مشاكل البنات مع الشباب

هو انا بحبه بجد ولاموهومة ؟؟؟

بسم الله الرحمن الرحيم..
ازيكم ياريت بجد اشوف ردود كتير عشان استفيد منهااااا !!
انا بنت ماشية فى ال 16 .. بحب موضوع الحملات والعمل التطوعى والحاجت اللى زى كدا قابلت فيه هناك ناس محترمه جدا ولاد وبنات وبجد اعتبرتهم كلهم اخواتى …
بحكم ان فى بنات وولاد فى الموضوع دة ف كان بيكون فى كلام …
اكيد مش مع كل الناس بس للضرورة لما بيكون فى حاجة وطبعا مبسمحش لحد انو يتعدى حدوده معايا
ساعات كنا بننزل برا الحملات بس فى الحالة دى اخويا الصغير كان بيكون معايا وماما والله كانت بتكون عارفة ان ارايحة فين وجايه منين ..
المهم دلوقتى..
انا اتشديت لواحد معانا اوى بجد هو حد محترم جدا ومفيش كلمات تقدر توصفه
والايام دى بقيت بفكر فيه بطريقة غريبة جداااااا مبيغبش عن بالى تقريبا..
هو عنده 21 سنة .. انا مش عارفة اصلا انا بمثله ايه بس لما بنكون بنتكلم كلنا بيقولى بجد انا يمكن قولت لناس انتى زى اختى الكبيرة بس عمرى ماقولت لحد انتى ى اختى الصغيره .
ممكن تكون فعلا مشاعر اخوه بس؟؟ هو تقريبا فى حد في حياته انا مش متاكدة
انا مش عارفة بجد اعمل ايه انا اتعلقت بيه جدااا ومش عارفة اذا كنت فى باله اصلا ولا لأ
هو هيسافر كمات قربب وجاى بعد كام شهر .. وانا اساسا قاعدة بعيط من قبل مايمشى
ياجماعة بجد قولولى اعمل ايه انا مش عارفة 🙁
ومعلش سؤال كمان وانا بره ازاى احدد طريقة الكلام يعنى مثلا كونى انى بتكلم معاهم لما بكون هناك دة غلط او حرام ؟؟
وانا والله نازلة ومش فى بالى اى حاجة عغير العمل التطوعى
ياريت ارجوكم الرد وقلولى اعمل ايه 🙂
شكراااااا..

مشاكل وحلول ذات صلة

اضيف بتاريخ: Friday, August 12th, 2011 في 01:05

كلمات مشاكل وحلول: ,

11 رد to “هو انا بحبه بجد ولاموهومة ؟؟؟”

  1. ابواميرة
    02/11/2013 at 15:39

    اولا باحي فيك حبك للعمل التطوعي والخيري وده تشكري عليه وتنالي الاجرمن رب العالمين اذاكانت النواياصادقة من غير رياءولاتفاخر ومسالة الشاب اللي قلت عليه دامجرد اعجاب واستلطاف ليس الا وماتحكمي عليه انه يحبك اويبادلك نفس الاحساس الافضل لك في حياتك دراستك وتفوقك العلمي وعملك التطوعي استمري فيهما وربي يعطيك قدماتعطيه للناس من الخير ويكرمك باللي يستاهلك

  2. صاحبة المشكلة
    24/10/2011 at 00:48

    بحب أشكر كل اللى رد عليا بجد
    ربنا يكرمكم ويجازيكم خير و فعلا حسستونى انى مش لوحدى
    وهاخد باللى انتوا قلتلولى عليه شكرا جدا أ. شمس ضيفتيلى كتير
    انتى والبقية:)

  3. dede
    25/09/2011 at 13:19

    بصى بقى أناشايفة انك لسه بدرى انك تفكرى فى حاجة زى دى لسه قدامك مراحل كتيرة وهتدخلى الجامعة وهتقابلى شباب كتير ومش كل واحد هيعاملنى معاملة كويسة يبقى خلاص بحبه ومعجبة بيه لازم تعرفى ان موضوع الزواج والحب دى حاجة من عند ربنا مكتوب لكل واحدة مين هيكون شريك حياتها فريحى نفسك وخلى موضوع الحب ده للشخص اللى هيتقدملك واهلك يوافقوا عليه وقتها هتحسى بجد بمعنى الحب واول مشاعر تحسيها معاه حاجة جديدة غير حبك لاهلك وقدام الناس كلها ولاهى عيب ولا حرام

  4. HanyMoh
    06/09/2011 at 06:44

    أولا أنا أقول لك أنك لست موهومة بشيء..

