مشاكل البنات مع الشباب

اخاف من ملاحقة شاب لي بعد تركي له

انتوا هتلاقوا مشكلتى غريبه شويه بس لو سمحتم ايدونى حل مناسب انا فتاه عندى من العمر 14 سنه كمان كام شهر وهخش فى 15 سنه انا عندى ايميل على الفيس بوك زى كل البنات بس المشكله ان فيه واحده اسمها شبه اسمى وهى قدى بس هى منحرفه شويه يعنى البلد كلها عارفه ان هى مش كويسه المهم ان انا الايميل بتاعى شبه ايميلها او نفس الاسم فكل يوم بيجينى طلبات صداقه من صبيان كتير وانا مش بقبلها وفى مره واحد بعتلى طلب صداقه على انوا بنت فقبلت الطلب وبعد لما كلمته وعرف ان انا من نفس بلده او قريته بمعنى اصح وفى تانيه اعدادى قالى ان هو ولد فهو كان بيحسبنى البنت التانيه دى فأنا قلتله انى مش هى وانا واحده تانيه فقالى انا عايز اعرف انتى مين فمرضتش اقلوا فقعد يهددنى ويقولى انا هعرفك وهجيبك وهعملك احلى مشاكل فى مدرستك فأنا قلتلوه ان انا زى اختو وقعدت اترجاه فبردوا مرداش وفى الاخر جاب اسمى وهو بيكلمنى على الشات كلم واحده زميلتى وقالها ايميل مين ده فهى طبعا قالتلوا ايميل كذا فكلمنى وقالى انا عرفت انتى مين وقالى بس انا اعرف عنك انك محترمه ومش بتاعت الكلام ده فقلتلوه شفت ازاى انت ظلمتنى المهم قعدنا نتكلم كذا يوم بس يعنى معداش الاسبوع وبعدين هو شافنى فى الشارع مره ورجع كلمنى وقالى انا بحبك وكده فأنا طبعا خفت وقلتلوا انت زى اخويا وانا مش بفكر فى الحاجات دى فقالى انا هاجى اخطبك وكده فأنا مرضتش وبعديها بكام يوم حكيت لماما وقلتلها انى بكلم ولد وان هو زى اخويا فقالتلى كده غلط وقفلى معاه ومعتيش تكلميه فأنا قلتله فهو وافق وقالى انا هبعد عنك فلغيت الصداقه اللى بينا وبعديها بكام يوم لقيته بعتلى رساله بيقولى فيها انا مش قادر استحمل ابعد عنك وكده وانا هنتحر وهتبقى انتى السبب مع العلم انوا اكبر منى بتسع سنين فأنا فهمت انوا بيستعبط وعايز يمشى معايا وخلاص فقفلت معاه تانى وانا دلوقتى بقيت كل ما افتح الفيس ابقى خايفه الا يكون فيه رساله منو مع العلم انو عدا على الموضوع ده شهر بس كل ما امشى فى الشارع مع امى او ابويا اخاف احسن اشوفه قدامى مش عارفه ليه مع انى عارفه انى معملتش حاجه غلط ارجوكم ساعدونى عشان اتخلص من عذاب الضمير ده اللى هيموتنى

مشاكل وحلول ذات صلة

اضيف بتاريخ: Tuesday, June 17th, 2014 في 05:32

كلمات مشاكل وحلول: , , , ,

7 رد to “اخاف من ملاحقة شاب لي بعد تركي له”

  1. مجنون نسوان
    04/01/2016 at 02:27

    تقدري تعمل حظر للفيس بوك بتاعك اوتغير الايميل نهايئا وتعمل بلوك لكل رسائله اللي يبعتهالك وتنتهي المشكلة واذاشفتيه في الشارع لاتعيريه اي اهتمام خالص وخليك واثقة من روحك لانك بنت محترمة وماغلطت معه بشئ وربي يسترعليك ويحميك من كل سوء

  2. ابوبتول
    22/07/2014 at 00:54

    الحل انك تعمل حظر لرسائل الشاب ده على الفيس بوك افتحي البروفايل بتاع الشخص ده واعمل حظر على رسائل التي يبعتهالك وبكدا تخلصي من معاكساته وازعاجه لك وترتاح خالص واحذري من التساهل مع الشباب عبرالنت والافضل انك تغيري ايميلك وماتعطيه احد الا من تثقي فيه من الاهل والصديقات وربنايسترعليك ويحميك

