مشاكل البنات مع الشباب

حائرة بين زواج الصالونات و حبيبي اللي تاعبني

ياريت حد يفدنى .. اولا انا فى الفرقة الثالثة كلية الصيدلة وعلى قدر كبير من الجمال بشهاده الجميع بس دايما حيرانه ومتردده حتى فى ابسط امور حياتى بس اتحطيت فى موقف انى لازم اخد قرار ومرجعش فيه بس للاسف برجع غصب عنى . انا كنت بحب زميلى من ابتدائى وفضلت محافظه على حبى ادام ربنا علشان يدوم بس اما روحنا الكليه ومبقتش اشوفه ولا حتى صدفه اضطريت اكلمه على الفيس وبعدها الموبيل واتعودت عليه اكتر من الاول وكنت واثقه فيه جدددااا بس اكتشفت انو محوراتى اوى فى اكتر من موف وبشهاده ناس كتير و لبصاحب بنات من وجهه نطره انهم مخترمين و جدعان وبيخروج معاهم وبيحكيلى كل ده و بيبعتلى صوره معاهم كمان وفاكر انو كده بيرضينى انو مش بيخبى حاجه بس طبعا مفيش واحده تقبل يكون حببها بيفكر فى اى واحده تانيه خصوصا لو هو مطلعش اد الثقه فى مواقف كتير خت قرار انى اسيبه كتير بس هو اللى كان بيرجعلى دايما ويقول انو مستحيل يستغنى عنى وانا كنت بضعف ادامه وبتجاهل اى حاجه تحصل عشان احافظ عليه بس بردو كان يعمل اى مشكله اقرر اسيبه ونتفق انو ميكلمنيش ويكلمنى بردو وانا برد عشان دايما بيبقى وحشنى خصوصا ان كلمنا دايما كلام اصحاب مش حبايب … مشكلتى المره دى انو بيخبى عليا كتير حاجات خاصه بمستئبله اللى المفرود يشاركنى فيه .. يس للاسف بقيت احس انى بقيت زى غيرى رخصت نفسى وكلمنى بعد ما سيبنا بعض بشهر قولتله انى قررت انى مش عاوزة اكلمه اتفقنا انو هينفذ عشان قالى انى تعبت معاه كتير ولازم يريحنى ,, الصراحه حسيت انو مش متمسك بيا وعايش حياتو عادى ..
الفتره دى متقدملى عريس كوبس فى كل حاجه ومش عارفه اعمل ايه ؟ مع انى واخده قرار انى مببقاش سعيده مع الانسان اللى حبيته ودايما ببقى تعبانه وغيرانه وانا معاه وقرارى مش هتنازل عنه ,, بس بحنله دايما وخايفه اتعرف على الشخص اللى متقدملى محبوش او هو ميحبنيش او يطلع كداب وى اللى قبله او اكون اتسرعت وما تمسكتش بحبى او اكون استعجلت الاتباط وربنا هيعوض عليا واحب بجد ,, وجواز صالونات ممكن ميريحنيش واعيش طول عمرى تعيسه .. انا فعلا محتاجه راى حد فاهم يكلمنى
ياريت تساعدونى

مشاكل وحلول ذات صلة

  • تابع المزيد من مشاكل وحلول

اضيف بتاريخ: Friday, August 8th, 2014 في 11:24

4 رد to “حائرة بين زواج الصالونات و حبيبي اللي تاعبني”

  1. ابوالبتول
    30/10/2016 at 23:08

    مش عارف انت ليه بتفكري في الشخص الاول مع انك عارفه انو شاب بتاع بنات وكداب ومش واثقه فيه وتشعري انه يخبي عليك حاجات خاصة بمستقبله وهذذا تساهل منك في كرامتك وترخصي نفسك له ولازم تتركيه فورا وتنسيه للابد لوكنت حريصة على اسعاد نفسك والحفاظ على كرامتك وكرامة اهلك وصدقينى الحب الحقيقي يكون بعد الزواج ودام انو في شخص ثاني متقدم لك وهو ابن حلال كويس وعلى خلق وتربية ومن عيلة كويسة ايه يمنع انك ترتبطي به واحسن من الشخص الاولاني بالف مرة وعمرك ماهتندم لو تزوجت منه وجواز الصالونات ناجح وياما ناس متزوجين بالطريقة دي وعايشين في منتهى السعادة والاستقرار في حياتهم الزوجية اتمنى انك ماتفرطي في الشاب الثاني المتقدم لك وتفكري بعقلك قبل قلبك وتعرفي ان الحياة فرص ولازم الواحد يغتنم الفرص قبل ضياعها من يده والله يوفقك ويسعدك في حياتك نشاءالله

