انا اتخطبت بواحد هو اول واحد ف حياتى وحبيته اوى وهو المفروض انه بيحبنى بس فى اول مشكله مع اهله واهلى عشان موضوع الايمه باعنى وقالى انا مزعلش اهلى انا بعدت عنه وبعتله حاجته بس مش قدرت اعيش من غيره واتكلمت معاه تانى وقالى كلمى اهلك قولتله حاضر بس انت لازم تكون جنبى عشان ااقدر اقنعهم رفض وقالى اما يوفقوا ع كلام اهلى ابقى انا اتصرف بس عشان ارجعلك تنسى اهلك خالص لانهم ميلزمزنيش وكلام كتير ملو لازمه لاقتنى بقوله انى خلاص هقدر انساه وان لو كان حبنى مكنش اتكلم عنهم كده بس وبعدت عنه هو بيحاول يوصلى ان انا اللى بعته بس انا حاولت كتير وهو رفض يقف جنبى قالى اتصرفى انتى ولو اهلك موفقوش يبقى نبعد احسن بدل ما انا اتعب وانتى تتعبى يبقى هو كده متمسك بيا انا مش فهماه بس انا سبته ومش زعلانه غير انه مقتنع ان هو مغلطش ربنا يسامحه هو عارف ان لسه بحبه
مشاكل البنات قبل الزواج
باعني من اول مشكلة بفترة الخطوبة وغلط باهلي
اضيف بتاريخ: Saturday, March 5th, 2011 في 09:00
كلمات مشاكل وحلول: مشاكل البنات, مشاكل البنات قبل الزواج
يا اختى الانسان اللى ميحترمش اهلك قبلك بدون زعل مايستهلكيش وهيكون غير مؤتمن عليكى لانه بيمشى ورا اهله وبعدين مش عايز يضحى او يتنازل عايز اهلك هما اللى يوافقو هو لو بيحبك هيحاول يوصل لحل وسط او يحل الموضوع مع اهلك انا رأيى انك تبعدى وهو اللى هيحدد اذا كان فعلا شاريكى والا مش فارقه خليكى واقعيه ولما تزعلى ازعلى عاللى يستاهل
وانشاء الله تاخدى اللى يسعدك وبالتوفيق
اوعى تزعلى علية خالص دة مش بيحبيك علفكرة لو كان حبيك كان اتمسك بيكى لاكن هو عامل زى ميكون مصدق حاولى متفكريش فية خالص وانشاء اللة ربنا هيعوضيك باحسن منوا انشاء اللة
بجد محتاجه حد يرد عليا انا تعبانه اوى هو من يومين كلمنى وقالى انا لقيت الانسانه اللى تحبنى بجد ومش انانيه وانا ندمان انى عرفتك مع انى مكنتش معاه كده وربنا وحده يعلم بجد منه لله وليه بيقولى انا محتاجه رد —————
مدام باعك من اول مشكلة اعرفى انو هيبيعك على طول وكدة احسن ليكى يمكن ربنا عمل كدة علشان يخلصك من غدره والحياه مش واقفة عليه وربنا يوعدك باحسن منه اكيد وانتى ماتزعليش نفسك انتى احسن من كدة وهوا اللى خسرك مش انتى اللى خسرتيه وربنا يوفقك
اللي يعمل كدة هايبقى معاكي شخص متعب جدًّا اللي عملتيه أحسن حاجة هاتتعبي شوية بس هاتنسيه بسرعة ، ومايهمكيش بقة مادام بعتي إنه فاكر انك انت اللي غلطانة أو بيحاول يوصلي كذا ، دي تبقى اسمها تماحيك ، وسوري على المثل الصعيدي المقزز اللي هاقوله لأنه ماينفعش في الحالة دي الا هو ، مش هانتــ ………. ونلحسها تاني . آسف
ربنا هايبعتلك اللي يفهمك ويجبرك إنك تحبيه ، وبعدين الجواز مش شرط فيه الحب قبل الجواز ، بس فكرة المودة والرحمة ، يعني القبول والتسامح . . . . ربنا يوفقك
يابنتى ده ولا بيحبك ولا حاجة لو كان بيحبك كان وافق على القايمة حتى لو اهله رافضين انتى المفروض ان اهلك حايامنوا عليكى هو خايف من قايمة يبقى عارف نفسه ان هو مش كويس ومش بيحبك قد ماانتى بتحبيه احمدى ربنا انك لسة عالبر وان شاء الله ربنا حايبعتلك اللى احسن منه ومهما حصل اوعى تبعدى عن اهلك ابدا
قبل الجواز وبيغلط فى اهلك امل بعد الجواز هيقولك ايه سيبك منه هو شكله انسان غبى وربنا انشاء الله هيكرمك بواحد احسن منه ميت مرة لانه لو فعلا كان بيحبك يوافق باى حاجة تكتبوها فى الايمةوبرده لو انت لسه عايزاه اشروطى عليه مايجبش سيرة اهلك بحاجة وحشة وعلى راى المثل ابنك على ماتربيه وجوزك على ما تعوده فالاحسن تعوديه على انه يحترم اهلك ومايغلطش معاكى عليهم حتى لو كانوا اهلك دول كفرة لازم يحترمهم عشان يقدر بعد كده يحترمك وربنا يكرمك
ياحبيتي الانسان داه مش هتقدري تكملي معاه لانه مش متمسك بيكي فا حاولي تنسيه احسن واكيد هتلاقي الي يقدرك كويس