    فالشخص الطيب حسن الخلق حسن الخلقة غالبا يكون محبوبا من الطيبين أمثاله ومن غيرهم..

    وليس معني أني أحب فلانا أو علانا أني سأتزوجه..

    ولكن إذا تزوجتُ من شخص فلا ينبغي لي أن أفكر بغيره..

    أما بخصوص شعوره ناحيتك فأعتقد أن عندك بعض المبالغة في التقدير،، وأعتقد أنه مجرد أن يقول لك أنك اخته الصغيرة فهو لا يفكر في الارتباط بكِ أو منشغل بغيرك..

    أنا لا أرى ثمة مشكلة من اعترافك لك بشعورك ناحيته،، ولكن إذا قابلك بالصد والرفض فإنه قد ينشأ بيكما شيء من الحرج الذي يكون شعورا غير مقبولا دائما..

    فإذا تيقنت بأنه يبادلك الشعور ذاته فلا حرج شرعيا في إخباره بشعورك نحوه إذا كان ذا هلق ودين ولن يخبر أحدا بما قلتيه له.. أما إن كان غير موثوق به فلا يجوز لك إخباره بأي شيء لأنها ستكون إهانه كبيرة لكِ..

    وكما قلتُ أنا أعتقد أنه غير منشغل بك،، ويعتبرك أخته الصغرى فعلا وخصوصا أنك صعيرة في السن،، فلا تشغلي بالك الآن وإن جد جديد فإن الله سيظهره لكِ بإذن الله،، وإن كان لكِ فيه نصيب فسيكون لك،، وإن كان لكِ في هير منه فهو كذلك..

    أما الرأي في الجمعيات التي تضم الشباب والفتيات معا ويتعاملا معاملة مباشرة في حدود الأدب واللياقة وعدم وجود خلوة شرعية بين أي شاب وفتاة،، فأنا لا أفضلها من باب سد الذرائع..

    فحاولي من تقليلها بقدر الإمكان واكتفي بمعاملة قريناتك من الفتيات،، لأن المرأة غالبا ضعيفة تخسر كل شيء إذا ما وقعت في المحظور..

    وفقك الله للخير ونشر لك السعادة في حياتك دومًا..

  5. مريم
    28/08/2011 at 13:16

    انا بنصحك انك تعترفيلو بحبك قبل ما يسافر واذامو انتي البنت الى في حياتوا احكيلو خاص احنا اخوات وانسى الكلام الي حكيتلك ايها واتمنيلو حياة سعيدة مع الي بيحبها هيك بيعرف انك بتحبيه كتير وانك مو اننية ويمكن هادة يجزبوا لالك ويمكنيتقرب منك ويصير يحبك
    والله يقدرك على فراقو لمن يسافر والله يوفقك ويسعدك

  6. hagar
    22/08/2011 at 11:30

    بصي كبري مخك كله لسه بدري عليه وانا سبقتك في الوكسة واوعي تقولي له انك بتحبية حتي لو موتي انا بعد اسبوع من تصريحي له بالحب اختفي وبقا يعملي بطريقة لا تليق بيا مع العالم انا 18 سنة حاولي تتجنبيهوالمواقف اللي هو موجود فيها عشان هتتجرحي اوي زي كده عيشي حياتك من دون تعقيد وغير كده انتي داخلة علي ثانوي عام فبلاش تشتيت
    واتمني ليكي الخير معه او غيرهوما تتعلقيش بحد اوي عشان ما تتجرحيش اوي

  7. dodo
    20/08/2011 at 01:59

    بسم الله الرحمن الرحيم انا ممكن اكون حسه بيكى بس عوزه انصحك نصيحه انه ممكن يكون مرتبط بحد فعلا لانه لو كان بيبادلك نفس الشعور كان لمحلك ومن المفروض ان البنت متصرحش لحد بمشاعرها لحد ابدا