  3. ريما
    03/07/2014 at 09:42

    المشكله ان انا سمعت عنوا بعد كده ان هو شخص مش محترم وبيعمل مشاكل لبنات كتير قوى وبيفضحهم بس الاستاذ طارق بن زياد حضرتك انا للاسف معنديش اخوات صبيان ومع العلم ان بابايا مش متفهم خااااالص وانا مش قريبه اوى من عمامى او خلانى او كده عشان احكلهم موضوع زى ده تحياتى لحضرتكم جميعا وشكر على التعليقات

  4. nody
    22/06/2014 at 22:20

    ميقدرش يعملك حاجة وابسط حل انك تعملي اكونت علي الفيس او ايمل تاني واعمليله بلوك وبعدين ممكن تسمي الاكونت بتاعك باسم مختلف ولما تشوفيه ف الشارع امشي بكل ثقة لدل ما انتي معملتيش حاجة غلط ربنا هيقف معاكي صدقيني .. وهو عاوز يمشي معاكي مش يخطبك وخصوصا هو اكبر منك زي ما قولتي يمكن مش هتفهمه بعض ولو حتي بيحبك بدل ما انتي خفتي منه هتفضلي خايفة دايما خلي عندك ثقة ف نفسك وربنا معاكي 🙂

  5. Alosha
    22/06/2014 at 16:14

    حبيبتي مادام انتي مسويتي شي غلط لانو بالبداية كلمتي ع اساس انو هو بنت والغلط منو مو منك… خلاص لا تخافي وغيري اسمك ع فيس بوك والايميل لانو يشبه اسم البنت الكلتي عنهه …. تحياتي*_^

  6. Yasser break
    21/06/2014 at 19:51

    أختي الكريمة الحمدلله رب العالمين مشكلتك ليست بالخطيرة الى اقصى حد
    بالعكس حلها سهل وفي متناولك ………أولا أفتحي بروفايل الشخص المزعج ع الفيس بوك
    وأعملي لية حظر…..وبالتالي تضمني انك لن تتلقي اي رسائل منه..ولا داعي للخوف وانتي وسط اهلك واسرتك في كلا الأحوال المفروض ان هو اليشعر بالخوف لما يشوفك مع اهلك مش انتي التخافي
    عشان كدا لا تخافي ولا تقلقي وهو تلاقية من جوا مرعوب وخايف من اهلك ع العموم قوي قلبك ولا داعي للخوف…تحياتي

  7. طارق بن زياد
    20/06/2014 at 18:27

    الحمد لله والصلاة والسلام على رسول الله وعلى آله وصحبه، أما بعد:
    شكرا لك لطرح مشكلتك..

    بخصوص مشكلتك خير ان شاء الله الحل سهل هو ان تغير فايس بوك الخاص بك واعمل ان ما في شيء حصل كانك لم يحصل شيء وما تخافي منه لانه ليس شبح هو كان سوء تفاهم هو بيعمل كده عشان يستغلك وعشان يلاقيك ويضحك عليك ما تلتفتي لهذا الامر عيشي حياتك طبيعية كان لا يوجد شيء واذا يوم وجدته في شارع اما والدك فقولي لن انه هو اللي بيزعجني ولو لديك اخ لك او شخص او ابوك او من عائلة مقرب لك قولي له بيزعجني شخص واذا حصل يوم ما وجدته فاخبري اي شخص بشارع عشان يبعدك منوا وحاولي ان لو صديقتك تتبعوا ساكن فين عشان يجي ابوك او من اهلك ويدق على بيتوا عشان يخبره بان ولدكم بيزعج ابنتي في ذلك الامر سوف تحل مشكلة وما راح يبقى يزعجك مرة اخرى وان شاء الله تحل مشكل التي اسهل وبسيطة فقد لازم الشخص يشغل عقله يارب يوفقك في حياتك

    والسلام عليكم ورحمة الله تعالى وبركاته

اترك رداً أو حلاً لهذه المشكلة