انا مشكلتي اني كنت مخطوبة لواحد جنبنا يعني هو ساكن في الشارع بتعنا بس احنا كنا لسة نقلين في البيت ده قريب وفجاءة بعد ما قعدنا في البيت الجديد ده مدة لاتقل عن سنة بعد العيد الصغير اللي فات دة عالطول كان ساكن جنبنا راجل كبير في السن عمره تقريبا60 سنة وجه لبابا في البيت وقاله ان في ناس شيفينكوا ناس كويسين وعايزين ييجوا يتقدموا لبنتك0000 رد بابا وقاله طب العريس ده يعرف بنتي منين رد وقالو كفاية بس انكم ناس سمعتكم سبقاكم وبعدين بابا قاله انا معنديش بنات للجوازوبناتي لسة صغيرين قاله طب شوفهم الاول واحكم وهما بعدين هيستنو عل بنتك 3 سنين بعد كدة بابا قاله هاخد براي بنتي الاول وعلي فكرة العريس دة فاضل رايح جاي علي بيتنا لمدةحوالي 3شهور فبعدين وافقت وتمت الخطوبة لمدة 6 شهور وكنا اسعد اثنين مع اننا مكناش نعرف بعض كويس قبل كدة بس بجد حبينا بعض اوي اوي لاكن في اخر شهرين بنا وبين بعض اكتشفت انه كان بيسمع كلام اخته جدا واخته هي اللي كانت مصيطرة علي كل حاجة وعرفت انه مكانش عندة شخصية مع ان بابا وماما واخواتي كانوا حاسين هما كمان ان اخته هي اللي مسيطرة المهم بعدماعرفت كل دة وبعد ماوعدني انه هيتغير ومستعد يبيع اهله علشاني للاسف سدقته وعملنا الشبكة في اخرشهرين والشبكة في اول الشهر وانفصلنا في خامس يوم من الشبكة لان اخت راحت كتبت الدهب باسم عمها وبعدين غيرنا الفاتورة باسمي والحال مشي بس في الاخر ماحصلش بينا نصيب وكل دة بسبب اخته وبعدها بشهرين اتخطبت لواحد قريبي بس ماكنتش مرتاحة معاة ولا عرفت احبة زي ماهو بيحبني لدرجة انه مصداقش اني سيبته فضل يرن عليا كل يوم بس انا سبت علشان اتهم ماما بحاجات هي ماقاليتهاش فعلشان كدة سبتة ومن ساعتها وانا كارهة اي حد مع اني بنوتة رقيقة اوي ومش بحب الطلبات الكتيرة كل اللي انا كنت عايزاه اني الاقي الانسان اللي يحبني بجد واللي انا كمان احبه اكتر من فضلكم ردوا عليا بحلول تفيدني
مشاكل البنات مع الشباب
كرهت الارتباط باي شاب بعد الخطوبة لثلاثة
اضيف بتاريخ: Wednesday, July 30th, 2014 في 05:30
كلمات مشاكل وحلول: الخطوبة, بنات, بنت, فسخ الخطوبة, مخطوبة
شوفي يابنتي مش معنى ان خطوباتك السابقتين فشلوا انك مش كويسة ولاتستاهل الارتباط لا ابدا كل شئ قسمة ونصيب ياحبيبتي وكثيرا من البنات بيحصل معاهم كدا واكثر انت ماشاء الله عليك زي القمر والف من يتمناكي ياست العرايس وهتلاقي نصيبك جاي مع ابن الحلال اللي يستاهلك فعلا ويقدرك ويصون مشاعرك ويسعدك طوال حياتك اكثري من الدعاء لربنا عزوجل والمحافظة على دينك وخلاقك وسمعتك وسمعة اهلك والاكثار من قراءة القران والصلاة في وقتها والصوم والاستغفار وسوف يكرمك الله من واسع رحمته وعظيم فضله ومن يتقى الله يجعله مخرجا ويرزقه من حيث لايحتسب
