انا بنت عمري ١٨ سنة اتعرفت على صديق ليا و استريحتله جدا لدرجة اتي حسيت اني اتعلقت بيه لكن انا مش بحبه المهم قالي انه بيحبني بس انا رفضت علشان انا متاكده اننا مش هنكمل مع بعض و اني مش بحبه بجد و بعدين بعدت عنه من ١٠ شهور المشكلة اني عمالة افكر فيه كل الشهور دي و مش عارفة انساه او اعمل اي وحاجة المشكلة الاكبر اني متاكده اني طول ما انا فكراه و بفكر فيه هو برده بيعمل كده و انا رافضة من جوايا انساه و خايفة الا ينساني و اكون عندو انسانة عادية بس المفروض اني اشيل ده من دماغي و استمر بحياتي لكن مش عارفة انا خايفة انسى يكون هو نسيني مع اني مش بحبه ليه كل ده بيحصل و ازاي اتخلص منه
مافيش احلى من الصراحةوالصدق كوني صريحةوصادقة مع الشاب واخبريه الحقيقة انك ماتحبيه ولاتفكري فيه بدل من الغش والخداع والاوهام الكاذبة الحب الحقيقي لازم يكون من الطرفين ونابع من جوةالقلب والافضل انك تنسيه خالص وماترديش على اتصالاته نهايا وفي الاخر كل شي قسمةونصيب
بسم الله الحمن الرحيم عزيزتي صاحبة مشكلة (هتجنن من التفكير في صديقي)
انتى عمرك 18 سنه معناته انك لازلتي غير كاملة النضج العاطفي ولا تغضبي من كلامي قد يكون عقلك شديد الذكاء وقد تكوني متفجرة الأفكار لكن المشاعر العاطفيه لديكي مفعمة ومتوهجه وحساسة لدرجة الإستجابه السهلة والتعطش لإهتمام من حولك وسماع عذب الكلام والاطناب وتفكيرك في صديقك يندرج تحت اهتمامك بمن حولك انتي تقولين : (تعرفت على صديق ليا و استريحتله جدا لدرجة اتي حسيت اني اتعلقت بيه لكن انا مش بحبه المهم قالي انه بيحبني بس انا رفضت علشان انا متاكده اننا مش هنكمل مع بعض و اني مش بحبه بجد) هو الواحده أو الواحد لما بيرتاح لحد خلاص يتعلق بيه كدا من الباب للطاق ؟ طبعا غلط انتى متعطشة للمشاعر الجميلة وتريدي أن تعيشي قصة حب مع شخص يستحق الإهتمام والإهتمام المتبادل وانتي متردده في ذلك وهذا مرجعه تمسكك بقيمك النبيله لكن تضعفين أحيانا وتفكري فيه ودا شئ طبيعي – وأنتي تعيشي في صراع تارة تهربي وتارة تقتربي منه بأفكارك وبعدتي عنه 10 شهور وعاودتي التفكير فيه وتخافين أن تكون غيرك إحتلت قلبه – وتقولين (اني متاكده اني طول ما انا فكراه و بفكر فيه هو برده بيعمل كده) لا طبعا مش لازم يكون بيفكر فيكي ولا بيعمل كدا زي مانتي بتفكري فيه وإلا كان حاول يتصل بيكي في الــ 10 شهور التي نسيتيه فيها – انتى تعيشي في صراع وهمي ومتخيله أنه سينجرف لتيار واحده غيرك – ماينجرف هو ايه أصلا بالنسبالك ؟ ولا حاجه – انها تيارات عاطفيه ومشاعرتطاردك وانتي تستجيبي لها بلا وعي
وانتي قلتي أنك مش بتحبيه بجد يبأه إيه لزوم الإنشغال والسهر والقلق وقلة الراحه ؟ شئ مضحك – متزعليش من كلامي – اسألي روحك من هذا الشخص ولم افكر فيه بهذا الاهتمام وأنا منجرفه الى تياره قسريا ؟ وجاوبي لو لقيتي سبب واحد يعطيكي المبرر لهذه الحيره أقول لكي انت محقة – انتبهي لدراستك وسوف يكون في طريقك شخصيات جديرة بالاهتمام وسوف تجدين نفسك في عيون كثيرون يقدسون الحب الواقعي والعلاقات السليمة وستحصلي حتما على انسان تكون مشاعرك تجاهه صادقة وقويه بل قد تكون عاصفة – اطردي الوهم وعيشي صح – لك التحيه والدعاء بالستر والفلاح