السلام عليكم أنا بنت عندى 23 سنة اتخرجت الحمد لله من الكلية و بدات بدراساتى العليا و حلوة الحمد لله و مش بقول كده على نفسى لا دى اراء اللى يعرفونى الحمد لله انا مشكلتى ان محدش بيتقدملى نهائى مع ان بلاقى معجبين بيا بس اعجاب بس مش بيتقدمولى خالص انا نفسيتى تعبت من الموضوع دا اوى , انتوا ممكن تقولوا ان سنى صغير انا عارفة دا بس اللى حواليا مش بيحسسونى بكده خالص و خاصة من قرايبى احنا فى عيلتنا بيتخطبوا على 20 و اصغر و اللى متخطبتش فى ناس بتتقدملها لكن انا لا انا كل ما اروح زيارة لحد من قرايبى تتقلى كلمة ايه مفيش جديد او مفيش حاجة قريب او شدى حيلك انا مبقتش ازور حد من قرايبى بسبب الكلام دا انا نفسيتى تعبانه جدا خايفة ابقى كده و العمر يجرى بيا خاصة انى مش قوية عشان اتحمل دا
مشاكل البنات قبل الزواج
نفسيتى تعبانه من كلام قرايبى عن الجواز
اضيف بتاريخ: Wednesday, March 13th, 2013 في 10:55
كلمات مشاكل وحلول: بنت, مشاكل البنات
اختي الكريمة كوني صبوره ولا تستعجلين على رزقج,يمكن ربنا قاعد يختبر صبرج وايمانج.وانشالله راح يرزقج بالزوج الصالح والله ماراح ينسى احد ادا دعيتي لربج وقوتي ايمانج فيه.وشغلي نفسج عن هالافكار لحد ما الله يرزقج بالرجل الصالح إلي يصونج.وتدكري انج مالازم تسمحين حق اي احد وقص عليج ويقولج انتي ليش ما تزوجتي لازم تكونين واثقه من نفسج ولا تخلين اي احد يستغل نقطة ضعفج
وانا بقولك اتقلي تاخدي حاجه نضيفه
ههههههههههه عندك حق ولاكن دي عادات وتقاليد سيئه جدااا البنت بتجوز في الاربعين والخمسين مش 23 سنة انتي لسة صغيره جدااا طلعي الكلام ده من دماغك وانجحي في دراستك علشان تتفوقي ويكون عريسك في مستواكي انشاء الله.
انا نفس سنك ع ف و كان عندي نفس مشطلتك..بس لما قويت ايماني بربنا و تيقنت انه كل اللي كاتبه ربنا حيوصلني و في الوقت اللي ربنا عاوزه…مابقيتش افكر كثيير و لا اشيل هم الكلام اللي بيقولوه اهلي مادام مش في ايدي حاجة اعملها …غير ان احناندعي يا حبيبتي و ان شاء الله ربنا حيكافينا على صبرنا بازواج صالحين و نترزق بذرية صالحة باذنه تعالى..و امي بتقولي يا ستي بكرة تزهقي مالجواز تقوليلي يارتني ماتجوزت هههه
ربنا يفرحك عاجلا و ليس اجلا
الله يكون في عونك .. انا عارف موقفك دة صعب لكن لا تنحني حتى لا تنكسري خلي دايما عندك رد جاهز للسؤال الغبي دة … وكمان اقلبي الموضوع لفكاهه عارف انه صعب … يعني مثلا انا عارفه مجاش عريس الغفلة دة او انا مستنياة وسيادته جاى على مهله … نيجي للخطوات العملية لتاخر الزواج من شقين الاول الخاص بيكي لازم تكوني منفتحة للدنيا انفتاح بادب وعقل جلسات عائلية تعارف حوارات مع العائلة الكبيرة علشان تتعرفي ويتعرف اسلوبك وتكوني محل جذب انتباه … الاشق الاخر وهو الدعاء دة سر من اسرار الدنيا رهيب ادعي بحماس وقوة دعاء بالحاح رهيب على ربنا وتاكدي انك هتسمعي خير قريب … ربنا يوفقك
ياا ست البنات ربنا بيقول
وفي السماء رزقكم وما توعدون فورب السماء والأرض إنه لحق مثل ما أنكم تنطقون
اصبري واوعاكي تستعجلي رزقك وتجري عليه
الصبر يمكن ربك شيلك حظك لوقت معين وان شاء الله خير مدام انتي طالبه الخير والستر ربنا هيوفقك فيه
ادعي بس انتي بالحلال