  8. نجم الجيل
    15/08/2011 at 18:06

    بصى يا اختى انا مش هقوليك دا اعجاب ولا حب انتى يا اختى فى سن اسمو سن المراهقه يعنى لسه شخصيتيك مكملتش يعنى برضو لما مش عارف مشعريك ريحه فين ولا جايا منين يعنى انتى فكرتى فى الموضوع بقلبيك ومشغريك بس جربى بقا تفكرى فى الموضوع بعقليك وبوصى الى المستقبل انتى عاوزة تكونى ايه وتوصلى الى ايه وشوفى بقا هل هيكون مناسب ليكى ولا لا ومتنسيش حاجه مهما انتى اصلا متعرفيش اذا هو مرتبطه ولا لا ارجو ان كلمى يكون فاديك وربنا يوفقيك ويحميكى ويستر عرضيك

  9. doody
    14/08/2011 at 04:23

    ممم والله صعبه بس تأكد يمكن مشاعرك هذي ما تكون حب يمكن يكون اعجاب…واذا تبى تعرفي حاولي تفكري كيف راح تكون حياتك وهو مو موجود فيها..وأسألي نفسك انا ليش أفكر فيه..واذا اسباب لكثرة التفكير فيه فهذا يعني انك معجبه واذا مالقيتي أسباب يعني انتي تحبيه.!
    واذا تحبيه حاولي تدعي كثير انو يكون من نصيبك ولآ تعملي أي حاجه تغضب ربنا والحي فيالدعاء وربي انا مجربه هذا الشي وبس دعيت حبيبي اللي بعيد عني طلعني من تحت الارض وخطبني وهو ماكان يدري اني احبه..بس الله جمعنا بالصدف موضوع طويل
    وعلى فكره انا بنفس عمرك وحبيبي عمرو 22..أدعي وراح يجيك اللي يسرك ولآ تغلطي أبداً وخلي أمل بالله كبير..والسلام عليكم

  10. toto nona
    12/08/2011 at 22:01

    حاولى تحسى من تصرفاتة وحاولى تتمسكى بشخصيتك الجادة حتى معه لحد ما تتاكدى ان فى حد فى حياته ام لا ولو هو واخد باله منك هتحسى علية وهيبان اهتمامة بيكى وفى الوقت نفسه انتى مش تحسسيه باى حاجة من ناحيتك لحد ما هيزهق وهييجى يعترفلك بشعوره ناحيتك لانة هيبقى حاسس انك مش سالة فيه الكلام ده لو هو بيحبك ومفيش حد تانى فى حياته. وربنا يقدم لكى كل اللى فيه الخير

  11. sun
    12/08/2011 at 04:28

    اولا احييك علي عملك التطوعي ده ويارب كل الناس تعمل كده اما بالنسبه لموضوعك بقي مش حقولك ده عنده 21 سنه وانتي عندك 16 يعني لسه سن مراهقه والكلام ده لان مش بالسن وكلامك وفكره انك تقدمي علي عمل تطوعي ده يدل علي انك انسانه عاقله فحقولك انتي معجبه بيه مش اكثر وطبيعي انك تعيطي عشان انتي حساسه وكمان اعجبتي بيه وهو اول حد تعجبي بيه كده هو بقي انتي مش عارفه شعوره ناحيتك وعاوزة تعرفي هو قالك انك انتي زي اخته الصغيره يعني شايفك محترمه وزي اخته بس انتي تعاملي معاه عادي زي اي حد لغايه ميعرف شخصيتك او طريقتك في التعامل مع اللي حواليكي ولو اعجب بيكي صدقنيني حيقولك او حيعمل تصرفات تبين ليكي اعجابه بيكي وبالنسبه لسؤالك ازاي تحددي حقولك انتي في مجال عملك ده طبيعي حتتعاملي مع شباب وبنات بس انتي محترمه وانك تتكلم مع شباب ده طبيعي احنا في مجتمع مختلط ولازم تعرفي تتعاملي معاهم بس في حدود يعني متبقيش صارمه وشديده في معاملتك ولا تزودي في المعامله يعني كل حاجه وليها حدود خليكي واثقه من نفسك ومتسمحيش لحد يحس انك سهله وانه ممكن يضحك عليكي او يلعب بمشاعرك خليكي في نظرهم البنت المحترمه الملتزمه اللي تخلينا غصب عننا نعاملها باحترام ليه عشان المحترم محترم لنفسه وبيفرض احترامه مع الاخرين وربنا يحميكي يارب وبلاش تعيطي بالله عليكي دموعك دي مش لاي حد وربنا يقدرك علي فعل الخير دايما ويوفقك في حياتك العلميه والعمليه يارب اختك شمس

اترك رداً أو حلاً لهذه المشكلة