعرف راى ناس اكبر منى
    وكان نفسى بس اتجوز ال بحبو مش اكتر بس ربنا مش رايد ومحدش عارف نصيبو فين ودوام الحال من المحال
    وشكرا بجد لكل ال رد عليا كلامكو ريحينى شوية بجد

  14. ا/نهله طلعت
    24/01/2011 at 12:39

    ههههههههههههههه واللهى انتى زى العسل وطريقة كلامك جميله وطبيعيه اوى يا حبيبتى لس النصيب مجاش واحمدى ربنا كش بدل ماتتخطبى وتسيبى وانتى لس كتكوته صغيره ان شاء الله ربنا يكتبلك الخير من عنده اختك نهله طلعت

  15. لله الامر من قبل ومن بعد
    23/01/2011 at 22:52

    اختى الفاضله معلشى انا لي رأى مختلف بعض الشئ عن بقيه الاراء انا قرأت قصتك ويكاد ان يكون انا الشخص الذى تحكى عنه هذه القصه ولكن انا اعرف تماما سبب هذه المشكاكل عندى ولكن انا عايز اسألك كام سؤال وياريت تجاوبى عليها الاول هل انتى بتحافظى على الصلاه طيب لو الاجابه بنعم هل انتى بتسرحى فى الصلاه ولا توعى عدد الركعات اللى صلتيها وبتتاوبى كتير فى الصلاه الثانى هل انتى بتقرأئ فى المصحف ام فى شئ بيبعدك عنه لااراديا ثالثا هل عندكى ارق كثرا فى النوم وخاصه الليالى القمريه ان توفرت عندك بعض ماذكرت او كلها فحاولى ان تقرأئ سوره الكرسى وعند الايه *يَعْلَمُ مَا بَيْنَ أَيْدِيهِمْ وَمَا خَلْفَهُمْ وَلاَ يُحِيطُونَ بِشَيْءٍ مِّنْ عِلْمِهِ إِلاَّ بِمَا شَاء* اقريها ثلاثه مرات وانتى فاتحه الكفين مثل الدعاء بصوت مرتفع وتمسحى بكفيكى جميع جسدك وكذلك عندما تصلى الى الايه *وَلاَ يَؤُودُهُ حِفْظُهُمَا وَهُوَ الْعَلِيُّ الْعَظِيمُ*ايضا افعلى كما فعلتى فى السابق وكذلك هذه الايه *ربى انى مسنى الضر وانت ارحم الراجمين *فأن شعرتى بقشعريره فى جسدك او فى بعض منه فكررى ذلك يوميا على قدر المستطاع وحاولى ان تروحى الى شيخ مسجد يقرأ عليكى ايات المس وان شاء الله سوف يزول هذا الهم بأذن الله تعالى وعليكى بكثره التسبيح والاستغفار طوال اليوم

  16. وفاء الأمارات
    23/01/2011 at 20:59

    أختاه ف الأسلام أنتى لستي نحيسه بل بالعكس محظوظه من أهلج ويحبونج كثير وينصحونج ويخافون عليج وأيد أختاه أسمعي مني النصائح عل وعسى تتخلصين من المشكله أول :أي شخص لا تتعلقي فيه أبد لا صدقين كلمه الرسول علمنا أن أي رجل يتزوج يدخل من الباب ويطلب الزواج منها وليس مثل الغرب الله يسامح الريايل يلعبون فينا ولكن بعضهم زينين مثل زوجي الله يحفظه من عيون الحساد

  17. الامام
    23/01/2011 at 16:32

    انستى الصغيرة
    لو علمتى الغيب لختارتى الواقع – ألم تعلمى ان كل شئ نصيب وان نصيبك سوف يأتى اليكى فى الوقت الذى كتبه لكى الله
    وان الزواج رزق من عند الله كما الطعام والشراب – لا تستعجلى هذا الرزق فأنه الله تعالى يقول ” وكل شئ انزلنه بقدر – وعسى ان تكرهوا شيئ وهو خير لكم – فقط التزمى الاخلاق الكريمة والعفاف وما كان لكى لم يكن ليخطئك