  2. lola
    20/08/2014 at 05:39

    انا صاحبه المشكله شكرا اوى با مومو وكلامك صح يا ميدو .. انا للاسف رفضت العريس وبردو لسهممقدرتش انسا حبيبى الاول وسبنا بعض نهائيا .. بس للاسف كتير اوى بفكر اكلمه لانه وحشنى جداااااااااا بس خايفه اققلل من كرامتى 🙁

  3. momo
    09/08/2014 at 09:08

    اوعي تشتري انسان مش شاريكي ……عﻻقتكم ببعض كانت مرحلة في حياتكم و انتهت و صدقيني ده بيحصل و بناخد منه دروس كستفادة بتنفعنا جدا بعد كده…صدقيني معظم حاﻻت الحب اللي بنعيشها بتكون اما تعود او اﻻحتياج للجنس اﻻخر في مرحلة معينة من حياتنا سواء كنا كبار فيها او صغيرين…..انتي حبيتي الشخص اﻻول في مرحلة معينة من حياتك و عشتي تجربتك بحلوها و مرها و فرحتي في اوقات و زعلتي في اوقات و اكيد التعامل و اﻻحتكاك طلعتي منه بدروس مستفادة لما تبصلي للمرحلة دي كده هو ده التفكير اﻻيجابي اللي حيخليكي تحسي ان اللي حصل ده كان خير انك عرفتيه و كمان سبتوا بعض ده لو فكرتي بايجابية اكيد حتﻻقيه خير ليكي…..القصد من كﻻمي بصي للامور بتفكير إيجابي مش سلبي….السلبية هو إنك تقعدي تبكي علي اللبن المسكوب و توهمي نفسك ان الشخص ده مش حتحبي غيره و صعب نسيانه صدقيني سعادتك او تعاستك مبنية اكتر علي طريقة نظرتك للامور…..حاولي دايما تبصي لنفسك و تتعلمي من اخطائك و احنا صغيرين دايما اللي بيحرك مشاعرنا غالبا بتبقي شويه مظاهر بس لما بنحتك و نتعامل بجد بنكتشف مع الوقت ان اختيارنا كان غلط و صدقيني مشاعر اﻻنسان و عواطفه مرتبطة بدرجة نضجه و طريقة تفكيره……فأنا مش حقولك اقبلي الشخص اللي جايلك ده بس اعطيه فرصة كافية ﻻنك تعرفيه و يعرفك و مهما كان عريس مناسب لو قلبك متفتحلوش ارفضيه و برضه تجربتك السابقة اكيد حتعلمك اكتر انك تقيمي مشاعرك ناحيته و مشاعره ناحيتك بس متستسلميش لعواطفك اوي و متفكريش بعقلك اوي و لو انتي فاهمة ان الحب بيدخل القلب بدون استئذان و محدش يقدر يتحكم في مشاعره و الكﻻم الفاضي ده يبقي ارجوكي غيري منظورك للحب…..ﻻن قبل ما تكون طبيعة الحياة اللي انتي عايشاها اصعب من كده الناس اللي حواليكي للاسف بيستغلوا الناس اللي بتتعامل بالنقاء ده استغﻻل سيئ ﻻزم تعرفي انك في عالم ملء بالشر و اﻻشرار و اﻻستغﻻل و فيه برضه جوانب حلوة في كل انسان بس متعيشيش الحياة بالنظرة الوردية دي عشان متتعبيش ﻻن اللي فاهم الحب من المنظور الوردي ده اكيد متعاملش مع جنس البشر و عرف طبيعتهم….كلنا عندنا احﻻم وردية بس الحياة و ظروفها و طبيعة البشر اللي حوالينا بتخلينا نفكر بواقعية و صدقيني ده مش بيقلل من سعادتنا بالعكس بيزودها ﻻنه بيحسسنا اننافهمنا طبيعة الحياة صح و ان احﻻمنا االوردية دي كانت احﻻم صغيرة اتكونت جوانا ﻻننا مكناش فاهمين طبيعة العالم و البشر اللي حوالينا ففكري بايجابية و قبا كل شئ قربي من ربنا و ان شاء الله عمرك ما حتكوني تعيسة

  4. ميدو
    09/08/2014 at 08:16

    حضرتك طول ما فى شك وغيرة وعدم ثقة بينك وبين الشخص اللى بتحبيه وهو متقدمش رسمى ياريت تقعدى مع الشخص اللى متقدم يمكن يكون محترم و احسن من اللى بتحبيه وكتير من جواز الصالونات نجحت بنسبه كبيرة بشهادة اشخاص اعرفهم وصلى صلاة استخارة وان شاء الله ربنا يكرمك

اترك رداً أو حلاً لهذه المشكلة