حصل مع اختى نفس اللي حصل معك ويمكن اكثر 5مرات تنخطب وتفشل الخطوبة وتنتهي الاولى- كان ابن عمها وكان اكبر منهاب 4سنوات وكانت امه مسيطرة عليه وتتحكم فيه الثانية- احداقارب امي وكان شاب اهله مدللين الواد ومبوزين اخلاقه الثالثة- ابن صديق الوالد وكان واد من عيلة غنية وكان كثير السفروالرحلات وبتاع بنات الرابعة – احدالجيران في الحي وكان كثيرالمشاكل والخناقات في الحي الخامسة – احدزملاء الدراسة ولكنه مهمل في عمله وغير متحمل اعباءالمسولية ومع كلهذا لم تاسى وعرفت انو كل شي قسمةونصيب وصبرت حتى اكرمها الله عزوجل بالزوج الصالح وهواستادكبير في الجامعة وارمل وعنده 2ولد من زوجته المتوفاة ورضيت بالزواج منه ورزقهاالله اولاد وبنات منه وعايشة في منتهى السعادةوراحةالبال معه
انا من راي الاخ محمد-محاسب واتفق معه في كل ماقاله للاخت صاحبة المشكلة وعاوز اضيف ان الاختيارالجيد لشريك العمر مهم جدا من كل النواحي الدينيةوالاخلاقيةوالصحيةوالاجتماعية وماتغرك المظاهر الخادعةالكدابة واوعي تخلي الندم يسيطر عليك انسي كل ماحصل معك من خطوابات فاشلة والماضي راح وانتهى وفكري في مستفبلك والجاي احسن من اللي راح وربنا يكرمك بابن الحلال اللي يستاهلك ويقدريسعدك في حياتك
انا مع رأى محمد\محاسب كل شئ قسمة ونصيب وربنا سبحانه وتعالى كف عنك شر جواز ممكن جدا كان يفشل المهم تنسى اى حاجة فاتت وتأكدى ان ان شاء الله الجاى احلى ولازم تعرفى ان الحياة مش بتوقف على اى موقف وحش حصلك اسفه ياقمر انى طولت وربنا يوفقك لما فيه الخير ليكى يارب
الي الاخت الفاضلة صاحبة المشكلة – كل شيء قسمة ونصيب – انتي اتخطبتي ومحصلش نصيب – حاولي تنسي – الجأي الي الله سبحانه وتعالي – اقري قرأن – صلي وصومي – اصحي كل يوم الصبح قبل صلاة الفجر بساعة استغفري ربنا واحمديه وسبحيه واطلبي منه كل اللي بتتمنيه – ربنا سبحانه وتعالي ينزل الي الارض من فوق سبع سماوات بما يليق بعزته وسلطانه سبحانه وتعالي ويقول : هل من تائب فاتوب عليه ؟ – هل من مستغفر فاغفر له ؟ – هل من صاحب حاجة فاعطيه ؟ – الجئي الي الله سبحانه وتعالي تقربي اليه بالفرائض والسنن – واطلبي منه ما تشائين – الله سبحانه وتعالي يحب العبد اللحوح – كثير الدعاء – لاتملي من الدعاء – اكثري من الدعاء – العبد منا يغضبه الطلب ولكن الله سبحانه وتعالي يحب من يكثر من الطلب والدعاء – ان شاء الله ربنا سوف يجيب دعائك – امتي لما هتطلبي اكتر وتتقربي لربنا اكتر بتذلل وانكسار – وتقربك الي الله ينسيكي طلبك – ولكن الله لاينسي – في الوقت الذي يراه هو سبحانه وتعالي سوف يجيب دعائك باكثر مما تتوقعين – ثقي في الله سبحانه وتعالي وهو سبحانه وتعالي سوف يعطيكي اكثر مما تطلبين – اتمني ليكي السعادة – وكل عام وانتم بخير