  18. احساس حساس
    23/01/2011 at 03:54

    الأنسة اللطيفة صاحبة الدم الخفيف
    مساء الخير
    انا قرأت حكايتك كلها وقبل ان اقول راي في الموضوع اعرفك اولا بنفسي
    انا دكتور جامعي تخصص علم نفس اسمي حمدي ناصف
    موضوعك بسيط جدا لكن انتي بتصعدي الموقف وعندك مشكلة كبيرة جدا هي انك متخيلة ان ما يحدث لك لا يحث لغيرك وانا اقولك صدقيني هناك بنات كثيرات عندهم نفس المشكلة بل اكثر بكثير ولم ينظروا للامور بنفس نظرتك بل يتعاملن مع الموقف ببساطة جدا لانهن عل قناعة بان النصيب مكتوب وهن على قناعة ايضا بما جاء في ديننا الاسلامي قل لا يصيبنا الا ما كتب الله لنا، وكمان عسى ان تكرهوا شيئا وهو خيرا لكم وعسى ان تحبوا شيئا وهو شرا لكم فكوني عزيزتي على ثقة ويقين وايمان بان الله لا يقدر للعبد الا الخير ماذا لو توزجك حبيبك ثم تزوج عليكي او اكتشفتي انه يخونك او انه بخيل او ليس لديه شخصية مع اهله او او او ؟؟؟ فكري بعقلك ولا تنظري للحياة بنظرة سوداء انتي جميلة وفي مقتبل عمرك وكلنا مررنا بظروفك وتخيلنا ان الحياة انتهت بفراق الحبيب لكن بعد ذلك اكتشفنا كم كنا متشائمين وضحكنا على انفسنا بل وقلنا الحمد لله ان الحبيب فارق لانه ما كان حبيب بل كان وهم فالحب الحقيقي يأتي بعد الثلاثين وما قبله يكون فيما بين الزوجين فقط عزيزتي غدا ستكتشفي انك كنتي تعيشي وهم كبير ظننتيه حب وسوف تعرفي ان الحب عطاء وتسامح واحترام وليس غناقات بين العائلات ومشاكل وضغائن سوف تعرفي الحب الحقيقي مع انسان يصونك ويقدرك ويحترمك بل ويجعل اهله يحترموك لانه يحبك. انسي الموضوع وانظري للحياة بعين التفاؤل وسوف تجدي الانسان الذي يكون حبك الوحيد وابو اولادك وقرة عينك.

    مع خالص تمنياتي لك بالتوفيق

  19. رومانسي
    23/01/2011 at 01:54

    متقلويش على نفسك كدة.لية متقولش ان ربنا مش رايد.وعسى ان تكرهو شىء وهو خير لكم.نصيبك ليسة مجاش الى ربنا رايدة هيكون يمكن كل المصايب دى بتبعد عنك مصايب اكتر.نصحيتى ليكى انك تصلى وتقراى صورة البقرة .وتدعى ربنا ان الخير يقدمة والشر يبعدة وارضى بالى ربنا كاتبوة ولو حبيبك دة نصيبك هتكونى لية غصب عنك وعنة وعن اهلكو .سيبيها للة

  20. اشرف الشاهد
    22/01/2011 at 23:27

    عليكى بالقرأن الموضوع سهل وكنك تقولى على نفسك نحس دى وسوية شيطان ولكن لسه نصيبك اللى كاتبه لكى ربنا لسه مجاش ارجوكى تمهلى وأقرئى القرأن وصلى وانشاء الله ربنا هيفرج قربك بأذن الله

  21. مش عارف
    22/01/2011 at 22:39

    هو موضوع نحس ده غلط ومتحطيش الفكره دى فى دماغك
    لكن ممكن تخديها بمحمل تانى وده اكيد
    ليه ميكونش ربنا بيختبرك فى ايمانك وقوه صبرك (انا الله مع الصابرين اذا صبرو )
    فقولى الحمد لله على كل شيئ وادعى ربنا يصلح الحال
    لكن العريس الى هتتجوزيه هو مكتوبلك ونصيبك هتلفى هتلفى ومش هتتجوزى غير الى مكتوبلك ومن نصيبك ………….
    معلش بقى كلامى مش منسق
    وربنا يوفقك

  22. م ع خ
    22/01/2011 at 22:16

    ربنا سبحانة وتعالى قالنا نصايح حلوة قوى فى القران … يا أيها الذين امنوا استعينوا بالصبر والصلاة…….ان الشيطان لكم عدوا فاتخذوة عدوا …….انتى كل ما عليكى انك تصبرى انتى ممكن فى يوم وليلة تلاقى نفسك اتجوزت مرة واحدة واحسن عريس وتعيشى احلى عيشى بس الصبر …الصبر جميل …والشيطان بيقعد يلعب فى دماغك …. انتى خلى كل حاجة ماشية بارادة ربنا وكل واحد بياخد نصيبة …ومحدش عارف نصيبة فين….انا نصحتى ليكى اصبرى . واوعى تقولى دة نحس ….وعسى ان تكرهوا شيئا وهو خير لكم …..ربنا يوفقك وتجوزى واحد ابن حلال .

  23. اميره
    22/01/2011 at 22:09

    لااله الاالله يا اختى العزيزه الشئم عند التشائم لا تقولى على نفسك انك نحس ولكن قولى قدر الله وماشاء فعل

    اقرئى سوره النور 4مرات وانشاء الله ربنا يوفقك بابن الحلال بس لازم تكتبى وتقولى انك اتخطبتى وذلك فى غضون 3 شهور انشاء الله وتدعى لى ولاولادى بالخير

  24. سارة
    22/01/2011 at 18:46

    استغفرى ربنا ومتقوليش كده ده نصيب ولسه مجاش نصيبك اكيد ربنا شايلك حاجة احسن بس لازم تكون مومنة عن كده مفيش حاجة اسمها نحس

  25. حبيبة الرحمن
    22/01/2011 at 16:01

    حبيبتي ولا نحس ولا اي شي هههههه ده نصيب ياعمري ولسه نصيبك ماجاش والله ربك مش رايد انك ترتبطي باي حد دلوقتي واي بنت بتمر بظروف زي اكده وعادي ماتحتيش حاجه في دماغك ده نصيب ومافيش حد بياخد مراة حد ربك كاتب ليكي نصيبك وانتي في بطن امك ولسه ربك مارادشي باكده انا كنت زيك لحد ماجي اتخطب او حد يتقدم القي ابويا تعب ودخل المستشفي او انا اتعب وادخل المستشفي لحد مانفسيتي تعبة واتشليت بسبب حالتي النفسيه واني قولت لا انا وجهي وحش علي بابا بس عارفه والله والله دعيت ربي وانا بصلي انه يكرمني ويقربني منه بقية قريبه من ربنا قوي ولما جاء نصيبي الحمدو الله اتزوجت وبعد الزواج قولت ياريتني ماكنت اتزوجت اه والله اتقربي من ربك وصلي وادعي وانتي ساجده لربك انه يكرمك بالزوج الصالح واتمني انك تقراي سورة البقره في البيت الصبح وبالليل واقرائي اذكار الصباح والمساء قبل ماتنامي واول ماتصحي من النوم وماتقطعيش في صلاتك ونامي علي وضوء ونامي علي القران وعلي طول والعي بخور في البيت علي شان تراضي ملائكة البيت ربي يسعدك

  26. أمير القلوب
    22/01/2011 at 14:10

    مش نحس ولا حاجه باختصار نصيبك لسه مجاش
    ودا احسن متتجوزى حد وتندمى بعد كده
    بالتوفيق

  27. هوان الحب
    22/01/2011 at 13:52

    دا مش اسمه نحس دا اسمه ان لسه قسمتك ما جتش الميلاد والزواج والموت كلها اشياء مكتوبة على الانسان بميعاد ولو علمتم الغيب لاخترتم الواقع ورب ضارة نافعة يعنى تخيلى انك اتجوزت واحد من اللى بتقولى عليهم وكانت حياتك تعيسه معاه مش كنت هاتقولى ولا يوم من ايام بيت بابا وانا انسة عيشى حياتك عادى وانت لسة 21 سنة يعنى صغيرة جدا على القلق ده اكثرى من الاستغفار والدعاء لربنا يمكن يكرمك ويبقالك نصيب فى من يريده قلبك

  28. ندى
    22/01/2011 at 12:52

    انت لسه صغيره وكل شى قسمه ونصيب وممكن فعلا كنتى تتجوزى اللى انت بتحبى وتحصل مشاكل تكرهى نفسك اعرفى ان ربنا مخليلك الخير ونصيبك هيصيبك حتى لو ايه وما تتجوزيش اى حد وخلاص استخيرى ربنا وفكرى بعقلك واتجوزى انسان على خلق اذا حبك اكرمك واذا كرهك لم يهينك واعتبرينا اخوتك وربنا معاكى ومعانا

  29. ابو البنات
    22/01/2011 at 12:22

    هونى على نفسك يا اختاة
    لسه النصيب مجاش

    انتى مش نحس ولا حاجه بس ربك بيسبب الاسباب عشان نصيبك لسه مجاش
    وانتى لسه صغيرة على القلق دة ربنا هيقدملك الخير ان شاء الله

    وباذنه تعالى يوفقك مع زوج تكونى سبيله فى دخول الجنه

اترك رداً أو حلاً لهذه المشكلة